Mosfellingur - 16.05.2012, Síða 34

Kjötbúðin
Grensásvegi 48 - Sími 571 5511 - kjotbudin@kjotbudin.is
- Aðsendar greinar30
Að­send­Ar greinAr
Grein­um skal skila in­n­ með tölvupósti
á n­etfan­gið mosfellin­gur@mosfellin­gur.is
og skulu þær ekki vera len­gri en­ 500 orð.
Greinum skal fylgja fullt nafn ásamt mynd af höfundi.MO
SF
EL
LIN
GU
R
Hún var áþreifanleg spennan í loftinu
föstudagsmorguninn 27. apríl þegar fimm-
tíu galvaskir skólahljómsveitarmeðlimir
skutluðu svefnpokum og dýnum inní rauðu
rútuna við Varmárskóla. Hálfskelkaðir for-
eldrar reyndu að bera sig mannalega á
kveðjustund, sumir krakkanna að gista
að heiman í fyrsta sinn og eins gott að sjö
foreldrafararstjórar fylgdu hópnum ásamt
Svenna og Daða. Svo var brunað af stað og
Daði stjórnandi skólahljómsveitarinnar las
okkur lífsreglurnar.
Undirrituð var fararstjóri og mig langar
sérstaklega að hrósa Daða og hans fólki fyr-
ir að einfalda öllum lífið með því að banna
farsíma, I-podda og I-padda og allar tölvu-
græjur í þessa ferð. Þetta eru dýr tæki og
það var sko alveg nóg fyrir krakkana að
hugsa um úlpurnar sínar og hljóðfærin og
sundfötin! Fyrir utan það hvað það getur
aukið á heimþrá og söknuð að hringja í
mömmu rétt fyrir svefninn.
Það var gaman að stoppa í Laugabakka-
skóla á leiðinni norður og borða nestið sitt
og ekki spillti nú fyrir að Halldóra mat-
ráðskona hafði skellt í sex skúffukökur sem
hún bauð okkur uppá ylvolgar og æðislegar
– takk fyrir Halldóra.
Þegar búið var að koma sér fyrir í skóla-
stofum Brekkuskóla og borða kvöldmat
ásamt 650 öðrum! var stutt æfing hjá öllum
litum. Appelsínugulir, gulir, grænir, rauðir,
bláir og svartir æfðu ýmist í Brekkuskóla,
KA-heimilinu, Lundaskóla eða niðri á Gler-
ártorgi. Þetta var vel skipulagt, allt gekk
eins og í sögu eftir æfinguna var setningar-
athöfn í KA-heimilinu þar sem Skólahljóm-
sveit Kópavogs fór á kostum með lag eftir
Of Monsters and Men.
Laugardagurinn var langur og strang-
ur en æfingarnar voru brotnar upp með
sundferð og ratleik um miðbæ Akureyrar
þar sem þátttakendur fengu æðislegan ís
í bleiku ísbúðinni og leystu ýmsar þraut-
ir. Svo var svaka diskótek um kvöldið sem
sumir entust ekkert voðalega lengi á.
Eftir hádegi á sunnudag var svo komið
að hápunktinum, tónleikum í KA-heimil-
inu þar sem hver litasveit spilaði þrjú lög og
framfarirnar frá föstudagskvöldinu, maður
minn!! Svo var tilkynnt hvaða sveit hefði
unnið prúðmennskubikarinn eftirsótta
og það verður að segjast að Mosfellingar
höfðu vandað sig í hvítvetna, bæði hvað
varðar umgengni og hegðun og áttum við
alveg eins von á því að vinna bikarinn. Að
þessu sinni voru það Kópavogsbúar sem
hrepptu bikarinn og voru vel að honum
komnir með sína 90 manna sveit!
