Morgunblaðið - 29.01.2018, Qupperneq 10

10 FRÉTTIR
MORGUNBLAÐIÐ MÁNUDAGUR 29. JANÚAR 2018
Frá 1940
www.velasalan.is
Sími 520 0000, Dugguvogi 4 , 104 Reykjavík
Pedrollo
VXC
Öflugar og
traustar
brunndælur
Pedrollo
NGA1 PRO
Ryðfríar
hringrásar-
dælur
Pedrollo
Dælur F
Vatnsdælur,
miðflóttaafls
frá 1,5-1,8 kW
Neysluvatns
dælusett með kút
Pedrollo
CK
Olíu-
dælur
Pedrollo
TOP 2
Nettar og
meðfærilegar
brunndælur
„Byggingin er heilleg og þarf eðli-
legt viðhald en ekki beint endur-
byggingu. Því finnst mér í raun
blasa við að húsið verði varðveitt og
því fengið hlutverk til dæmis í sam-
ræmi við það sem upphaflega var,“
segir Páll V. Bjarnason arkitekt.
Um helgina kannaði hann stöðu
mála í Sundhöll Keflavíkur sem er
við Framnesveg þar í bæ en Páll er
áfram um að byggingunni verði
þyrmt. Stemningin er fyrir því að
byggingin verði ekki rifin og hefur
Ragnheiður Elín Árnadóttir fyrr-
verandi ráðherra, sem býr í Reykja-
nesbæ, verið í forsvari áhugafólks
um málefnið.
Ætla að nýta tímann vel
Fyrir umhverfis- og skipulagsráði
Reykjanesbæjar liggur fyrir tillaga
um breytingu á aðalskipulagi sem
gerir ráð fyrir því að sundhöllin
gamla, sem er í eigu verktakafyrir-
tækisins Húsaness, verði rifin og á
lóðinni þar reist þrjú fjölbýlishús og
jafnmörg á nærliggjandi svæði.
Gera má ráð fyrir því að bæjaryfir-
völd afgreiði málið um miðjan febr-
úar og fólk sem lætur þetta mál sig
varða ætlar að nýta tímann þangað
til. Stofnfundur hollvinasamtaka
Sundhallar Keflavíkur verður hald-
inn næstkomandi fimmtudag, 1.
febrúar – og væntir Ragnheiður El-
ín þess að það sé aðeins upphafið að
öðru og meiru. Verði tillögu um
deiliskipulagsbreytingu til dæmis
frestað megi freista þess að ná
samningum um kaup á byggingunni.
Sundhöll Keflavíkur var fyrst úti-
laug og komst sem slík í gagnið árið
1939. Um áratug síðar var byggt yfir
hana eftir teikningum frá Guðjóni
Samúelssyni, húsameistara ríksins,
áhrifamesta manni íslenskrar húsa-
gerðarlistar. Í því liggur sérstaða og
saga byggingarinnar sem var sund-
staður fram yfir aldamót. Þá seldi
Reykjanesbær bygginguna, þar sem
í dag er æfingaafstaða hnefaleika-
manna. „Möguleikarnir eru miklir.
Sundhöllin gæti orðið baðstaður,
kaffihús eða safn, svo ég tiltaki eitt-
hvað, og ýmsir hafa áhuga málinu.
En fyrst og síðast er þetta merkileg
bygging, hér lærðu þúsundir Suður-
nesjamanna sund,“ segir Ragnheið-
ur.
Vekja jákvæðan áhuga
„Í Reykjanesbæ eru margar
gamlar byggingar sem hafa verið
varðveittar og endurgerðar, svo sem
Duus-húsin og nú síðast Fischers-
hús og Gamlabúð. Í svona verk-
efnum skiptir miklu að koma ytra
byrði bygginganna og áberandi hlið-
um þeirra í gott horf sem fyrst, því
slíkt vekur yfirleitt jákvæðan áhuga
og þeim fjölgar sem vilja leggja mál-
inu lið. Slíkt þarf að gera í Sundhöll
Keflavíkur og svo ætti boltinn að
rúlla,“ segir Páll. sbs@mbl.is
Morgunblaðið/Sigurður Bogi
Keflavík Sundhöllin gamla stendur við Framnesveg og þykir um margt mjög söguleg og merkileg bygging.
Höllin er heillegt hús
 Stofnfundur hollvinasamtaka verður í vikunni  Viðhalds
er þörf  Kaffihús eða safn  Áberandi hlið sé í góðu horfi
Húsafólk Páll V. Bjarnason og
Ragnheiður Elín Árnadóttir
Sænsku bridsspilararnir Simon
Hult og Simon Ekenberg gerðu
góða ferð til Íslands um helgina en
þeir unnu bæði tvímenning og
sveitakeppni Bridshátíðar, sem nú
fór fram í fyrsta skipti í Hörpu í
Reykjavík.
