Morgunblaðið - Sunnudagur - 29.12.2018, Síða 14

VIÐTAL
14 MORGUNBLAÐIÐ SUNNUDAGUR 30.12. 2018
H
ann er kominn á undan mér á
kaffihúsið og situr pollrólegur
úti í horni, þessi mikli lista-
maður með stóra skeggið og
úfna hárið. Ólafur Darri
Ólafsson situr með bakið í gluggann og það er
enn myrkur úti þótt klukkan sé að ganga ell-
efu. Birtan frá jólaljósunum sem hanga yfir
honum mýkir allt; líka andrúmsloftið. Ólafur
Darri er vel þekktur; jafnvel heimsfrægur á
Íslandi og óhætt er að segja að hann hafi náð
inn að hjartarótum á þjóðinni. Ekki bara fyrir
stórgóðan leik heldur líka fyrir sinn mikla
sjarma.
Loksins er tækifæri til þess að setjast niður
og spjalla en leikarinn hefur verið tregur að
koma í viðtal þrátt fyrir mikið suð í blaða-
manni. Hann hefur svo sem ekki verið mikið á
landinu á árinu en aðalástæðuna segir hann
vera að hann vilji hafa frá einhverju að segja;
einhverju sem snýr að verkum hans og gjörð-
um; frekar en persónunni Ólafi Darra.
Nú er lag því af nógu er að taka. Hann er
nýkominn heim úr „útlegð“ en tækifærin hafa
legið víða um veröld á árinu. Og þjóðin vill
áreiðanlega fá að heyra í honum, ekki síst núna
þegar Ófærð II er komin í loftið, þættir sem
fólk hefur beðið með eftirvæntingu.
Að hanga með Jennifer Aniston
Árið sem er að líða hefur verið sérlega við-
burðaríkt hjá Ólafi Darra. Fyrri hluta árs var
hann í tökum á Ófærð II en við komum að því
síðar. Sumrinu eyddi hann í tökum á kvik-
myndinni Murder Mystery sem skartar tveim-
ur af skærustu stjörnum Hollywood, þeim
Jennifer Aniston og Adam Sandler. Ólafur
Darri útskýrir að Murder Mystery sé gam-
anmynd með morðgátu í anda Agöthu
Christie, gerðri fyrir Netflix.
„Já, þetta ár hefur verið viðburðaríkt. Fyrri
hluta árs fór ég til Suður-Afríku að gera sjón-
varpsseríuna The Widow; að því loknu kláraði
ég Ófærð og eftir það byrjuðu tökur á Murder
Mystery,“ segir hann.
„Ég var í tökum í Montreal í rúman mánuð
og þaðan fór ég til Ítalíu og var þar í rúmar
tvær vikur. Það var frekar frábært! Vinnan
mín býður stundum upp á mikil ævintýri,“
segir Ólafur Darri.
„Þetta var stór leikhópur og við vorum mik-
ið saman sem er ekki endilega algengt. Við
hittumst mikið eftir tökur, fórum út að borða
og vorum bara að hanga saman,“ segir Ólafur
Darri en hann leikur lítið hlutverk í myndinni.
„Ég er í nokkrum senum og leik Rússa sem
var mjög skemmtilegt. Með mína vondu útgáfu
af rússneskum hreim,“ segir hann og brosir.
Ertu skúrkurinn frá Rússlandi?
„Tja, ég vil ekki segja mikið um það, það
kemur bara í ljós,“ segir hann sposkur.
Ólafur Darri segist lengi hafa dáð bæði
Sandler og Aniston og því hafi ekki verið leið-
inlegt að fá tækifæri til að vinna með þessum
frábæru gamanleikurum.
„Þetta var mjög skemmtilegt. Mér finnst
Adam Sandler algjörlega frábær, ekki síst í
myndum eins og Happy Gilmore og The
Wedding Singer. Og ég hef alltaf verið mikill
aðdáandi Jennifer Aniston.“
Þegar hann hitti hana fyrst fyrir þónokkrum
árum segist hann hafa orðið gjörsamlega
„stjörnusleginn“ og ekki komið upp orði en í
þetta sinn gekk þetta betur. En óneitanlega
segir hann það hafa verið skrítið að vinna með
henni eftir að hafa horft á alla Friends-þættina
mörgum sinnum í gegnum árin.
