Morgunblaðið - 29.01.2018, Qupperneq 22

22 ÍSLENDINGAR
MORGUNBLAÐIÐ MÁNUDAGUR 29. JANÚAR 2018
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Frábært
verð á glerjum
Einfókus gler
Verð frá kr. 16.900,-
Margskipt gler
Verð frá kr. 41.900,-
Gleraugnaverslunin
Eyesland býður mikið
úrval af gæðagleraugum
á góðu verði
– og þú færð
frábæra þjónustu.
Verið velkomin!
iGreen umgjörð
kr. 11.900,-
Rósa Björk Barkardóttir, sameinda-líffræðingur, yfirmaður sam-eindameinafræðieiningar á rann-
sóknarstofu Landspítala í meinafræði og
klínískur prófessor, á 60 ára afmæli í dag.
„Það má segja að starfsemi sameinda-
fræðieiningar sé tvíþætt, annars vegar
þjónusturannsóknir, við greinum æxli og
stökkbreytingar í æxlum og þær niður-
stöður nýta krabbameinslæknar sér til
ávörðunar um meðferð á sjúklingum. Síð-
an hefur í gegnum tíðina verið umsvifa-
mikil vísindastarfsemi á þessari einingu.
Þar höfum við lagt þunga áherslu á rann-
sóknir á ættlægu krabbameini og sér-
staklega brjóstakrabbameini. Þátttaka
okkar í einangrun svokallaðra BRCA-gena er eitt af því sem stendur
upp úr en þau gen skipta miklu máli í myndun og framþróun brjósta-
krabbameins og reyndar einnig margra annarra krabbameinsgerða. “
Rósa Björk er einnig formaður vísindaráðs Landspítala og tók við
þeirri stöðu árið 2016. „Meginhlutverk Vísindaráðs er í raun og veru
ráðgjöf fyrir framkvæmdastjórn spítalans og stjórn Vísindasjóðs Land-
spítalans, t.d. er eitt af hlutverkum ráðsins að endurskoða vísindastefnu
spítalans á fjögurra ára fresti og það gerir tillögur um hana fyrir fram-
kvæmdastjórnina. Vísindaráð sér auk þess um tilnefningar á heiðr-
unum starfsmanna spítalans fyrir vísindaafrek og hefur einnig umsjón
með mati á vísindaumsóknum. Vísindasjóður spítalans veitir styrki fyr-
ir 80-90 milljónir á ári og eitt af meginhlutverkum vísindaráðsins er að
leggja mat á innsendar umsóknir fyrir stjórn vísindasjóðs sem ákveður
síðan hvert styrkirnir fara.
Ég er svo mikil vinnualki og vinnan og vísindarannsóknir eru mínar
ær og kýr,“ segir Rósa um áhugamálin. „En þar fyrir utan þá þykir mér
voða gaman að lesa góðar bækur og vera úti í náttúrunni í gönguferð-
um. Ég hef verið að lesa nýjustu bók Tapio Koivukari, svo og Arnald og
Yrsu. Mér finnst voðalega gaman að glæpasögum og vísindaskáldsög-
um eins og Harry Potter, er rosalegt barn í mér bara.“
Eiginmaður Rósu Björk er Haraldur Leifsson, framkvæmdastjóri hjá
Würth á Íslandi. Börn þeirra eru Leifur Alexander sem býr í Prag
ásamt Marketu konu sinni og syninum Erik Alexander; Júlíana Alex-
andra heimsborgari, sem býr með írskum manni, George McLay, og
Anna Alexandra, sem eignaðist nýlega dótturina Fanneyju Alexöndru
með sínum manni, Baldri Björnssyni. „Alexander og Alexandra eru því
að verða ættarnöfn hjá okkur.“
Rósa var með fjölskylduboð í gær en í dag keyrir hún ásamt manni og
dóttur suðurströnd landsins og ætlar að enda í Vík í Mýrdal. „Þar ætl-
um við að gera eitthvað skemmtilegt, þar á meðal ganga úti í nátt-
úrunni, og upplifa okkur sem ferðamenn á Íslandi yfir vetrartímann.“
Sameindalíffræðingur
Rósa Barkardóttir.
Stýrir vísindaráði
Landspítalans
Rósa Björk Barkardóttir er sextug í dag
T
rausti Sveinsson fæddist
á Bjarnargili í Fljótum
29.1. 1943 og ólst þar
upp við öll almenn
sveitastörf: „Foreldrar
mínir voru fyrst með blandaðan bú-
skap en urðu síðan frumkvöðlar í
mjólkurframleiðslu og um það
snérust dagleg störf hjá okkur,
börnum og fullorðnum. Ég var í
barnaskóla að Ketilási, fyrir botni
Miklavatns en þar er félagheimilið
og þar er kaupfélagið með útibú.
Ég fór síðan í Héraðsskólann á
Laugarvatni og útskrifaðist þaðan
1961.“
Trausti tók við búi foreldra sinna
árið 1964 og sinnti hefðbundnum
búskap til árins 1997. Þá hófu þau
hjónin ferðaþjónusturekstur á
Bjarnargili á sumrin sem þau hafa
sinnt síðan með öðrum störfum.
Trausti hefur lengi haft áhuga á
og unnið að uppbyggingu á ferða-
þjónustu í Fljótum og verið ötull
talsmaður að breyttum áherslum í
samgöngumálum á utanverðum
Tröllaskaga og í Fljótunum: „Héð-
insfjarðargöng urðu auðvitað mikil
samgöngubót milli Siglufjarðar,
Ólafsfjarðar og Eyjafjarðar. En
það hefur litla þýðingu að tala um
að nú hafi opnast hringleið, eins og
Trausti Sveinsson, ferðaþjónustubóndi í Bjarnargili – 75 ára
Náttúrufegurð Ferðaþjónustubóndinn í Fljótunum tekur sig vel út þar sem íslenkska víðáttan er ráðandi.
Skíðakempa og kapps-
maður í Fljótunum
Hjónin Trausti og eiginkona hans Sigurbjörg Bjarnadóttir sem er kennari.
Reykjavík Klara Björt Andrésdóttir fæddist 23. september 2017 kl. 14.16. Hún
vó 3.875 g og var 52 cm löng. Foreldrar hennar eru Ása Bryndís Gunnarsdóttir
og Andrés Þorleifsson.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is