Morgunblaðið - 26.02.2019, Side 10

10 FRÉTTIRInnlent
MORGUNBLAÐIÐ ÞRIÐJUDAGUR 26. FEBRÚAR 2019
Baldur Arnarson
baldura@mbl.is
Rúmlega 540 íbúðir eru í byggingu
í Mosfellsbæ, þar af 186 í nýjum
miðbæ.
Þetta kemur fram í samantekt
byggingarfulltrúans í Mosfellsbæ
fyrir Morgunblaðið.
Samkvæmt upplýsingum frá
sveitarfélaginu má gera ráð fyrir
að minnst 200 þessara 540 íbúða
verði tilbúnar á þessu ári. Nákvæm
tala liggur ekki fyrir en margt
getur haft áhrif á hraða uppbygg-
ingarinnar.
Af þessum 540 íbúðum verða 186
í Bjarkarholti og Þverholti. Fram-
haldsskólinn í Mosfellsbæ er við
Bjarkarholt. Þverholt er þaðan til
norðurs en við götuna eru meðal
annars skrifstofur Mosfellsbæjar.
Þessar götur teljast til miðbæjar
Mosfellsbæjar.
Verulegur hluti uppbyggingar
Þá eru um 356 íbúðir í byggingu
á öðrum lóðum í bæjarfélaginu.
Hluti þeirra er í Helgafellslandi en
þar eru nú mörg fjölbýlishús í
smíðum, meðal annars við
Gerplustræti.
Til að setja þessar tölur í sam-
hengi áætluðu Samtök iðnaðarins
fyrir áramót að um 2.300 nýjar
íbúðir kæmu á markað á höfuð-
borgarsvæðinu í ár.
Verulegur hluti uppbyggingar
nýrra íbúða á höfuðborgarsvæðinu
er því í Mosfellsbæ.
Tuga prósenta íbúafjölgun
Samkvæmt fjárhagsáætlun Mos-
fellsbæjar, sem samþykkt var í
nóvember, mun bæjarbúum fjölga
um tæplega 800 á árinu. Samkvæmt
því verða þeir um 11.400 í lok þessa
árs og 12.500 í lok næsta árs.
Gangi þetta eftir verða íbúarnir
orðnir um 43% fleiri í árslok 2020
en árið 2014, þegar þeir voru rúm-
lega 8.700.
Haldið var upp á það í júní 2017
að tíuþúsundasti Mosfellingurinn
var skráður í bænum.
Hinn 9. ágúst sama ár voru 30 ár
liðin frá því Mosfellsbær fékk kaup-
staðarréttindi. Sveitarfélagið hét
áður Mosfellshreppur (Mosfells-
sveit).
Samtals: 542 íbúðir í byggingu 20 febrúar
Íbúðir í byggingu í Mosfellsbæ
Íbúðir í byggingu í fjölbýli
í miðbæ Mosfellsbæjar
Bjarkarholt 7-9 40 íbúðir
Bjarkarholt 8-20 65 íbúðir
Bjarkarholt 11-19 51 íbúð
Þverholt 27-31 30 íbúðir
Í miðbæ alls 186 íbúðir
Annað íbúðarhúsnæði
í byggingu í Mosfellsbæ
Íbúðarhús/einbýli 70
Raðhús 75
Parhús 31
Íbúð á hæð 180
Íbúðir alls 356
542 íbúðir samtals
voru í byggingu
í Mosfellsbæ í
febrúar 2019 og um
200 verða tilbúnar
á þessu ári
Heimild: Byggingarfulltrúi Mosfellsbæjar
Ríflega 540 íbúðir
eru í byggingu
 200 íbúðir í Mosfellsbæ tilbúnar í ár
Kristján H. Johannessen
khj@mbl.is
„Ég vil taka undir með þeim sem hér
í þessum sal hafa lýst yfir áhyggjum
vegna vaxandi andstöðu í garð
farandfólks og minnihlutahópa,
einnig á meginlandi Evrópu. Eins
sjáum við tilhneigingu til gyðinga-
og múslimahaturs sem ástæða er til
að hafa áhyggjur af, þar sem ráðist
er að einstaklingum vegna trúar
þeirra. Við megum ekki snúa aftur
til fyrri tíma þar sem fólki var skipt
upp í okkur og þá, blint hatur og
ótti.“
Þetta sagði Guðlaugur Þór
Þórðarson utanríkisráðherra í ræðu
sem hann flutti fyrir mannréttinda-
ráði Sameinuðu þjóðanna í Genf í
gær. Er þetta í þriðja skipti sem
Guðlaugur Þór ávarpar mannrétt-
indaráðið, en í ræðu sinni lýsti hann
yfir áhyggjum íslenskra stjórnvalda
af vaxandi gyðinga- og múslimahatri
í Evrópu, sem og gagnvart hinsegin
fólki í Tsjetsjeníu og Tansaníu. Þá
gagnrýndi utanríkisráðherra stjórn-
völd í Tyrklandi fyrir handtökur á
blaðamönnum, dómurum og baráttu-
fólki fyrir mannréttindum, og Sádí
Arabíu fyrir bága stöðu mannrétt-
inda og frelsis í landinu. Nefndi hann
í því samhengi sérstaklega réttindi
kvenna og drápið á blaðamanninum
Jamal Khashoggi.
