Morgunblaðið - 04.05.2018, Síða 2

2 MORGUNBLAÐIÐ FÖSTUDAGUR 4. MAÍ 2018
Útgefandi Árvakur Umsjón Ásgeir Ingvarsson Blaðamenn Ágúst Ásgeirsson agas@mbl.is, Ásgeir Ingvarsson ai@mbl.is
Stefán Einar Stefánsson ses@mbl.is Auglýsingar Valur Smári Heimissonvalursmari@mbl.is Prentun Landsprent ehf.
Forsíðumyndina tók Valli
Ásgeir Ingvarsson
ai@mbl.is
G
uðmundur Ingi Guðbrandsson, um-
hverfis- og auðlindaráðherra, seg-
ist mjög ánægður með þá þróun
sem orðið hefur í notkun rafbíla
hérlendis á undanförnum árum.
„Okkur hefur tekist að „loka hringnum“ ef svo
má að orði komast og búið að setja upp hrað-
hleðslustöðvar við hringveginn með reglulegu
millibili. Sala rafbíla eykst jafnt og þétt og
grunar mig að á komandi árum verði rafbíla-
væðingin hraðari en flestir hafa reiknað með.
Kostirnir við rafbíla eru augljósir og þeir gætu
orðið næsta stóra byltingin í samgöngu- og
loftslagsmálum hér á landi.“
Að mati Guðmundar Inga er til mikils að
vinna fyrir Íslendinga enda rafvæðing bílaflot-
ans til þess fallin að gera landið síður háð inn-
flutningi á olíu, minnka koltvísýringslosun og
auka loftgæði. „Samhliða því að geta hjálpað
okkur að ná betri viðskiptajöfnuði við útlönd
er auðvelt að ímynda sér að almenn notkun
rafbíla geti stutt við ferðaþjónustuna með því
að hafa jákvæð áhrif á ímynd landsins. Ferða-
menn gætu skoðað landið á umhverfisvænan
hátt með bíl sem notar innlendan og endurnýj-
anlegan orkugjafa.“
Nær rafbílabyltingin til allra?
Sumir hafa af því áhyggjur að uppbygging
innviða muni ekki halda í við vaxandi vinsældir
rafbíla og að flöskuhálsar í dreifikerfi raforku
geti jafnvel þýtt að fólk í sumum landshlutum
fái ekki að taka þátt í rafbílabyltingunni til
jafns við aðra. Guðmundur Ingi segir ekki að-
eins þurfa að tryggja að landsbyggðin geti
notið góðs af rafbílatækninni heldur verði líka
að huga t.d. að grónari hverfum á höfuðborg-
arsvæðinu. „Unnið er að breytingum á bygg-
ingareglugerð sem kveða á um að gert sé ráð
fyrir tengibúnaði fyrir hleðslu rafbíla í öllum
nýjum byggingum, en þá situr eftir að leysa þá
áskorun að bjóða fólki leiðir til að hlaða bílana
sína á stöðum þar sem tengimöguleikarnir eru
af skornum skammti. Á það bæði við um eldri
hverfi, en líka sum fjölbýlishús þar sem þörf er
á miklu orkumagni ef margir íbúar kaupa sér
rafmagnsbíl.“
Guðmundur Ingi kveðst vongóður um að
með góðri álagsstýringu megi rafvæða sam-
göngur í byggðum þar sem flutningsgeta raf-
kerfisins er í dag nánast fullnýtt. „Orkuþörfin
er breytileg eftir tímum dags og tæknin getur
hjálpað okkur að haga málum þannig að þar
sem orkuframboðið er takmarkað séu rafbíl-
arnir hlaðnir að nóttu til þegar rafmagns-
notkun heimila og fyrirækja er í lágmarki.“
Undanþágur renna út eftir þrjú ár
Stjórnvöld ákváðu á sínum tíma að fella tíma-
bundið niður innflutningsgjöld á rafmagnsbíla
og veita að auki afslátt af virðisaukaskatti upp
að ákveðnu marki. Á síðasta ári seldust meira
en 400 rafmagnsbílar hérlendis, og jókst salan
um 86% milli ára. Ef fram heldur sem horfir
gætu um það bil 1.000 nýir rafbílar komið á
göturnar í ár sem þýðir að ríkið fer á mis við
töluverðar skatttekjur. Við það bætist síðan að
ólíkt eigendum bensín- og dísilbíla þurfa raf-
bílaeigendur ekki að greiða háa skatta af elds-
neytinu sem þeir nota.
Þrjú ár eru þangað til skattaívilnanir vegna
rafbílakaupa renna úr gildi og gæti það gerst
að ríkið kjósi þá að hækka gjöldin. „Þróunin
hefur verið mun hraðari en nokkur átti von á,
og á sama tíma og rafbílum fjölgar minnkar
verðbilið á þeim og bílum sem nota hefð-
bundna orkugjafa,“ segir Guðmundur Ingi. „Á
einhverjum tímapunkti mun það þurfa að ger-
ast að hæfileg gjöld verði lögð á rafbíla til að
standa undir uppbyggingu og viðhaldi vega-
kerfisins, en gjöldin þurfa áfram að taka mið af
kolefnislosun og stuðla að því að ódýrara sé
fyrir fólk að aka um á bílum sem menga
minna.“
Morgunblaðið/RAX
Guðmundur Ingi segir rafbílana m.a. hafa þá ótvíræðu kosti að hjálpa til að minnka loftmengun og draga úr innflutningi á jarðefnaeldsneyti.
