Fréttablaðið - 03.05.2019, Blaðsíða 24

LEIKRIT
Bæng!
HHHHH
eftir Marius von Mayenburg
Borgarleikhúsið
Leikstjórn: Gréta Kristín Ómars-
dóttir
Leikarar: Björn Thors, Brynhildur
Guðjónsdóttir, Hjörtur Jóhann
Jónsson, Davíð Þór Katrínarson,
Katrín Halldóra Sigurðardóttir og
Halldór Gylfason
Þýðing: Hafliði Arngrímsson
Leikmynd: Börkur Jónsson
Búningar: Eva Signý Berger
Lýsing: Kjartan Þórisson
Myndband: Ingi Bekk
Tónlist og hljóð: Garðar Borg-
þórsson
Leikgervi: Elín S. Gísladóttir
Heimurinn virðist fara versnandi
með hverjum degi. Vígvellirnir eru
ekki einungis í framandi löndum
heldur einnig í laglegum úthverfa­
eldhúsum höfuðborgarinnar. Allt
liggur undir og framtíðin er í hönd­
um undrabarnsins Hrólfs Bæng,
mannkynið á sér enga von. Leikritið
Bæng! eftir Þjóðverjann Marius von
Mayenburg var frumsýnt síðastlið­
inn föstudag á Nýja sviði Borgar­
leikhússins í leikstjórn Grétu Krist­
ínar Ómarsdóttur, og er tilraun til
að rannsaka orsökina fyrir þessum
óskapnaði, afleiðingum sem hann
ber í skauti sér og hvort eitthvað sé
til ráða.
Vægðarlaus höfundur
Stílbragð von Mayenburg ein­
kennist af uppbrotum, byggðum á
sterkum vísunum í eldri leikform.
Klassískir harmleikir, melódrama
og hurðafarsar eru grunnurinn
að þessari póstmódernísku árás á
þægindalíf vestrænna smáborgara,
þar sem sérhannaðar hirslur eru
troðfullar af lífrænu góðgæti og öll
heimilisáhöld eru dýr merkjavara.
Hrólfur er hryllilegt útsæði feðra­
veldisins sprottið ljóslifandi fram
í risaeðlusamfellu. Höfundurinn
er vægðarlaus og oft á tíðum bráð­
fyndinn en grínið um heimilis­
ofbeldi nágrannahjónanna fór fyrir
ofan garð og neðan.
Stórskotalið leikara er mætt á
svið í Bæng! og valin manneskja í
hverju hlutverki. Byrjum á Bæng;
prinsinum á bauninni, verðandi
konungi veraldarinnar, einræðis­
herra og fegurðardrottningu. Björn
Thors ber mikinn þunga sýningar­
innar á sínu baki. Hrólfur er í byrjun
öfgafullt sakleysið uppmálað en
fljótlega umbreytist frekjan í tilætl­
unarsemi og valdníð. Björn hefur
sterk tök á ólíkindatólinu Hrólfi
og eftirtektarvert er að sjá hversu
góð líkamsbeiting hans er, á einni
stundu ungbarn og á þeirri næstu
fullvaxta maður. Sömuleiðis er til­
finningaleg nálgun hans kitlandi
og köld afstaða til samfélagsins
vel ígrunduð. Þó, líkt og með aðra
leikara, virðist hann vera fjarlægur
kjarna verksins, upptekinn af að
koma línunum frá sér frekar en að
vinna heildrænt með leikhópnum.
Falleg dýpt
Foreldra Hrólfs leika þau Brynhild­
ur Guðjónsdóttir og Hjörtur Jóhann
Jónsson. Algjör afneitun Viktoríu,
móður Bæng, fær fallega dýpt í leik
Brynhildar, nánast eins og hún viti
hræðilega sannleikann um einka­
soninn. Samvinna hennar og Hjart­
ar er sömuleiðis góð á köf lum en
dettur of oft úr sambandi. Örvænt­
ing heimilisföðurins er sjón að sjá í
leik Hjartar, sérstaklega þegar Dóm­
iník missir tökin á aðstæðum, sem
er ansi oft. Þá hverfur hann aftur til
klassíkurinnar, og á endanum alla
leið í frummanninn. Hér leikur stór­
fín þýðing Hafliða mikilvægt hlut­
verk, þar sem skýrt talmál ræður
ríkjum þangað til að Dóminík fer
að ókyrrast og þá tekur rímið við.
Hægt og rólega hefur Davíð Þór
Katrínarson verið að skapa sér sér­
stöðu á leiksviðinu, einlægni hans
er hressandi. Hann situr uppi með
fremur óáhugaverðan karakter
en vinnur ágætlega úr honum, þó
mætti orkustigið vera hærra. Það
verður forvitnilegt að sjá hans
næstu skref. Orka er ekki vandamál
hjá Katrínu Halldóru Sigurðardótt­
ur og Halldóri Gylfasyni sem sjá um
heilan her af smærri karakterum.
