Morgunblaðið - 05.11.2018, Page 40

Tríó Chris Speeds heldur tónleika í
Mengi í kvöld kl. 21. Speed hefur
allt frá tíunda áratugnum verið einn
af mikilvægustu spunatónlistar-
mönnum New York, að því er segir
um tónleikana á Facebook, og hefur
tekist á við margs konar verkefni,
allt frá djasstónlist yfir í þjóðlaga-,
klassíska og rokktónlist. Speed
skipar tríóið með trommaranum
Dave King og bassaleikaranum
Chris Tordini.
Tríó Chris Speeds held-
ur tónleika í Mengi
MÁNUDAGUR 5. NÓVEMBER 309. DAGUR ÁRSINS 2018
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
Þrjú jafntefli litu dagsins ljós í leikj-
unum fjórum í 7. umferð Olís-
deildar karla í handknattleik sem
hófst í gær. Afturelding og FH
skildu jöfn á Varmá í æsispennandi
leik, Akureyrarliðin KA og Akureyri
náðu dramatísku jafntefli á útivöll-
um en Stjarnan vann sannfærandi
sigur gegn Fram í Garðabænum. »
4-5
Æsispenna í þremur
leikjum í Olísdeildinni
ÍÞRÓTTIR FÓLK Í FRÉTTUM
Englandsmeistarar Manchester
City slátruðu Southampton í ensku
úrvalsdeildinni í knattspyrnu í gær.
Meistararnir fögnuðu 6:1-sigri og
eru einir í efsta sæti deildarinnar,
tveimur stigum á eftir Chelsea og
Liverpool. Chelsea fagnaði 3:1-sigri
á móti Crystal Palace á Stamford
Bridge í gær en
Liverpool gerði
1:1-jafntefli
gegn Arsenal í
Lundúnum.
Jóhann Berg
Guðmundsson
skoraði í tapleik
með Burnley og Gylfi
Þór Sigurðsson lagði
upp mark í sigri
Everton á móti
Brighton. »2
Meistararnir fóru á
toppinn með stæl
Höskuldur Daði Magnússon
hdm@mbl.is
„Fólk virtist kunna að meta þetta
og var á tánum. Það var mikið að
gera strax þegar við opnuðum um
morguninn,“ segir Nikulás Albert
Árnason, einn eigenda verslunar-
innar Kauptúns á Vopnafirði.
Því var fagnað á fimmtudaginn í
síðustu viku, 1. nóvember, að 30 ár
eru liðin frá því að foreldrar Niku-
lásar, þau Árni Róbertsson og Guð-
rún Steingrímsdóttir, stofnuðu
fyrstu verslun sína í bílskúrnum
heima á Skálanesgötu 12. Verslunin
sú varð síðar að Kauptúni. Af þessu
tilefni var viðskiptavinum boðinn
30% afsláttur af öllum vörum á
afmælisdaginn við góðar undirtektir
eins og Nikulás lýsti.
Nikulás hefur komið að rekstri
Kauptúns síðustu fimm árin eftir að
hann flutti aftur á æskustöðvarnar.
Móðir hans lét af störfum fyrir
nokkru vegna heilsubrests. Stein-
grímur bróðir hans bættist svo í
hópinn fyrir einu og hálfu ári og
saman stýra þeir skútunni ásamt
pabba sínum – sem einmitt fagnar
sextugsafmæli sínu á morgun, 6.
nóvember. Auk þeirra starfar versl-
unarstjórinn Freyja hjá Kauptúni
og nokkrir aðrir.
Í upphafi opnuðu þau Guðrún og
Árni eins konar heildsölu í bíl-
skúrnum heima árið 1988. Árið 1993
opnuðu hjónin Kauptún eins og búð-
in er í dag, matvöruverslun þar sem
einnig er hægt að fá gjafavöru, leik-
föng, búsáhöld og sitthvað fleira eft-
ir því sem plássið leyfir. Kauptún
keppti þá við kaupfélagið á staðnum
og gekk vel, svo vel að árið 1995
flutti verslunin í nýtt og stærra hús-
næði. Eftir að kaupfélagið lagði upp
laupana flutti Kauptún svo í hús-
næði þess árið 2004 og hefur síðan
verið eina verslunin í bænum.
„Reksturinn gengur bara ágæt-
lega. Þetta er auðvitað svolítið hark
að reka litla búð í bransa þar sem
flest er unnið með stærðinni, öll
kjör og flutningar. Stundum er
þetta lýjandi en þetta gengur og við
ætlum að halda áfram,“ segir
Nikulás.
Hann kveðst ekki vita betur en
Kauptún sé eina matvöruverslunin á
Austurlandi sem ekki er rekin undir
nafni stórrar verslanakeðju. „Það
eru nú heldur ekki margir sjálf-
stæðir kaupmenn eftir á landsvísu.
Ætli þeir séu ekki innan við tíu.“
Nikulás kveðst telja að framtíðin
sé björt á Vopnafirði þrátt fyrir
fregnir af uppsögnum hjá HB
Granda. „Það er búin að vera upp-
sveifla hérna og nóg af fólki. Það
hefur meira að segja verið skortur á
húsnæði,“ segir hann. Nikulás segir
of snemmt að spá því hvort fleiri
ættliðir komi inn í rekstur versl-
unarinnar. Sjálfur á hann ekki börn
en bróðir hans er kominn með fjöl-
skyldu. „Börnin hans eru reyndar
ung og of snemmt að spá í það. En
það er aldrei að vita.“
30 ára saga Steingrímur, Árni og Nikulás í Kauptúni á Vopnafirði. Verslunin er rekin í húsi gamla kaupfélagsins.
Einu sjálfstæðu kaup-
mennirnir á Austurlandi
 30 ár síðan grunnur var lagður að Kauptúni á Vopnafirði