Morgunblaðið - 08.06.2018, Page 4

4 FRÉTTIRInnlent
MORGUNBLAÐIÐ FÖSTUDAGUR 8. JÚNÍ 2018
VÍKURVAGNAR EHF. STYRKUR, ÞJÓNUSTA OG ÁREIÐANLEIKI
STÆRÐ FRÁ 360-550 L
FARANGURSBOX
Víkurvagnar ehf. - Hyrjarhöfði 8. - 110 Reykjavík -
Sími 577-1090 - www.vikurvagnar.is - sala@vikurvagnar.is
Höskuldur Daði Magnússon
hdm@mbl.is
Fjölmörg dæmi eru um það að
stuðningsmenn Íslands hafi ekki enn
fengið senda miða á leik liðsins við
Argentínu á HM í Rússlandi í næstu
viku. Rúm vika er til stefnu og marg-
ir hafa fengið skilaboð þess efnis að
þeir þurfi að sækja miðana á sölu-
skrifstofu FIFA í Moskvu með til-
heyrandi fyrirhöfn.
Morgunblaðið ræddi við einn
þessara óheppnu Moskvufara.
Maðurinn kveðst ósáttur við þessa
þróun mála enda væri ferð hans
stutt og afar óheppilegt væri að eyða
stórum hluta hennar í útréttingar
sem hægt hefði verið að koma í veg
fyrir.
Óþarfa stress í ókunnri borg
„Það er búið að eyðileggja alveg
fyrir okkur upphitunina fyrir leikinn
og það er ekkert nema stress fram
undan í ókunnri borg,“ segir maður-
inn, sem baðst undan því að koma
fram undir nafni. Hann keypti
pakkaferð og lendir í Moskvu rétt
fyrir miðnætti daginn fyrir leik.
„Söluskrifstofa FIFA er opnuð
klukkan 10 á leikdag. Nú veit ég
ekki hvort það eru margir í mínum
sporum og þurfa að ná í miðana sína
í Moskvu en það gæti tekið einhvern
tíma að fá afgreiðslu. Þar sem ég
kæri mig ekki um að fara með vega-
bréfið og vísakortið með mér á leik-
inn, en mér skilst að ég þurfi þetta
tvennt auk FAN ID til að fá miðana,
þá þarf ég að byrja á því eftir að hafa
fengið miðana afhenta að fara aftur
upp á hótel til að koma þessu í ör-
yggishólf. Moskva er stór borg og
eftir þeim upplýsingum sem ég hef
reynt að afla mér þá tekur það mig
alla vega 40 mínútur að komast frá
hóteli að söluskrifstofu, aðra leiðina,
og þá er spurning hvað það tekur
langan tíma að fá miðana. Við erum
bæði að fara á leik erlendis í fyrsta
skiptið en mér skilst að maður þurfi
að mæta tímanlega á vallarsvæðið,
jafnvel einum og hálfum til tveimur
tímum fyrir leik, þannig að við höf-
um nú ekki mikinn tíma til að taka
þátt í upphituninni ef við náum því
þá nokkuð.“
Hann furðar sig á því að svona
vefjist fyrir FIFA: „Það sem pirrar
mig mest í þessu er að frá því ég
greiddi miðana okkar hefur FIFA
haft rúmlega þrjá mánuði til að
senda þá. Við erum að greiða vel ríf-
lega 400.000 krónur fyrir að fara á
þennan eina leik og hafa gaman en
nú sjáum við bara fram á að vera á
hlaupum eftir miðunum og annað
vesen í stað þessa njóta stundar-
innar.“
FIFA annaði ekki álaginu
Að sögn Margrétar Elíasdóttur,
sem sér um miðamál hjá KSÍ, hefur
sambandinu borist nokkuð af fyrir-
spurnum vegna þessa, þó að miða-
málin séu alfarið á forræði Alþjóða-
knattspyrnusambandsins.
„FIFA tilkynnti í síðustu viku að
sambandið myndi ekki anna því að
senda út alla miða. Sambandið hefur
lofað góðri þjónustu við afhendingu
miðanna og þetta á ekki að vera flók-
ið. Ég held að þetta eigi ekki að vera
neitt áhyggjuefni en það er leið-
inlegt fyrir fólk að þurfa að standa í
þessu. Ég gæti trúað að þetta séu
um hundrað manns héðan. Þetta
fólk á mína samúð.“
Morgunblaðið/Eggert
Sigurvilji Hér má sjá Tólfuna við nýjan stuðningsmannavagn Strætó og Tólfunnar fyrir leik Íslands í gærkvöldi.
„Hlaup og vesen“ í
Moskvu vegna miðamála
 100 Íslendingar þurfa sjálfir að leita uppi miða sína á HM
8 DAGAR Í FYRSTA LEIK ÍSLANDS
Aron Þórður Albertsson
aronthordur@mbl.is
Íris Baldursdóttir, framkvæmda-
stjóri kerfisþróunarsviðs Lands-
nets, segir að engin ein ástæða liggi
fyrir sem skýrir þá aukningu sem
orðið hefur á raf-
orku sem Lands-
net kaupir vegna
flutningstaps, en
aukningin frá
byrjun árs 2014
er um 56%. „Við
erum auðvitað að
spyrja okkur að
þessu sjálf og
þetta er í skoðun
hjá okkur, en
þetta er hækkun umfram vísitölur
og annað. Þá virðast einnig vera
breytingar á árstíðabundnum
sveiflum sem einkennt hafa ís-
lenska markaði, með lágu raforku-
verði á sumrin,“ segir Íris en flutn-
ingstap er sú raforka sem tapast
vegna viðnáms í raflínum og
spennum í raforkuflutningakerfinu.
