Skagablaðið - 28.07.1988, Blaðsíða 1

Breytingin á skattakerfinu skilar sér til ríkis en ekki til sveitarfélaganna:
Staðgreiðslukerfið
rýrir tekjur bæjar-
ins um 20 milljónir
Bæjarsjóður Akraness kemur til með að verða af 20 milljónum
króna á þessu ári vegna breytinga á skattkerfi landsmanna um síðustu
áramót. Samkvæmt gömlu álagningarreglunum var áætlað að tekjur
bæjarsjóðs af útsvari og tekjuskatti næmu a.m.k. 215 - 220 milljónum
króna en aðeins 197 milljónir króna koma í hlut bæjarins samkvæmt
staðgreiðslukerfinu. Gefur auga leið að þessar 20 milljónir hefðu kom-
ið sér vel á sama tíma og aðeins um 13% af heUdartekjum bæjarins er
ráðstafað til eignabreytinga. Þetta hlutfall hefur farið lækkandi jafnt
og þétt úr um 20%, sem var algengt fyrir nokkrum árum, og hefur skert
framkvæmdagetu bæjarins mjög.
„Þetta riðlar fjárhagsáætlun
bæjarins ekki því við gerðum ráð
fyrir 192 milljónum króna í tekjur
af útsvari og eignaskatti,“ sagði
Gísli Gíslason, bæjarstjóri. Hann
bætti því við, að skiljanlega hefðu
20 milljónir til viðbótar komið sér
vel á tímum mikilla og kostnaðar-
samra framkvæmda. Auðvitað
væri surt að sjá á bak þessum tekj-
um en eins og staðan í vaxtamál-
um væri í dag væri óðs manns æði
að auka enn lántökur til að standa
straum af framkvæmdum.
Þrátt fyrir fregnir af mun betri
innheimtu skatta með nýja stað- Gísli Gíslason, bœjarstjóri.
greiðslukerfinu en gert var ráð
fyrir í upphafi hefur hún ekki skil-
að sér í réttu hlutfalli til sveitarfé-
laganna. Bæjarsjóður hafði um
síðustu mánaðamót fengið 77
milljónir króna frá ríkinu af þeim
197 sem gert er ráð fyrir á árinu.
Samkvæmt gamla kerfinu og því
innheimtuhlutfalli sem var á
Akranesi hefði bærinn fengið 76
milljónir króna í kassann fyrstu 6
mánuði ársins.
„Sá ótti sem Samband íslenskra
sveitarfélaga lét í ljósi á síðasta ári
er að koma í Ijós núna,“ sagði
bæjarstjóri. „Það var mál manna,
að ríkið væri ekki undir það búið
að koma staðgreiðslukerfinu á um
síðustu áramót því undirbúning-
stíminn var illa nýttur. Því var lagt
til að staðgeiðslpkerfi skatta yrði
frestað um eitt ár á meðan verið
væri að hnýta þá hnúta sem þurfti.
Ekki var hlustað á rök sveitar-
stjórnarmanna og afleiðingin er
nú að koma í ljós.“
Verðkönnun Veröalgsstofnunar í matvöruverslunum:
Góð útkoma á Akranesi
Matvöruverslanir á Akranesi komu enn eina ferðina mjög vel út í
verðkönnun, sem Yerðlagsstofnun gerði fyrir stuttu. Kemur þar fram,
að verð á matvöru er mjög svipað hér og gerist hjá stórmörkuðum í
Reykjavík.
f upplýsingum frá Verðlags-
stofnun kemur einnig fram, að
verðlag í Borgarnesi er 3,8%
hærra en á Akranesi. Verðlag á
Snæfellsnesi var aftur á móti 0,6%
lægra en í Borgarnesi. í Dalasýsl-
um var verð hins vegar 0,6%
hærra en í Borgarnesi. Því má
glöggt ráða af tölunum að Akra-
nes er með hagstæðasta verðlag á
matvöru á öllu Vesturlandi og er
fyllilega samkeppnisfært við stóru
verslanirnar á Höfuðborgarsvæð-
inu. Það eru reyndar ekki ný sann-
indi því matvöruverslanir hér hafa
um árabil staðið jafnfætis Reykja-
víkurrisunum.
Þegar könnunin er skoðuð nán-
ar kemur í Ijós að verðlag á ísa-
firði og í Vestmannaeyjum er
einna hæst á landinu. Þau rök, að
flutningskostnaður ráði þar mestu
um þrjóta nú, þar sem Bolvíking-
ar voru nokkuð lægri en nágrann-
ar þeirra ísfirðingar og er flutn-
ingskostnaðurinn þó hinn sami á
þessa staði. Virðist því álagning á
dýrustu stöðunum einfaldlega
hærri en annars staðar.
Sigri fagnil
Ólöf Ólafsdóttir, fyrirliði keppnisliðs Sundfélags Akraness, var
að vonum kampakát er hún hampaði siguriaununum í Aldurs-
flokkameistaramótinu á Jaðarsbökkum um helgina. Skagamenn
unnu þar glæsilegan sigur. Sjá nánar á bls. 5 og 8 í blaðinu í dag.
„Var búinn að sætta
mig við að deyja“
- Skagablaðið ræðir við Björgvin Björgvinsson sem
komst lifandi en stórslasaður úr hildarleik er námugöng hrundu yfir hann, þar sem hann var við
störf á Svalbarða fyrir nokkru