Morgunblaðið - 12.03.2019, Síða 12

12 DAGLEGT LÍF
MORGUNBLAÐIÐ ÞRIÐJUDAGUR 12. MARS 2019
Kristín Heiða Kristinsdóttir
khk@mbl.is
Mér finnst alveg yndis-legt að vinna meðungu fólki, ég tel migná ágætlega til þess
og það til mín. Ég er mjög stoltur
af þessari sýningu og þeim krökk-
um sem komu að henni, hópurinn á
hrós skilið fyrir þrotlausa og frá-
bæra vinnu. Þau gerðu allt sjálf,
smíðuðu líka svið og áhorfenda-
palla. Með hjálp frábærs tækni-
manns tókst okkur að breyta Hlöð-
unni í leikhúsrými þrátt fyrir að
það sé ekki hugsað sem slíkt,“ seg-
ir Ingi Hrafn Hilmarsson sem leik-
stýrir nemendum Borgarholtsskóla
sem frumsýndu nýja útgáfu af
ævintýrinu um Hans og Grétu síð-
astliðinn sunnudag.
„Á fyrsta fundi mínum með
krökkunum í leikfélaginu Appolo
veltum við fyrir okkur hvað við
vildum gera. Ég stakk upp á að við
tækjum eitthvert ævintýri og gerð-
um okkar eigin útfærslu á því.
Þeim leist vel á það, og nægu er úr
að moða þegar kemur að krassandi
ævintýrum. Til dæmis innihalda
Grimmsævintýrin oft svo mikinn
ljótleika að það er nánast fyndið að
við fullorðna fólkið skulum vera að
segja ungum börnum okkar þær
sögur rétt fyrir svefninn,“ segir
Ingi Hrafn og bætir við að sagan
af Hans og Grétu hafi kveikt í hon-
um sem góður efniviður fyrir leik-
sýningu með unglingum. Hann tók
sig því til og skrifaði alveg nýtt
handrit að ævintýrinu.
Hryllingur nauðsynlegur
„Ég ákvað draga fram ljótleik-
ann í sögunni með ögrandi hætti
en halda samt í húmorinn og leik-
gleðina. Framvinda sögunnar er
drifin áfram með trúðum sem
skapa litríkan og fyndinn heim sem
er þó á köflum frekar ógeðfelldur,
þar er jú norn úti í skógi sem
drepur börn og borðar þau. Ég
velti líka fyrir mér hvað það er
sem fær pabbann til að vilja skilja
börnin sín eftir úti í skógi að beiðni
stjúpmömmunnar, hvaða tak hefur
hún á honum? Við höfum fundið
ákveðið svar við því,“ segir Ingi
Hrafn og vill ekkert upplýsa um
þau ósköp, en bætir við að í hand-
riti hans sé margt með allt öðru
sniði en í upprunalega ævintýrinu,
þar kemur til dæmis núverandi
Bandaríkjaforseti fyrir, herra
Trump. „Ég má
ekki kjafta frá í
hvaða samhengi
hann kemur fyr-
ir, því ekki vil ég
eyðileggja
skemmtanagildið
fyrir þeim sem
eiga eftir að sjá
sýninguna. En
eins og Trumps
er von og vísa þá
kemur hann inn í þessa sýningu
með þó nokkrum sjokk-faktor. Við
gerum líka ráð fyrir að nornin sé
ekki aðeins ein, eins og í upp-
runalega ævintýrinu, heldur eru
þær nokkrar, enda hljóta nornir að
eiga nornavinkonur. Kannski er
heilt nornasamfélag í skóginum þar
sem spjallað er saman í hvítvíns-
boði um að verða sér úti um börn
til að fita og éta? Ég teygi og toga
ævintýrið í ýmsar áttir, ég sýni til
dæmis líka söguna áður en stjúpan
kemur til sögunnar, ég kynni
mömmu Hans og Grétu, sem
hvergi segir af í upprunalega ævin-
týrinu. Við sýnum hvað sú fjöl-
skylda var falleg og heilbrigð
þangað til stjúpan kemur til leiks,
þá færum við okkur yfir í ljótleik-
ann. Enda er svolítill hryllingur
nauðsynlegur til að halda spenn-
unni. Rétt eins og með jólasvein-
ana okkar íslensku og Grýlu,
hræðslan við hana er hluti af jóla-
spennu barnanna, en ég hef ein-
mitt skrifað og sett upp leikrit þar
sem hún kemur við sögu, og börn
elska það. En með óttaskjálftanum
er gott að læra eitthvað gott í leið-
inni, því það er jú alltaf fallegur
boðskapur í ævintýrum.“
Enginn fékk fullan svefn
Ingi Hrafn tekur fram að þó
að hann sé handritshöfundur og
leikstjóri sýningarinnar hafi ein-
hverjar hugmyndir líka kviknað í
æfingaferlinu, sem þau bættu inn í.