Að tónleikunum loknum var ekkert ann-
að að gera en hoppa upp í rauðu rútuna,
þakka Akureyringum fyrir frábært lands-
mót og bruna á Blönduós þar sem við
fengum gómsæta hamborgara og franskar á
Kiljunni. Vertinn þar fór létt með að hrista
fimmtíu hamborgara fram úr erminni á
stuttum tíma og a.m.k. fannst undirritaðri
tilbreyting í að stoppa annars staðar en í
vegasjoppum. Sumir fengu sér lúr á leið-
inni heim á meðan aðrir áttu næga orku til
að skemmta sér og öðrum. Það voru ögn
þreyttir en vel æfðir hljómsveitarkrakkar
sem stigu út úr rauðu rútunni við Varmá á
sunnudagskvöldinu.
Ég er þakklát og hrærð yfir því að svona
flott tónlistarstarf sé unnið með börnunum
okkar í Mosfellsbæ og óska Skólahljómsveit
Mosfellsbæjar bjartrar framtíðar og vona
hún fái að dafna áfram. Skólahljómsveit er
ekki sjálfgefin, það eru alls ekki öll sveitar-
félög sem geta státað sig af slíkri.
María Pálsdóttir
Landsmót SÍSL
(Samtök íslenskra skólalúðrasveita)
Fimmtudaginn 3. maí síðastlið-
inn boðaði Samfylkingin í Mos-
fellsbæ til íbúafundar um málefni
tengd starfsemi Sorpu í Álfsnesi.
Þar fluttu framsöguerindi Odd-
ný Sturludóttir formaður stjórnar
Sorpu, Björn Halldórsson fram-
kvæmdastjóri, Stefán Gíslason
umhverfisfræðingur og Rúnar Þór
Guðbrandsson formaður íbúasam-
taka Leirvogstungu. Fundurinn var
vel sóttur og viljum við þakka þeim
bæjarbúum sem mættu og tóku
þátt í þessari þörfu umræðu sem
og fulltrúum stjórnmálaflokkanna
í Mosfellsbæ sem gerðu grein fyrir
viðhorfum sinna flokka.
Ástæða þess að Samfylkingin
ákvað að boða til þessa fundar er sú að
umræða um neikvæð áhrif starfseminnar
í Álfsnesi fyrir ákveðin svæði í bænum hef-
ur ekki verið næg og í raun engin frá hendi
þeirra sem stýra þessum bæ og eiga að gæta
hagsmuna allra bæjarbúa. Reyndin er sú að
fnykurinn frá Sorpu hefur aukist og kvart-
anir vegna hans hafa aldrei verið fleiri en
nú í vetur. Í málum sem þessu er vænlegra
fyrir bæjarbúa að fulltrúar stjórnmálaflokk-
anna vinni saman að því að finna lausn sem
hentar bænum, frekar en að stjórnmála-
fólkið sé hvert í sínu flokkshorni að
reyna að vinna málinu gagn. Sam-
fylkingin í Mosfellsbæ vill breytt
vinnubrögð í bæjarmálum þar
sem hagsmunir bæjarbúa verða
settir framar hagsmunum flokk-
anna. Þess vegna buðum við öll-
um stjórnmálaflokkum sem starfa
í bænum að taka þátt í fundinum
með okkur. Breytt vinnubrögð
kalla á nánara samstarf við bæjar-
búa og aukna áherslu á samráð og
íbúalýðræði.
Fundurinn var öllum þeim sem
þátt tóku í honum til mikils sóma
og endurspeglast andi fundarins í
þeirri ályktun sem samþykkt var
einróma á fundinum og birt er hér í blað-
inu. Þar kemur fram greinilegur vilji til að
Sorpa fái ekki áframhaldandi starfsleyfi
í Álfsnesi og vonandi munu allir stjórn-
málaflokkarnir vinna að því að Sorpu verði
fundinn annar staður til framtíðar, bæði
fyrir urðun og gasgerð. Sú varð niðurstaða
fundarins.
Erna Björg Baldursdóttir og Rafn Hafberg
Guðlaugsson, formaður og varaformaður
Samfylkingarinnar í Mosfellsbæ
Samfylkingin kallar á
breytt vinnubrögð
Eftir þrjár vikur hefst enn ein
íþróttahátíðin hér í Mosó, Lands-
mót UMFÍ fyrir 50 ára og eldri.
