Mosfellingur - 24.02.2006, Blaðsíða 4

Mosfellingur - Fréttir, bæjarmál og aðsendar greinar4
KFC MOSFELLSBÆ
Undanfarin ár hef ég oft velt fyrir
mér hvers vegna leikvellir í Mosfellsbæ
séu mun fátæklegri en almennt gerist
og gengur í nágrannasveitarfélögum
okkar. Ég kemst auðvitað ekki að
neinni annarri niðurstöðu en þeirri
að í þessu sveitarfélagi virðist vanta
áhuga stjórnenda þess fyrir þessum
málum. Síðastliðið haust gekk ég af
og til um vesturbæ Reykjavíkur. Kom
mér þar skemmtilega á óvart hversu
inn á milli húsa var gjarnan að fi nna
virkilega fallega og vel búna leikvelli.
Leikvellir þessir voru að mörgu leyti
eins og litlir almenningsgarðar, þar
sem áhersla var lögð á gróður, form-
fegurð, setaðstöðu, og fjölbreytt og
vönduð leiktæki fyrir breiðan aldurs-
hóp. Leiktæki á þessum völlum voru
gjarnan kastalar með brú og renni-
braut, klifurgrindur, rólur, sandkass-
ar, vegasölt og ýmislegt fl eira. Eitt
tæki, sem var yfi rleitt á öllum þessum
leikvöllum vakti sérstaka athygli mína
og langar mig að minnast á það hér,
þar sem ég held að börnum og ung-
lingum þyki það óvenju spennandi.
Ekki veit ég hvað svona leiktæki heitir,
en um er að ræða tvo uppfesta palla
með talsverðu bili á milli. Langur
stálvír er strengdur milli pallanna og
hægt að renna sér á milli pallanna á
spotta sem hangir úr vírnum. Fall-
egir og vel búnir leikvellir í vesturbæ
Reykjavíkur held ég að séu ekkert
einsdæmi í Reykjavík og öðrum sveit-
arfélögum hér á höfuðborgarsvæðinu
að Mosfellsbæ undanskyldum. En
ánægjulegt væri ef hægt væri að stan-
da jafn vel að verki í Mosfellsbæ, hvað
leikvelli varðar, og lýst er hér að fra-
man og sjá má á meðfylgjandi mynd
með grein þessari.
Áhugi bæjaryfi rvalda
Fyrir nokkrum árum síðan var
uppi nokkur gagnrýni á umræðuvef
Mosfellsbæjar hvað varðar fátæklega
og illa hirta leikvelli í bæjarfélaginu.
Þessari gagnrýni var harðlega mót-
mælt af hálfu bæjaryfi rvalda, sem
töldu útbúnað og umhirðu leikvalla
í bænum með besta móti. Lítið fi nnst
mér leikvallamál hafa breyst til batn-
aðar síðan þessi gagnrýni átti sér
stað fyrir 3 – 4 árum síðan. Nýlega
sendi ég fyrirspurn til bæjaryfi r valda
um hversu miklu fé hefði verið varið
árlega undanfarin ár til umhirðu,
viðhalds og nýframkvæmda leik-
svæða í bæjarfélaginu. Í svarinu sem
ég fékk kom fram að til þessara mála
hefði árlega undanfarin ár verið var-
ið 2,5 til 3,0 milljónum króna, utan
kostn aðar í nýjum hverfum sem fl okk-
ast undir gatnagerð. Það gefur auga
leið að lítið gerist í þessum málum í
rúmlega 7000 manna bæjarfélagi ef
ekki er varið til þessara mála hærri
fjárhæðum en raun ber vitni. Undan-
farin ár hefur bærinn veitt miklum
fjármunum bæði beint og óbeint til
sérstakra áhuga mála hluta bæjar-
búa, s.s. hestamanna og golfi ðkenda.
Áfram stendur til að veita miklu fé til
þessara mála, m.a. til byggingar 70
milljóna króna reiðhallar. Bæði golf
og hestasport eru ágætis íþróttir, en
væri hægt að veita viðlíka fjárhæðum
til bæjarbúa almennt með gerð al-
mennilegra leikvalla eða almenn-
ingsgarða í bæjarfélaginu?
Áhugi bæjarbúa
Á íbúaþingi síðastliðið vor skiptu
þátttakendur sér í vinnuhópa eftir
ákveðnum málefnum, s.s. skipu-
lags- og byggingarmálum, umhverfi s-
málum, fjölskyldumálum, o.s.frv. Við
lok þingsins voru niðurstöður hóp-
anna kynntar. Ef ég man rétt komu
tillögur frá öllum hópunum um al-
menningsgarð eða garða þar sem fjöl-
skyldan gæti komið saman og not ið
góðra stunda. Takmarkaður áhugi
bæjaryfi rvalda á þessum málum
virðist því ekki í samhljóm við áhuga
íbúa bæjarfélagins.
Aukin útivera barna
og samverustundir
fjölskyldunnar
Af hálfu Lýðheilsustöðvar og ým-
issa annarra aðila hefur verið vakin
athygli á því hve kyrrsetur barna, hafa
aukist, m.a. vegna aukinnar viðveru í
skóla og mikils tíma fyrir framan sjón-
vörp og tölvur. Að sama skapi hefur og
dregið úr útiveru og útileikjum barna.
