Morgunblaðið - 11.04.2018, Page 17
Efnavopnastofnunin
» Efnavopnastofnunin OPCW
var stofnuð í apríl 1997 og hef-
ur það hlutverk að fylgjast með
eyðingu allra efnavopna.
» 192 ríki eru aðilar að stofn-
uninni. Sýrlendingar skuld-
bundu sig 2013 til að eyða öll-
um efnavopnum sínum.
Rússar beittu neitunarvaldi sínu í ör-
yggisráði Sameinuðu þjóðanna í
gærkvöldi gegn tillögu Bandaríkj-
anna um rannsókn á meintri
efnavopnaárás Sýrlandshers á bæinn
Douma um síðustu helgi. Þetta er í
tólfta skipti sem Rússar beita neit-
unarvaldi í öryggisráðinu til að
hindra aðgerðir gegn einræðisstjórn-
inni í Sýrlandi.
Öryggisráðið hafnaði síðan álykt-
unartillögu Rússa í málinu. Sjö ríki
greiddu atkvæði gegn tillögunni en
sex lönd studdu hana, þeirra á meðal
Kína. Tvö aðildarríkja ráðsins sátu
hjá.
Hart var tekist á um efnavopna-
árásina í öryggisráðinu. Nikki Haley,
sendiherra Bandaríkjanna, hvatti
þar ríki ráðsins til þess að grípa til
refsiaðgerða gegn Sýrlandi vegna
árásarinnar. „Sagan mun skrá þessa
stund annaðhvort sem tímapunktinn
þar sem öryggisráðið sinnti skyldu
sinni eða sýndi fram á algjört mátt-
leysi sitt til þess að verja sýrlenska
alþýðu.“ Varaði Haley við því að
Bandaríkin væru tilbúin til þess að
svara árásinni, hvað sem öryggisráð-
ið ákvæði.
Vassilí Nebenzia, sendiherra
Rússlands, sagði hins vegar að þjóð
sín hefði varað Bandaríkjamenn við
því að beiting valds gegn sýrlenska
stjórnarhernum, sem hefur notið
mikillar aðstoðar rússneska hersins,
gæti haft grafalvarlegar afleiðingar.
Ekki yrði liðið að Rússar yrðu settir í
lífshættu.
Bjóða upp á rannsókn
Ríkisfjölmiðlar í Sýrlandi til-
kynntu í gær að ríkisstjórn landsins
hefði boðið Efnavopnastofnuninni
OPCW að heimsækja Douma. Sýr-
lenska ríkisútvarpið SANA vitnaði í
heimildir innan utanríkisráðuneytis-
ins sem sögðu að Sýrland væri tilbúið
að veita stofnuninni alla aðstoð sína.
Ríkisstjórn Bashars al-Assads
Sýrlandsforseta og bakhjarlar henn-
ar hafa neitað því að efnavopnum hafi
verið beitt í Douma um helgina, en
bærinn er síðasta vígi uppreisnar-
manna í Austur-Ghouta-héraðinu.
Efnavopnastofnunin rekur nú þeg-
ar sérstaka sendinefnd í Sýrlandi,
sem ætlað er að safna gögnum um
meinta efnavopnanotkun í sýrlenska
borgarastríðinu.
Beittu neitunarvaldi
Rússar hindruðu rannsókn á efnavopnaárás í Sýrlandi
Sýrlendingar bjóða Efnavopnastofnuninni til Douma
Erlent
MORGUNBLAÐIÐ MIÐVIKUDAGUR 11. APRÍL 2018
Stefán Gunnar Sveinsson
sgs@mbl.is
Júlía Skrípal, dóttir rússneska njósn-
arans Sergeis Skrípals, fékk að fara í
gær af sjúkrahúsinu þar sem hún hef-
ur verið síðan taugaeitursárásin í Sal-
isbury var framin 4. mars síðastliðinn.
Cristine Blanshard, aðstoðar-
framkvæmdastjóri sjúkrahússins,
sagði að Júlía þyrfti enn á meðferð að
halda vegna árásarinnar en þetta
væru engu að síður góð tíðindi. Blans-
hard tók ennfremur fram að vonast
væri til þess að Sergei Skrípal gæti
bráðum farið af sjúkrahúsinu en
styttra er síðan hann komst til með-
vitundar.
