Kraftur - 01.01.2018, Blaðsíða 25

B
ls. 25
Kraftur
Hvernig varð þér við?
“Ég var ekki að stressa mig mikið á þessu fyrst og átti síst von á að þetta væri
svona alvarlegt. Þess vegna var þetta mjög mikið áfall. Maður heldur líka að
þetta sé dauðadómur fyrst, þetta orð er svo gildishlaðið og maður veit svo lítið.
Það tekur tíma að átta sig á þessu og kyngja þessum fréttum. Mér fannst samt
gott að vera laus við þetta af því þeir voru búnir að taka hnútinn og finna ekki
lengur fyrir þessu“
Sóley segist hafa farið í fleygskurð en læknarnir hafi viljað hreinsa stærra svæði
og því hafii hún fengið smá sogæðastreng í kjölfarið. “Ég hafði lítinn tíma fyrir
æfingar enda var ég enn að vinna á fullu og komst ekki í frí fyrr en 2-3 vikum
eftir uppskurð. Svo tók við lyfjameðferð ásamt geislum og hormónameðferð.
Lyfjameðferðin fannst mér frekar erfið fyrstu dagana á eftir en svo átti maður
góðan tíma á milli og þá reyndi ég að gera eitthvað skemmtilegt. Ég endaði með
að gera eiginlega allt sem var á plönunum en fyrst þá hættum við við allt. Við
tókum flugvél til Flateyrar um verslunarmannahelgina í stað þess að keyra alla
þessa leið tveimur dögum eftir fyrstu lyfjameðferð og ég var bara í rólegheitum
þar í staðinn fyrir heima hjá mér. Ég var alveg hissa á hvað ég hafði mikla orku
en ég vissi ekkert hvað ég var að fara út í með þessum sterku lyfjum.”
Sóley Kristjánsdóttir er vörumerkjastjóri hjá Ölgerðinni.
Hún er gift, með tvær dætur sem verða 9 ára og 12 ára á
þessu ári og einn fullorðinn stjúpson. Sóley lagði Krafti lið í
átaki félagsins í janúar og var meðal þeirra 22 sem myndir
birtust af með skilaboðum. Krafts-blaðið hitti Sóleyju að
máli og spurði fyrst hvernig hún hefði greinst.
Viðtal – Ragnheiður Davíðsdóttir
“Ég var búin að finna hnút í brjóstinu síðan
um jólin og fór í skoðun í mars í fyrra og
þeir sögðu mér að hafa ekki miklar áhyggjur
af þessu, þetta liti mjög eðlilega út. Þeir
tóku samt hnútinn til öryggis og sögðust
hafa samband eftir páska ef eitthvað væri.
24. apríl fékk ég símtalið um að þetta væri
krabbamein.”