Morgunblaðið - 04.05.2018, Síða 22

22 MORGUNBLAÐIÐ FÖSTUDAGUR 4. MAÍ 2018
Ásgeir Ingvarsson
ai@mbl.is
Þ
essa dagana er sennilega
leitun að lukkulegri
manni en Kristjáni Ara
Brynjarssyni því hann
ekur núna um á kröftug-
um og rennilegum Fisker Karma-
sportbíl. Kristján er innkaupastjóri
hjá Betri bílakaupum (www.betri-
bilakaup.is) og gat ekki staðist
freistinguna þegar honum bauðst
að eignast þennan finnsk-
bandaríska undrabíl.
Fisker Karma er sköpunarverk
danska bílahönnuðarins Henriks
Fiskers sem á m.a. heiðurinn af
hönnun BMW Z8 og Aston Martin
V8 Vantage. Bíllinn var aðeins
framleiddur frá 2011 til
ársins 2012 þegar Fisk-
er Automotive lenti í
fjárhagskröggum og
höfðu þá aðeins tæplega
2.500 Fisker Karma
runnið af færibandinu.
Kínverska fyrirtækið
Wangxiang Group
keypti þrotabú Fisker
Automotive á uppboði
árið 2014 og hóf árið
2016 að framleiða bíl
sem byggist á Fisker
Karma en fékk nýtt
nafn: Karma Revero.
Bíllinn sem Kristján flutti inn er
árgerð 2012 og varð á vegi hans í
viðskiptaferð til Hollands. „Þar
heimsótti ég mann sem við höfum
lengi átt í viðskiptum við og rak
augun í bílinn á planinu hjá honum.
Fiskerinn reyndist til sölu og eftir
að hafa tekið mér einn dag til að
hugsa málið lét ég slag standa,
enda erfitt að standast útlitið.“
Bíll fyrir stjörnurnar
Fisker Karma er tengiltvinnbíll og
þótti mikið undur á sínum tíma.
Hann höfðaði sterklega til stór-
stjarna í bandaríska afþreyingar-
geiranum sem vildu bíl sem sam-
einaði eiginleika sportbíls og
umhverfisvæns tvinnbíls. Á raf-
hleðslunni einni saman má aka hon-
um um það bil 50 km, og sam-
anlagt 370 km með fullan tank af
bensíni. „Fisker Karma öðlaðist
flótlega orðspor fyrir frábæra akst-
urseiginleika, en það plagaði merk-
ið að bilanir voru nokkuð tíðar í
fyrstu. Gæði jukust fljótt og þegar
búið var að laga það sem laga
þurfti reyndust þetta frábærir
bílar.“
Bensínvélin beinir ekki orku
beint til hjólanna, heldur inn á raf-
hlöðu og rafmótora. „Það eina sem
heyrist er vægt suð í rafmótornum
þegar staðið er fyrir utan bílinn, en
inni í farþegarýminu ríkir algjör
þögn,“ segir Kristján og líkir hljóð-
inu við fallega tónlist. „Krafturinn
er á við 416 hestafla vél, togið 1.300
Nm, og þar sem það eru rafmagns-
mótorar sem knýja bílinn áfram
þarf ekki að ná upp neinum snún-
ingshraða til að fá góða hröðun.“
Aðspurður hvort hann hafi fund-
ið einhverja
ókosti við bílinn
segir Kristján að
þó svo að Fisker
Karma sé fernra
dyra bíll myndi
hávaxinn ein-
staklingur seint
vilja sitja í aftur-
sætunum alla leið
til Akureyrar.
„Það er líka mjög
lítið pláss fyrir
farangur og í
besta falli að
skottið geti rúm-
að tvær litlar ferðatöskur eða
nokkra innkaupapoka.“
Það segir ýmislegt um hvað
hönnun Fisker Karma heppnaðist
vel að þegar Wangxiang Group hóf
að framleiða Revero að nýju árið
2016 breyttu þeir bílnum sáralítið,
hvort heldur var að utan eða innan.
„Útlitið hefur haldið sér afskaplega
vel og fólk heldur að bíllinn sé tals-
vert dýrari en hann er,“ segir
Kristján „Fisker Karma var vissu-
lega mjög dýr bíll á sínum tíma, og
hefði kostað hátt í 20 milljónir
króna kominn nýr á götuna á Ís-
landi, en í dag má fá þessa bíla sex
ára gamla á mjög fínu verði.“
Góð kaup í notuðum rafbílum
Áhugasamir geta haft samband við
Betri bílakaup, vinnustað Kristjáns,
en fyrirtækið flytur inn bíla frá öll-
um heimshornum og tekur fast
þjónustugjald fyrir kaupin. Krist-
ján verður var við mikinn áhuga á
að flytja inn rafmagns- og tengilt-
vinnbíla og reglulega berist Betri
bílakaupum t.d. pöntun í nýjan eða
notaðan Tesla. „Margir vilja eign-
ast Model 3 frá Tesla og virðast
ekki líta á það sem neina fyrirstöðu
að Tesla skuli ekki vera með um-
boðsmann hér á landi. Kemur það
reyndar ekki að sök, því Tesla hef-
ur sýnt að þau koma til móts við ís-
lenska eigendur varðandi viðgerðir
og þá eru mörg verkstæði hér á
landi sem geta leyst úr minniháttar
bilunum.“
Kristján segir það geta verið
mjög sniðugan kost að flytja inn
notaðan rafdrifinn bíl af fínni gerð-
inni á borð við Tesla Model S eða
tengiltvinnbíl eins og Fisker
Karma. „Það má fá þessa bíla á
ágætu verði og litlir eða mjög lágir
skattar sem leggjast á við innflutn-
inginn. Frekar en að láta allt að
helminginn af kaupverði bílsins
fara í skatta, eins og á við um
marga bensín- og díselbíla, er hægt
að nýta peningana í kaup á dýrari
rafmagnsbíl sem getur kostað
minna þegar hann er kominn hing-
að heim á götuna.“
Segir Kristján jafnframt að þeir
sem á annað borð kynnast rafbílum
vel geti yfirleitt ekki hugsað sér
annað. „Ef þú leyfir einhverjum að
keyra um í viku á bíl eins og Teslu
ertu búinn að eyðileggja fyrir hon-
um alla aðra bíla eftir það. Þetta
eru svo góð og skemmtileg öku-
tæki.“
„Fólk heldur að bíllinn sé
talsvert dýrari en hann er“
Ekki er laust við að grillið virðist brosa lymskulega, tilbúið að tæta í sig vegina.
Karma Revero í rauðu.
Útlitið breyttist lítið með
nýjum framleiðanda.
Morgunblaðið/RAX
Kristján Ari Brynjarsson
við bílinn. Meðal veikleika
Fisker Karma er lítið pláss
fyrir farangur í skottinu.
Framendi Karma Revero og Fisker Karma er kröftugur í meira lagi, enda sköpun meistarahönnuðar.
Ef þú leyfir ein-
hverjum að keyra um
í viku á bíl eins og
Teslu ertu búinn að
eyðileggja fyrir hon-
um alla aðra bíla eftir
það. Þetta eru svo
góð og skemmtileg
ökutæki.
Innanrými Karma Revero er
mjög svipað og hjá upp-
runalega Fisker Karma.
Það hefur glatt bílaáhugamenn að sjá Fisker Karma
á götum Reykjavíkur. Þessi merkilegi bíll var í miklu
uppáhaldi hjá stjörnunum í Hollywood á sínum
tíma og þykir hafa ýmsa kosti.