Morgunblaðið - 15.02.2019, Page 12

12 DAGLEGT LÍF
MORGUNBLAÐIÐ FÖSTUDAGUR 15. FEBRÚAR 2019
Sigurður Bogi Sævarsson
sbs@mbl.is
Ég er alltaf með eitthvaðskemmtilegt á prjón-unun,“ segir RagnheiðurSjöfn Jóhannsdóttir í
Mosfellsbæ. Síðan í barnæsku hefur
handverk og prjónaskapur verið
hennar hálfa líf og starfsvettvangur
síðustu árin. Hún var kennari um
langt árabil, en valdi hins vegar að
róa á ný mið og setti árið 2009 á
laggirnar fyrirtækið Culture and
Craft. Hefur á þess vegum tekið á
móti fjölda erlendra ferðamanna
sem koma hingað til lands og kynna
sér íslenska ull, prjónaskap og
menninguna sem fylgir.
Starfsemi fyrirtækis Ragnheið-
ar hefur spurst vel úr. Eftir starf í
áratug skipta þeir þúsundum, ferða-
mennirnir sem hún hefur sinnt. „Ég
hef aðallega markaðssett mig og
mitt í enskumælandi löndum. Byrj-
aði í Bretlandi en Bandaríkjamenn-
irnir hafa svo komið sterkir inn,“
segir Ragnheiður sem kennir fólki
að nýta íslensku ullina í handverk,
hvort sem það er að prjóna, þæfa
eða sauma út. Möguleikarnir eru
margir.
„Fyrir nokkrum dögum prjón-
aði ég dúk sem verður til sýnis fyrir
nemendur í skóla Heimilisiðnaðar-
félags Íslands. Svo sérðu hér líka
lítil tröll úr flóka, fígúrur sem
dregnar eru upp við ýmis tækifæri.
Þegar útlendingar koma til mín segi
ég þeim gjarnan frá tröllum, þess-
um þjóðlegu forynjum, og þeir eru
jafnan áhugasamir um þessa menn-
ingu sem tengja má við svo margt,“
segir Ragnheiður og dregur fram
bókina Íslenskt vættatal. Þar er
margan fróðleik að vinna og efni
bókarinnar hefur oft gefið ullarfólk-
inu sem kemur til Ragnheiðar anda-
gift til að vinna út frá.
Stærðfræðin nátengd
prjónaskap
Handavinnuáhugann segir
Ragnheiður hafa vaknað snemma.
„Ég er alin upp norður á Sauð-
árkróki og var mikið hjá ömmu
minni sem hafði alltaf nægan tíma
fyrir mig. Sex ára gömul prjónaði
ég undir hennar leiðsögn trefil á
dúkkuna mína. Þar með var ég
komin upp á lagið í listinni og prjón-
aði næst peysu á sjálfa mig. Reynd-
ar held ég að hún amma mín bless-
unin hafi gert mest en sjálf eignaði
ég mér heiðurinn af öllu,“ segir
Ragnheiður sem flutti árið 1981, þá
nýútskrifuð frá Kennaraháskóla Ís-
lands, í Borgarnes og bjó þar lengi.
Fyrsta kastið sinnti hún þar textíl-
mennt, en fór síðar að kenna fötl-
uðum börnum og svo stærðfræði.
„Teikningin og handavinna
hentuðu vel í sérkennslunni; börnin
höfðu sum ekki tök á að tjá sig öðru
vísi en með höndunum. Svo fannst
mér óskaplega gaman að kenna
stærðfræði sem er nátengd prjóna-
skap, þar sem maður er alltaf að
reikna úrtökur, útaukningar, lengd-
ir, víddir, síddir og hlutföll.“
Erlendir ferðamenn sem koma
í Culture and Craft mæta jafnan á
sínum forsendum, enda misjafnt að
hverju þeir leita. Gjarnan mæta
þeir eftir að hafa kynnst starfsem-
inni á Facebook eða í gegnum
Google. Aðrir setja sig í samband
við ferðaskrifstofur sem greiða
þeim leiðina áfram, séróskum sam-
kvæmt. Stundum koma meira að
segja farþegar af skemmtiferða-
skipunum sem eru kannski sólar-
hring í höfn í Reykjavík og þá notar
fólk tímann til að leita ullar á Ís-
landinu góða.
Ullarferðir um landið
„Ég er með námskeiðin hér í
Mosfellsbænum í þeim húsakynnum
sem henta hverju sinni. Stundum
eru þetta bara stutt námskeið sem
eru hálfur eða heill dagur, en í öðr-
um tilvikum erum við kannski með
heila lopapeysu undir og slíkur
prjónaskapur tekur alltaf sinn tíma.
En svo eru teknar lengri rispur út á
land og farið í ferðalög sem taka
kannski fjóra til sjö daga. Er þá
höfð viðkoma á ýmsum stöðum sem
tengjast ull og handvinnu, svo sem á
Þingborg í Flóa þar sem sunn-
lenskar handverkskonur þæfa,
spinna og vinna. Sambærileg starf-
semi er í Ullarselinu á Hvanneyri
og svona gæti ég haldið áfram. Ullin
er uppspretta svo margs í menn-
ingu þjóðarinnar; enda bæði með
þel og tog og heldur hita alveg út í
hið óendanlega,“ segir Ragnheiður
Sjöfn að síðustu.
Morgunblaðið/Sigurður Bogi
Flókatröll Margt má búa til úr ullinni, svo sem þessar fígúrur.
Ljósmynd/Úr einkasafni
Ferðamenn Prjónakonur á góðri stundu úti í grænni náttúnni.
