Fréttablaðið - 01.10.2018, Síða 16

Ég er ekkert sérstaklega norsk í mér en ég er afar stolt af norsku ættarnafninu,“ segir
Guðrún Helga Sørtveit. Föðurafi
hennar er Norðmaður.
„Afi kynntist íslenskri föður-
ömmu minni þegar hún var sautján
ára og hún varð fljótt barnshafandi.
Síðan skildi leiðir; afi fór til Noregs
og bæði eignuðust aðra maka og
börn. Pabbi vissi því ekki hver faðir
hans var fyrr en um tvítugt að hann
leitaði hans og fann að áeggjan
mömmu. Þá kom afi til Íslands að
hitta son sinn og þau amma hittust
aftur og urðu ástfangin á ný,“ segir
Guðrún um rómantíska ástarsögu
ömmu sinnar og afa sem þá voru
skilin við sína fyrri maka og eru nú
hjón í Noregi.
„Við förum því oft til Noregs til
samfunda við föðurfjölskylduna
sem tók pabba svo vel og samskipt-
in eru yndisleg. Mér leiddist þetta
ættarnafn mjög á æskuárunum
vegna eilífra spurninga en þegar ég
eltist tók stoltið yfir og mér þótti
æ vænna um nafnið vegna þess að
það minnir mig á norska afa minn
og fjölskylduna úti,“ segir Guðrún.
Hrósað fyrir vöxtinn
Guðrún er vinsæl samfélagsmiðla-
stjarna en hlédræg að eðlisfari.
„Upphaflega fór ég á Snapchat
með viðskiptahugmynd til að
trekkja til mín fleiri viðskiptavini
í förðun en fljótlega vatt það upp
á sig og varð enn stærra þegar ég
byrjaði að blogga á Trendnet. Ég
hef gaman af því að kenna sitthvað
um tísku, förðun og lífsstíl og hjálpa
öðrum með ráðum og dáð,“ segir
Guðrún sem er förðunarfræðingur
og hóf nýlega að kenna við Make
Up Studio Hörpu Kára. Hún er líka
á þriðja ári í viðskiptafræði við
Háskóla Íslands þaðan sem hún
ætlar í meistaranám í markaðs-
fræði.
„Snyrtiáhuginn kviknaði á ungl-
ingsárunum. Mig langaði að byrja
að blogga miklu fyrr en var feimin
og átti erfitt með að opna á líf mitt
og leyfa fólki að kynnast mér. Svo
einn daginn lét ég slag standa og
held að það sé besta ákvörðun
sem ég hef tekið. Það hefur opnað
margar dyr og auðvitað er engu líkt
að geta sinnt því sem manni þykir
skemmtilegast á degi hverjum,“
segir Guðrún og fann sjálfstraustið
eflast eftir að hún fór að leggja sitt
lóð á vogarskálar samfélagsmiðla.
„Áður hafði ég enga trú á sjálfri
mér en það breyttist smám saman.
Ég hætti að velta mér upp úr áliti
annarra því það gerir engum gott.
Svo sjóaðist ég fyrir framan mynda-
vélina og fann þor til að tala í stað
þess að skrifa það sem mér lá á
hjarta,“ segir Guðrún sem fær mikil
viðbrögð frá fylgjendum sínum.
„Mér þykir merkilegt að fólk gefi
sér tíma til að senda mér jákvæð
og uppbyggjandi skilaboð. Margir
virðast tengja við mig og ég fæ hrós
fyrir útlitið því ég er ekki dæmigerð
í vexti og með stór læri og mjaðmir.
Þótt ég leggi ekki meðvitað áherslu
á jákvæða líkamsmynd finnst mér
gott að fólki líki það vel,“ segir
Guðrún og fær líka skilaboð frá
stelpum sem hafa þorað að klæðast
ákveðnum fötum af því að hún
gerði það.
„Það er nú eitthvað sem ungling-
urinn ég hefði haft gagn af á sínum
tíma og ég get ekki ímyndað mér
hvernig það er að vera unglings-
stúlka í dag. Ég held að það sé mjög
erfitt því pressan er svo mikil á að
vera fullkomin og enginn maður
með mönnum nema hann eigi
nýjustu Gucci-töskuna, sem er auð-
vitað fásinna. Kröfurnar byggja á
óraunsæi og því geri ég í því að vera
líka ómáluð, sem mér þótti óhugs-
andi á unglingsárunum. Sann-
leikurinn er þó sá að engin vaknar
með upprúlluð augnhár, mótaðar
augabrúnir eða silkimatta húð.“
Óraunsæjar glansmyndir
Guðrún vonast til að hún sé ungl-
ingsstúlkum og ungum konum góð
fyrirmynd.
