Skagablaðið - 29.03.1985, Side 1

11.TBL 2. ÁRG.
FÖSTUDAGUR 29. MARS 1985
VERÐ KR. 30,-
Sögulegur áfangi bæjarstjómar á síðari ámm:
Fjámagsáætlun samþykkt
samhljóða á þríðjudagmn
- Framlag til Gmndaskóla hækkaó um 2 milljónir króna á milli umræóna um áætlunina
Þrenntá
sjúkrahús
Þrennt var flutt á sjúkra-
hús aðfararnótt sunnudags
eftir að bifreið með R-núm-
eri fór útaf veginum við Kala-
staði. Meiðsli fólksins reynd-
ust ekki alvarleg. Grunur
leikur á að ökumaður hafi
verið ölvaður.
Sá sögulegi áfangi náðist í bæjarstjórn á þriðjudagskvöld, að
fjárhagsáætlunin var samþykkt samhljóða með 9 atkvæðum í fyrsta
sinn í mörg ár. Fundur bæjarstjórnar var mjög langur að þessu sinni
og lauk honum ekki fyrr en á ellefta tímanum um kvöldið.
Helstu breytingarnar á áætlun-
inni á milli umræðna (sú fyrri var
fyrir þremur vikum) urðu þær, að
framlag til Grundaskóla hækkaði
um 2 milljónir, framlag til gatna-
gerðar hækkaði um 900 þúsund
og framlag til Jaðarsbakkalaugar
lækkaði um 600 þúsund. f heild
hækkuðu útgjöld bæjarins um 2,3
milljónir við þær breytingar sem
gerðar voru á milli umræðna.
í máli bæjarstjóra, Ingimundar
Sigurpálssonar, kom fram, að
þessum auknu útgjöldum yrði
mætt með þrennum hætti: greiðslu
einnar milljónar króna skuldar
Hafnarsjóðs til bæjarins, auknum
lántökum upp á 900 þúsund og
með því að minnka greiðslur til
skuldheimtumanna bæjarins um
400 þúsund.
Með umræddum 2 milljón
króna viðbótarframlagi til
Grundaskóla er tryggt að skólinn
lendi ekki í enn frekara hús-
næðishraki en þegar er orðið eins
og fyrirsjáanlegt virtist. Stofur
fyrir raungreinar og kennara
verða teknar í notkun í haust.
Hið aukna framlag til gatna-
Á „maraþon“ fundi bœjarstjórnar a pridjudag var gert klukkustundar
langt matarhlé og brugðu bœjarfulltrúar sér þá á veitingahúsið Stillholt
og fengu sér í gogginn. Þessi mynd var tekin af hinni sameiginlegu
máltíð fulltrúanna og ber ekki á öðru en allt sé í sátt og samlyndi.
gerðar í bænum þýðir að alls fara
tæpar 16 milljónir króna til lagn-
ingu varanlegs slitlags og gang-
stétta í sumar en lagðir verða
rúmir 3 km af gangstéttum víða
um bæinn. Gatnagerðargjöld
nema 6,2 milljónum í ár upp í
þennan kostnað.
Þrátt fyrir að framlag til Jaðars-
bakkalaugarinnar hafi verið lækk-
að um 600 þúsund koma engu að
síður 5,8 milljónir í hennar hlut.
Ætti það að tryggja að góður
skriður komist á framkvæmdirnar
í ár.
„Fjárhagsáætlun er ákveðið
markmið, sem bæjarstjórn setur
sér,“ sagði bæjarstjóri er hann
fylgdi umræðunni úr hlaði. „Til
þess að hún standist þurfa for-
sendur að standast," sagði hann
ennfremur og bætti því við að
blikur væru á lofti í efnahags-
málum, m.a. væri séð fram á
samninga í haust, sem sett gætu
strik í reikninginn og valdið um-
talsverðum hækkunum.
Gert er ráð fyrir að tekjur
bæjarins verði um 146 milljónir
króna í ár. Er það um 25%
hækkun frá því í fyrra. Útsvars-
prósentan í ár er 11,0% eða sú
sama og verið hefur og er reyndar
í velflestum byggðarlögum lands-
ins.
