Morgunblaðið - 08.10.2018, Blaðsíða 8

8 FRÉTTIRInnlent
MORGUNBLAÐIÐ MÁNUDAGUR 8. OKTÓBER 2018
)553 1620
Lauga-ás hefur
frá 1979 boðið
viðskiptavinum
sínum upp á úrval
af réttum þar sem
hráefni, þekking
og íslenskar
hefðir hafa verið
höfð að leiðarljósi.
Laugarásvegi 1, 104 Reykjavík
laugaas@laugaas.is • laugaas.is
Við bjóðum m.a. upp á:
Súpur
Grænmetisrétti
Pastarétti
Fiskrétti
Kjötrétti
Hamborgara
Samlokur
Barnamatseðil
Eftirrétti
The Sunday Times birti umhelgina viðtal við Mark Sismey-
Durrant, manninn sem stýrði Ice-
save í Bretlandi við fall Landsbank-
ans, og frekari umfjöllun í tengslum
við það.
  
Í umfjölluninnikemur fram það
álit Sismey-Durrant
að það hafi verið út-
reiknuð aðgerð af
hálfu fjármálaráðu-
neytisins breska að
láta íslensku bank-
ana falla.
  
Sú skoðun hafiverið ríkjandi
innan stjórnkerfisins
að refsa þyrfti Íslendingum fyrir að
hafa slegið um sig í fjármálalífinu.
  
Og blaðamaðurinn bendir á aðþessi skoðun komi einnig fram
í nýrri skýrslu sem skrifuð var fyrir
fjármálaráðuneytið íslenska og á
þar við skýrsluna sem Hannes Hólm-
steinn Gissurarson skrifaði á vegum
Félagsvísindastofnunar.
  
Þar kom meðal annars fram aðMervyn King, fyrrverandi
seðlabankastjóri Breta, telur fram-
göngu breskra stjórnvalda gagnvart
Íslendingum þegar bankarnir féllu
vera Bretum til minnkunar.
  
Það eru þannig ekki aðeins Ís-lendingar sem átta sig á að
Gordon Brown og Alistair Darling
komu illa fram við Íslendinga haust-
ið 2008.
  
En það er lakara að í ákafanumvið að slá pólitískar keilur voru
allnokkrir Íslendingar tilbúnir til að
beina spjótum sínum inn á við á
ögurstundu. Það var ekki síður
minnkandi framkoma en sú sem
Darling og Brown sýndu okkur.
Mark Sismey-
Durrant
Minnkandi
framkoma
STAKSTEINAR
Mervyn King
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Lögreglan á höfuðborgarsvæðinu varaði í gær-
morgun við svikapósti sem ýmsum barst um
helgina. Í kjölfarið lokaði Internet á Íslandi ehf.
(ISNIC) á þjónustu til þeirra sem sendu póst-
inn. Viðkomandi leituðust við að komast yfir
persónuupplýsingar fólks eins og bankaupplýs-
ingar. Ekki er vitað hver fjöldi fórnarlamba er
en málið er umfangsmikið og glæpurinn virðist
þaulskipulagður.
Í svikapóstinum voru viðtakendur boðaðir í
skýrslutöku hjá lögreglunni og svo var þeim
bent á að fara inn á „vefslóð lögreglu“ fyrir
frekari upplýsingar um málið. Sú vefslóð var
vitanlega ekki vefslóð lögreglu í raun og veru
heldur gildra. Lögreglan bað fólk að opna alls
ekki póstinn enda var óværa, vírus, í viðhengi.
Furðu vakti hversu vandað var til verka.
Pósturinn ber þess merki að vera raunverulega
frá lögreglunni. Þegar betur er að gáð blasir
hitt raunar við. Dæmi um orðalag í póstinum:
„Þú átt rétt á verjanda og hafa hann á meðan
skýrslutöku stendur, ef þess ber að nýta má
huga að því tímanlega.“ Auðséð er að hér
mundar ekki vanur lögfræðingur fjöðrina. Þó
mun þetta hafa hrifið: Fjölmargir smelltu á
hlekkinn í póstinum.
Þrjótarnir að verki notuðu lénið logregian.is,
með litlu i-i í stað lítils l-s. Þannig virtist
pósturinn í fljótu bragði vera frá netfangi hjá
logreglan.is. Í gær tók vefhýsillinn 1984 síðuna
niður og sama gerði ISNIC. Málið er sem
stendur til rannsóknar hjá lögreglu og er einnig
komið á borð Europol.
Margir fengu svikapóst um helgina
 Vefhýslar þurftu að loka á aðgang óprúttinna aðila  Málið er sagt alvarlegt
Eyjólfur Þór Sæ-
mundsson, forstjóri
Vinnueftirlitsins, lést
á líknardeild Land-
spítalans síðastliðinn
föstudag, 5. október,
68 ára að aldri. Hann
greindist með krabba-
mein í maí á síðast-
liðnu ári og barðist
við mein sitt uns yfir
lauk.
Eyjólfur var fædd-
ur 28. september árið
1950, elstur fjögurra
barna Hrefnu Eyjólfs-
dóttur og Sæmundar
Harðar Björnssonar flugum-
sjónarmanns.
Eyjólfur tók stúdentspróf frá
Menntaskólanum í Reykjavík árið
1970 og fyrrihlutapróf í efnaverk-
fræði við Háskóla Íslands árið
1972. Fór svo til frekara náms í
þeirri grein við Tækniháskólann í
Þrándheimi í Noregi árið 1974.
Fór seinna í MBA-nám við Há-
skóla Íslands og lauk þeirri gráðu
árið 2007.
Árið 1975 hóf Eyjólfur störf
sem deildarverkfræðingur hjá
Heilbrigðiseftirliti Reykjavíkur en
tók svo árið 1980 við embætti ör-
yggismálastjóra ríkisins. Árið eftir
varð Eyjólfur svo for-
stjóri Vinnueftirlits
ríkisins og gegndi því
starfi til dánardæg-
urs.
Um langt árabil
var Eyjólfur virkur
þátttakandi í starfi
Alþýðuflokksins,
seinna Samfylkingar
og var fyrsti gjald-
keri hennar. Þá hafði
Eyjólfur mikil af-
skipti af bæjarmálum
í Hafnarfirði. Átti
hann sæti í hafnar-
stjórn í meira en
tuttugu ár og var lengst formaður
hennar. Sat sömuleiðis lengi í
fræðsluráði. Bæjarfulltrúi í
Hafnarfirði var Eyjólfur frá 2009
til 2014. Sömuleiðis starfaði Eyj-
ólfur í Rótarýklúbbi Hafnarfjarðar
um langt árabil og var forseti
klúbbsins í eitt ár.
Eftirlifandi kona Eyjólfs Þórs
er Gerður Sólveig Sigurðardóttir
kennari. Þau eignuðust tvö börn;
Helgu, sem er öldrunarlæknir, og
Baldur Þór, bílstjóra. Barnabörnin
eru þrjú.
Útför Eyjólfs Þórs verður gerð
frá Hafnarfjarðarkirkju miðviku-
daginn 17. október klukkan 13.
Andlát
Eyjólfur Þór
Sæmundsson