„Það er ekki markmið í sjálfu
sér, en ég hef alltaf á bak við eyrað
að ungar stelpur fylgjast með mér
og vil hafa góð áhrif á líf þeirra og
tilveru.“
Hún telur gott og erfitt að vera
ung kona í íslensku nútímasam-
félagi.
„Ungar konur eru upp til hópa
vel til hafðar og flottar, og flestar
virðast þær uppfullar af sjálfs-
trausti. En það er erfitt að horfa upp
á glansmyndir á netinu og bera sig
saman við konur sem birta af sér
myndir sem er búið að eiga við og
teknar með bjútífilter til að sýnast
sem fullkomnastar. Stelpur sem
fylgjast með Kim Kardashian þurfa
að gera sér grein fyrir að hún vinnur
við að líta vel út og þar er legið yfir
flottu myndunum áður en ákveðið
er að birta þær.“
Því sé léttir að æ fleiri konur sýni
hvernig þær líta út frá náttúrunnar
hendi.
„Því þótt gaman sé að skoða
flottar myndir má ekki sökkva sér
í gerviheiminn og halda að lífið
sé fullkomið hjá þessum konum.
Öllum líður einhvern tímann illa
og maður sér ekki hvað er að gerast
á bak við tjöldin, hvort þar búi að
baki sorg eða erfiðleikar. Þegar ég
var unglingur voru samfélagsmiðlar
ekki jafn ríkur þáttur í lífi unglinga
en þó varð ég heltekin af því að
eiga nýjustu tískufötin eða vera
ekki svona eða hinsegin. Stelpur nú
þurfa að hafa þykkan skráp til að
verða ekki vansælar út af slíku og þá
er gott að sjá að líf samfélagsstjarna
er ekki bara svart og hvítt og að þar
sé manneskja sem á sínar vonir og
þrár en upplifir líka vonbrigði og
verri tíma en myndirnar sýna.“
Hamingjan er góðmennska
Guðrún var sautján ára þegar hún
fann ástina hjá Steinari Gunnars-
syni.
„Við kynntumst í gegnum sam-
eiginlega vinkonu á Facebook. Ég
held að það sé auðveldara að finna
lífsförunautinn í dag en áður þegar
stelpur urðu að vonast eftir að hitta
draumaprinsinn á ballinu. Allt er
svo opið og gegnsætt og hægt að
fletta öllum upp, fylgjast með hver
er með hverjum og hverjir hættir
saman, því fólk er svo opið með að
pósta myndum af sér saman en svo
hættir það að pósta þegar ástin er
fyrir bí. Facebook er þó persónu-
legri miðill en svo að maður bæti
á vinalistann ókunnum gæja sem
manni líst vel á. Það er bara krípí
og miklu frekar að adda honum á
Snappinu.“
En þótt Guðrún lifi og hrærist í
heimi fegurðar segir hún fegurðina
ekki skapa sanna hamingju.
„Fegurð er afstæð og það sem mér
þykir fagurt hentar ekki öðrum.
Það að vera fallegur á samfélags-
miðlum eða að eiga allt í heiminum
gerir engan hamingjusaman,“ segir
Guðrún og veit upp á hár hvað gerir
hana hamingjusama.
„Það er að vera góð manneskja,
við sjálfa mig og aðra. Kærastinn
minn, fjölskyldan og vinkonur gera
mig líka hamingjusama. Þegar ég
var yngri fannst mér skipta mestu
að eiga allt en orðin 25 ára hef ég
áttað mig á að veraldlegir hlutir
skipta engu ef maður hefur engan
að tala við. Það er svo dýrmætt að
eiga góða að og hjá unga fólkinu
gleymist að ræða mikilvægi þess
að rækta vinaböndin. Það er ekki
nóg að tala við fólk í gegnum sam-
félagsmiðla og læka við myndir;
við verðum líka að hittast og tala
saman, spyrja hvernig okkur líður,
knúsast og vera til staðar í raun-
heimum. Þetta eru fleiri orðnir
meðvitaðir um því netið getur
einangrað fólk og það vill stíga út
fyrir þann ramma á ný.“
Guðrún segist heppin með vin-
konur og vera góð vinkona sjálf.
„Við hittumst oft og spjöllum,
hlustum og erum til staðar í gleði
og sorg. Við þurfum ekki í sífellu
að pósta myndum af okkur saman
til að sanna fyrir heiminum að við
séum bestu vinkonur. Við vitum
það sjálfar. Sönn vinátta snýst ekki
um að sýna myndir af því hvað
við erum hamingjusöm heldur að
rækta samskiptin í raun og sann.
