Morgunblaðið - 28.02.2019, Blaðsíða 10

10 MORGUNBLAÐIÐ FIMMTUDAGUR 28. FEBRÚAR 2019FRÉTTIR
Krókháls 1 • 110 Reykjavík • S. 567 8888 • www.pmt.is
Allt til merkinga & pökkunar
UMHVERFISVÆNIR
POKAR
• SORPPOKAR
• PLASTPOKAR
• MATVÆLAPOKAR
• BURÐARPOKAR
Allt um umhverfisvænu
pokana á www.pmt.is
©The Financial Times Limited 2014. Öll réttindi áskilin. Ekki til endurdreifingar, afritunar eða endurritunar með neinum hætti. Öll ábyrgð á þýðingum er Morgunblaðsins og mun Financial Times ekki gangast við ábyrgð á þeim.
Af síðum
Fyrstu helgina í september 2015
boðaði nýskipaður forstjóri bíla-
framleiðandans Volkswagen fjörutíu
æðstu stjórnendur fyrirtækisins á
fund til að gera langtímaáætlun um
hvernig þróa mætti reksturinn og
efla. Tveimur vikum síðar komst
VW í hann krappan eftir að upp
komst að fyrirtækið hefði svindlað á
útblástursprófum í heilan áratug.
Herbert Diess, sem síðar var
gerður að forstjóra VW Group, móð-
urfyrirtækis VW og ellefu annarra
ökutækjaframleiðenda, lítur núna á
þennan örlagaríka mánuð sem upp-
hafið að nýjum kafla í sögu stærsta
bílaframleiðanda heims.
Útblásturs-hneykslið flýtti fyrir
því að ráðist var í uppstokkun sem
var þá þegar orðin aðkallandi, enda
ekki nema 2% afgangur af fram-
leiðslu VW-bifreiða. Deiss segir VW
í dag komið í þá stöðu að fyrirtækið
geti orðið ráðandi á bílamarkaði
framtíðarinnar.
„Við settum öll vandamál okkar á
borðið [þessa helgi] og stóðum á
endanum uppi með 42 atriði og 16
mikilvægar aðgerðir til að ráðast í,“
sagði hann í viðtali við Financial
Times á skrifstofu sinni í höf-
uðstöðvum VW í Wolfsburg í Þýska-
landi.
Nýja stefnan fól í sér að gera
þýska bílarisann kláran til að keppa
við fjölda fjársterkra tæknifyrir-
tækja, skutlþjónustufélaga sem
þrengja að einkabílamarkaðinum,
og rafbíla-sprota með Tesla og
fjölda kínverskra framleiðenda í far-
arbroddi.
Áætlunin fól í sér að þróa raf-
magnaða bílgrind, MEB-grindina,
sem myndi geta gert VW leiðandi á
heimsvísu í þróun rafbíla „fyrir
milljónir kaupenda“, og um leið
ryðja úr vegi keppinautum á borð
við tæknifyrirtækið Tesla í Kali-
forníu sem VW segir að geri raf-
magnsbíla „fyrir milljónamæringa“.
Þyrla kveikti á perunni
Það var fyrir átta árum að sýn
Deiss á framtíð rafbíla byrjaði að
taka á sig mynd, þegar hann kom
færandi hendi úr ferðalagi til
Bandaríkjanna, með leikfangaþyrlu
sem hann hafði keypt handa syni
sínum.
„Við flugum þyrlunni saman og
þetta undratól hélst á lofti í um það
bil tíu mínútur,“ segir hann og
minnist þess hve merkilegt honum
þótti þetta vera í ljósi þess hve raf-
hlaðan í tækinu var smá. Varð hann
sannfærður um að rafdrifin farar-
tæki gætu verið framtíð ökutækja.
„Þyrla er eitthvert óskilvirkasta
tæki sem til er. Hún vinnur stöðugt
á móti loftinu og þarf meira að segja
auka skrúfu til að halda jafnvægi.
Þyrla er líklega fimm sinnum óskil-
virkari en flugvél.“
Diess, sem sat í stjórn BMW á
þessum tíma, segist ekki hafa verið
lengi að sjá hvað gæti komið næst:
„Ef það er hægt að fljúga þyrlu með
rafhlöðu, þá er léttur leikur að láta
rafhlöðu skaffa orkuna fyrir bíl.“
En stjórnandi VW, sem er með
doktorsgráðu í vélaverkfræði, við-
urkennir að það sé „ekki alveg ljóst“
hvort það verður Volkswagen eða
einhver af nýju sprotunum sem hafa
forskotið í framleiðslu rafmagnsbíla.
Fyrirtæki eins og Tesla geta byrjað
með hreinan skjöld og síðan skalað
sig upp á meðan risarnir sem fram-
leiða milljónir bíla árlega þurfa að
breyta rekstrinum eins og hann er í
dag.
„Ég held að Tesla sé að standa sig
vel. Þau þurfa ekki að láta atburði
fortíðarinnar vefjast fyrir sér. Þau
þurfa ekki að eyða orku í að þróa
næstu kynslóð bensínvéla, og geta
því einbeitt sér að framtíðinni. Í því
felst visst forskot.“
Hann reiknar þó með að Volkswa-
gen geti tekið forystu þegar kemur
að því að byggja upp mikla fram-
leiðslugetu, en þar eiga sprotarnir „í
miklum erfiðleikum“. VW-
samsteypan seldi aðeins 40.000 raf-
magnsbíla á síðasta ári en stefnir að
því að framleiðslan verði komin upp
í 200.000 eintök á næsta ári, og 3
milljónir árið 2025.
