Mosfellingur - 04.04.2013, Blaðsíða 24

Undanfarið höfum við frambjóð-
endur Framsóknarflokksins átt
þess kost að hitta fullt af góðu fólki
meðan við höfum kynnt framboð
okkar. Margt af þessu fólki hefur
sagt okkur undan og ofan af hög-
um sínum. Í stuttu máli sagt er
þetta harðduglega og heiðarlega
fólk upp til hópa að berjast um á
hæl og hnakka til að standa í skilum með
stökkbreytt lán sín. En það hefur ekki und-
an, lánin hækka í sífellu þrátt fyrir greiðsl-
urnar. Margir eru á barmi örvæntingar,
að gefast upp. Í liðnum mánuði hækkuðu
verðtryggð lán landsmanna um 3 milljarða
króna, mest vegna útsöluloka. Í hvaða öng-
stræti erum við komin Íslendingar þegar
fataútsölur hafa sláandi áhrif til hækkunar
á lánum okkar?
Nýlega hefur verið sýnt fram á í grein-
um á netinu hvernig verðtrygging kyndir
undir og eykur verðbólgu. Engu er líkara
en að hún lifi sínu eigin lífi. Þannig vef-
ur verðtryggingin sig um heimili fólks eins
og kyrkislanga og herðir að í sífellu. Þessa
óværu á að höggva nú þegar, í einu höggi.
Það verður ekki einfalt, það verður erfitt,
það kann að taka á, það kann að taka tíma,
en það verður að gerast nú þegar, við eigum
ekki annan kost. Ef ekkert er að gert munu
þúsundir heimila í viðbót við þau 4.000
sem þegar eru komin í fang lánastofnana
fara sömu leið með skelfilegum afleiðing-
um fyrir fjölskyldur, lánastofnanir og land-
ið allt.
Við svo búið má ekki standa.
Í fjögur ár hafa núverandi stjórnvöld
slegið skjaldborg..............um lánastofnanir
og fjármagnseigendur. Dómstólar
hafa dæmt suma gjörninga bank-
anna varðandi lán í erlendri mynt
ólöglega þannig að hluti lántak-
enda hefur fengið nokkra leiðrétt-
ingu. Stór hluti lántakenda hefur
hinsvegar fylgst með lánum sínum
hækka mánaðarlega, þrátt fyrir skil
á afborgunum sem eru að hækka
með hverjum mánuði sem líður
Tími aðgerða er runninn upp.
Því er það að við Framsóknarmenn stíg-
um fram og segjum hingað og ekki lengra.
Nú er meira en nóg komið. Nú verður að
afnema verðtryggingu. Nú verður að leið-
rétta stökkbreytt lán. Nú er komið að lán-
veitendum, eigendum krafna, Vogunar-
sjóðum. Nú er kominn tími til að þeir láti
af hendi hluta hagnaðar af kröfum sem
þeir keyptu smánarverði og nota þann
hluta í þágu skuldsetts almennings, til
sanngjarnrar leiðréttingar lána fólks sem
er að þrotum komið. Andstæðingar okkar
í pólitíkinni hafa valið tillögunum og okk-
ur Framsóknarmönnum hin háðulegustu
nöfn og haft uppi upphrópanir í þessu efni,
mest vegna þess að þeir þora ekki sjálfir,
hafa ekki haft kjark í verkefnið í fjögur ár
á meðan Framsóknarmenn hafa lagt fram
hverja tillöguna á fætur annari til að leið-
rétta ranglætið.
Við þorum, við viljum, við skulum, við
getum, við verðum!
Þorsteinn Sæmundsson.