Um 2% þeirrar raforku sem mötuð
er inn í kerfið tapast á leið til not-
enda.
Heildarkostnaður vegna kaupa á
raforku í tengslum við flutningstap
var í kringum 376 milljónir króna,
þar af grunntap 303 milljónir króna
og viðbótartap 73 milljónir króna.
Kostnaður í tengslum við flutnings-
tap mun endurspeglast í gjaldskrá
vegna flutningstaps.
Samkeppnin ekki næg
Eins og fram kom í Viðskipta-
Mogganum í gær hefur meðalverð
orku sem Landsnet hefur samið um
að kaupa á þriðja ársfjórðungi
hækkað um ríflega 28% miðað við
sama tímabil í fyrra. Það er 12%
umfram hækkun hjá Nordpool,
stærsta raforkumarkaðar í Evrópu.
Kostnaður vegna þess árið 2017 var
um 395 milljónir króna.
Spurð um skýringar á þessu segir
Íris að Landsnet bjóði ársfjórð-
ungslega út kaup fyrirtækisins á
raforku til að ýta undir samkeppni
sem virðist ekki næg.
„Orsökin gæti verið skortur á
framboði hverju sinni en maður
spyr sig auðvitað um samkeppnina.
Hér á landi er ekki skammtíma-
markaður líkt og í Evrópu og sömu-
leiðis eru raforkusalar fáir og mikill
munur á stærð þessara fyrirtækja.
Við erum hins vegar að bjóða út í
mjög litlum einingum til að koma til
móts við þessa stöðu. Verðið sem
við sjáum á að endurspegla verð á
markaði hverju sinni,“ segir Íris.
Mikið aukið
flutningstap
 Kostnaður í fyrra var 376 milljónir
Íris Baldursdóttir
Nína Guðrún Geirsdóttir
ninag@mbl.is
Hafís frá Grænlandi sem nálgast
land er nú næstur landi sjö sjómílur
norður af Horni á Hornströndum.
TF SIF, flugvél Landhelgisgæsl-
unnar, hefur farið þrisvar í ískönn-
unarleiðangra til að kanna stöðu íss-
ins, sem er óvanalega nærri landi
miðað við árstíma. Upplýsinga-
fulltrúi Landhelgisgæslunnar segir
menn þar fylgjast náið með og mik-
ilvægt sé að sjófarendur geri sér
grein fyrir legu íssins.
Viðbúnir öllu
Hlynur Snorrason, yfirlögreglu-
þjónn á Vestfjörðum, segir lögregl-
una í nánu samstarfi við Landhelg-
isgæsluna, Umhverfisstofnun og
landverði á svæðinu, sem fara í við-
bragðsstöðu þegar svona ber undir
vegna möguleika á komu ísbjarna.
Hlynur segir að ef ísbjörn komi í
land sé stefnan að ná birninum lif-
andi. Ef það tækist ekki yrði gripið
til varrúðarráðstafana, en lögreglan
hefur undir höndum vopn til að aflífa
stór dýr á við ísbirni.
Minna af hafís en áður
Ingibjörg Jónsdóttir er landfræð-
ingur og einn rannsakenda eldfjalla-
og náttúruvárhóps Háskóla Íslands.
Hún segir miklu minna magn af haf-
ís vera við austurströnd Grænlands
núna ef borið er saman við fyrri tíð,
og það þurfi meira til að hafísinn
berist hingað að landi. „Það sem er
að gerast núna er nokkuð dæmigert
fyrir það sem gerist eftir langvar-
andi suðvestanáttir, því þá stíflast
ísinn í sundinu milli Íslands og
Grænlands. Núverandi vindátt veld-
ur því að ísinn færist austur og nær
Íslandi og því er ekki útilokað að
einstaka jakar rekist á land.“
Minni ísjakar varasamir
Gervitunglamyndir af ísnum sýna
að hann er fljótur að bráðna við það
að koma í hlýrri sjó og því segir
Ingibjörg gott að sýna varúð.
„Maður hefur auðvitað áhyggjur af
sjófarendum. Það geta verið borg-
arísjakar þarna innan um og það
getur verið mjög varasamt þegar
borgarísjakar hafa brotnað í smærri
jaka sem erfitt er að koma auga á í
ratsjá skipa.“
Erfitt að áætla komu ísbjarna
Hvað varðar komu ísbjarna hing-
að til lands segir Ingibjörg að ekki
þurfi að vera tenging á milli nálægð-
ar hafíss við land og komu ísbjarna í
land heldur veldur veik staða íss
þeim mestum vandræðum. „Koma
þeirra hingað fer eftir sjávar-
straumum. Ísbirnir vilja frekar vera
á ís, og þeir synda í land í neyð. Ísinn
hefur þá verið að teygja sig í austur
og bráðnað mjög hratt. Það sem er
að gerast núna á síðastliðnum 20 ár-
um er að mjög stór svæði af hafís
eru að bráðna á einu bretti, og það
er greinilega erfitt fyrir birnina, því
þá verður langt í meginísinn og þeir
reyna að komast í land. Þetta þýðir
að erfitt er að áætla hvar og hvenær
þeir koma í land.“ Ingibjörg hvetur
sjófarendur til að senda inn hafístil-
kynningar til Veðurstofu Íslands.
Hafís frá Grænlandi nálgast land
 Landhelgisgæslan fylgist náið með  Mikil bráðnun hafíss staðreynd  Kemur illa við ísbirni
Ljósmynd/Landhelgisgæslan
Ískönnunarleiðangur Flugvél Landhelgisgæslunnar kannar legu íssins.