Mikill ávinningur af rafbílavæðingunni
Umhverfisráðherra segir brýnt
að skattar á bíla og eldsneyti
stuðli áfram að því að ódýrara
sé fyrir landsmenn að aka um á
bílum sem menga minna.
Rafbíllinn Nissan Leaf er nýkominn úr árekstr-
arprófi hjá Euro NCAP-rannsóknarstofunni og
hlaut hæstu einkunn.
Fyrir vikið geta eigendur Leaf glaðst, ekki síst
í Noregi þar sem hin nýja kynslóð þessa módels
hefur runnið út eins og heitar lummur. Var hlutur
bílsins 9% í heildarnýskráningum frá áramótum
til marsloka.
Að sögn vefsetursins elbil.no voru nýskráð ein-
tök af Leaf í marsmánuði einum og sér 2.172 tals-
ins. Hafa aldrei í Noregi selst jafn mörg eintök af
einu og sama bílamódelinu í einstökum mánuði.
Fyrra metið átti Tesla S frá 2014 sem hljóðaði
upp á 1.493 eintök í stökum mánuði. Í það skiptið
var rutt meti Ford Sierra frá í maí 1986 en þá
voru nýskráðir 1.454 bílar af þeirri gerð.
Leaf er fyrsti bíllinn sem tekinn er til skoðunar
hjá Euro NCAP frá því próf stofnunarinnar voru
stórhert í byrjun árs. Hlaut bíllinn fullt hús af
stjörnum, eða fimm, og hæstu einkunn. Fyrsta
kynslóð Leaf fékk einnig fullar fimm stjörnur er
hann var tekinn í próf árið 2011. Varð hann þá
fyrstur rafbíla til að hljóta stjörnurnar allar.
Varðandi öryggi fullorðins farþega hlaut Niss-
an Leaf 93 stig af hundrað mögulegum og 86 stig
fyrir öryggi barns. Þá hlaut hann 71 af 100 fyrir
öryggi gangandi eða hjólandi vegfarenda og
sömu einkunn fyrir öryggisbúnaðinn Safety Ass-
ist, sem felur m.a. í sér neyðarbremsu. Athygli
vakti að Leaf gat varist árekstri með sjálfvirkri
neyðarbremsu.
„Neytendur eru í vaxandi mæli að snúa frá
hefðbundnum bílum, ekki síst dísilbílum, og bíla-
framleiðendur fjárfesta stórt í þróun og smíði raf-
og tvinnbíla. Hinn nýi Leaf er gott dæmi um að
þróun nýrra rafrása og umhverfisvænnar bíl-
tækni þarf ekki að koma niður á öryggisþætt-
inum,“ segir í umsögn Euro NCAP um útkomu
Nissan Leaf.
Tilgangurinn með hertum prófum Euro
NCAP er að gera bíla enn öruggari meðal annars
fyrir svonefnda „mýkri vegfarendur“ svo sem
hjólreiðamenn. Takmark allra bílsmiða er að
koma frá árekstrarprófinu með fimm stjörnum,
en ekki gengur það upp hjá þeim öllum.
agas@mbl.is
Glansaði gegnum prófið
Þótt Ferrari-stjórinn Sergio Marchionne hefði
sagt fyrir um tveimur árum að hugmyndin um
Ferrari-bíl sem gæti komist úr sporunum án þess
að þurfa 12 strokka vél væri klám, er það eftir allt
að verða að veruleika.
„Núna er þetta að verða raunveruleikinn,“
sagði Marchionne í síðustu viku. Staðfesti hann
að Ferrari hefði í hinni mestu kyrrþey verið að
prófa sig áfram með tvinnbíl í einkabraut sinni í
Maranello á Ítalíu, en þar eru höfuðstöðvar Ferr-
ari.
„Honum má aka mjög hljótt,“ bætti hann við
en auk rafmótors verður bensínvél í aflrásinni. Á
myndskeiði sem birt hefur verið á YouTube má
sjá bíl taka af stað og bæta ferðina hratt í Ferr-
ari-brautinni. Frá honum bárust engin hljóð.
Þótt Ferrari hafi engin áform um að smíða
hreinan rafbíl fyrir árið 2022 er bílsmiðurinn að
þróa farartæki sem draga mun „hámarkskrafta
rafvæðingarinnar“ fram, eins og Marchionne
segir.
Mun Ferrari bjóða upp á slíka aflrás í sportbíl
þegar á næsta ári og á hann að geta ekið umtals-
verðar vegalengdir á rafmótornum einum saman.
Tvinnvélin verður brátt valkostur í öllum nýj-
um módelum frá Ferrari og árið 2020 verður það
eina aflrásin sem boðin verður í fyrsta sportjeppa
Ferrari. Segir Marchionne að það verði hrað-
skreiðasti jeppinn á bílamarkaðinum.
agas@mbl.is
Ferrari þróar rafbíl á laun
Hin kraftalegu óhljóð frá
Ferraribílum munu dofna
með rafvæðingu þeirra.