Morgunblaðið - 29.01.2018, Blaðsíða 13

þáttum. Undanfarin ár hefur hún
starfað við afgreiðslu í bygginga-
vöruverslun og við rafsuðu, hún er gift
á nýjan leik og á ungan son.
Lygari í augum allra
Engum blöðum er um það að
fletta að Tonya Harding var afburða-
íþróttamaður, hún var t.d. fyrsti list-
dansarinn á skautum sem stökk svo-
kallaðan þrefaldan axel, sem er eitt
erfiðasta stökkið á listskautum. Leið
hennar á toppinn í þessari krefjandi
íþrótt var grýttari en flestra annarra
og fall hennar af toppnum nánast for-
dæmalaust. Uppvöxtur hennar ein-
kenndist af ofbeldi og vanrækslu og
hún var eingöngu 19 ára þegar hún
giftist Gillooly. Sjálf hefur hún sagt að
þar hafi hún séð leið til að komast út úr
ömurlegum fjölskylduaðstæðum. Hún
var aldrei fyllilega viðurkennd í heimi
skautalistdansins, flestir sáu hana sem
hvítt rusl í stað öflugs íþróttamanns og
fjölmiðlar ýttu undir þá ímynd.
Kannski var hennar mesti glæpur að
vera öðruvísi.
Fáir trúðu að Harding hefði ekki
haft neina fyrirfram vitneskju um árás-
ina á Kerrigan, en hún hélt því stað-
fastlega fram allt þar til í áðurnefndu
viðtali við ABC þar sem hún sagðist
hafa vitað „að eitthvað stæði til“, en að
hún hefði ekki verið með í ráðum. Hún
hylmdi vissulega yfir með Gillooly eftir
verknaðinn en í því sambandi þarf að
hafa í huga að hann hafði þá beitt hana
ofbeldi í mörg ár og hafði m.a. oftar en
einu sinni hótað að brjóta fætur hennar
og eyðileggja þannig skautaferil henn-
ar.
Á sínum tíma höfðu fáir áhuga á
að heyra hennar hlið á málum, eða eins
og hún sjálf segir í viðtali í bandaríska
dagblaðinu The New York Times;
„Enginn hlustaði á mig. Ég var lygari í
augum allra.“
Meistarar Frá vinstri: Tonya Harding, Kristi Yamaguchi og Nancy Kerrig-
an. Þær voru fremstu skautakonur Bandaríkjanna í byrjun 10. áratugarins.
DAGLEGT LÍF 13
MORGUNBLAÐIÐ MÁNUDAGUR 29. JANÚAR 2018
Hvað er hægt að gera til að bæta
innivist, heilsu og vellíðan á heim-
ilum? Hvernig veit ég hvort heimili
mitt er laust við rakaskemmdir og
myglu? Hvað get ég gert til að
vernda heimilið mitt fyrir raka-
skemmdum og myglu? Hvað er vist-
vænt og hvað er heilnæmt? Hvaða
efni er í lagi að nota á heimilinu?
Hvernig get ég bætt innivist og
svefnaðstöðu? Sef ég nógu vel?
Á fræðslu- og umræðufundi sem
Heilsuborg og verkfræðistofan EFLA
bjóða til kl. 18 - 20 í dag, mánudag-
inn 29. janúar, í húsakynnum
Heilsuborgar, Bíldshöfða 9, verður
leitast við að svara framangreindum
spurningum. Til að ræða málin eru
Sylgja Dögg Sigurjónsdóttir, líf-
fræðingur, og Heiða Mjöll Stef-
ánsdóttir, hjúkrunarfræðingur, sem
báðar hafa veitt fjölmörgum fyr-
irtækjum og einstaklingum heild-
stæða ráðgjöf vegna rakaskemmda
og myglu í húsnæði, Erla Gerður
Sveinsdóttir heimilislæknir, lýð-
heilsufræðingur og yfirlæknir
Heilsuborgar, sem beinir sjónum að
mikilvægi svefns, og Sveinlaug Sig-
urðardóttir, leikskólakennari, en
hún segir frá því þegar raka-
skemmdir og mygla komu upp á
heimilinu og hvernig fjölskyldan
fann leiðir til að aðlagast breyttum
kringumstæðum.
Allir velkomnir og frítt inn.
Heilsuborg og EFLA með opinn fræðslu- og umræðufund
Ljósmynd/Getty Images
Heilsa Hvað merkir hugtakið innivist og hvernig tengist það heilsu?
Innivist, heilsa og vellíðan
Skannaðu kóðann
til að fara inn á
vefsíðuna.
