Morgunblaðið - 08.01.2019, Síða 36

Jakkar • Peysur • Vesti • Bolir
Kjólar • Buxur
30-50% afsláttur
Álfheimum 74, 104 Rvk, sími 568 5170
Verið velkomin
ÚTSALAN
er hafin
30%
afsláttur
af töskum
Fyrstu Tíbrártónleikar ársins verða
haldnir í Salnum á morgun, 9. jan-
úar, kl. 20. Þá munu fiðluleikarinn
Rannveig Marta Sarc og píanóleik-
arinn Jane Ade Sutarjo flytja fjöl-
breytta dagskrá með eftirlætis-
verkum sínum: Sónötu nr. 25 í F-dúr
eftir W.A. Mozart, Quasso fyrir fiðlu
og píanó eftir Ninu Senk, Sónötu
nr. 1 í G-Dúr eftir J. Brahms og
Tzigane eftir M. Ravel.
Eftirlætisverk á fyrstu
Tíbrártónleikum ársins
ÞRIÐJUDAGUR 8. JANÚAR 8. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
Njarðvíkingar eru með tveggja
stiga forystu að tólf umferðum
loknum í Dominos-deild karla í
körfuknattleik eftir útisigur gegn
nágrönnum sínum í Keflavík í gær-
kvöld, 88:85. Gríðarleg spenna var
á lokamínútum leiksins og Keflvík-
ingar voru nærri því að jafna metin
með lokaskoti sínu á síðustu sek-
úndunni. »3
Njarðvík er með
tveggja stiga forystu
ÍÞRÓTTIR FÓLK Í FRÉTTUM
Anna Björk Kristjánsdóttir varð í
gær fyrst íslenskra knattspyrnu-
kvenna til að semja við atvinnulið í
Hollandi þegar hún gekk til liðs við
PSV Eindhoven, efsta lið úrvals-
deildarinnar þar í landi. „Liðið hef-
ur unnið hvern leik-
inn á fætur öðrum
að undanförnu
og það hjálpaði
mér að ein-
hverju leyti
að taka
ákvörðun,“
sagði Anna
þegar
Morgun-
blaðið
ræddi við
hana í gær. »1
Anna Björk fyrst í
hollenskt félag
Steinþór Guðbjartsson
steinthor@mbl.is
Sigurður Sigurðarson hefur í um
tvö ár bent reglulega á í pistlum á
mbl.is (blog.is) hvað betur má fara í
málfari í íslenskum fjölmiðlum. „Ég
geri þetta fyrst og fremst fyrir sjálf-
an mig,“ segir hann og er ekki
bjartsýnn á framtíð íslenskunnar,
telur að hún hverfi með jöklunum.
Bókin Gönguleiðir yfir Fimm-
vörðuháls eftir Sigurð kom út 2002
og síðan endurskoðuð 2012. María
Berglind Þráinsdóttir kom að próf-
arkalestrinum ásamt fleirum. „Hún
tók mig svo í gegn að mig sveið und-
an aðfinnslunum, var beinskeytt í
yfirlestri sínum og raunar miskunn-
arlaus, að mér fannst, en ég lærði
hins vegar mikið af henni,“ segir
hann. „Ég beitti til dæmis oft ná-
stöðu og þessar athugasemdir urðu
meðal annars til þess að ég fór að
lesa blöðin með öðrum augum. Þá
tók ég eftir því að nástaða var al-
geng í fjölmiðlum auk þess sem
menn skrifuðu oft orð, sem var
skammað fyrir að nota í mennta-
skóla. Orð eins og til dæmis val-
kostur sem er tvítekning á því
sama.“
Erfitt að taka gagnrýni
Eiður Guðnason, fyrrverandi ráð-
herra og sendiherra, bloggaði lengi
um íslenskt málfar og Sigurður seg-
ist stundum hafa sent honum
ábendingar sem hann hafi birt. „Við
áttum ágætis samtal um íslenskt
mál og þegar hann féll frá byrjaði
ég að blogga á sömu nótum.“
Sigurður segir að Eiður hafi sagt
við sig að gagnrýni á málfar væri
ekki til vinsælda fallin. „Ég held að
það sé rétt. Ég veit af eigin reynslu
að erfitt er að taka gagnrýni, fyrir
suma er það illmögulegt en þá er
aldrei við gagnrýnandann að sakast
nema hann hafi rangt fyrir sér.
Vera má að það hendi mig oftar en
ég átta mig á.“
Tungumál taka stöðugum breyt-
ingum en Sigurður hefur áhyggjur
af stöðu íslenskunnar. Sérstaklega
þykir honum slæmt þegar fjölmiðla-
fólk skrifar ambögur eftir viðmæl-
endum í stað þess að leiðrétta þær.
„Þrátt fyrir allt eru prentaðar heim-
ildir mikilvægar og ef þær eru tóm
vitleysa er verið að fremja skemmd-
arverk á íslenskri tungu,“ segir
hann. „Hluti af kynslóðinni, sem við
ólum upp, er illa talandi og illa skrif-
andi. Ástæðan er sú að við héldum
bóklestri ekki að þessum börnum.“
Hann bætir við að fólk fætt upp úr
miðri liðinni öld hafi lesið bækur,
Æskuna og önnur tímarit fyrir utan
dagblöðin. „Yngsta fólkið núna les
gjarnan lítið annað en stuttan texta
í sms-skilaboðum eða eitthvað
álíka.“
Að óbreyttu er útlitið ekki bjart,
að mati Sigurðar. „Íslenskan verður
dauð eftir 50 ár,“ segir hann og rök-
styður mál sitt með því að vísa í
hvað íslenskan sé þegar orðin
enskuskotin, jafnt í orðum sem
setningaskipan. „Ungt fólk í fjöl-
miðlum bregður fyrir sig ensku til
skýringar á íslensku og þegar svo er
komið stefnir í óefni,“ segir hann.
„Ég hugsa að það endi með því að á
sama tíma og jöklarnir hverfa á Ís-
landi verði íslenskan fornmál sem
enginn kunni.“
Morgunblaðið/Árni Sæberg
Málvernd Sigurður Sigurðarson bendir á það sem betur má fara í málfari í íslenskum fjölmiðlum.
Gerir úrbætur í málinu
 Sigurður telur að íslenskan verði dauð eftir 50 ár