Morgunblaðið - 29.03.2018, Side 6

6 FRÉTTIRInnlent
MORGUNBLAÐIÐ FIMMTUDAGUR 29. MARS 2018
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 199.900 kr. á mann í tvíbýli.
Mjög mikið innifalið!
sp
ör
eh
f.
Fararstjóri: Ólafur Örn Haraldsson
Bærinn Seefeld er yndislegur alpabær sem hvílir í fögrum
fjallasal milli Wetterstein, Mieminger og Karwendelfjallanna
í Austurríki. Farnar verða skipulagðar hjólaferðir í frísku
fjallalofti með fararstjóra og innlendum staðarleiðsögumanni
sem í sameiningu munu velja hentugar leiðir hvern dag og
fræða okkur um staðhætti á leiðinni.
2.- 9. september
Hjólað umperlur Tíról
Aron Þórður Albertsson
aronthordur@mbl.is
„Ég á von á því að fá vegabréfið á
allra næstu dögum,“ segir Sunna
Elvira Þorkelsdóttir, sem lamaðist
eftir fall á Malaga á Spáni fyrir um
tveimur mánuðum. Í kjölfarið var
hún sett í farbann sökum
rannsóknarhagsmuna en farbann-
inu hefur nú verið aflétt. Það var
gert eftir að áfrýjun Sunnu var tek-
in fyrir á hærra dómstigi innan
Spánar. Þetta staðfestir Páll Krist-
jánsson, lögmaður Sunnu, en ráð-
gert er að hún komi til landsins 10.
apríl nk.
Sunna segir að þrátt fyrir góða
umönnun á spítalanum í Sevilla hafi
biðin eftir heimför tekið á. „Stundin
er loksins runnin upp og farbannið
hefur verið fellt niður eftir langa og
erfiða bið. Núna er ég bara að bíða
eftir að fá vegabréfið afhent og mun
svo í framhaldinu bóka flug til Ís-
lands 10. apríl,“ segir Sunna.
Endurhæfingin gengur vel
Hún segir að aflétting farbanns-
ins sé staðfesting á því sem hún
hefur haldið fram frá því að málið
hófst. „Ég hef alltaf sagt að ég
tengist máli Sigurðar ekki neitt og
það er gott að fá staðfestingu á
því,“ segir Sunna, en Sigurður
Kristinsson, eiginmaður hennar, er
grunaður um aðild að fíkniefnainn-
flutningi.
Líkt og Morgunblaðið greindi frá
5. mars sl. er Sunna varanlega
sköðuð og lömuð fyrir lífstíð. Spurð
um endurhæfinguna á spítalanum í
Sevilla segir Sunna hana hafa geng-
ið mjög vel. „Ég var búin að fá þær
fregnir að ég myndi ekki ganga aft-
ur. Mér hefur hins vegar farið mik-
ið fram. Ég get t.d. klætt mig og sé
fram á að geta séð um mig sjálf.
Umönnunin sem ég hef fengið hér
hefur verið mjög góð en það verður
samt mikill léttir að komast aftur
heim til Íslands,“ segir Sunna sem
bíður enn eftir plássi á endurhæf-
ingardeildinni á Grensási. „Ég er
ekki enn komin með pláss en það er
sökum myglu á spítalanum. Mér
hefur þó verið tjáð að ég muni fá
pláss, það sé bara spurning hve-
nær,“ segir Sunna.
Trúði alltaf á sakleysi Sunnu
Jón Kristinn Snæhólm, talsmaður
Sunnu Elviru, segist himinlifandi
yfir fréttum um afléttingu far-
bannsins. Hann hafi trúað á sak-
leysi Sunnu í málinu frá upphafi.
„Þetta eru auðvitað frábærar fréttir
og það er vonandi að þessu máli fari
nú að ljúka. Ég er ánægður með
þessa niðurstöðu enda vissi ég frá
upphafi að hún væri saklaus af
þessum ásökunum,“ segir Jón
Kristinn.
Farbanninu aflétt
 Á von á að fá vegabréfið sitt á næstunni og mun í kjölfar-
ið bóka flug til landsins  Segir niðurstöðuna staðfesta að
hún tengist ekki málinu  Bíður eftir endurhæfingarplássi
Sunna Elvira Vonir standa til að
Sunna komi til landsins 10. apríl nk.
„Við ætlum að ná okkur upp í 15 prósentin.
Það væri frábær árangur,“ segir Þórdís
Lóa Þórhallsdóttir, nýkynntur oddviti Við-
reisnar í Reykjavík.
Síðast þegar fylgi flokkanna í borginni
var kannað átti eftir að kynna lista Við-
reisnar en mannlaust framboðið naut um 6
prósenta stuðnings. Flokkurinn bætir við
sig einu prósentustigi frá þeirri könnun,
fengi 7,3 prósent atkvæða og tvo borg-
arfulltrúa.
„Við lítum á þetta sem mjög góðar frétt-
ir,“ segir Þórdís og bætir við að flokkurinn sé ekki enn byrj-
aður í kosningabaráttu og eigi eftir að kynna stefnumálin,
sem hún segir mjög breið.