Færð á öruggan stað
Breska ríkisútvarpið BBC
greindi frá því að Júlía hefði fengið að
yfirgefa sjúkra-
húsið síðastliðinn
mánudag og að
hún hefði þá verið
færð á öruggan
stað. Boris John-
son, utanríkisráð-
herra Breta, var
glaður að heyra
tíðindin og óskaði
Júlíu fulls bata
sem fyrst. Sendiráð Rússlands í
London tók undir þær óskir en kvart-
aði yfir því að Skrípal hefði verið flutt
á ókunnan stað. „Við þurfum sann-
anir þess að það sem gert hefur verið
við hana sé í samræmi við hennar eig-
in vilja,“ sagði í tilkynningu sendi-
ráðsins á samskiptamiðlinum Twit-
ter.
Þá vakti sendiráðið einnig máls á
því að í breskum miðlum hefur því
verið velt upp að Skrípal-feðginin
muni þurfa að flytja heimili sitt innan
Bretlands með leynd. Sagði sendiráð-
ið að litið yrði á slíkt sem mannrán
eða í það minnsta sem tilraun til þess
að einangra Skrípal-feðginin án vilja
þeirra.
Brugðust vel við meðferðinni
Lögreglan í Bretlandi hefur áður
sagt að Skrípal-feðginin hafi komist í
snertingu við taugaeitrið við útidyra-
hurðina á heimili Sergeis. Er þetta í
fyrsta sinn sem taugaeitri er beitt í
Evrópu frá lokum seinni heimsstyrj-
aldar.
Blanshard sagði að bæði Sergei
og Júlía hefðu brugðist ótrúlega vel
við meðferðinni, sem fælist í að reyna
að stöðva þann skaða sem taugaeitrið
ylli á ensímum líkamans og hjálpa
sjúklingunum að yfirvinna hann.
Júlía Skrípal laus
af sjúkrahúsinu
Faðir hennar enn undir læknishendi en á skjótum batavegi
Júlía Skrípal
Mótmælendur komu fyrir eitt hundrað pappamyndum í
fullri stærð af Mark Zuckerberg, stofnanda samfélags-
miðilsins Facebook, í nágrenni bandaríska þinghússins,
og vildu þannig vara við „fölsuðum aðgangi“ á síðunni.
Zuckerberg átti að mæta síðar um daginn fyrir
nefnd fulltrúadeildar þingsins til þess að útskýra
hvernig persónuupplýsingar margra milljóna notenda
Facebook voru misnotaðar.
AFP
Hundrað Zuckerbergar úr pappa
Mark Zuckerberg mætti aftur fyrir þingnefnd í gær
citroen.is
Verðlaunabíllinn Citroën C3 er hlaðinn þægindum, lofi og búnaði. Með 300
lítra skotti, nýjustu kynslóð sparneytinna véla, undurþýðri sjálfskiptingu sem
gerir hann silkimjúkan í akstri ert þú klár í þitt ævintýri. C3 er fáanlegur með
Apple Car Play og Mirror Link sem gerir þér kleift að spegla helstu forrit
snjallsímans eins og t.d. Google Maps á 7“ snertiskjáinn. Punkturinn yfir i-ið
er svo vegmyndavélin ConnectedCam sem þú getur notað til fanga dýrmæt
augnablik.
KOMDU OGMÁTAÐU CITROËN C3
C3 LIVE BEINSKIPTUR FRÁ
2.090.000KR.
C3 FEEL SJÁLFSKIPTUR FRÁ 2.520.000 KR.
Yfir 25 alþjóðleg verðlaun • Vegmyndavél •
Nálægðarskynjarar • Blindpunktsviðvörunarkerfi •
Brekkuaðstoð • Hliðarvörn •Breið og þægileg sæti •
Isofix festingar • Rúmgott skott • Sparneytinn
Nýir og notaðir bílar: Söludeildir eru opnar alla virka daga kl. 9-17 og laugardaga kl. 12-16
Brimborg Reykjavík: Bíldshöfða 8, sími 515 7040 I Brimborg Akureyri: Tryggvabraut 5, sími 515 7050
CITROËN
ÞÆGINDI
CITROËN C3
Hlaðinn lofi og búnaði