„Þar er mikill húmor og fjör í
þessari sýningu, áhorfendur á
frumsýningunni skemmtu sér í það
minnsta mjög vel. Þetta er sérlega
litrík sýning sem gleður líka augað,
búningarnir eru virkilega flottir
hjá búningahönnuðinum, henni Ey-
dísi Elfu Örnólfsdóttur. Þessir
krakkar hafa öll staðið sig ótrúlega
vel og ég er rosalega stoltur af
þeim. Þau voru öll til fyrirmyndar
og lögðu mikið á sig, það var aldrei
neitt vesen með mætingu á æfing-
ar og þau voru alltaf tilbúin til að
vinna fram eftir, jafnvel þótt það
færi fram yfir miðnætti, sem gerð-
ist í nokkur skipti á lokasprettinum
í frumsýningarvikunni hjá okkur.
Ég held svei mér þá að enginn í
hópnum hafi fengið fullan svefn
nóttina fyrir frumsýningu, mann-
eskjan sem hafði sofið lengst náði
aðeins fimm tímum. Það var svaka-
leg keyrsla hjá okkur á lokasprett-
inum, en ekkert þeirra kvartaði,
þau voru öll svo tilbúin í þetta
verkefni og gerðu sitt besta.“
Leiksýningin Hans og Gréta
er fyrir 14 ára og eldri, sýnd í
Hlöðunni, Gufunesbæ (Grafarvogi),
og næstu sýningar eru 12. 14. og
15. mars kl. 20. Miðasala á tix.is.
Hvítvínsboð Nornir, Sientje Sólbjört Nína de Wagt, Kristófer Páll Sigurðsson, Sara Lind
Magnúsdóttir og Lára Snædal Boyce. Við hlið þeirra Margrét Helga Jónsdóttir sem Hulda.
Litrík Trúðar drífa framvindu áfram.
Kara Rós Kristinsdóttir sem Kósý.
Lagt á ráð Sverrir Arnar Ragnarsson og Eydís Elfa Örnólfsdóttir sem
Hans og Gréta, ásamt trúðinum Dúu sem Lára Snædal Boyce leikur.
Trump kemur inn með látum
Hvaða tak hefur stjúp-
mamman á pabbanum
sem fær hann til að skilja
börnin sín eftir í skóg-
inum? Og hvaða erindi á
Trump inn í ævintýri
Hans og Grétu? Svörin
fást í nútímalegri sýn-
ingu Borgarholtsskóla.
Ingi Hrafn
Hilmarsson
Líf og fjör Það er mikið hlegið og sprellað í
leikriti Borgarholtsskóla um Hans og Grétu,
þótt þar sé líka þó nokkur hryllingur.
SCREEN- OG RÚLLUGARDÍNUR
Henta vel þar sem sól er mikil en þú vilt geta séð út
Láttu sólina ekki trufla þig
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 n Tjarnargötu 17, Keflavík. S. 421 2061 n Glerárgötu 32, Akureyri. S. 462 5900 n alnabaer.is
Sendum frítt hvert á land sem er gegn staðgreiðslu
Íslensk framleiðsla eftir máli
Hringdu núna og bókaðu tíma í máltöku
OPIÐ: VIRKA DAGA FRÁ 10-18
alnabaer.is