Höfundur skipar 3ja sæti á framboðslista
Framsóknar í Suðvestur kjördæmi
- Aðsendar greinar24
Það er herjað á ungt fólk á Íslandi
úr mörgum áttum. Atvinnutæki-
færi eru fá, skattar hækka, þjón-
usta minnkar og engin tækifæri
eru til að fjárfesta í heimili fyrir
nýstofnaðar fjölskyldur. Mikið af
ungu fólki hverfur í forgangsröðun
ríkisstjórnarinnar. Þau eru hluti af
hópi sem birtist ekki alltaf í opin-
berri tölfræði, hópi sem of oft er hægt að
hunsa. Atvinnuleysistölur á Íslandi sýna
ekki unga fólkið sem fluttist erlendis til
vinnu eða unga fólkið sem fór í nám í hrun-
inu og kemur á næstu árum inn á vinnu-
markað sem býður þau ekki velkomin. Ungt
fólk á Íslandi horfir í dag upp á þjóðfélag án
tækifæra, þjóðfélag þar sem þeirra krafta er
í raun ekki óskað.
Afnemum verðtrygginguna
Ungt fólk sem tekur húsnæðislán í dag
sér fram á að þurfa að borga eignina allt að
þrisvar sinnum áður en yfir lýkur. Algeng
lánsupphæð fyrir ungt fólk til að kaupa sína
fyrstu íbúð er á bilinu 13-20 milljónir, sem
er sanngjarnt verð – sem fólk er tilbúið að
borga. Það sem er hins vegar ekki sann-
gjarnt, er að borga 39-60 milljónir á láns-
tímanum. Verði hér annað hrun, þá eru
það lántakendurnir sem tryggja bankakerf-
ið fyrir hruninu – í gegnum verðtrygging-
una. Fyrir ábyrgan stjórnmálaflokk hlýtur
afnám verðtryggingar að vera forgangsat-
riði. Í stefnu Framsóknarflokksins er það
skýrt, forystufólk okkar hefur talað skýrt
– verðtryggingin verður afnumin.
Sanngirni í skuldamálum
Fyrir hrun tók mikið af ungu fólki verð-
tryggt húsnæðislán í góðri trú – lán
sem hafa stökkbreyst og kæfa nú
framtíðarmöguleika þeirra. Rauði
þráðurinn í tillögum Framsókn-
arflokksins til lausnar á skulda-
vanda heimilanna er réttlæti. Fólk
sem tók verðtryggð húsnæðislán á
sama réttlæti skilið og lántakendur
gengistryggðra lána fengu í gegn-
um réttarkerfið. Það getur ekkert réttlætt
að þeir sem tóku verðtryggð húsnæðislán
sitji einir uppi með afleiðingar þess að lán-
in stökkbreyttust. Forsendubrestinn þarf að
leiðrétta.
Kraft í atvinnulífið
Efnahagurinn og atvinnulífið hér á landi
eru stöðnuð. Hagvöxtur síðasta árs var
1,6%, fjárfesting er í sögulegu lágmarki og
fólk flyst enn erlendis í atvinnuleit. Fram-
sóknarflokkurinn hefur mótað ítarlegar og
raunhæfar tillögur til að snúa þessu ástandi
við. Þar er lagt til grundvallar að hér komist
á pólitískur stöðugleiki og að ný stjórnvöld
leitist við að draga úr óvissu, í stað þess að
ýta undir hana. Tækifæri til nýsköpunar og
vaxtar hér á landi eru til staðar. Hvort sem
er í sjávarútvegi, nýtingu grænnar orku og
vörum framleiddum með grænni orku,
ferðamennsku eða hugverkaiðnaði, þá er
framtíðin björt – ef að stjórnvöld styðja í
stað þess að stöðva.
Framsóknarflokkurinn er tilbúinn til
verka og óskar eftir stuðningi til að snúa
stöðnun í sókn. Framsókn fyrir ungt fólk.
Sigurjón Kjærnested.
Höfundur skipar 4. sæti á lista
framsóknarmanna í Suðvesturkjördæmi
Framsókn fyrir ungt fólk
Batamessa í Lágafellskirkju, sunnudaginn 7. apríl kl. 17
Í Batamessu sameina prestur og Vinir í bata krafta sína í viðkomandi kirkju og bjóða öllum til sín til messu, sem við köllum Batamessu.
Batamessurnar eru frábrugðnar öðrum messum að því leyti að kirkjugestum er frjálst að taka virkari þátt
með því að ganga um kirkjuna og iðka trú sína á eigin forsendum.