UMSK og Mosfellsbær eru form-
legir mótshaldarar en framkvæmd-
in verður að mestu leyti í höndum
íþróttafélaganna í Mosfellsbæ. Auk
þess er Heilsuvin samstarfsaðili
okkar og munu þau bjóða upp á
fræðslufyrirlestra tengda heilsu og hreyf-
ingu, auk heilsufarsmælinga s.s. blóð-
þrýsting og blóðsykur. Þau koma þar sterk
inn enda er helsti tilgangur þessa móts að
hvetja fólk á besta aldri til að hugsa um
heilsuna.
Gert er ráð fyrir 700 þátttakendum í 20
íþróttagreinum. Auk þess má reikna með
miklum fjölda af gestum sem koma til að
fylgjast með keppni eða taka þátt í öðrum
greinum t.d. Zumba, línudans, stafgöngu
eða vatnsleikfimi. Einnig verður í boði rat-
hlaup og almenningshlaup þar sem hver og
einn getur ráðið sínum hraða.
Það verður mikið um að vera í
bænum helgina 8.-10. júní. Þrátt
fyrir að keppnin sjálf muni að
mestu fara fram á íþróttasvæðum
Aftureldingar, Kjalar og Harðar þá
mun hátíðin teygja sig víða um
bæinn, í Álafosskvos og allt upp í
Gljúfrastein. En eitt af sérkennum
mótsins verður einmitt spurninga-
keppni úr verkum Halldórs Laxness.
Allar upplýsingar um hátíðina er að
finna á heimasíðu UMFÍ; umfi.is/um-
fi09/50plus/ og er ástæða til að hvetja bæj-
arbúa til þátttöku og þjónustuaðila til að
setja sig í stellingar.
Ágætu Mosfellingar
Við erum í raun öll gestgjafar á þessari
hátið. Við skulum taka þátt og njóta hennar
og taka vel á móti gestum okkar.
Valdimar Leó Friðriksson
formaður Landsmótsnefndar
Íþróttahátíð í Mosfellsbæ
Ég þakka Jóhanni Óla Hilmarssyni
fyrir skemmtilega heilsíðu í sein-
asta Mosfellingi en þar gerði hann
grein fyrir helstu búsvæðum og
fjölbreytileika fuglalífs Mosfells-
bæjar.
Nokkrum dögum áður en Jó-
hann birti sína umfjöllun fékk ég
þá hugmynd að skrifa stuttlega um
svipað efni, líklega vegna þess að um þessar
mundir er hvað besti tíminn til fuglaskoð-
unar á Íslandi. Langflestir farfuglarnir eru
komnir að utan, tilhugalíf og söngatferli er
í fullum gangi og fjaðurhamur fugla skartar
sínu fegursta.
Ég var ekki kominn langt í undirbúningi
þegar greinin kom út og hef engu við hana
að bæta, nema hvað mig langar
að vekja athygli á að fuglaskoðun
er skemmtileg og gefandi útivera,
sem ekki er einungis fyrir heldra
fólk og líffræðinörda heldur alla
þá sem hafa snefil af náttúru- og
útivistaráhuga. Þetta lærði ég síð-
astliðið sumar og að því tilefni
skora ég á Mosfellsbæ, þar sem
hann fagnar nú 25 ára bæjarafmæli sínu
og stefnir að því að efna til jafn margra við-
burða á árinu, að hafa fuglaskoðun í fylgd
sérfræðinga í sveitarfélaginu sem einn af
þeim.
Arnór Þrastarson
líffræðingur og fuglaáhugamaður
Fuglaskoðun í Mosfellsbæ
Óskum eftir að ráða
fólk í hlutastarf
Æskilegt er að viðkomandi hafi þekkingu á kjöti og matreiðslu.
Áhugasamir sendi umsókn á geiri@kjotbudin.is
Kjötbúðin
Grensásvegi 48 - Sími 571 5511 - kjotbudin@kjotbudin.is