Morgunblaðið - 09.10.2018, Side 30

30 MENNING
MORGUNBLAÐIÐ ÞRIÐJUDAGUR 9. OKTÓBER 2018
Dvergshöfða 2, 110 Reykjavík bilanaust@bilanaust.is
Sími: 535 9000 | bilanaust.is
Gæði, reynsla og gott verð
Vottaðir hágæða
VARAHLUTIR
í flestar gerðir bifreiða
Siðan 1962
Bílanaust er einnig í Hafnarfirði – Keflavík – Selfossi – Akureyri – Egilsstöðum
Guðrún Erlingsdóttir
ge@mbl.is
Breska raftónlistarkonan Imogen
Heap, sem er tvöfaldur Grammy-
verðlaunahafi, heldur tónleika í Há-
skólabíói í kvöld. Heap er á heims-
tónleikaferð sem hófst í Stokkhólmi
3. september og spilar nú í fyrsta
sinn á Íslandi en hún kom til lands-
ins árið 2010 og hélt fyrirlestur á
ráðstefnunni You Are in Control
sem fjallaði um hvernig hægt er að
nýta stafræn tól við sköpun.
Heap segir Ísland ótrúlegt land
sem hafi verið mikill áhrifavaldur í
lífi sínu og fjölskyldu sinnar eftir
ferð til landsins árið 2014 sem var í
þeim tilgangi að taka ljósmyndir
fyrir plötuumslag hennar.
„Ég er spennt að fá að spila á
Íslandi og kalla fram nýjar hug-
myndir. Ég renni blint í sjóinn með
hvort það sé markaður fyrir tón-
listina mína á Íslandi en vonandi
kemur aðsóknin mér á óvart,“ segir
Imogen Heap.
Mi.Mu-hanskar á sviðinu
Á sölusíðu tónleikanna er tónlist
Heap lýst sem draumkenndu raf-
poppi sem teikni upp óræðar vídd-
ir, en það dugi ekki til því tónlist
hennar tali sínu máli sjálf.
Heap hefur tekið þátt í að þróa
stafræna tónlistarhanska, Mi.Mu
gloves, sem gera tónlistarmönnum
kleift að nota hendurnar sem hljóð-
færi. Heap ásamt tveimur öðrum
raftónlistarmönnum mun nota slíka
hanska á sviðinu í Háskólabíói auk
þess sem spilað verður á hljómborð
og fartölvur. Heap telur hugs-
anlegt að á tónleikunum í kvöld
verði í fyrsta sinn á Íslandi spilað
með þremur stafrænum hönskum.
Heap segist munu flytja ný og
gömul lög á tónleikunum sem
standi yfir í eina og hálfa klukku-
stund.
„Guy Sigsworth, sem meðal ann-
ars hefur unnið með þjóðargersem-
inni Björk og spilað oft á Íslandi,
tekur lög af nýrri plötu sinni og
saman munum við Sigsworth, sem
myndum dúettinn Frou Frou, taka
gömul og ný lög,“ segir Heap sem
einnig verður með vinnustofu í
Iðnó 11. október frá kl. 14 til 17.
Á vinnustofunni, sem ber heitið
Reykjavík, Creative Passport, i.
Change maker. Breytingar með
skapandi vegabréfum, mun Heap
kynna nýjar lausnir til einföldunar
greiðslukerfa í tónlistariðnaði og
rafrænan heildstæðan gagnagrunn
fyrir tónlistarmenn. Rástefnan er
öllum opin sem á einn eða annan
hátt koma að tónlistariðnaði með
flutningi, útgáfu og sölu á tónlist
og tækni. Má þar m.a. nefna lista-
menn, lagahöfunda, framleiðendur
og þjónustufyrirtæki.
„Gestir í málstofu fá að kynnast
Creative Passport, i. skapandi
vegabréfi sem hjálpa á tónlistar-
mönnum að koma á framfæri upp-
lýsingum um fyrir hvað þeir standa
og hvað einkennir þá í stafrænum
tónlistargagnagrunni,“ segir Heap,
sem unnið hefur að hugmyndinni í
nokkur ár í gegnum verkefnið
MYCELIA.
Gjörbreytir tónlistargeiranum
„Við höfum nýtt síðustu tvö til
þrjú ár í að ræða verkefnið en nú
erum við byrjuð að þróa það og
leyfa tónlistarmönnum að prófa.
Við erum á byrjunarstigi með
gagnagrunninn en vonandi tekst
okkur að setja app í loftið í desem-
ber,“ segir Heap og bætir við að ef
hugmyndin gangi upp muni það
gjörbreyta tónlistargeiranum.
Milliliðum fækki og tónlistarmenn,
útgefendur og þjónustuaðilar í tón-
listargeiranum fái greitt fyrr fyrir
vinnu sína.
