Kraftur - 01.01.2018, Blaðsíða 13

B
ls. 13
Kraftur
Ég er dauðhrædd um að detta sem er skiljanlegt svo ég hef lært að
haga lífi mínu á þann hátt að ég komist allra minna ferða án þess
að þurfa að klöngrast mikið um í hálku. Það þýðir að versla inn á
stöðum sem bjóða upp á hálkulaus bílastæði. Einfalt en eitt af mörgu
sem ég hafði aldrei spáð í! Ég þori heldur ekki í rúllustiga, en vonandi
mun ég læra síðar að fara í þá, annars eru tröppur og lyftur mun
betri vinir mínir.
Ég er mjög heppin að vera ekki mjög kvalin, draugaverkirnir voru
miklir til að byrja með en þeir hafa minnkað mikið, svo ég hef ekki
þurft að taka inn mikið af lyfjum. Það er mikill munur. Ég vorkenni
mér í raun ekki. Það er auðvitað fullt af hlutum sem ég get ekki gert
eins og að dansa, hjóla, ganga á fjöll, ferðast ein, hlaupa eða spila
fótbolta. En það skiptir mig litlu máli, aðalmálið er að vera til staðar
fyrir fjölskylduna.“
Hafa veikindin haft áhrif á ykkur hjónin?
,,Ef eitthvað er þá erum við nánari og sterkari en nokkru sinni fyrr.
Á þeim fimm árum sem við höfum verið saman þá höfum við gengið
í gegnum ansi erfiða hluti og líklega meira en margir í sínum sam-
böndum þó lengri séu. Við setjum saman tvær fjölskyldur, veikindi
sonar okkar og afleiðingar þeirra svo og krabbameinið og aflimunin
eru stór verkefni. Það var auðvitað ekki bara ég sem þurfti að sætta
mig við að missa fót heldur maðurinn minn líka. Það reyndist honum
frekar erfitt til að byrja með og við ræddum það við sérfræðinga. Það
var mikilvægt að hann var með mér í læknaviðtölunum og var eins
og ég upplýstur um að þetta væri eina leiðin. Auðvitað hefur þetta
allt haft áhrif á börnin okkar og ekki síst elstu dótturina. Það er margt
sem við öll þurfum að vinna úr í framtíðinni.“
Hvernig sérðu framtíðina fyrir þér?
,,Þar sem krabbameinið var staðbundið og skorið í burtu er ég ekki að
velta dauðanum neitt fyrir mér. Ég fer auðvitað í eftirlit og var ansi
stressuð alla vikuna þegar ég fór í fyrsta sinn. Mig dreymir um að
fara að vinna aftur en ég geri ekki ráð fyrir því að það gerist í bráð.
Ég nýt hvers dags og reyni að láta þetta ekki stoppa mig við að lifa lífi
mínu. Lífið er núna.“
Viðtal