„Sumir keppinautar okkar eru
mun sneggri en við þegar kemur að
hugbúnaði – dreifing og geta hug-
búnaðar er svið þar sem við rekum
ennþá lestina,“ segir hann. „En við
erum góð í að skala upp svo við eig-
um ágætis möguleika.“
Apple sem fyrirmynd
Hann notar árangur Apple til við-
miðunar, enda fyrirtæki sem er ekki
endilega þekkt fyrir að vera fyrst
með nýjar lausnir, en leiðandi þegar
kemur að innleiðingu og fram-
kvæmd.
„Ef við skoðum Apple, þá eru þau
í grunninn ennþá bara vélbún-
aðarfyrirtæki,“ segir hann og vísar
til þess að 62% af tekjum Apple
koma frá sölu iPhone snjallsíma.
„Varan er háþróuð, þökk sé hug-
búnaðinum. Viðskiptavinirnir eru
tryggir vörumerkinu út af þeim hug-
búnaði sem þeim stendur til boða, en
þegar upp er staðið koma tekjurnar
frá vélbúnaðarhlutanum. Ég get al-
veg séð fyrir mér að bílaframleiðsla
geti þróast með svipuðum hætti.“
Volkswagen hyggst láta átta
verksmiðjur í þremur heimsálfum
framleiða rafmagnsbíla, og verður
byrjað á Zwickau í Þýskalandi síðar
á þessu ári.
„Ef hægt er að nota hugbúnað í
tíu milljón bílum frá okkur, þá er
það tíu sinnum ódýrara en hjá fyr-
irtæki sem þarf hugbúnað í milljón
bíla. Árið 2023 eða 24 gæti það gefið
okkur risavaxið forskot á sprotana.“
Volkswagen hefur ákveðið að
verja 30 milljörðum evra í rafbíla á
næstu fimm árum og hefur þegar
skuldbundið sig til að kaupa raf-
hlöður fyrir 50 milljarða evra til að
nota í þeim 50 mismunandi gerðum
rafbíla sem VW-samsteypan hyggst
vera búin að setja á markað árið
2025.
Hann er tregur til að segja til um
hvort það nægi til að gera félagið
leiðandi á heimsvísu árið 2030:
„Ég gæti ekki einu sinni talið upp
nöfnin á þeim sem verða í topp-
slagnum. Það gæti verið Tesla, eða
Apple, og kannski einhver frá Kína.
Ég vona samt að það verði Volkswa-
gen, og við vinnum mjög hart að
því.“
Sjálfakandi 2030
Áætlanir VW um smíði sjálf-
akandi bíla eru ekki eins skýrar.
Diess kveðst hafa mikla trú á sjálf-
akandi leigubílum en telur að það
séu „allmörg ár“ í þannig farartæki.
Sumir markaðsgreinendur hafa
sett himinháan verðmiða á Waymo,
dótturfélag Google sem þróar sjálf-
akandi bíla, og verðmeta félagið
hærra en Volkswagen, haldandi að
borgarbúar muni bráðum geta hóað
í sjálfakandi leigubíl og hætti þá að
kaupa einkabíl fyrir heimilið.
„[Waymo] er líklega of lágt metið
ef fyrirtækið getur í raun skaffað þá
vöru sem búið er að lofa,“ segir
Diess. „Ef tæknin gæti virkað, og ef
Waymo gæti skaffað lausn sem
kæmi í stað allra leigubílstjóra og
vörubílstjóra heimsins, þá myndi
það veita þeim risastórt forskot og
leiða til mjög hás markaðsverðs.“
Hann bætir við: „Er raunhæft að
sjálfakandi leigubílar verði tilbúnir
árið 2030? Já, sennilega.“ En þá
„verðum við í stakk búin til að
bregðast við. Þau láta sig dreyma
um að þau muni sitja ein að þessum
markaði“.
Á sviði skutlþjónustu er VW að
leita ýmissa leiða til að komast inn á
markaðinn, þó ekki með beinum
hætti. Í gegnum fyrirtækið Moia
býður VW fólki að fá far með smá-
rútum í tveimur þýskum borgum, og
í Berlín stendur til boða skamm-
tímaleiga á „We Share“ rafbílum
sem eru á við og dreif um borgina.
Diess er bjartsýnn á að þess hátt-
ar þjónusta eigi erindi við mark-
aðinn, og það jafnvel á svæðum þar
sem skutl-risarnir hafa ráðandi
stöðu.
„Við sjáum að Lyft og Uber hafa
átt í vandræðum í Bandaríkjunum,“
segir hann. „Báðum gengur illa að
gera reksturinn arðbæran. Það
sama má segja um Didi í Kína,“ seg-
ir hann.
„Ef fyrirtæki ætlar að leggja und-
ir sig skutlmarkaðinn í tiltekinni
borg þá mætti reikna með að verja
50 eða 100 milljónum evra í mark-
aðsstarf, keppa af mikilli hörku og
keppa í verði. Markaðurinn er ekki
þannig að sá sem nái forskoti
vinni allan pottinn.“
Mótbyrinn fékk VW til að taka slaginn
Eftir Patrick McGee í Frankfurt
Framleiðslugetan gæti
hálpað VW-samsteypunni
að ná forskoti á rafbíla-
markaði. Sprotar á borð
við Tesla hafa það forskot
að geta einbeitt sér að raf-
magnsbílum eingöngu.
AFP
Satya Nadella og Herbert Diess, forstjórar Microsoft og Volkswagen til-
kynntu um samstarf fyrirtækjanna, Volkswagen Automotive Cloud, í fyrra.