Það hlýtur að vera súrrealískt að fara svo
bara út að borða með henni eftir vinnudaginn
og fíflast eins og vinir?
„Það var það!“
Ólafur Darri segist hafa séð þarna hvað
heimsfrægðin hefur margar hliðar, ekki allar
jafn eftirsóknarverðar.
„Það sló mig smávegis, eftir að hafa unnið
með henni á hverjum degi í dágóðan tíma, að
sjá úti í búðum öll slúðurblöðin með hana á for-
síðu og einhverjar slúðurfréttir um hana.
Þetta hefur alltaf verið svo fjarlægt manni;
hún er alltaf framan á einhverju blaði. Þetta
varð allt í einu óþægilegra. Að hugsa til þess
að þessi indæla, hæfileikaríka leikkona þurfi,
og hafi þurft, að sitja undir þessu áratugum
saman. Þetta er einelti og ofbeldi í raun,“ segir
hann og nefnir að hún þurfi að vera með lífvörð
hvert sem hún fer.
Hryllingsfantasía húsvarðarins
Haustinu eyddi Ólafur Darri á Rhode Island
þar sem tökur fóru fram á bandarískri sjón-
varpsseríu sem kallast NOS4A2. Hann bjó í
húsi við ströndina og undi hag sínum vel þar.
„Þetta er búið að vera yndislegt; haustið í
New England er engu líkt. Það er mikið skóg-
lendi þarna og trén skarta öllum heimsins lit-
um. Fjölskyldan kom og dvaldi hjá mér stóran
hluta af tímabilinu og það var mjög dýrmætur
tími,“ segir Ólafur Darri og bætir við að fólk
geti átt von á spennandi þáttum.
„Þetta er sería byggð á bók eftir Joe Hill en
hann hefur skrifað nokkrar bækur og er mjög
lunkinn höfundur. Hann er kannski frægastur
fyrir að vera sonur pabba síns, Stephen King,
en Joe er sjálfur mikill penni. Þetta er áhuga-
verð blanda af dramatískri fjölskyldusögu og
hryllingsfantasíu,“ segir Ólafur Darri, en hann
leikur eitt af aðalhlutverkunum, húsvörðinn
Bing Partridge.
„NOS4A2 er í raun bílnúmer en um leið vís-
un í Nosferatu, sem er frægasta vampíru-
bíómynd allra tíma, frá 1922 og er alveg „super
scary“ ennþá. Svolítið skemmtilegur titill.“
Tökur hafa staðið yfir í allt haust og stefnir
„Ég er með sjálfan mig í „meðferð“; er að passa að
hafa báða fætur á jörðinni, vera þakklátur fyrir þau
tækifæri sem ég hef fengið. Ég er að passa upp á að
beisla egóið, það er auðvelt að týnast í því í þessum
skrítna kvikmyndaheimi. Þú ert kannski með hóp af
fólki allt í kringum þig sem er í vinnu við að sjá til þess
að þér líði vel á setti og þig vanhagi ekki um neitt. Ég
hef mikinn metnað og mjög stórt egó og ég er að
reyna að berja á því,“ segir Ólafur Darri Ólafsson.
Morgunblaðið/Ásdís
Með báða fætur á jörðinni
Ólafur Darri Ólafsson reynir að leiða frægðina hjá sér og er mest umhugað um ábyrgð sína sem listamanns. Árið
hefur verið gjöfult og gott og hefur hann leikið í kvikmyndum og sjónvarpsseríum, bæði heima og erlendis.
Ófærð II er komin í loftið og segist Ólafur Darri jafn spenntur að horfa og þjóðin öll.
Ásdís Ásgeirsdóttir asdis@mbl.is
’ Ábyrgð listamanna liggur íþví sem þeir gera, að þeirsýni hugrekki, að þeir þori aðleggja sig til hliðar til að geta
sagt sögur. Sögurnar eru alltaf
mikilvægari en sögumaðurinn.