Á köldum og myrkum vetrarkvöldum
er fátt notalegra en að hreiðra um sig
í stofunni heima og fitja upp á prjón-
ana. Áður gæti þó borgað sig að
leggja lykkju á leið sína og koma við í
Storknum, garnverslun, Síðumúla 20,
og fá hagnýt ráð um allt sem lýtur að
prjónaskap. Þar á bæ eru líka haldin
fjölbreytt námskeið í prjóni, hekli og
nú einnig útsaumi. Námskeiðin eru
skipulögð þannig að allir nemendur
eiga að geta byggt ofan á fyrri þekk-
ingu.
Kennarar Storksins eru með mikla
reynslu og þekkingu hver á sínu sviði.
Á sumum námskeiðum er gert ráð
fyrir að nemendur geri prufur til að
læra ákveðna tækni. Lögð er áhersla
á að þeir geti stuðst við námskeiðs-
gögnin eftir að námskeiðum lýkur.
Helstu námskeið hafa verið prjón-
tækni fyrir byrjendur og lengra
komna í prjóni, sérhæfð námskeið í
að prjóna sjöl, vettlinga og sokka og
fleira. Nú stendur t.d. yfir peysu-
hönnunarnámskeið með Helgu Thor-
oddsen, textilkennara. Á veturna eru
Prjónakaffi Storksins haldin síðasta
laugardag í mánuði og annan
fimmtudag. Á heimasíðunni
www.storkurinn.is eru upplýsingar
um viðburði, námskeið o.fl.
Vefsíðan www.storkurinn.is
Morgunblaðið/Styrmir Kári
Allir regnbogans litir Storkurinn býður upp á alls konar prjónanámskeið.
Lykkja á leiðinni áður en fitjað er upp á prjónana
I, Tonya, mynd ástralska leikstjór-
ans Craig Gillespie, saga Tonyu
Harding er að stórum hluta
byggð á viðtölum við Harding og
Jeff Gillooly, fyrrverandi eigin-
mann hennar sem skipulagði
árásina á Nancy Kerrigan. Hún
fékk Golden Globe verðlaun fyrr í
mánuðinum og er tilnefnd til
tvennra Óskarsverðlauna auk
fjölda annarra verðlauna. Hún
hefur vakið athygli fyrir margra
hluta sakir, ekki síst vegna þess
að í henni eru firnasterkar kven-
persónur. Þá þykir hún varpa sér-
lega góðu ljósi á stéttaskiptingu í
Bandaríkjunum, en í myndinni
kemur skýrt fram að listhlaup á
skautum er talið íþrótt hinna efn-
uðu og þeir sem tilheyra öðrum
hópum eru síður velkomnir.
Ekki er síður áhugavert að
horfa á myndina frá femínísku
sjónarhorni, því sífellt er verið að
reyna að bæla persónu Tonyu
niður og steypa þessa afburða
íþróttakonu í eitthvert kvenlegt
mót í stað þess að leyfa henni að
blómstra á eigin forsendum.
Margot Robbins fer með hlut-
verk Harding og er tilnefnd til
Óskarsverðlauna fyrir leik sinn.
Þegar hún fékk handritið fyrst í
hendurnar datt henni ekki annað
í hug en að um skáldskap væri
að ræða. „Mér fannst handrits-
höfundurinn galinn að geta látið
sér detta þetta í hug,“ sagði
Robbins í viðtali.
I, Tonya fór í almennar sýn-
ingar í Bandaríkjunum í byrjun
mánaðarins. Hér á landi er hún
sýnd í Bíó Paradís.
Aðalleikkonan hélt að saga
Harding væri skáldskapur
GÓÐAR VIÐTÖKUR OG ER TILNEFND TIL FJÖLDA VERÐLAUNA
I, Tonya Þær Tonya Harding og leik-
konan Margot Robbins á frumsýn-
ingu myndarinnar fyrir skömmu.
AFP
Rauðagerði 25 · 108 Reykjavík · Sími 440 1800 · www.kaelitaekni.is
Okkar þekking nýtist þér
Varmadælur
Hagkvæmur kostur til
upphitunar
Verð frá aðeins
kr. 155.000 m.vsk
Midea MOB12
Max 4,92 kW
2,19 kW við -7° úti og
20° inni hita (COP 2,44)
f. íbúð ca 60m2..
• Kyndir húsið á veturna
og kælir á sumrin
• Fyrir norðlægar slóðir
• Fjarstýring fylgir
• Hægt að fá WiFi sendi
svo hægt sé að stjórna
dælunni úr GSM síma