Morgunblaðið - 09.10.2018, Síða 15

FRÉTTIR 15Innlent
MORGUNBLAÐIÐ ÞRIÐJUDAGUR 9. OKTÓBER 2018
Kveðja, Gímur kokkur.
www.grimurkokkur.is
ÁN MSG
Plokkfiskur
- o ur os ur nn 5. mín.
Bragð af
vináttu • Hágæðagæludýrafóður
framleitt
í Þýskalandi
• Bragðgott og
auðmeltanlegt
• Án viðbættra
litar-, bragð- og
rotvarnarefna
Útsölustaðir:
Byko, Gæludýr.is,
4 loppur, Multitask,
Launafl, Vélaval, Landstólpi.
Sigtryggur Sigtryggsson
sisi@mbl.is
Björgun ehf. mun hætta starfsemi í
Sævarhöfða fyrir 1. júní 2019, hvað
sem líður leit að annarri lóð fyrir
fyrirtækið. Þetta segir Dagur B.
Eggertsson borgarstjóri í svarbréfi
til íbúasamtaka Bryggjuhverfis.
Íbúasamtökin rituðu borgarstjóra
og Hjálmari Sveinssyni borgarfull-
trúa bréf dagsett 5. september.
Þar er bent á að fyrr á þessu ári
hafi jarðvegsmön á milli athafna-
svæðis Björgunar og Bryggju-
hverfisins verið fjarlægð. „Íbúasam-
tök Bryggjuhverfisins hafa ekki gert
athugasemd við fjarlægingu manar-
innar. Þvert á móti, enda forsenda
fyrir áframhaldandi uppbyggingu
hverfisins og fyrsta áþreifanlega
merkið um að staðið verði við tíma-
fresti. Hins vegar hefur aðgerðin í
för með sér stóraukið sandfok yfir
allt hverfið og bera gluggar og
gluggakistur í íbúðum hverfisins
þess glögg merki. Auk þess er hljóð-
og sjónmengun fyrir íbúa hverfisins
stóraukin. Allt er það þó þolanlegt,
ef það er til marks um að staðið verði
við tímafresti í tengslum við flutning
Björgunar.“
Í bréfinu rifja íbúasamtökin upp
að í ágúst 2017 hafi Reykjavíkurborg
og Björgun undirritað viljayfirlýingu
um flutning fyrirtækisins í Álfsnes.
Samtökin höfðu samband við
Skipulagsstofnun í septemberbyrjun
og fengu þær upplýsingar að henni
hefðu ekki borist frumgögn vegna
umhverfismats á fyrirhugaðri starf-
semi Björgunar í Álfsnesi.
„Afar fátítt er, samkvæmt upplýs-
ingum frá Skipulagsstofnun, að um-
hverfismat taki skemmri tíma en eitt
ár. Algengara er að það taki eitt og
hálft til tvö ár. Að því ferli og skipu-
lagsferlinu loknu er hægt að hefja
framkvæmdir,“ segir í bréfinu. Af
þessu megi draga þá ályktun að
Björgun geti ekki hafið starfsemi í
Álfsnesi fyrr en eftir tvö til þrjú ár í
fyrsta lagi. Nú eru hins vegar innan
við átta mánuðir uns fyrirtækið á að
vera farið úr Sævarhöfða.
Íbúasamtökin benda á í bréfinu að
þetta valdi íbúum Bryggjuhverfis
áhyggjum og því sé nauðsynlegt að
fá svör við þeirri spurningu hvort
Björgun muni hætta starfseminni í
Sævarhöfða á tilsettum tíma.
Frekari landfyllingar
Borgarstjóri er afdráttarlaus í
svari sínu: Björgun muni fara á um-
sömdum tíma. Hann bendir jafn-
framt á að deiliskipulag stækkunar
hverfisins, Bryggjuhverfis vestur,
geri ráð fyrir frekari landfyllingum.
