Morgunblaðið - Sunnudagur - 31.03.2019, Blaðsíða 2

Hvernig ertu stemmd þessa dagana?
Ég er bara nokkuð brött.
Þú hefur farið sem blaðamaður á stórmót og nú ertu
með heimildamynd um krakkamót. Hver er munurinn?
Þetta eru auðvitað ólík verkefni en þau eiga það sameiginlegt að veita
manni ótrúlega gleði, mikinn kraft og að sjálfsögðu allmörg fiðrildi í maga
þegar leikir eru í gangi. Á stórmótum eins og EM er mikil öryggisgæsla,
stundum einungis nokkrar mínútur í boði til að taka viðtöl við leikmenn á
fyrirfram ákveðnum stað þannig að svigrúmið er minna. Á Símamótinu
fengum við að vera flögrandi flugur á æfingum stelpnanna, á hliðar-
línum leikjanna og bara hér og þar með þeim í sumarblíðunni í Fífunni.
Þetta er óskastaða blaðamannsins – allar til í að veita okkur viðtöl og
stelpurnar óhræddar við að sýna okkur bæði gleði og tár.
Er framtíð íslensks fótbolta björt?
Miðað við það sem við sáum á Símamótinu þá er eitthvað stórkostlegt í
vændum. Ég ræddi við nokkrar fótboltakanónur sem höfðu orð á því að
hafa aldrei séð jafn hæfileikaríka árganga áður. Þvílíkur metnaður,
leikgleði og sjálfstraust.
Hvað er annars fram undan hjá þér?
Sjálf er ég núna að feta mín fyrstu spor á vettvangi nýrra íþrótta. Er byrj-
uð á golfnámskeiði til að geta tekið nokkra hringi í sumar og svo fór ég í
fyrstu fjallaskíðaferðina fyrr í mánuðinum með tilheyrandi byltum. Það er
svolítið strembið að vera byrjandi á fullorðinsaldri en hrikalega hollt og gott.
Annars er ég á fullu í íbúðarleit og alveg að byrja að pakka fyrir páskaferð til
Madrídar þar sem ég bjó fyrir nokkrum árum. Þar verður hitað upp fyrir ís-
lenska sumarið.
Er langt í sumarið?
Alls ekki. Ég lét gervivorið sem kíkti nýlega til okkar um stundarsakir hafa áhrif á
fataskápinn og klæði mig nú frekar í samræmi við tíðarfarið í Mið-Evrópu. Ég ætla
ekki að gefast upp og taka úlpuna fram af því að þetta er alveg að koma. Birtan segir
allt; sólin kemur upp um sjöleytið og sest ekki fyrr en rúmlega átta.
Í FÓKUS
2 MORGUNBLAÐIÐ SUNNUDAGUR 31.3. 2019
Dolorin 500mg paracetamól töflur - 20 stk og 30 stk
Lesið vandlega upplýsingarnar á umbúðumog fylgiseðli fyrir
notkun lyfsins. Leitið til læknis eða lyfjafræðings sé þörf á
frekari upplýsingum umáhættu og aukaverkanir.
Sjá nánari upplýsingar um lyfið á www.serlyfjaskra.is
Dolorin
Hita- og verkjastillandi paracetamól
Á HAGSTÆÐUVERÐI!
Reykjavíkurvegur 62 | Sími 527 0640 | 220Hafnarfjörður | www.wh.is
Þú færð
Dolorin í næsta
apóteki
Hann verður ekki lengi þessi!“Þetta fullyrti eiginkona mín, þar sem við sátum fyrir framansjónvarpið og fylgdumst með Erik Hamrén, landsliðsþjálfara karla
í knattspyrnu, gera grein fyrir slæmu tapi liðsins á Frakkvangi í París í byrj-
un vikunnar. Téð fullyrðing sætti tíðindum í ljósi þess að eiginkona mín fylg-
ist ekki með knattspyrnu og hefur engan áhuga á þeirri ágætu íþrótt.
Á hverju byggir þú það? spurði ég forvitinn.
„Ég les það úr augunum á honum!“
Þetta þótti mér ekki síður merkileg staðhæfing. En það má svo sem til
sanns vegar færa, karlkvölin hann
Hamrén var eins og haustlamb í háu
ljósunum í samtali við Hauk Harð-
arson íþróttafréttamann að leik
loknum. Skammaðist sín augljóslega
fyrir háðuglega útreiðina. Hann
gerði þó meira úr getu Frakkanna
en getuleysi íslenska liðsins.
Nú ætla ég ekki að kveða upp
neinn dóm yfir Erik Hamrén en
skeleggir sparkskýrendur, sem hafa
margfalt meira vit á knattspyrnu en
ég, hafa efast um hæfni hans í vik-
unni, bæði í fjölmiðlum og einka-
samtölum. Alla ber þá speki að sama
brunni; liðið var arfaslakt, andlaust og agalaust í leiknum. Þjóðin er orðin
góðu vön þegar sparkkarlarnir okkar eru annars vegar og lætur fyrir vikið
ekki bjóða sér svona frammistöðu. Einfalt mál.
Hamrén og strákunum okkar til vorkunnar verður þó að halda því til haga
að Frakkar eru með geggjað lið. Það er ekkert glópalán að þeir eru heims-
meistarar í knattspyrnu. Og líklega felst mesta niðurlæging íslenska liðsins í
því að Mbappé, Griezmann, Pogba og félagar voru alveg örugglega ekki á
fullu gasi á mánudaginn. Þeir geta ennþá betur.
Gleymum því heldur ekki að Frakkar völtuðu yfir okkur á sama velli í átta
liða úrslitum EM 2016; 5:2. Og þá voru þjóðhetjurnar Lars og Heimir ennþá í
brúnni og liðið líklega á hápunkti getu sinnar og sjálfstrausts.
Eftir hörmulega byrjun með landsliðið stigmagnast pressan á Erik Ham-
rén og ljóst er að hann þarf að ná vopnum sínum hratt og örugglega ætli
hann að ílengjast í starfi. Næstu þrír leikir eru á heimavelli, þar sem Ísland
tapar sárasjaldan í seinni tíð, og þar þarf Svíinn sannarlega á hagstæðum úr-
slitum að halda. Svo það birti yfir augunum.
Hann verður
ekki lengi þessi!
Pistill
Orri Páll
Ormarsson
orri@mbl.is
’ Þjóðin er orðin góðuvön þegar sparkkarl-arnir okkar eru annarsvegar og lætur fyrir vikið
ekki bjóða sér svona
frammistöðu.
Rakel Sigurjónsdóttir
Nei.
SPURNING
DAGSINS
Munt þú
sakna
WOW air?
Alex Gíslason
Nei, ég get ekki sagt það. Það
kemur alltaf maður í manns stað.
Heiðrún Jónsdóttir
Já, en ég hef samt aldrei flogið með
þeim.
Unnsteinn Þorsteinsson
Nei, ég myndi ekki segja það en það
var samt fínt fyrir samkeppnina.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 569 1100
Útgáfufélag
Árvakur hf.,
Reykjavík.
Forsíðumyndina tók
Eggert Jóhannesson
Hugrún Halldórsdóttir er umsjónarmaður heimildamyndarinnar Fótboltastelpur
sem fjallar um Símamótið í fótbolta og er sýnd í Sjónvarpi Símans Premium. Hún
hefur starfað við dagskrárgerð í áratug og er nú fjölmiðlafulltrúi Bláa lónsins.
Morgunblaðið/Kristinn Magnússon
Gleði og tár í bland
HUGRÚN HALLDÓRSDÓTTIR
SITUR FYRIR SVÖRUM