Allir geta komið og átt notalega og uppbyggilega stund í Batamessu.
Við verðum!
Á fjórum árum hefur tekist að end-
urreisa efnahagslíf þjóðarinnar.
Hagvöxtur er á pari við það besta
í Evrópu, atvinnuleysi mun lægra
en í löndunum í kringum okkur,
kaupmáttur hefur aukist tvö ár í
röð og íbúðaskuldir heimilanna
eru svipaðar og þær voru 2004. Nú
greiðir ríkið 35% af vaxtakostnaði
heimilanna sem er helmingi meira en gert
var fyrir hrun. Aukinheldur hefur ríkið veitt
yfir 100 milljörðum í barna- og vaxtabætur
á kjörtímabilinu. Á sama tíma hefur halli
ríkissjóðs farið úr 216 milljörðum í ríflega
þrjá. En verkefninu er ekki lokið og nú má
ekki glepjast af innistæðulausum loforð-
um.
Nú hefur einn flokkur lofað 100 milljörð-
um á ári í lækkun skatta og helst til þeirra
sem eiga mest og þéna mest. Fjármagna á
þessi loforð með auknum virkjunum, og
með hagfræðinni um brauðmolana sem
falla af borðum þeirra ríku til hinna fátæku.
Gríðarlegur fjárlagahalli Bandaríkjanna er
gott dæmi um að kenningin gengur ekki
upp. Þá hafði aukin velta hér á landi fyr-
ir hrun ekkert með skatta að gera – veltan
byggði á aukinni skuldsetningu heimila
og fyrirtækja. Það er óábyrgt að lofa 100
milljarða skattalækkunum og setja undir-
stöður velferðarkerfis og fjármál ríkisins í
fullkomið uppnám – bara til þess að fjölga
atkvæðum.
Ljúkum viðræðum
Mikilvægara er að auka verðmætasköp-
un. Fjárfestingaáætlun Jafnaðarmanna
sýnir að við horfum til virkjunar hugvits-
ins, skapandi greina, aukningu
í tækni- og rannsóknarsjóði og
ferðaþjónustu. Þá teljum við að
forsenda verðmætasköpunar sé
stöðugleiki í ytra umhverfi, afnám
hafta og lágur vaxtakostnaður.
Þess vegna setjum við aðildarvið-
ræður við ESB á oddinn enda eru
það hagsmunir almennings að
ljúka viðræðum og leyfa þjóðinni að kjósa.
Upptaka nýs gjaldmiðils er líka besta leiðin
til að losna undan verðtryggingu og hárri
verðbólgu.
Við jafnaðarmenn ætlum sömuleiðis að
verja þrepaskiptan tekjuskatt sem leiddi til
lægri skattbyrði hjá 60% þjóðarinnar. Aðrir
flokkar vilja afnema þrepaskiptinguna og
þá um leið lækka skatta á þá efnamestu en
hækka skatta á þá tekjulægstu. Við jafnað-
armenn viljum frekar forgangsraða í þágu
þeirra sem eru með lægstu tekjurnar, og til
öryrkja, aldraðra, barnafólks og skuldara.
Dreifum byrðunum jafnt
Þannig vilja jafnaðarmenn dreifa byrð-
unum jafnt, svo að hver leggi til samfé-
lagsins í takti við efni og aðstæður. Árangri
undanfarinna ára á að verja til þeirra sem
verst hafa það, en ekki til þeirra sem best
hafa það. En við munum ekki búa við öfl-
ugt velferðarkerfi án verðmætasköpun-
ar. Þess vegna á að styrkja vaxtargreinar
atvinnulífsins og taka upp nýja mynt svo
fyrirtækin geti búið við heilbrigt viðskipta-
umhverfi. Þannig viljum við jafnaðarmenn
sækja fram á næsta kjörtímabili.
Magnús Orri Schram
Þingmaður Samfylkingarinnar
Er innistæða fyrir loforðum?