Þær muni Björgun vinna fyrir
Reykjavíkurborg og Faxaflóahafnir.
Í gildi sé verksamningur þar sem
gert er ráð fyrir verklokum vegna
þessa eigi síðar en 31. desember
2019.
Flytur úr Sævarhöfða næsta vor
Morgunblaðið/Eggert
Bryggjuhverfið Íbúar höfðu áhyggjur af því að ekki yrði staðið við tíma-
fresti um flutning Björgunar næsta vor. Frestir standa, segir borgarstjóri.
 Borgarstjóri afdráttarlaus um flutning Björgunar  Mön fjarlægð og stóraukið sandfok yfir hverfið
Nýtt vatnsár hófst hjá Landsvirkjun
1. október síðastliðinn. Horfur fyrir
afhendingu orku frá Landsvirkjun
eru góðar, þótt staðan í vatnsbúskap
fyrirtækisins í byrjun nýs vatnsárs
sé nokkru lakari en hún hefur verið
undanfarin tvö ár, að því er fram
kemur í frétt á heimasíðu fyrirtæk-
isins.
Nýtt vatnsár hefst hjá Lands-
virkjun 1. október ár hvert, en um
það leyti eru miðlanir yfirleitt í
hæstu stöðu eftir vorleysingar,
jöklabráð sumarsins og upphaf
haustrigninga.
Þegar haustrigningum lýkur og
vetur gengur í garð er byrjað að nýta
miðlunarforðann sem safnast hefur í
lónin. Vatn frá miðlunum stendur
undir um helmingi af orkuvinnslu
Landsvirkjunar yfir veturinn og
fram á vor.
Jökulbráð hófst að marki fyrri
hluta júlí í ár og öll miðlunarlón voru
full snemma, eða í byrjun ágúst.
Ágústmánuður var kaldur á lands-
vísu, sá kaldasti síðan 2005 eða jafn-
vel 1993 samkvæmt mælingum
Veðurstofunnar, og sama má segja
um september. Nú í upphafi nýs
vatnsárs er niðurdráttur hafinn úr
öllum miðlunarlónum fyrirtækisins,
um mánuði fyrr en á síðasta vatnsári.
Horfur fyrir rekstur kerfisins og
afhendingu orku eru hins vegar
góðar. Ný virkjun á Þeistareykjum
kom í rekstur snemma árs og stækk-
un Búrfellsstöðvar var tekin í gagnið
á miðju ári.
„Landsvirkjun er því í góðri stöðu
að tryggja orkuafhendingu til við-
skiptavina sinna á komandi vatnsári,
en ef innrennsli verður undir meðal-
lagi í haust getur það haft áhrif á
framboð orku frá fyrirtækinu,“ segir
á heimasíðu fyrirtækisins.
sisi@mbl.is
Vatnsbúskapur
er lakari en áður
 Nýtt vatnsár hafið hjá Landsvirkjun
Morgunblaðið/Helgi Bjarnason
Þeistareykir Ný stöð hefur treyst
orkuafhendingu Landsvirkjunar.
Sýningar í Perlunni
Ranghermt var í Morgunblaðinu í
gær að Látrabjarg væri hluti af
nýrri sviðsmynd í Perlunni. Látra-
bjarg er hluti af sýningunni Wond-
ers of Iceland sem var opnuð 4. maí.
Sýning Náttúruminjasafnsins fer
ekki inn í einn hitaveitutankanna á
Öskjuhlíð heldur á nýja aðra hæð í
Perlunni sem var hönnuð í samvinnu
við Ingimund Sveinsson, arkitekt
Perlunnar. Velvirðingar er beðist á
mistökunum.
Húsið verður lokað þar til um
miðjan mánuðinn meðan unnið er að
framkvæmdum þar eftir brunann
24. apríl, en hægt er að komast á út-
sýnispall Perlunnar án endurgjalds
meðan á lokun stendur.
LEIÐRÉTT