Morgunblaðið - 08.03.2018, Side 4

4 MORGUNBLAÐIÐ FIMMTUDAGUR 8. MARS 2018FRÉTTIR
Seint á síðasta ári tók Niclas Walter
við af Kristínu Pétursdóttur sem
forstjóri InfoMentor, en áður hafði
hann stýrt dótturfélögum fyrirtæk-
isins í Svíþjóð, Þýskalandi og Sviss.
Vegna starfsins er Walter á miklum
þeytingi og möguleikarnir miklir
við að tæknivæða menntun ungs
fólks um allan heim.
Hverjar eru helstu áskoranirnar í
rekstrinum þessi misserin?
Upplýsingatækni er ekki enn
eins mikilvægur hluti í skólastarfi
og í öðrum atvinnugreinum þar sem
allir nota tölvur. Því eru margir
sem enn átta sig ekki á þeim gríð-
arlegu möguleikum sem þar eru til
að bæta menntun. Nemendurnir
eru nú þegar með góða þekkingu
sem hægt er að nýta betur og
byggja ofan á. Breytingar á hug-
myndafræðinni koma með nýjum
kynslóðum, Norðurlöndin eru tölu-
vert á undan öðrum Evrópuþjóðum
í þessari þróun.
Hvaða bók hefur haft mest áhrif
á hvernig þú starfar?
Who moved my cheese? eftir dr.
Spencer Johnson er frábær bók
sem ég les reglulega og er auðlesin.
Frá sjónarhóli vinnunnar var síð-
asta bókin sem ég las sem hafði
mikil áhrif The 4 Disciplines of Ex-
ecution eftir Sean Covey. Í grund-
vallaratriðum eru báðar bækurnar
um það að þú stjórnar þínum eigin
örlögum svo þú þarft að skilja und-
irstöðuatriðin.
Hver myndi leika þig í
kvikmynd um líf þitt og afrek?
Benedict Cumberbatch, ég þyki
líkjast honum.
Hvernig heldurðu þekkingu
þinni við?
Með því að eiga samskipti við
Hvað myndirðu læra ef þú fengir
að bæta við þig nýrri gráðu?
Ég myndi frekar vilja öðlast frek-
ari færni í starfi, sem ekki er endi-
lega hægt að læra á skólabekk. Við
erum í stanslausri þróun allt lífið og
mikilvægt að hafa vilja til að vera
betri í því sem maður er að gera.
Hvaða kosti og galla sérðu við
rekstrarumhverfið?
Of margar hugmyndir. Eins já-
kvæðar og skapandi og þær eru þá
er oft erfitt að gera þær að veru-
leika.
Hvað gerirðu til að fá orku og
innblástur í starfi?
Ég er mjög orkumikill og er því
oftar að leita leiða til að slaka á og
ég geri það með því að lesa sögu- og
fræðibækur.
Hvaða lögum myndirðu breyta ef
þú værir einráður í einn dag?
Ég myndi setja lög sem banna
hungursneyð.
SVIPMYND Niclas Walter, forstjóri InfoMentor
Breytt hugmyndafræði
kemur með nýjum kynslóðum
Morgunblaðið/Kristinn Magnússon
„Nemendurnir eru nú þegar með góða þekkingu sem hægt er að nýta betur og byggja ofan á,“ segir Niclas.
GRÆJAN
Af myndunum að dæma skapa
Arara-reiðhjólaljósin sjónræn
áhrif sem minna á farartæki úr
Tron-myndunum. Um er að ræða
lítil ljós sem
fest eru á
teinana,
fjögur á
hvort hjól,
og framkalla
geislabauga
þegar hjólað
er. Segir
framleiðand-
inn að Arara tryggi hjólreiðafólki
mun betri sýnileika en hefðbundin
reiðhjólaljós.
En það sem meira er: Aldrei
þarf að skipta um rafhlöðu í
Arara. Eigandinn festir segulstál
á tiltekinn stað á stellinu og þegar
Arara þýtur áfram býr segulkraft-
urinn til nægilega hleðslu til að
láta peruna skína skært. Slokknar
á perunni fljótlega eftir að hjólið
hættir að hreyfast og hún byrjar
aftur að loga þegar haldið er af
stað á ný.
Ljósið á að þola óhreinindi,
bleytu og kulda, en Arara var þró-
að við erfiðustu aðstæður í Síb-
eríu.
Velja má um sex liti og geta
áhugasamir tryggt sér sett af fjór-
um ljósum með því að láta 76 dali
af hendi rakna til fjáröflunar
Arara á Indiegogo. ai@mbl.is
Svo hjólið
sjáist vel
í myrkri
ÖKUTÆKIÐ
Breski lúxusbílaframleiðandinn
Bentley tilkynnti í vikunni að von
væri á tengiltvinnútgáfu af Ben-
tayga-jeppanum síðar á árinu.
Tvinn-Bentayga mun nota leið-
sögukerfið til að finna út bestu
nýtinguna á rafhlöðunni, með það
fyrir augum að koma á áfangastað
með enga hleðslu.
Þá hefur Bentley smíðað nýja
hleðslustöð fyrir heimilið, í sam-
vinnu við franska stjörnuhönnuðinn
Philippe Starck. Hleðslustöðin er
kringlótt, og svo fagurlega hönnuð
að fólk mun eflaust vilja velja
henni áberandi stað í heimreiðinni
frekar en fela hana inni í bílskúr.
Merkilegast af öllu er þó að kol-
efnislosun þessa rafvædda Ben-
tayga, sem verður líka með glæ-
nýja sex strokka vél undir
húddinu, á ekki að vera nema 75 g/
km í blönduðum akstri. Gæti það
þýtt að kominn til Íslands yrði
hann 10-15 milljónum króna ódýr-
ari en mest mengandi útgáfa Ben-
tayga sem er með tólf strokka vél.
ai@mbl.is
Tvinn-Bentayga með
Starck-hleðslustöð
Bæði jeppinn og
hleðslustöðin líta
ákaflega vel út.
Baðaðu þig í gæðunum
Vandaðar vörur, gott verð og fjölbreytt úrval
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050 • www.tengi.is • tengi@tengi.is
Opið virka daga frá kl. 8-18 og laugardaga kl. 10-15
NÁM: MSc í nytjaeðlisfræði og rafmagnsverkfræði frá Tækni-
háskólanum í Linköping, MBA frá IMD í Lausanne.
STÖRF: Svæðisstjóri hjá Unisource/Swisscom; stofnandi og
framkvæmdastjóri Nexra; stjórnandi fyrirtækjaviðskipta hjá
Connectis; yfirmaður vöruþróunar hjá Swisscom; stjórnandi
vöruþróunar hjá Connectis; framkvæmdastjóri viðskiptaþjón-
ustu og eignastjórnunar hjá Sunrise; forstjóri InfoMentor frá
2017.
ÁHUGAMÁL: Lestur sögu- og fræðibóka, tennis.
FJÖLSKYLDUHAGIR: Kvæntur og á tvo syni.
HIN HLIÐIN
fólk, vinna með frábæru starfsfólki.
Ef ég skil ekki eitthvað er það undir
mér komið að finna út úr því og afla
mér þekkingar.