Af þessum sökum hefur verið bent á
að hvetja þurfi börn til meiri hreyf-
ingar, útiveru og útileikja. Við sem
eigum börn á tölvuleikjaaldri í dag
þekkjum fl est hversu erfi tt það getur
stundum verið. Áhugaverð leiksvæði
myndu án efa hjálpa okkur þar. Af
hálfu Lýðheilsu stöðvar og annarra
aðila hefur einnig verið hvatt til auk-
innar samveru foreldra með börnum
sínum, m.a. í útiveru og hreyfi ngu.
Ef hægt væri að koma upp góðum
almenningsgörðum með góðum leik-
svæðum held ég að auka mætti úti-
vist og útileiki barna, sem og stuðla
að fl eiri góðum samverustundum
fjölskyldunnar. Ef vel væri að verki
staðið gætu vandaðir almennings-
garðar, ekki eingöngu orðið barnafjöl-
skyldum til ánægju og yndisauka,
heldur öllum bæjarbúum.
Hugmyndir um almenn-
ingsgarða í Mosfellsbæ
Hugmyndir mínar um almenn-
ingsgarða með vönduðum og vel
útfærðum leiksvæðum eru á þann
veg að í hverju hverfi verði komið
upp einum slíkum og útfærslu hagað
með þeim hætti að áhersla væri lögð
á gróður, formfegurð, setaðstöðu og
fjölbreytt og vönduð leiktæki fyrir
breiðan aldurshóp. Sem dæmi mætti
hugsa sér að komið yrði upp slíkum
almenningsgarði í Höfðahverfi á stóru
opnu svæði sem afmarkast af Skelja-
tanga, Svöluhöfða og Leirutanga í
austri og Arnarhöfða í vestri. Garður
þar myndi nýtast vel stóru barnmörgu
svæði, bæði í Höfða- og Tangahverfi .
Á þessu svæði er nokkur vatnssöfnun
í jarðvegi, sem nýta mætti með þeim
hætti að útbúin væri grunn tjörn eða
tvær tjarnir með læk í milli. Það hafa
fl eiri en golfarar ánægju af slíku í sínu
umhverfi og ég leyfi mér að efast um
að kostnaður við slíka framkvæmd
yrði verulegur. Grunn tjörn gæti verið
börnum uppspretta leikja allan árs-
ins hring, auk þess að geta verið til
mik illar prýði. Á þessu svæði mætti
einnig gera aðstæður þannig úr garði
að þar væri einhversstaðar hægt að
renna á sleða.
Hvað varðar staðsetningu almenn-
ingsgarða í öðrum hverfum mætti
m.a. hvað Tangahverfi varðar hugsa
sér opið svæði sem afmarkast af
Brekkutanga og Borgartanga. Fyrir
Holtahverfi mætti hugsa sér opið
svæði sem afmarkast af Barrholti og
Bergholti. Bæði þessi svæði eru í dag
skipulögð sem leiksvæði, en mætti
gjarnan gera svo miklu meira fyrir.
Í lokin vil ég hvetja þau stjórn-
málaöfl , sem bjóða munu fram í
bæjarstjórnarkosningum í vor, til að
setja á stefnuskrá sína að komið verði
upp almenningsgörðum í bænum í
anda þess sem hér hefur verið lýst.
Það stjórnmálaafl sem boðaði slíka
stefnu með sannfærandi hætti fyrir
kosningar í vor gæti gengið að mínu
atkvæði með talsverðri vissu og án efa
atkvæðum fjölda annarra.
Egill Helgason
Skeljatanga 26
Um leikvelli og
almenningsgarða
Leikvöllur eða almenningsgarður í vesturbæ
Reykjavíkur. Greinarhöfundur spyr: Skyldum
við Mosfellsbæingar eiga eftir að sjá jafn
fallega og vandaða leikvelli hér í bænum?
Ný gatnamót
á leiðinni
Nú hefur Vegagerðin boðið
út vinnu við gerð mislægra
gatna móta þar sem Vestur-
landsvegur og Suðurlandsvegur
mætast. Með þessu verður
komið í veg fyrir þá umferð-
arteppu sem þar vill verða. Þetta
eru frekar góð tíðindi fyrir Mos-
fellinga sem hafa þurft margan
morguninn að vera í langri
biðröð á leið til vinnu sinn ar.
Verkið á að vera búið fyrir 1.
nóvember næstkomandi en
vegna þessara breytinga verður
eitthvað um lokun á veginum og
umferða tafi r óumfl ýjanlegar á
meðan framkvæmdum stendur.
Launahækkun
samþykkt
Bæjarráð
samþykkti á
fundi þann
9. febrúar
síðastliðinn
að hækka
laun leikskólakennara og félaga
í Starfsmannafélagi Mosfells-
bæjar (STAMOS). Reynt verður
að hafa laun í samræmi við það
sem gengur og gerist í sam-
bærilegum störfum í nágranna-
sveitarfélögum. Þá er munur á
sambærilegum störfum innan
STAMOS sem þarf að laga til
þess að koma jafnvægi á innan
STAMOS.
Óviðunandi
löggæsla
Á bæjarstjórnarfundi þann
15. febrúar kom fjölskyldunefnd
á framfæri óánægju sinni með
löggæslu hér
í bæ. Nefndin
telur löggæslu
óviðunandi
á kvöldin og
um helgar. Þá
hefur nefnd in
sérstakar
áhyggjur
hvað varðar
viðbragðstíma
lögreglunnar. Löggæslan er í
höndum Reykjavíkurborgar og
var ákveðið á bæjarstjórnar-
fundinum að bæjarstjóri fari
fram á fund með lögreglustjóra
Reykjavíkur til þess að fi nna
leiðir til þess að bæta þjónustu
lögreglunnar við Mosfellsbæ.