Ég eignaðist vinkonur mínar þegar
við vorum sjö ára í Lækjarskóla.
Við erum nánar, vitum allt hver um
aðra og allt er svo eðlilegt með þeim
að þær eru mér sem systur,“ segir
Guðrún sem á tvo eldri bræður.
Eðlilegt slit olli vanlíðan
Guðrún skartar skínandi demanti í
efri augntönn.
„Mér þykir vænt um þennan
demant og hann er orðinn hluti af
mér. Mér fannst hann töff þegar ég
var sautján ára og varð hissa þegar
mamma leyfði mér að fá hann því
ég mátti ekki fá göt í eyrun né húð-
flúr,“ segir hún og brosir.
Stíll Guðrúnar er rómantískur og
rokkaður í senn. Henni þykir best
að klæðast rifnum gallabuxum,
krúttlegum og kvenlegum toppi og
leðurjakka yfir. Hún er ófeimin að
sýna íturvaxinn líkamann og segir
það gert af brýnni sjálfsást.
„Sem betur fer er komið upp á
yfirborðið að konur eru ekki í einni
stærð. Þær eru af öllum stærðum
og gerðum, stórar, litlar, feitar og
mjóar, og allar jafn yndislegar.
Sjálfri leið mér illa yfir að vera með
slit á unglingsárunum og velti mér
upp úr því hvers vegna ég? Eins og
ég væri eina stelpan í heiminum
með slit. Svo talar maður við aðrar
stelpur og þær eru langflestar með
ummerki þess að hafa þroskast og
fengið stærri mjaðmir, rass, læri og
brjóst. Líkami þeirra breytist en því
fylgdi feluleikur sem gerir þær óör-
uggar. Flestar stelpur sem ég þekki
eru með slit og mér finnst geggjað
að fólk sýni að það sé alls konar.
Margar fyrirsætur ytra eru í yfirvigt
sem var áður tabú og vonandi er
þessi breyting til frambúðar.“
Guðrún segir skipta ungar konur
mestu að vera hamingjusamar.
„Að vera góðar og sannar mann-
eskjur og njóta velgengni í einkalífi
og starfi. Mér þykja ungar, íslenskar
konur fádæma duglegar, þær eru
metnaðarfullar og hika ekki við
að mennta sig sem mest og láta
drauma sína rætast. Það er einstak-
lega hvetjandi og magnað að sjá.“
Á mánudagskvöldi, eins og öll
önnur kvöld, ætlar Guðrún að
setjast til borðs með Steinari sínum
og tala saman yfir kvöldmatnum,
sem gæti orðið taco eða ýsusporður.
„Við keyptum okkur íbúð í fyrra
og höldum fast í hefðir fjölskyld-
unnar að setjast saman við kvöld-
verðarborðið. Ég er alin upp við
að mega ekki vera í símanum við
matarborðið heldur sest fjölskyldan
saman og við förum hringinn til að
vita hvernig öllum líður og hvernig
dagurinn var. Kærastinn fékk áfall
þegar honum var fyrst boðið í mat
og við sátum í þrjá tíma að borða,
spjalla og hlæja. Það skiptir mig
miklu að varðveita svo dýrmæta
stund í amstri dagsins.“
Fylgstu með Guðrúnu á trend net.is
og Instagram.
Fólk er kynningarblað sem býður aug-
lýsendum að kynna vörur og þjónustu í
formi viðtala og umfjallana. Í blaðinu er
einnig hefðbundið ritstjórnarefni. Blaðið
fylgir Fréttablaðinu daglega.
Umsjónarmenn efnis: Sólveig Gísladóttir, solveg@frettabladid.is s. 512 5351 | Elín Albertsdóttir, elin@frettabladid.is,
s. 512 5349 | Ragnheiður Tryggvadóttir, heida@frettabladid.is, s. 512 5367 | Oddur Freyr Þorsteinsson, oddurfreyr@
frettabladid.is, s. 512 5368 | Brynhildur Björnsdóttir, brynhildur@frettabladid.is, s. 512 5347 | Sigríður Inga Sigurðar-
dóttir, sigriduringa@frettabladid.is, s. 512 5372 | Starri Freyr Jónsson, starri@frettabladid.is, s. 512 5358 | Þórdís Lilja
Gunnarsdóttir, thordisg@frettabladid.is s. 512 5338
Útgefandi:
Torg ehf
Ábyrgðarmaður:
Kristín Þorsteinsdóttir
Sölumenn: Arnar Magnússon, arnarm@frettabladid.is, s. 512 5442, Atli Bergmann, atli@frettabladid.is,
s. 512 5457, Jón Ívar Vilhelmsson, jonivar@frettabladid.is, s. 512 5429,
Guðrún var nýlega gerð að sérlegum sendiherra förðunarvöruframleiðandans Real Techniques á Íslandi.