Að sögn Heap skráir einungis
1% tónlistarmanna verk sín, hin
99% telja að það taki því ekki að
skrá tónlistina því þeir fái litlar eða
engar greiðslur fyrir verkin.
„Það þarf að stytta tímann frá
því að tónlist er flutt í útvarpi og
þar til greiðslur renna í vasa þeirra
sem eiga að fá greitt fyrir hana.
Það getur tekið allt að tvö til þrjú
ár til viðbótar að fá greitt fyrir
tónlist sem flutt er utan heima-
lands. Þetta er glatað á stafrænni
öld,“ segir Heap og bendir á að
kaup og sala á tónlist ætti ekki að
vera frábrugðin kaupum á annarri
vöru eða þjónustu.
„Í stafrænum heimi ætti að vera
til gagnabanki fyrir alla tónlistar-
menn svo þeir geti átt milliliðalaus
viðskipti við þjónustuaðila og
öfugt,“ segir Heap og bætir við að
með Smart Contracts sé hægt að
sjá til þess að tónlistarmenn, upp-
tökufyrirtæki og aðrir þjónustu-
seljendur fái greitt fyrir vinnu sína
samstundis. Það sama eigi við þeg-
ar vilji sé til þess að allur eða hluti
ágóða tónverks gangi til góð-
gerðarmála tímabundið eða til
frambúðar. Það mætti vel hugsa
sér að með slíka vitneskju myndu
ljósvakamiðlar jafnvel spila meira
af lögum sem gæfu til hjálpar-
starfs. Peningarnir myndu flæða
betur og komast fyrr til þeirra sem
þyrftu á að halda. Heap segir að
allir myndu vinna með þessu
fyrirkomulagi.
Að sögn Heap gæti skapandi
vegabréfið að hluta til verið svar
við nýrri persónuverndarlöggjöf
þar sem þeir sem nýta sér vega-
bréfið verði sjálfir með stjórn á því
hvaða upplýsingar séu settar þar
fram.
Meira og léttara flæði
„Okkur vantar gagnagrunn þar
sem við getum fundið á einum stað
laga- og textahöfunda og tónlistar-
menn. Séð fyrir hvað þeir standa
og þeirra áherslur. Þeir sem vilja
ráða tónlistarmenn í vinnu finna
alla á sama stað, hvort sem verið
er að leita að aðstoð við góðgerðar-
tónleika, barnatónleika, lagasmíðar
eða hvað sem kaupanda vantar
tengt tónlist,“ segir Heap, sem er
þess fullviss að á slíkum stafræn-
um svæðum verði flæðið meira og
vinnuumhverfið léttara.
„Ég hef trú á að það sé betra að
bjóða fram þjónustu okkar í stað
auglýsingamennskunnar sem ríkir í
dag með sínum truflandi áhrifum. Í
stafrænum gagnagrunni getur tón-
listarmaðurinn sjálfur haft mikil
áhrif á hvernig lög hans eru skil-
greind og merkt,“ segir Heap og
tekur sem dæmi að ef einhver sé
illa fyrirkallaður geti hann farið í
grunninn, veitt upplýsingar um að
hverju hann sé að leita og kannski
fundið tónlist 12 ára drengs í
Singapúr sem sé einmitt sú tónlist
sem hann þurfi á að halda þann
daginn.
10.000 streymisveitur
„Það eru fáir sem geta lifað af
tónlist í dag. Gangi hugmyndin
með gagnagrunninn eftir gætu
streymisveitur orðið 10.000 í stað
nokkurra eins og staðan er í dag
og kostnaðurinn við að koma tón-
list á framfæri yrði mun minni.
Við ætlum að nota tækifærið í
heimstúrnum til þess að vera með
vinnustofu í yfir 40 borgum og
veita fólki innsýn í það hvernig
skapandi vegabréf virkar. Þetta er
einn liðurinn í því að tengja saman
hundrað þúsund eða milljón tón-
listarmenn á litla alheimskortið
okkar,“ segir Heap sem lýkur tón-
leikaferðalagi þessa árs í Helsinki
3. til 8. desember. Tónleikaferða-
lagið um heiminn heldur áfram eft-
ir áramót og verða lönd Asíu og
Norður- og Suður-Ameríka m.a.
sótt heim.
Spilað með þremur hönskum
 Imogen Heap heldur tónleika í Háskólabíói  Dúettinn Frou Frou stígur á svið  Hannaði staf-
ræna tónlistarhanska  Þróar skapandi vegabréf og nýtt hraðvirkt greiðslufyrirkomulag í tónlist
Frumkvöðull Imogen Heap fer ótroðnar slóðir og hugsar til framtíðar þegar kemur að tónlist og því umhverfi sem
tónlistarmenn búa við í dag. Heap býður til málstofu á fimmtudag þar sem hún kynnir m.a. skapandi vegabréf.