Sjá nánar á bls. 5.
Annar strákanna losar nýveiddan sjóbirting af önglinum á meðan hinn
fylgist spenntur með. Andlit strákanna eru hulin svo þeir verði ekki
fyrir áreitni.
Skagablaðiö vitni að einstæftum atburfti á síftari árum:
Veiðibann hjá
minni bátunum
Á miðvikudag kom til fram-
kvæmda veiðibann á aUa báta
undir tíu rúmlestum að stærð.
Þetta veiðibann stendur í hálf-
an mánuð og mega bátarnir
engan veiðiskap stunda ef frá
eru taldar hrognkelsaveiðar.
Á þriðjudag komu bátarnir
að landi með net sín og verða
þau ekki lögð fyrr en eftir
páska. Mjög eru menn óhressir
yfir þessu veiðibanni þar sem
afli hefur verið ágætur undan-
farna daga hjá minni bátum
Til auglýsenda
Um leið og Skagablaðið óskar
lesendum sínum gleðilegra páska
viU það benda auglýsendum á, að
Viðbót Skagablaðsins kemur út á
þriðjudaginn í næstu viku og
verður því líkast til eini aug-
lýsingamiðUlinn hér á Skaga þá
vikuna.
Hægt er að koma auglýsingum
í Viðbótina til kl. 14 á mánudag
en eftir það verður móttöku
þeirra hætt. Við minnum á hið
hagstæða verð auglýsinga í Við-
bótinni og þau sérkjör sem bjóð-
ast. Hafið samband við auglýs-
ingastjóra blaðsins og munið að
Viðbótin er borin í hvert hús hér
á Skaga og fer að auki um allt
Vesturland. Skagablaðið
„Mokuðu“ sjóbirtingi
upp úr Berjadalsánni
Skagablaðið varð í gær vitni að einhverju því sérkennilegasta sem
aðstandendur blaðsins hafa nokkru sinni upplifað. Að horfa á
strákpatta hreinlega „skóflal> upp sjóbirtingi úr Berjadalsánni var
nokkuð, sem við töldum okkur aldrei eiga eftir að sjá, en þannig var
það nú samt.
Það var upp úr hádeginu í gær,
að blaðið hafði af því spurnir, að
svo virtist sem ungir strákar væru
að mokveiða í Berjadalsá, líkast
til sjóbirting. Áður en varði voru
blm. og ljósmyndari komnir á
staðinn og ekki bar á öðru;
kapparnir veiddu án afláts og
gáfu sér vart tíma til að líta upp.
Þegar okkur bar að garði höfðu
þeir fengið nokkra fiska og af
nógu virtist að taka.
Þegar Skagablaðið benti strák-
unum á að þeir væru að taka
forskot á sæluna, ekki mætti hefja
veiðar á sjóbirtingi fyrr en 1. apríl
urðu þeir skömmustulegir en
héldu samt áfram að veiða. „Við
vitum þaðen það gerirekkert til,“
sagði annar þeirra „við erum svo
litlir. Löggan tekur okkur aldrei. “
Blaðið hafi samband við Steina
í Ósi, sem býr í næsta nágrenni og
spurði hann að því hvort hann
hefði orðið var við fiskgegnd í
Blautósnum. Hann sagðist ekki
hafa orðið var við silung en hins
vegar hefði verið óvenjumikið
um sel að undanförnu í ósnum og
það benti ótvírætt til þess að hann
hefði mikið æti.
Hjá Veiðimálastofnun fengust
þær upplýsingar, að þeim væri
ekki kunnugt um þessa veiði en
þar var talið að óvenjuheitur sjór
umhverfis landið í vetur gæti átt
þátt í þessu. Þá væri einnig
hugsanlegt að hluti gífurlegrar
fisktorfu, sem slapp úr flotkvíum
við vesturstrendur Noregs í vet-
ur, hefði ratað hingað til lands í
hlýrri sjó enda hefðu frosthörkur
verið miklar á Norðurlöndunum í
allan vetur.
Sjá nánar um þennan einstæða
viðburð á bls. 3.