Of margir brjótar sitja í ráðinu
Guðlaugur Þór lagði einnig
áherslu á mikilvægi þess að hlúa að
mannréttindaráðinu með virkri þátt-
töku jafnframt því sem unnið væri að
endurbótum á starfsháttum þess.
„Ríki sem taka sæti í ráðinu eiga
að sýna gott fordæmi og vera búin
undir að sæta gagnrýni þegar mann-
réttindi eru brotin,“ sagði Guðlaugur
Þór meðal annars í ræðu sinni.
Sagði hann of marga mannrétt-
indabrjóta í ráðinu og talaði fyrir
aukinni þátttöku smáríkja.
„Ég vona að kjör Íslands í mann-
réttindaráðið geti orðið öðrum
hvatning,“ sagði Guðlaugur Þór, en
Ísland var kjörið til setu í mannrétt-
indaráðinu í fyrrasumar.
Guðlaugur Þór segir ræðu Íslands
fyrir mannréttindaráðinu hafa vakið
talsverða athygli. „Málflutningi okk-
ar hefur almennt verið tekið mjög
vel – nema hjá þeim löndum sem við
erum að gagnrýna. Þau eru alla jafna
ekki mjög ánægð,“ segir Guðlaugur
Þór í samtali við Morgunblaðið.
Eiga að vera leiðandi í verki
„Við viljum leggja ríka áherslu á
að þau lönd sem eiga sæti í mann-
réttindaráðinu gangi á undan með
góðu fordæmi. Það grefur undan
trúverðugleika ráðsins þegar þangað
veljast lönd sem eru ekki að standa
sig í mannréttindamálum, svo ekki
sé tekið dýpra í árinni,“ segir Guð-
laugur Þór spurður út í gagnrýni Ís-
lands á fyrrgreind ríki í ræðunni.
„Ég efast um að nokkur hafi vakið
jafn mikla athygli á því að þau lönd
sem eru í ráðinu gangi á undan með
góðu fordæmi eins og Ísland. Ef ráð-
ið á að halda trúverðugleika sínum
verða þau lönd sem þar eru að setja
markið mjög hátt í mannréttinda-
málum,“ segir hann.
Verða að setja markið hátt
í mannréttindamálum
 Utanríkisráðherra Íslands ávarpaði mannréttindaráð SÞ
Ljósmynd/utanríkisráðuneytið
Genf Guðlaugur Þór Þórðarson utanríkisráðherra flytur ræðu sína fyrir mannréttindaráði Sameinuðu þjóðanna.
15
kg.
6.990 kr.
Guðni Einarsson
gudni@mbl.is
Lög um rafrettur og áfyllingar fyrir
rafrettur, sem taka gildi á laugar-
daginn 1. mars, leyfa einungis mark-
aðssetningu á þeim áfyllingum sem
innihalda nikótín sem hafa verið til-
kynntar til Neytendastofu og skráð-
ar í sameiginlega aðgangsgátt EES
ríkjanna. Það verður því bannað að
selja „heimablandað“. Samkvæmt
heimildum Morgunblaðsins hefur
það þekkst að einkaaðilar blandi raf-
rettuvökva fyrir sig og aðra.
Lögin voru samþykkt 12. júní
2018. Í umsögnum um frumvarpið
kom m.a. fram að auðvelt hafi verið
að nálgast heimatilbúna rafrettu-
vökva og sterkt nikótín til að blanda
sjálft vökvana. Í einni umsögninni
sagði t.d.: „Vegna innflutningsbanns
hefur myndast svartur markaður
með nikótín. Verslanir geta í flestum
tilfellum eingöngu flutt inn nikótín-
lausa vökva, og blanda nikótíni í
vökvana við sölu. Einnig eru yfir
1000 manns hluti af samfélagi sem
blandar sína eigin vökva úr bragð-
efnum, glýseríni, glýkóli, og nikótín-
vökva. Lögin ná eingöngu yfir nikó-
tínvökvann, enda eru öll hin inni-
haldsefnin lögleg og notuð í
margvíslegum iðnaði, t.d. matvæla-
og sápugerð. 20 mg hámarksstyrk-
leiki [styrkur nikótíns í mg/ml,
innsk. blm.] mun tryggja áframhald-
andi ólöglegan innflutning og sölu á
sterkari nikótínvökvum, enda óraun-
hæft að nota svo veikan vökva til
íblöndunar.“
Skráning á áfyllingunum í rafrett-
urnar nær m.a. til hönnunar, inni-
haldsefna, eituráhrifa og losunar.
„Sá sem blandar áfyllingu telst
framleiðandi og þarf að vera búinn
að tilkynna framleiðslu sína og fá
samþykki fyrir henni,“ sagði í svari
Neytendastofu við fyrirspurn
Morgunblaðsins um rafrettur og raf-
rettuvökva.
Þar var og bent á að um efna-
blöndun og framleiðslu á efnablönd-
um giltu m.a. efnalög sem féllu utan
eftirlits Neytendastofu. „Sá sem
hyggst blanda efni þarf að sækja um
leyfi til slíks hjá þeim aðilum sem eru
til þess bærir samkvæmt viðeigandi
lögum,“ sagði í svarinu. Samkvæmt
efnalögum fer Vinnueftirlit ríkisins
til að mynda með útgáfu eiturefna-
leyfa til notkunar á eiturefnum í
samræmi við lög um aðbúnað, holl-
ustuhætti og öryggi á vinnustöðum.
Bannað verður
að blanda heima
 Rafrettuvökvi verður að vera skráður