Verslunartíðindi - 01.08.1930, Blaðsíða 8
66
VERSLUNARTlÐINDI
Saltfiskframleiðsla Spánverja sjálfra er
talin um 2300 smálestir en Portúgalbna
um 5000 smál., er í því talinn saltfiskiir,
er þeir hafa keypt óverkaðan en þurkað
í Portúgal. Jeg ætlast ekki til að þessar
tölur sjeu teknar mjög bókstaflega, eða
sem áreiðanleg heimild, heldur hefi jeg
tekið þær hjer upp, af því að þær ættu
að sýna nokkurnveginn hlutföllin á út-
flutningi landanna sem nefnd eru.
Yfirlit þetta staðfestir það, sem reynd-
ar var ljóst áður, að engin önnur þjóð á
svipað því eins mikið undir þessum
markaði og við. Ekki eingöngu af því að
við erum efstir á blaði með innflutnin>'
til þessara landa, heldur miklu fremur
af því, að svo að segja allur velfarnaður
okkar er bygður á þessari útflutnings-
vöru; en framleiðsla saltfiskjar hjá þeim
þjóðum, sem eru næstar okkur að inn-
flutningsmarki, er ekkert aðalatriði fyr-
ir afkomu þeirra, heldur aðeins einn
smærri liður í atvinnuvegum þeirra. Mik-
ill hluti af saltfiski þessara þjóða fer
til Suður-Ameríku, en markaður þar er
fremur þröngur og því leggja þær hið
mesta kapp á að halda í og auka sölu
sína á Evrópumarkaðnum. — Beinn inn-
flutningur hjeðan til Suður-Ameríku er
sáralítill, en þó njótum við ekki alllí.'Is
góðs af þeim markaði, með því að mest
af saltfiski þeim, er Bretar kaupa hjeðan
óverkaðan, þurka þeir og senda síðan
þangað, enda eru þeir einna stærstir inn-
flytjendur á fiski til sumra ríkjanna þar.
Framh.
Kolaframleiðslan 1929.
í öllum helstu kolaframleiðslulöndum
hefur kolaframleiðslan aukist talsvert
árið 1929. Steinkola- og brúnkolafram-
leiðslan var samtals það ár 1.55 miljarð-
ar smál., móti 1,46 árið áður, 1,48 árið
1927 og 1,34 síðasta árið fyrir stríðið.
Árið 1929 er þá framleiðslutalan 4,7%
hærri en 1927, sem þá var hámark, og
15,4% hærri en var fyrir stríðið.
Hlutföllin á milli steinkola og brún-
kola hefur ekki breyst, og hefur brún-
kolaframleiðslan farið heldur vaxandi
eins og undanfarin ár. Árið 1929 voru
85,14% steinkol og 14,86% brúnkol.
Evrópa er ennþá fremst í flokki með
kolaframleiðsluna. Af steinkolafram-
leiðslunni, sem var samtals 1,32 miljarð-
ar smál. 1929 og 1,24 miljarðar 1928,
koma 48,32% og 47,43% í hlut Ev-
rópu. Ameríka hafði 42,77% 1929 og
43,0% 1928. Eru þetta mjög svipuð
hlutföll og var 1913.
Stærstu kolaframleiðslulöndin í Ev-
rópu eru England og Þýskaland og hef-
ur framleiðslan aukist töluvert hjá þeim
báðum síðastl. ár. Þýska steinkolafram-
leiðslan var síðastl. ár 163,4 milj. smál.,
en 150,9 milj. árið áður. Enska stein-
kolaframleiðslan jókst úr 241,3 milj.
smál. 1928 upp í 260,8 milj. 1929. En
þrátt fyrir það, eru þó þessar tölur lægri
en þær voru á árunum 1921, 1923 og
1924. Og sje árið 1923 tekið til sam-
anburðar, er enska kolaframleiðslan
8,7% minni nú en hún var þá, en sú
þýska 16,1% meiri.
Mest hefur þó hollenska steinkola-
framleiðslan aukist og hefur hún fimm-
faldast síðan 1913. Af sjerstökum hjer-
uðum má nefna Elsass-Lothringen, þar
sem framleiðslan hefur aukist um 60,5%
— en nokkuð stafar þetta af því, að
byrjað hefur verið að vinna í námum
aftur, sem eyðilögðust á stríðsárunum.
Rússneska steinkolaframleiðslan er nú
30% meiri en hún var fyrir stríðið,