Katrín fer á f lug í hlutverki barna­
píunnar Glódísar en leitar of mikið í
grínið til að túlka nágrannakonuna
Ússí. Halldór er frábær í hlutverki
hjúkrunarfræðingsins Matthildar
en berst líka við að skila nágrann­
anum Reyni nægilega vel frá sér.
Stærsta vandamálið er að persónur
eru kynntar til sögunnar, og þeim
fundinn byrjunarreitur í sýning­
unni, en úrvinnslan er sjaldan full­
kláruð samanber tilfinningalegt og
líkamlegt samband Hrólfs við Vikt­
oríu móður sína.
Hjálp gæðahandrits
Stöðugt rof er á milli leikmyndar
og framvindu sem útskýrist ekki
af formi verksins þar sem uppbrot
ráða ríkjum heldur leikstjórninni.
Gréta Kristín Ómarsdóttir er enn
að finna fætur sína sem leikstjóri
og safna í reynslubankann. Kraftur
handritsins er aldrei leystur úr
læðingi, klassískt handbragð von
Mayenburg hundsað, atriði eru
stöðugt tekin í sundur og ekki
notuð til að byggja eitthvað nýtt.
Seinni hluti sýningarinnar er þó
betri heldur en sá fyrri, þegar hulu
realismans hefur verið algjörlega
svipt af og afbökunin nær hámarki.
Börkur Jónsson hefur hannað
fagur fræðilega áhugaverða leik­
mynd sem nýtist ekki nægjanlega
vel. Þar má nefna ofurstóra eld­
húsið fyrir hlé og sömuleiðis hljóð­
klefann, bæði lipurlega hönnuð
en gæðast sjaldan sviðsrænu lífi.
Aftur á móti eru búningar Evu Sig­
nýjar Berger alveg frábærir, jafnvel
hennar bestu á ferlinum. Þeir ríma
bæði við persónurnar og sín á milli,
hver flík sérvalin inn í skýra fagur­
fræðilega heildarmynd.
Bæng! skolast fram og til baka án
þess að yfirþyrma. Einstaka senur
ná þó í höfn, þá sérstaklega eftir hlé
þegar frumhvatir persónanna eru
afhjúpaðar og gróteskan yfirtekur
allt. Leikarahópurinn vinnur gott
starf og sýningin, með hjálp gæða­
handrits, helst þokkalega á f loti
með þeirra aðstoð. Sigríður Jónsdóttir
NIÐURSTAÐA: Sýning byggð á
góðum grunni en ekki fullbúin.
Forréttindausli og óreiða samtímans
STÓRSKOTALIÐ
LEIKARA ER MÆTT Á
SVIÐ Í BÆNG! OG VALIN MANN-
ESKJA Í HVERJU HLUTVERKI.
Leikarahópurinn vinnur gott starf, segir gagnrýnandi Fréttablaðsins um Bæng! í Borgarleikhúsinu.
Ársfundur EFÍA 2019
Ársfundur Eftirlaunasjóðs FÍA verður haldinn þriðjudaginn 28. maí kl. 11 í Hlíðasmára 8
í Kópavogi. Allir sjóðfélagar eiga rétt til setu á fundinum með umræðu- og tillögurétti.
Fundargögn má nálgast á vefsíðu sjóðsins, efia.is.
Vakin er sérstök athygli á stjórnarkjöri sem fram fer nú í fyrsta sinn. Sjóðfélagar eru
hvattir til að nýta atkvæðisrétt sinn.
Framboðsfrestur rennur út 7. maí kl. 17. Áhugasamir sjóðfélagar geta nálgast
upplýsingar um framboð og framboðsgögn á efia.is eftir að framboðsfrestur rennur út.
Dagskrá
1. Skýrsla stjórnar
2. Ársreikningur kynntur
3. Tryggingafræðileg úttekt
4. Fjárfestingarstefna
5. Stjórnarkjör
6. Skipun stjórnarmanna sem ekki eru
kjörnir á ársfundi og laun stjórnarmanna
7. Val endurskoðanda
8. Önnur mál
3 . M A Í 2 0 1 9 F Ö S T U D A G U R20 M E N N I N G ∙ F R É T T A B L A Ð I Ð
MENNING
0
3
-0
5
-2
0
1
9
0
8
:3
8
F
B
0
3
2
s
_
P
0
2
4
K
.p
1
.p
d
f
F
B
0
3
2
s
_
P
0
1
7
K
.p
1
.p
d
f
F
B
0
3
2
s
_
P
0
0
9
K
.p
1
.p
d
f
F
B
0
3
2
s
_
P
0
1
6
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
E
B
-D
7
2
4
2
2
E
B
-D
5
E
8
2
2
E
B
-D
4
A
C
2
2
E
B
-D
3
7
0
2
7
5
X
4
0
0
.0
0
1
2
A

F
B
0
3
2
s
_
2
_
5
_
2
0
1
9
C
M
Y
K