Skagablaðið - 30.01.1995, Blaðsíða 5
Skaga laðið
Mannlíf
30. janúar 1995 5
Hvar erci þau nú?
Daníel Helgason:
Fjölskyldan er
aðaláhugamálið
Auðvitað er manni alltaf hlýtt til
Skagans þar eru ræturnar og
ættingarnir og sömu sögu er
að segja af konunni minni, hún
bjó á Akranesi í nokkur ár
þannig að tengsl okkar við
staðinn eru mikil, segir Daníel
Helgason, í spjalli við Skaga-
blaðið, en hann starfar sem
framkvæmdastjóri Málningar
hf. í Reykjavík.
Texti: Sigþór Eiríksson
Daníel er sonur Helga Andrés-
sonar, rafmagnseftirlitsmanns
hjá Rafveitu Akraness, og Haf-
dísar Daníelsdóttur bókavarðar.
- Ég fylgist að sjálfsögðu
með mannlífinu á Skaga og les
Skagablaðið spjaldanna á milli
sem amma mín var dugleg að
halda utan um fyrir mig og
senda mér út þegar ég var í
námi erlendis, auk hefðbund-
inna heimsókna til ættingja. Þá
fylgist maður vel með fótbolt-
anum en sjálfur lék ég með öll-
um yngri flokkum Skagamanna
á sínum tíma.
Nám í Danmörku
Árið 1978, eftir að hafa lokið
rafvirkjanámi, fór Daníel frá
Akranesi og hélt til náms í
Tækniskóla Islands og þegar
því námi lauk tveimur árum
síðar hélt hann til framhalds-
náms í Danmörku.
- Ég byrjaði á því að fara í
rafmagnstæknifræði og lauk
því. Eftir það ákvað ég að bæta
enn við mig og fór í rafmagns-
verkfræði og í framhaldi af því
í hagverkfræði og stjórnunar-
fræði í tvö ár og vann síðan hjá
danski verkfræðistofu. Því
starfi fylgdu mikil ferðalög um
Evrópu því fyrirtækið var ráð-
gefandi um ýmis verkefni á
sínu sviði víða um lönd, segir
Daníel.
Eftir 9 ára dvöl í Danmörku
ákvað Daníel ásamt fjölskyldu
sinni að snúa aftur til Islands
árið 1989.
Fljótlega eftir að heim var
Daníel Helgason, framkvœmdastjóri Málningar hf í samtali við Sigþór Eiríksson: Starfið er oft eril-
samt og krefjandi en að sjálfsögðu líka gefandi og spennandi.
komið fékk hann starf hjá Iðn-
tæknistofnun, meðal annars við
stefnumótun hjá rekstrardeild.
Þremur mánuðum síðar bauðst
honum starf sem forstjóri Ofna-
smiðjunnar hf og svo loks í árs-
byrjun 1992 bauðst honum að
takast á við annað spennandi
verkefni sem framkvæmdastjóri
Málningar hf.
Erilsamt
- Mér líkar mjög vel í þessu
starfi. Það er oft erilsamt og
krefjandi en að sjálfsögðu líka
gefandi og spennandi. Um 50
manns vinna hjá fyrirtækinu nú
og það velti um hálfum millj-
arði á síðasta ári. Framtíðar-
horfur eru því mjög góðar.
Þrátt fyrir erilsamt starf þá
hefur Daníel ýmis áhugamál
utan vinnunar.
- Fjölskyldan er náttúrulega
aðaláhugamálið en ég er líka
rnikill áhugamaður um útivist,
rneðal annars ferðalög um há-
lendið, jeppa og snjósleðaferðir,
skógrækt og hestamennsku. Þá
eiga tengdaforeldrar mínir sum-
arbústað á Snæfellsnesi sem oft
er ánægjulegt að dveljast í. Þá
eru ferðalög og lestur góðra
bóka ofarlega á vinsældalistan-
um hjá mér, segir hann.
Daníel er kvæntur Sigur-
borgu Stefánsdóttur myndlistar-
konu, en hún er dóttir Stefáns
Sigurkarlssonar, fyrrum apótek-
ara á Akranesi, og konu hans,
Önnu Guðleifsdóttur. Þau eiga
tvö böm. Grímur er níu ára og
Anna er fjögurra ára.
Systkini Daníels eru þrjú og
búa þau öll á Akranesi; Andrés
er verslunarmaður, Brynja,
fóstra og Gunnar nemi.
Lionsmenn:
SjúkrahúsiÉ fékk sogklukku
Lionsklúbbur Akraness afhenti
sjúki-ahúsinu veglega gjöf fyrir
skömmu. Um var að ræða sog-
klukku sem notuð er til hjálpar
konum við erfiðar fæðingar og var
verðmæti gjafarinnar um 400 þús-
und krónur.
Sjúkrahús Akraness vill koma á
framfæri innilegu þakklæti til
klúbbsins. Hann hefur fært sjúkra-
húsinu mörg tæki að gjöf á undan-
förnum árum og að sögn forsvars-
manna sjúkrahússins væri það mun
verr tækjum búið án þeirra.
Tækjakaupin voru fjármögnuð
af árlegri ljósaperusölu Lions-
klúbbsins.
Valdimar Axelsson, formaður
Lionsklúbbsins, afhenti Jónínu
Ingólfsdóttur yfirljósmóður sog-
klukkuna.
Skagablaðið fyrir tíu úrum
Melsta fréttin á forsíðu Skagablaðsins föstu-
daginn I. febrúar 1985 var þess efnis að
æskulýðsheimilið Arnardalur væri orðið alltof
lítið. Til að undirstrika þetta birtist með fréttinni
mynd af keppni í breikdansi og þar var þröngt á
þingi. Þá sagði blaðið frá því að unnið hefði ver-
ið við að steypa götur í janúar enda hefði tíðin
verið einstaklega góð.
Einnig var sagt frá því á forsíðu Skagablaðsins
að Haraldur AK-10 hefði verið seldur til Vest-
mannaeyja en þar fékk hann heitið Gandi VE171.
Haft var eftir Haraldi Sturlaugssyni að Haraldur
AK 10 hefði alltaf verið mikið happaskip.
Á baksíðu var sagt frá því að hjónin Hanna
Rúna Jóhannsdóttir og Hilmar Björnsson hefðu
fest kaup á húsnæði Stúdíóvals og hyggðust opna
þar veitingastað. Þau eiga því 10 ára starfsafmæli
í þessum bransa um þessar mundir og til ham-
ingju með það!
Krabbameins-
skoðun
Fullgildum félagskonum Verslunarmannafél-
ags Akraness er hér með bent á að þær sem
fara í legháls- og brjóstkrabbameinsskoðun, fá
endurgreiddar kr. 1.000,- af skoðunargjaldi,
; gegn framvísun greiðslukvittunar, á skrifstofu
1 VA að Kirkjubraut 40.
! Skrifstofan er opin alla virka daga kl. 13-17
i nema föstudaga kl. 13-16.
STJÓRNIN
Heilsugæslustöðin
Akranesi
Konur Akranesi og
nágrenni
s Vikuna 30.1. - 06.02. 1995 verður boðið upp
5 á röntgenmyndatöku af brjóstum (mammó-
grafíu) á Heilsugæslustöðinni, Akranesi.
Allar konur, sem fengið hafa bréf frá okkur,
eru hvattar til að panta tíma sem fyrst í síma
12311.
HEILSUGÆSLUSTÖÐIN, AKRANESI.