Víkurfréttir - 30.08.2018, Page 1

S T Æ R S T A F R É T T A - O G A U G L Ý S I N G A B L A Ð I Ð Á S U Ð U R N E S J U M
S U Ð U R N E S J A
MAGASÍN
fimmtudagskvöld kl. 20
á Hringbraut og vf.is
AÐAL S ÍMANÚMER 421 0000 ■ AUGLÝS INGAS ÍM INN 421 0001 ■ FRÉTTAS ÍM INN 421 0002
Ljósanætursýning Listasafns Reykjanesbæjar í ár er ljósmyndasýningin „Eitt ár á Suðurnesjum“
og verður hún opnuð fimmtudaginn 30. ágúst kl. 18.00. Sýningin er afrakstur samkeppni sem
safnið stóð fyrir árin 2017-18 og var öllum Suðurnesjamönnum boðið að senda inn ljósmyndir
sem teknar yrðu eftir ákveðnum reglum. Skilyrðin voru að myndirnar skyldu lýsa daglegu lífi
og náttúru á Suðurnesjum á einu ári, nánar tiltekið frá 17.júní 2017 til 17.júní 2018.
Sextíu ljósmyndarar sendu inn 350 ljós-
myndir og eru þær allar til sýnis í Listasal
Duus Safnahúsa, ýmist útprentaðar eða á
skjá. Sex ljósmyndir sigruðu og fóru í hópinn
„Bestu myndirnar“ en 30 aðrar fengu sérstaka
viðurkenningu sem góðar ljósmyndir. Tilkynnt
verður við opnun hverjir vinningshafarnir eru.
Dómnefnd skipuðu Kjartan Már Kjartansson,
bæjarstjóri Reykjanesbæjar, Páll Ketilsson,
ritstjóri Víkurfrétta og Þuríður Aradóttir
Braun, forstöðumaður Markaðsstofu Reykja-
ness. Sýningarstjórar voru Inga Þórey Jóhanns-
dóttir myndlistarmaður, Oddgeir Karlsson
ljósmyndari og Valgerður Guðmundsdóttir
forstöðumaður Listasafns Reykjanesbæjar og
eru þau á myndinni að ofan.
Samhliða þessari sýningu verður „systursýn-
ingin“ Eitt ár í Færeyjum opnuð í Bíósal Duus
Safnahúsa. Sú sýning er líka ljósmyndasýning
sem er afrakstur samkeppni sem Norræna
húsið í Færeyjum stóð fyrir árin 2016–2017 og
var sumarsýning Norræna hússins í Þórshöfn
sumarið 2017. Öllum Færeyingum var þá boðið
að senda inn ljósmyndir sem lýstu daglegu lífi
og náttúru í Færeyjum á einu ári, nánar tiltekið
frá flaggdeginum 2016 til flaggdagsins 2017.
Færeysku vinningsmyndirnar tólf má sjá út-
prentaðar í Bíósal Duus Safnahúsa en allar aðrar
innsendar myndir eru sýndar á skjá.
Segja má að orðtakið „Ein mynd segir meira en
þúsund orð“ sé góð lýsing á þessum skemmtilegu
sýningum. Ljósmyndirnar gefa gestum innsýn í
daglegt líf þessara frændþjóða. Margt er ólíkt en
þó er miklu meira sameiginlegt og heildarsvipur
beggja sýninganna lýsir bjartsýni og hlýju sem
gefur von um gott líf og bjarta framtíð. Þarna
hlýtur að vera gott að búa! Dagskrá Ljósanætur
2018 er í blaðinu og frásagnir af mörgum við-
burðum sem verða á fimm daga ljósahátíð í
Reykjanesbæ 29. ágúst til 4. september. Og
auðvitað margt fleira skemmtilegt!
„Fyrst og fremst erum við hjón og foreldrar og
við erum í þeim hlutverkum í lífinu. Ég er komin
á þann stað í dag að ég gleymi því oft að ég sé
lesbía og að við séum eitthvað öðruvísi en hinir.
Eins mikið og maður var með þetta á heilanum
þegar maður kom fyrst út úr skápum,“ segir
Harpa Jóhannsdóttir, grunnskólakennari og
kynjafræðingur, sem að eigin sögn, var dregin
út úr skápnum af móður sinni. Hún býr með
Thelmu Björk Jóhannesdóttur, grunnskólakenn-
ara og saman eiga þær Guðmund Hrafnkel, 4 ára.
Harpa og Thelma tóku ákvörðun mjög snemma í
sambandinu að eignast barn, en uppteknar kon-
ur, í námi og öðru, gáfu sér góðan tíma í að hugsa
ferlið út frá öllum mögulegum sjónarhornum.
„Við þurftum að anda að okkur smá hugrekki
áður en við tókum af skarið og ákváðum að gera
þetta. En eftir það tók ferlið ekki langan tíma,“
segir Harpa. „Þetta er búið að vera ógeðslega
skemmtilegt ferli og alls engin eftirsjá. Þetta er
í raun mjög einfalt mál frá byrjun. Við fengum
barnaefni til þess að búa til barn,“ segir Thelma
en þær stöllur eru í Víkurfréttaviðtali og segja
þar skemmtilega frá fjölbreyttu lífi sínu.
Sólborg Guðbrandsdóttir hitti þær og áhugavert
viðtalið má finna á bls. 14–15.
Mannréttindi að fá að vera maður sjálfur
Harpa Jóhannsdóttir og Thelma Björk Jóhannesdóttir fengu barnaefni til að búa til barn
„Ein mynd segir
meira en þúsund orð“
HRINGBRAUT
REYKJANESBÆ
VIRKA DAGA
HELGAR
ALLTAF OPIÐ
ALLTAF OPIÐ
AFGREIÐSLUTÍMAR:
Kaffi og nýbakaður
kleinuhringur
Glow-vörur
Ljós handa þér
á góðu verði
Sítrónur, lime
og mynta
Ljósanótt hefst í Krambúðinni
298
KR
-25%
Krossmóa 4 | Reykjanesbæ
Opnunartími
mán.–fös. frá 9–20
lau.–sun. frá 11–18
Dagskrá Ljósanætur
í miðopnu blaðsins!
fimmtudagur 30. ágúst 2018 // 33. tbl. // 39. árg.