Það hefur vakið furðu mína að
undanförnu að fylgjast með frétta-
flutningi fjölmiðla af ályktunum
stjórnmálaflokka. Á landsfundi
Sjálfstæðisflokksins fyrir skömmu
var samþykkt tæplega sjö blað-
síðna ályktun um velferðarmál.
Þetta var lengsta ályktun fundar-
ins og augljóst að málefni hennar
snertu marga. Samt hafa fjölmiðlar ekki
sýnt þessum fjölmörgu tillögum nokkurn
áhuga. Velferðarmál eru ein ástæða þess að
ég er í pólitík og ég tel stefnu Sjálfstæðis-
flokksins í þessum málaflokki til fyrirmynd-
ar að öllu leyti nema því hversu hljótt hún
hefur farið.
Það er nánast ógerlegt að grípa einhverja
örfáa punkta úr ályktuninni því hún er á
meitluðu máli og hvert einasta atriði sem
þar kemur fram er svo mikilvægt. Hér skal
þó eitthvað upp talið um leið og minnt er
á að velferðarályktun Sjálfstæðisflokksins
er um sjöfalt lengri en þessi grein svo það
er vel þess virði að kynna sér hana betur á
www.xd.is/landsfundur-2013/samthykkt-
ar-alyktanir
Í kaflanum um heilbrigðis- og trygging-
armál er sú stefna mörkuð að horfið verði
frá þeirri gegndarlausu niðurskurðarstefnu
sem ríkt hefur í rekstri sjúkrastofnana á
þessu kjörtímabli. Höfuðáherslu beri að
leggja á rekstur heilbrigðisstofnana um
allt land. Þar er einnig nefnt að semja þurfi
við tannlækna vegna niðurgreiðslu á tann-
læknaþjónustu fyrir börn.
Í kaflanum um málefni fatlaðs fólks kem-
ur fram krafa um að afnema tekjutenginu
öryrkja við maka og áhersla lögð á að þeir
séu ekki hnepptir í fátækragildru vegna
skerðingar á bótum vegna tilfallandi tekna.
Málefni aldraðra eru fyrirferða-
mikil í ályktuninni. Þar er þess
krafist að aldraðir sem eru á dval-
arheimili haldi fjárhagslegu sjálf-
stæði sínu og að kjaraskerðingin
síðan 1. Júlí 2009 verði afturköll-
uð. Einnig að Tryggingarstofnun
hætti að skerða ellilífeyri vegna
greiðslna úr lífeyrissjóðum krónu
fyrir krónu.
Og þá eru ótalin atriði úr köflunum um
barnavernd, foreldrajafnrétti, málefni fjöl-
skyldunnar, húsnæðismál, mannréttindi og
jafnrétti.
Trúverðug „velferðarstjórn“ þarf þekk-
ingu og skynsama leið til að fjármagna vel-
ferðarþjónustu að norrænni fyrirmynd. Ég
vona að flestir geti nú samþykkt að skatta-
leiðin er ekki vænleg til nokkurs árangurs.
Aukinn hagvöxtur er forsenda bættra lífs-
gæða á Íslandi, hér þarf að auka framleiðni
og útflutning. Víða er starfsfólk undir svo
miklu álagi vegna uppsagna og hagræð-
ingar að meira verður ekki á það lagt. Þess
vegna er brýnt að auka möguleika fyrir-
tækja til vaxtar með stöðugri efnahagsstjórn
og skattalækkunum. Stjórnendur geta þá
gert raunhæfar áætlanir og haft fjárhags-
legt svigrúm til þess að horfa til nýrra verk-
efna, fjölga ráðningum, endurnýja tækja-
kost og innleiða tækninýjungar. Einnig þarf
að hefjast handa á ný við virkjanagerð og
breyta ónýttri orku í þjóðartekjur. Þannig
eflist atvinnulíf, atvinnuleysi dregst saman
og hagvöxtur eykst. Og þannig fjármögnum
við velferð okkar allra.
Bryndís Loftsdóttir
Höfundur er bóksali og skipar 8. sæti á lista
Sjálfstæðisflokksins í SV-kjördæmi
Kjósum um velferðarmál!
Vinir í bata og Lágafellssókn