Skagablaðið - 02.10.1985, Page 11
■E13 H □ [E 0 E Sl Œl 1! HIH-
í fjórum ferðum
Núna þegar hringormurinn herjar hvað mest á fískinn til stóraukins
vinnslukostnaðar fyrir sjávarútveginn greiðir svokölluð Hringorma-
nefnd umtalsverð verðlaun fyrir hvern veiddan sel, en hann mun vera
einn „aðalframleiðandi“ ormsins ef svo mætti segja.
Hafa veitt tæp
7 tonn af sel
Arnardalur.
5
,Alltaf nóg að gera ef
áhugi er fyrir hendi“
- segir Steinunn Ámadóttir, starfsmaður í Amardal, í framhaldi
af kvörtunaihréfi unglinga í síðasta Skagablaði
í síðasta Skagablaði birtum við hluta úr bréfí, þar sem hópur
unglinga kvartaði undan aðstöðuleysi og að ekkert væri hægt að gera
af sér hér í bæ. Til þess að reyna að komast að hinu sanna í málinu
tókum við Steinunni Árnadóttur, starfsmann Arnardals, tali og
spurðum hana hvort það væri rétt að ekkert væri gaman í Arnardal.
inn er sá að í Arnardal er meðferð
tóbaks og áfengis bönnuð en það
var líka gert með lögum,“ sagði
Steinunn í lokin.
„Ég held,“ sagði Steinunn „að
fá bæjarfélög á landinu geri eins
mikið fyrir sína unglinga eins og
Akranes gerir enda held ég að
allir hafi nóg að gera hér. Þetta er
fyrst og fremst spurning um að
vera jákvæður og taka þátt í því
sem boðið er upp á, a.m.k. kynna
sér það og gagnrýna síðan á eftir.
Þá fyrst getur gagnrýnin verið
sanngjörn.“
Fjölbreytni
Þá sagði Steinunn að ef hún
ætti að benda á það framboð af
afþreyingu, sem hún myndi eftir í
fljótu bragði, væri auðvitað fyrst
og fremst að nefna starfsemi ÍA,
en bandalagið byði upp á iðkun í
öllum algengustu greinum
íþrótta, hvort heldur væri til
skemmtunar eða keppni. Þá
mætti nefna bæði Skátafélagið og
KFUM og K, sem bæði væru með
öflugt félagsstarf. Hér væri tón-
listarskóli, lúðrasveitir og kórar
og ættu þeir aðilar að fullnægja
þörfum þeirra sem vildu spreyta
sig á tónlist.
„Hvað okkur hér í Arnardal
varðar þá teljum við að við höld-
um uppi kröftugri starfsemi og
hér hjá okkur er opið frá kl. 17.30
"Ef ykkur liggur”
eitthvað á hjarta
þá er síminn:
2261
alla virka daga og við erum ein-
mitt að hefja starfsemina núna
um mánaðamótin. Á þriðju- og
fimmtudögum erum við oft með
ýmsar uppákomur á kvöldin og á
föstudögum eru fyrirhugaðir
dansleikir. Á mánudags- og mið-
vikudagskvöldum eru klúbba-
fundir og námskeið í gangi þannig
að það er nóg um að vera. Við
lokum ekki fyrr en kl. 23.30 og
höfum jafnvel opið lengur ef þörf
krefur."
— Hvað með helgarnar?
„Við verðum með opið um helg-
ar í vetur en sú starfsemi hefst ekki
alveg strax hjá okkur. Á sunnu-
dögum verður opið fyrir 10-12 ára
en í öðrum tilvikum verður ald-
urstakmarkið bundið við 13 ára
(7. bekk) og eldri.“
Auk opnunartímans og starf-
seminnar í Arnardal í vetur býður
Æskulýðsnefnd upp á yfir 20 tóm-
stundavíðfangsefni en sú starf-
semi tengist félagsstarfi skólanna,
sem að öðrum ólöstuðum hljóta
að vera stærsti og öflugasti aðilinn
á sviði félagsstarfs hér í bænum.
Hvað og hvenær sem er
„Hvað varðar óánægju ungling-
anna með að fá ekki aðgang að
spilasalnum er lítið hægt að gera
þar sem ný lögreglusamþykkt
bannar unglingunum að stunda
spilasalina. Við í Arnardal erum
aftur á móti tilbúin að gera hvað
sem við getum með þessum ungl-
ingum — nánast hvað sem er og
hvenær sem er — en eini munur-
NOTAR^Í
ÞÚ /r,
ém «iarBo“
Til þess að koma í veg fyrir
offjölgun selsins — eftir að sel-
skinn urðu verðlaus og hætt var að
veiða selinn í net vegna skinnanna
— hefur nefndin gripið til þess
ráðs að greiða umtalsverða upp-
hæð fyrir hvert kíló af sel, nú 15
krónur. Er þá miðað við að selur-
inn sé kominn heim að frystihús-
dyrum.
Lítið um veiðar
Ekki hafa selveiðar verið stund-
aðar að neinu marki héðan frá
Akranesi en það er helst að
grásleppukarlar fái alltaf nokkra
seli í net sín á vorin. Að öðru leyti
hefur ekki verið um selveiðar að
ræða hjá Skagamönnum fyrr en
nú allra síðustu vikur.
Þeir Steindór Oliversson og
Jón Valdimarsson hafa undanfar-
ið veitt talsvert af sel. Til veiðanna
nota þeir fimm tonna trillu, sem
Steindór á en einnig eru þeir með
léttabát sem þeir fara á í land á
skerjunum en þaðan mun meiri-
hluti aflans vera skotinn.
Með 18 seli
Þeir félagar voru að hífa aflann
úr síðustu veiðiferð. Höfðu þeir
skotið 18 seli. Til þess að koma
aflanum upp á land notuðu þeir
bryggjukranann enda veitti ekki
af því margir selanna voru mjög
Hluti fengs selveiðimanna.
stórir, allt upp í 3-400 kíló þeir
stærstu. Samtals vógu þessir 18
selir 2850 kíló. Áður höfðu þeir
farið þrjár ferðir til selveiða og
fengið samtals 4 tonn af kjöti.
Selurinn, sem þeir Steindór og
Jón veiða, er nær einvörðungu
útselur en til veiðanna nota þeir
stóra riffla. Að innbyrða stóran
sel er erfiðleikum bundið. Til
þess nota þeir talíur en svo stórir
geta selirnir orðið að þeir ná þeim
alls ekki um borð. Eru þeir þá
bundnir utan á síðu bátsins og
dregnir að landi. Þannig var það
einmitt í síðustu viku að utan á
bátnum hékk töluverður hluti
aflans.
Allur selurinn er frystur hjá
HB & Co. en síðan eru skrokk-
arnir hakkaðir í loðdýrafóður og
þykja hið besta fóður fyrir bæði
ref og mink.
Fyrst þegar Hringormanefndin
fór að greiða fyrir selinn var
aðalverðið í kjálkanum en mjög
lítið var greitt fyrir sjálfan
skrokkinn. Þótti mönnum ekki
taka því að hirða hann og honum
því í flestum tilfellum hent. Af
því skapaðist umtalsverður
óþrifnaður þar sem selhræin rak á
fjörur og lágu þar rotnandi í
langan tíma. En með þessu nýja
fyrirkomulagi er selurinn nýttur í
dýrafóður og er það vel.
11