Skagablaðið - 05.06.1985, Blaðsíða 10

Sjómanandagurinn á Akranesi;
Frábærlega vel
heppnuð hátíð
Hátíðahöldin í tilefni sjó-
manandagsins fóru fram með
pomp og pragt síðastliðinn
sunnudag og er það mál allra,
sem fylgdust með þeim, að
framkvæmd þeirra hafi verið
með allra besta móti og dagur-
inn fyrir vikið eftirminnilegri en
um margra ára skeið. Formaður
sjómannadagsráðs er Einar
Vignir Einarsson og vildi hann
koma á framfæri þökkum til
allra þeirra, sem lögðu sitt af
mörkum til þess að gera hátíða-
höldin að því sem þau voru.
í raun má segja, að hátíða-
höldin hafi hafist á laugardag
því þar hófst sundmót í tilefni
dagsins. Að vanda var keppt í
stakkasundi og bar Ingþór Sig-
urðsson þar sigur úr býtum. I
björgunarsundi reyndist Pétur
Lárusson hlutskarpastur. Af-
reksbikar kvenna vann Ragn-
heiður Runólfsdóttir og kom
fáum á óvart en í karlaflokki
vann Hallgrímur Kvaran.
Strax klukkan 9 á sunnudag
var börnum boðið í sjóferð og
reyndar voru margir foreldrar
með í förinni. Geysilega góð
þátttaka var í siglingunni og
höfðu menn á orði að skipin
fjögur, Skírnir, Bjarni Ólafs-
son, Rauðsey og Sigurborgin,
hefðu sjaldan verið betur
mönnuð.
Hátíðarmessa
Eftir siglinguna var hátíðar-
messa í Akraneskirkju, þar sem
aldraðir sjómenn voru heiðrað-
ir. Þeir, sem voru heiðraðir í ár
voru Kristján Sigurðsson, Sig-
urður Jónsson og Pálmi Sveins-
son.
Frá kirkjunni var farið í
skrúðgöngu að Akratorgi og
lagður blómsveigur að styttunni
á torginu, sem reist var til
minningar um drukknaða sjó-
menn á sínum tíma. Rétt er að
vekja á því athygli að bæjarbúar
stóðu sig með sóma um helgina
og létu blómsveiginn afskipta-
lausan.
Eftir hádegið hófst dagskráin
að nýju með bægslagangi í höfn-
inni. Var efnt til kappróðurs og
koddaslags auk þess sem slysa-
varnardeildin Hjálpin og Land-
helgisgæslan sýndu björgun úr
sjávarháska með þyrlu. Þótti
sýningin takast með miklum
ágætum. í kappróðri skipa vann
áhöfn Bjarna Ólafssonar. Af
landssveitunum varð kvenna-
sveit Heimaskaga hlutskörpust
en af karlasveitunum sigraði
sveit Þorgeirs & Ellerts og náði
langbesta tíma allra. í kodda-
slagnum varði Viggó Einarsson
titil sinn frá í fyrra með sóma.
Hlaut hann bikar auk vinnings í
neytendaumbúðum.
Frá höfninni var gengið fylktu
liði upp að byggðasafninu að
Görðum, þar sem efnt var til
sparkkeppni á milli yfirmanna
og undirmanna á skipum. Ingi-
mundur Sigurpálsson, bæjar-
stjóri, íklæddur bol, þar sem á
var letrað: Greiðið gjöldin, sá
um dómgæsluna og mátti glöggt
sjá í leiknum hverjir höfðu
greitt og hverjir ekki. Þeir sem
voru skuldlausir við bæinn,
komust upp með alls kyns pretti
ogbolabrögð. Undirmennunnu
að endingu 6:2 — kannski að
yfirmennirnir séu svona
skuldugir?
Reiptog
Eftir sparkkeppnina var efnt
til reiptogs og gekk mikið á.
Áhöfn Akraborgar sigraði í
flokki báta enda mannskapur-
inn vel alinn og þungt í honum
pundið. í keppni landkrabba
sigraði kvennalið Heimaskaga í
sínum flokki en karlarnir í
Sementinu (A-lið) vann í sínum
flokki. Gísli Einarsson hafði þá
hafði þá bæst í hópinn en
hann var fjarri góðu gamni í
kappróðrinum. Hann gegndi
hins vegar hlutverki kynnis við
höfnina og stóð sig frábærlega
þar ein og hans var von og vísa.
Á sunnudagskvöldið var svo
efnt til dansleiks í Hótelinu sem
endranær og voru þar m.a. veitt
verðlaun fyrir aflahæstu bátana.
Haraldur Böðvarsson var afla-
hæsti togarinn, Skírnir var afla-
Það var hart barist í koddaslagnum. Sigurvegarinn, Viggó Einarsson,
er hér um það bil að slá einn keppninaut sinn í sjóinn.
hæsti báturinn en Bjarni Ólafs-
son kom með mesta aflaverð-
mætið að landi.
Auk dansleiksins var efnt til
tískusýningar, sem þótti frábær-
lega vel heppnuð, og sýndur var
breik-dans auk þess sem Halli
og Laddi skemmtu. Var að
vonum kátt í sjómönnum hljóð-
ið er líða tók á kvöldið eftir
sérdeilis vel heppnuð hátíða-
höld dagsins.
Gífurlegt fjölmenni nýtti sér bátsferðirnar að morgni sjómanansunnudagsins eins og sjá má. Allir um
borð fengu kók og prins póló.
Sigurlið Þ&E rœr af krafti eins og sjá má.
Kvennasveit Heimaskaga stóð sig frábœrlega.
Gísli Einarsson, kynnir dagsins, og Einar V. Einarsson, formað
ur sjómanadagsráðs.
Áhöfnin á Bjarna Ólafssyni, sem bar sigur úr Björgun af sjó. Þyrlan sveimaði fyrir ofan, en sést
býtum í róðrarkeppni skipsáhafna. ekki á myndinni.
10