„Þetta er fyrsti listi Viðreisnar í Reykjavíkurborg þannig
að við erum auðvitað bara rétt að byrja, en við viljum vera
bjartsýn en raunsæ. Þetta er gott veganesti.“ alexander@mbl.is
Þórdís Lóa
Þórhallsdóttir
Markmiðið að ná okkur í 15 prósent
„Ég vonaðist eftir að við bættum meiru við
okkur frá síðustu könnun. Ég hef fulla trú á
því að við í Miðflokknum eigum mikið inni.
Ég hef líka verið að minna fólk á að margt
eigi eftir að breytast fram að kosningum,
mikið flakk er á fylginu,“ segir Vigdís
Hauksdóttir, sem skipar fyrsta sætið á lista
Miðflokksins. Hún minnir á að skoð-
anakönnun er ekki úrslit kosninga. „Kjör-
dagur og það sem kemur þá upp úr kjör-
kössunum skiptir mestu máli og það hefur
reynst mér vel á mínum pólitíska ferli.“
Vigdís vonast til að það lifni yfir kosningabaráttunni eftir
páska. Þá birti flokkarnir stefnumál sín og fólk geti farið að
bera þau saman. „Skuldastaða borgarinnar og lagfæringar á
rekstrinum eru aðalmál okkar,“ segir Vigdís. helgi@mbl.is
Skuldastaða borgarinnar og
lagfæringar á henni eru aðalmálin
Vigdís
Hauksdóttir
„Jú, þetta eru vonbrigði. Við hefðum viljað
meira. En við höldum áfram að vera dugleg
að kynna stefnumál okkar, bjartsýn á að vel
gangi. Það er það eina sem dugir. Við
leggjum mesta áherslu á menntamálin, við
viljum bæta menntun barnanna okkar,“
segir Ingvar Mar Jónsson, efsti maður á
lista Framsóknarflokksins sem myndi
missa sína tvo fulltrúa í borgarstjórn, sam-
kvæmt könnuninni.
Ingvar segir að tölurnar í könnuninni séu
svipaðar og í mælingum annarra kannana.
Það valdi vonbrigðum að Framsóknarflokkurinn hafi ekki
náð að bæta við sig. „Við erum bjartsýn á að hækka flugið og
stefnum að mjúkri lendingu á kjördag,“ segir Ingvar.
helgi@mbl.is
Bjartsýn á að hækka flugið og
ná mjúkri lendingu á kjördag
Ingvar Mar
Jónsson
„Meirihlutinn heldur. Það eru stóru frétt-
irnar og það er ánægjulegt,“ segir Líf
Magneudóttir, oddviti Vinstri grænna í
borginni. Fylgi flokksins mælist 12,8 pró-
sent og fengi hann þrjá menn í borg-
arstjórn. Fylgið er töluvert yfir kjörfylgi
flokksins, 8,3 prósentum, en hefur þó dalað
í könnunum að undanförnu.
„Ég held það sé greinilegt að fylgið hefur
eitthvað farið yfir til Samfylkingarinnar,“
segir Líf.
Aðspurð segir hún að það væri ánægju-
legt ef flokknum tækist að ná fjórða manninum inn. „Það
myndi styrkja stöðu okkar töluvert innan meirihlutans og
vinstri áherslur yrðu sýnilegri. Við erum að auka fylgi okkar
nú, en betra væri að hafa það meira. Vilja það ekki allir?“ alex-
ander@mbl.is
Greinilegt að fylgið hefur eitthvað
fært sig til Samfylkingarinnar
Líf
Magneudóttir
„Við höfum verið að mælast með 2-3 full-
trúa. Ég get ekki sagt að þetta komi okkur
á óvart, sérstaklega vegna þess að könn-
unin var gerð að mestu leyti áður en okkar
listi kom fram. Það er allt of langt í kosn-
ingar og ekki hægt að spá nokkru um það
hvar fólk muni standa fyrr en kosningabar-
áttan er farin að hafa áhrif á fólk,“ segir
Dóra Björt Guðjónsdóttir sem skipar efsta
sætið á lista Pírata. Framboðið fengi 2 full-
trúa, samkvæmt könnuninni.
Hún segir að meirihlutasamstarfið hafi
gengið vel í borginni en segir jafnframt að lengi megi gott
bæta. Hún segist ekki hafa umboð frá grasrót Pírata til að
segja með hverjum hún myndi vilja starfa. Málið verði skoðað
í ljósi þeirra málefna sem Píratar standa fyrir. helgi@mbl.is
Langt í kosningar og of snemmt
að spá nokkru um úrslit
Dóra Björt
Guðjónsdóttir
Búist er við að kosningabaráttan fyrir komandi borgarstjórn-
arkosningar lifni við eftir páska. Þá verða um sjö vikur til
kosninga. Þegar talið verður upp úr kjörkössunum kemur í
ljós hver fær stærsta bitann og hverjir fá umboð til að stjórna
borginni á næsta kjörtímabili. Börnunum sem fóru niður að
Reykjavíkurtjörn til að gefa öndunum brauð fannst rétt að
þau fengju sinn skerf af veitingunum. Hvað sem gerist á Al-
þingi er þó nokkuð ljóst að þau fá ekki kosningarétt nú.
Kosningabaráttan að hefjast
Morgunblaðið/Eggert
Hver fær stærsta bitann?