Ljósmynd/Úr einkasafn
Ull Margt má skemmilegt vinna úr ullinni og iðjan er ánægjan.
Ullin er óendanleg uppspretta
Þel og tog. Bandaríkja-
menn flykkjast til lands-
ins í ullarferðir. Prjónað,
þæft og saumað út.
Möguleikarnir eru
margir, segir Ragnheiður
Sjöfn Jóhannsdóttir hjá
Culture and Craft.
Morgunblaðið/Sigurður Bogi
Lopapeysa Hér er Ragnheiður Sjöfn búin að fitja upp á bol peysunnar.
Svona flíkur eru frábærar og halda hita á fólki úti í það óendanlega.
Sveitarfélagið Borgarbyggð, í sam-
starfi við fyrirtæki og félög í héraði,
hefur ákveðið að afhenda hér eftir for-
eldrum nýbura svokallaðan barna-
pakka Borgarbyggðar. Gunnlaugur A.
Júlíusson sveitarstjóri segir það vera
fagnaðarefni í hverju samfélagi þegar
nýtt barn komi í heiminn. Hver fæðing
og hver nýr einstaklingur sé krafta-
verk út af fyrir sig.
Nú á miðvikudag var fyrsti pakkinn
afhentur við athöfn á heilsugæslu-
stöðinni í Borgarnesi. Þar var þá
drengur, sem fæddist 2. janúar síðast-
liðinn, nýbúinn að fara í sex vikna
skoðun með foreldrum sínum, Ást-
rúnu Kolbeinsdóttur og Arnóri Erni
Einarssyni Borgarnesingum. Hér eftir
fá allir nýbakaðir foreldrar í Borgar-
byggð barnapakka afhentan á heilsu-
gæslustöðinni.
Sveitarfélagið fékk nokkur fyrirtæki
og félagasamtök með sér í lið við að
fylla á barnapakka sem foreldrar fá af-
henta. Pakkann styrkja Kaupfélag
Borgfirðinga, Samkaup / Nettó, Lyfja,
Borgarbyggð og heldri borgarar með
prjónavarningi. Pakkarnir eru poki,
saumaðir í Öldunni sem er verndaður
vinnustaðar í Brákarey. Þar er jafn-
framt ýmislegt fleira framleitt í pakk-
ann jafnframt því sem Öldufólk sér um
að pökkunum sé komið til heilsugæsl-
unnar þar sem þeir verða afhentir.
„Vonandi nær þessi hugmynd að
flytja foreldrum nýfædds barns þann
hug sem að baki gjöfinni liggur. Þá er
tilganginum náð,“ sagði Gunnlaugur.
Fyrsti barnapakkinn afhentur í Borgarbyggð
Fagnaðarefni og kraftaverk
Barnapakki Gunnlaugur A. Júlíusson sveitarstjóri með nýbökuðum foreldrum,
Ástrúnu Kolbeinsdóttur og Arnóri Erni Einarssyni og syni þeirra.
Tilnefningarnefnd auglýsir
eftir tilnefningum eða
framboðum til stjórnar
Tilnefningarnefnd Eikar fasteignafélags hf. er skipuð í samræmi við leið-
beiningar Viðskiptaráðs Íslands, Nasdaq Iceland og Samtaka atvinnulífsins
um stjórnarhætti fyrirtækja. Meginhlutverk hennar er að vera ráðgefandi
við kosningu stjórnarmanna.
Eik fasteignafélag hf.
Álfheimum 74, 104 Reykjavík
www.eik.is
Nefndin skal fyrir hluthafafundi þar sem stjórnarkjör er á dagskrá leggja fram rökstudda tillögu um kosningu
stjórnarmanna Eikar fasteignafélags hf., þar sem m.a. er horft til hæfni, reynslu og þekkingar, m.a. með tilliti
til leiðbeininga um stjórnarhætti fyrirtækja.
Nefndin auglýsir hér með eftir tillögum hluthafa að frambjóðendum til stjórnarkjörs sem og
framboðum annarra til stjórnar Eikar fasteignafélags hf. vegna aðalfundar félagsins sem haldinn
verður 10. apríl 2019. Ástæða þess að kallað er eftir tillögum innan 10 vikna frests fyrir aðalfund, sem
mælt er fyrir um í starfsreglum tilnefningarnefndar, er að kjör nefndarinnar fór ekki fram á hluthafafundi
12. desember 2018 líkt og til stóð.
Tilkynning um framboð skal vera á sérstöku eyðublaði sem tilnefningarnefnd félagsins lætur í té
og unnt er að nálgast á heimasíðu félagsins á slóðinni https://www.eik.is/fjarfestar/hluthafar/.
Tillögur hluthafa og framboð skulu send á netfangið: tilnefningarnefnd@eik.is eða í lokuðu umslagi á
skrifstofu Eikar fasteignafélags hf., Álfheimum 74, 104 Reykjavík, eigi síðar en 28. febrúar 2019.
Nefndin mun ekki leggja mat á tillögur eða framboð sem berast eftir framangreint tímamark. Í samræmi
við grein 3.3 í starfsreglum nefndarinnar skulu tillögur hennar kynntar í fundarboði aðalfundar og vera
aðgengilegar hluthöfum á vefsíðu félagsins eins fljótt og kostur er, en a.m.k. þremur vikum fyrir aðalfund.
Starfsemi tilnefningarnefndar takmarkar ekki heimild frambjóðanda til þess að skila inn framboðum til
stjórnar allt fram að 7 sólarhringum fyrir aðalfund í samræmi við 3. mgr. 20. gr. samþykkta félagsins.
Reykjavík, 15. febrúar 2019
Eik fasteignafélag hf.