Þórdís Lilja
Gunnarsdóttir
thordisg@frettabladid.is
Ferðamálaskóli Íslands • www.menntun.is • Sími 567 1466
Opið 8-22
LEIÐSÖGUNÁM
FERÐAMÁLASKÓLI ÍSLANDS,
Bíldshöfða 18, sími 567 1466,
Opið til kl. 22.00,
Martha Jensdóttir
kennari.
Martha Jensdóttir
kennari.
Ferða álaskóli Íslands • www. enntun.is • Sí i 567 1466
pið 8-22
I
FERÐAMÁLASKÓLI ÍSLANDS,
Bíldshöfða 18, sími 567 1466,
Opið til kl. 22.00,
Martha Jensdóttir
kennari.
Martha Jensdóttir
kennari.
- Nemendur geta að námi loknu gengið í Leiðsögufélagið -
LEIÐSÖGUNÁM
VIÐURKENNT STARFSNÁM AF ATVINNULÍFINU
Opið 8-22
Magnús Jónsson
fv. veðurstofustjóri
Guðrún Helga
Bjarnadóttir,
Vestmannaeyjum
Hnitmiðað og skemmtilegt nám fyrir þá sem vilja kynnast Íslandi í máli og myndum.
Námið er opið öllum þeim sem áhuga hafa á að læra hvernig standa skal að
Leiðsögn erlendra og innlendra ferðamann um Ísland.
• Flest stéttarfélög styrkja nemdur til náms.
• Nemendur geta að námi loknu gerst félagsmenn í Leiðsögufélaginu.
Helstu námsgreinar:
• Helstu viðkomustaðir ferpamanna á Íslandi í máli og myndum.
• Mannleg samskipti, leiðsögutækni, hestar, fuglar og flóra. Framsaga.
• Saga landin, jarðfræði, bókmenntir og listir, menningartengd ferðaþjónusta.
• Skipulagðar ferðir og afþreyingaferðir. Ritgerðarverkefni og margt fleira.
Leiðbeinendur eru þaulvanir leiðsögumenn og sérfræðingar hver á sínu sviði.
Boðið er uppá dag – og kvöldnám, auk þess er farið í fjölda vettvangsferða.
Umsögn: Fyrir nokkrum áruð stundaði ég leiðsögunám í Ferðamálaskóla
Íslands. Námið stóð vel undir væntingum þar sem fjölmargir kennarar komu
að kennslunni og áttu þeir auðvelt með að ná til mín og auka áhuga minn
á námsefninu og ekki síst að vekja mig til umhugsunar um þá auðlind sem
landið okkar er og virðingu sem okkur ber að sýna í því. Kennararnir voru
mjög færir og fróðir hver á sínu sviði og áttu auðvelt með að koma efninu
til skila.
Námið gefur mikla atvinnumöguleika og spennandi tímar eru framundan.
LEIÐSÖGUNÁM
VIÐURKENNT STARFSNÁM AF ATVINNULÍFINU
Ferðamálaskóli Íslands • ww .menntun.is • Sími 5
elga
Bjarnadóttir
OPIÐ
8-22
Við þurfum ekki að
pósta myndum af
okkur saman til að sanna
fyrir heiminum að við
séum bestu vinkonur.
Við vitum það sjálfar.
Guðrún Helga Sørtveit
2 KYNNINGARBLAÐ FÓLK 1 . O K TÓ B E R 2 0 1 8 M Á N U DAG U R
0
1
-1
0
-2
0
1
8

0
4
:2
7
F
B
0
4
8
s
_
P
0
3
3
K
.p
1
.p
d
f
F
B
0
4
8
s
_
P
0
2
8
K
.p
1
.p
d
f
F
B
0
4
8
s
_
P
0
1
6
K
.p
1
.p
d
f
F
B
0
4
8
s
_
P
0
2
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
F
3
-6
7
C
4
2
0
F
3
-6
6
8
8
2
0
F
3
-6
5
4
C
2
0
F
3
-6
4
1
0
2
7
5
X
4
0
0
.0
0
1
4
B

F
B
0
4
8
s
_
3
0
_
9
_
2
0
1
8
C
M
Y
K