Hult varð 23 ára gamall í gær og
Ekenberg er 26 ára. Þeir unnu
öruggan sigur í tvímenningskeppn-
inni, sem lauk á föstudagskvöld og
í gær unnu þeir sveitakeppnina
ásamt löndum sínum Peter Fredin
og Johan Sylvan, sem báðir eru
margreyndir landsliðsmenn í brids.
Í tvímenningskeppninni urðu
Júlíus Sigurjónsson og Bretinn
David Gold í öðru sæti og Danirnir
Dennis Bilde og Lars Blakset voru
í þriðja sæti.
Í fjórða sæti voru Norðmaðurinn
Thor Erik Hoftaniska og Svíinn
Peter Bertheau og feðgarnir Karl
Sigurhjartarson og Snorri Karls-
son enduðu í 5. sæti. Í sjötta sæti
voru Þórarinn Ólafsson og Ómar
Freyr Ómarsson, sem voru lengi
með forystuna og Hlynur Garð-
arsson og Jón Ingþórsson voru í
sjöunda sæti. Í sveitakeppninni
stóðu Svíarnir uppi sem sigurveg-
arar eins og áður sagði og tvær
danskar sveitir enduðu í 2. og 3.
sæti. Sveit Vestra var efsta ís-
lenska sveitin í 4. sæti en í henni
spiluðu Hermann Friðriksson,
Hlynur Angantýsson, Guðmundur
Halldórsson og Karl G. Karlsson.
gummi@mbl.is
Sænskt par
vann tvöfalt
 Bridshátíð í fyrsta skipti í Hörpu
Ljósmynd/Aðalsteinn Jörgensen
Spilað í Hörpu Á fjórða hundrað spilarar tóku þátt í Bridshátíð.
Sigurvegarar Simon Hult og Simon
Ekenberg spila við Karl Sigurhjart-
arson og Snorra Karlsson.
Björn H. Eiríksson
bókaútgefandi lést á
líknardeild Landspít-
alans 23. janúar sl. á sjö-
tugasta aldursári. Björn
var fæddur 2. apríl 1948
í Arnarfelli í Saurbæj-
arhreppi í Eyjafirði.
Hann hóf nám í prent-
iðn við Iðnskólann á Ak-
ureyri árið 1965 og
stundaði ýmis störf
samhliða námi. Lauk
sveinsprófi í prentiðn
frá Iðnskólanum á Ak-
ureyri árið 1970 og
meistaraprófi frá Iðn-
skólanum í Reykjavík 1974. Að loknu
sveinsprófi starfaði Björn sem prent-
ari hjá Prentsmiðju Odds Björns-
sonar – POB, á Akureyri. Hann starf-
aði í prentsmiðjunni Viðey í
Reykjavík frá árinu 1971 þar til hann
keypti í félagi við aðra prentsmiðju
Björns Jónssonar og bókaútgáfuna
Skjaldborg á Akureyri árið 1975, sem
þá voru rekin saman. Um tíma rak
hann einnig bókaverzlunina Eddu í
Hafnarstræti á Akureyri. Björn flutt-
ist búferlum ásamt fjölskyldu sinni til
Reykjavíkur árið 1986 og starfsemi
Skjaldborgar fluttist með honum en
þá hafði hann keypt hlut viðskipta-
félaga síns í félaginu.
Björn var umsvifamikill útgefandi
á starfsferli sínum sem hann sinnti
allt til dauðadags.
Hann gaf út ýmis minn-
isstæð ritverk, má þar
nefna Aldnir hafa orðið,
Betri helmingurinn,
Miðilshendur Einars á
Einarsstöðum og verk
David Attenborough,
tímaritið Heima er best
og fjölda annarra
verka.
Björn sat í stjórn Fé-
lags íslenskra bókaút-
gefenda í yfir tuttugu
ár og lét mikið að sér
kveða í ýmsum baráttu-
málum félagsins. Ný-
verið var Björn gerður að heiðurs-
félaga félagsins og honum um leið
þökkuð ómetanleg störf í þágu þess.
Björn gerðist félagi í Oddfellow regl-
unni árið 1983, í stúku nr. 15, Freyju,
á Akureyri. Hann var stofnfélagi
stúku nr. 20, Baldurs í Reykjavík og
gegndi trúnaðarstörfum fyrir hana.
Björn var kvæntur Steinunni
Klöru Guðjónsdóttur en þau skildu.
Þau eignuðust tvær dætur, Birnu
Klöru og Heiðdísi. Sonur Steinunnar
og fóstursonur Björns er Heiðar Ingi
Svansson.
Sambýliskona Björns er Nína
Stefnisdóttir og á hún fjögur börn,
Stefni Þór Kristinsson og Styrmi,
Selmu Kristínu og Regínu Böðv-
arsbörn.
Andlát
Björn H. Eiríksson