Skagablaðið - 30.01.1995, Blaðsíða 8

Skagablaðið föna
a W a» \kirkjubraut4-6*
4. TBL. • 12. ARG. • 30. JANUAR 1995
Búseti telur sig eiga hálfa aðra milljón hjá bænum:
Húsnæðisstofnun styður Búseta
Húsnæðisstofnun telur að
bæjaryfirvöld hafi ekki haft
heimild til að semja sig undan
þeirri lagaskyldu að leggja
fram 3,5 prósent af kostnaðar-
verði vegna kaupa á íbúðum
Búseta. Húsnæðisnefnd gerði
samkomulag við Búseta um
það haustið 1993 að bærinn
þyrfti ekki að greiða hlut sinn í
kostnaðinum og bæjaryfirvöld
hafa ekki viðurkennt að þeim
sé skylt að leggja fram féð.
Um er að ræða um það bil eina
og hálfa milljón króna. Málið
má rekja til ársins 1993. Búseti
yfirtók þá lán sem bærinn hafði
fengið til kaupa á félagslegum
íbúðum. Bærinn hugðist ekki
nota lánið en það varð að sam-
komulagi að það yrði notað
vegna kaupa á íbúðum í búseta-
blokkinni við Lerkigrund. Þá-
verandi stjórn Búseta féllst á að
undirrita samkomulag við hús-
næðisnefnd sem kveður á um að
bærinn þurfi ekki að leggja fram
3,5 prósent af kostnaðarverði,
eins og lög kveða þó á um.
Þegar stjórnarskipti urðu í
Búseta var málið tekið upp að
nýju. Lögfræðingar hafa fjallað
um málið af beggja hálfu og
komist að ólíkri niðurstöðu.
Bæjaryfirvöld telja að sam-
komulagið gildi en sem fyrr
segir er Húsnæðisstofnun ríkis-
ins á öðru máli. Lögfræðideild
stofnunarinnar komst að þeirri
niðurstöðu að „sveitarfélög hafi
ekki heimild til að semja sig
undan þessari lagaskyldu, eða
fullnægja henni á annan hátt en
lög kveða á um, þ.e.a.s. með
beinu óafturkræfu framlagi."
Sigurður E. Guðmundsson, for-
stjóri stofnunarinnar, kynnti
bæjaryfirvöldum þessa niður-
stöðu í bréfi sem lagt var fram í
bæjarráði síðast liðinn fimmtu-
dag. Bæjarráð ákvað að vísa
málinu til afgreiðslu fjárhags-
áætlunar.
til góðra málefna
Innsti-Vogur:
Bærinn
kaupir á
tuttugu
milljónir
Skrifað var undir samninga
um kaup bæjarins á landi
Innsta-Vogs síðast liðinn
föstudag og er kaupverð
landsins 20 milljónir króna.
Jörðin var í eigu Ásmundar
hf., eignarhaldsfélags sem
er í eigu barna Þórðar Ás-
mundssonar.
Bærinn hefur lengi haft
áhuga á að kaupa jörðina en
sem kunnugt er er fyrirhug-
að að þar verði útivistar-
svæði bæjarbúa. Jörðin er
yfir hundrað hektarar að
stærð eða sem svarar um
helmingi Neðri-Skagans, að
sögn Gísla Gíslasonar bæj-
arstjóra.
Greiddar voru 10 milljón-
ir við undirritun samnings
og aðrar 10 milljónir verða
greiddar að tveimur mánuð-
um liðnum. Kaupin verða
fjármögnuð með lántöku.
Sem fyrr segir var jörðin í
eigu barna Þórðar Ás-
mundssonar, þeirra Júlíusar,
Steinunnar, Ingibjargar, Em-
ilíu, Ólínu, Ragnheiðar og
Arndísar.
Innsti-Vogur nær frá Mið-
vogi að Æðarodda og var
lang stærsta land í eigu ein-
staklinga innan bæjarlands-
ins. Hús á jörðinni eru leigð
út og hún hefur verið nýtt
fyrir hestabúskap.
Gísli Gíslason segist bú-
ast við að efnt verði til sam-
keppni um hönnun nýja úti-
vistarsvæðisins, hugsanlega
með vorinu.
Kiwanisklúbburinn Þyrill fagn-
aði 25 ára afmæli sínu um
helgina og afhenti af því tilefni
ýmsum aðilum höfðinglegar
gjafir. Sambýli fyrir fjölfatlaða á
Vesturlandi fékk afhenta 700
þúsunda króna gjöf frá klúbbn-
um vegna kaupa á nýrri bifreið
fyrir heimilismenn.
Gjöfinni til sambýlisins er ætlað
að fjármagna lyftu í nýju bif-
reiðina. Um þessar mundir eru
liðin 10 ár síðan sambýlið fékk
fyrstu bifreið sína. Það voru
einmitt Kiwanismenn sem gáfu
bifreiðina og þeir sáu síðan um
viðhald á henni.
Ármann Ármannsson, forseti
Þyrils, afhenti sumarbúðum fyr-
ir fatlaða að Holti í Borgarfirði
einnig 100 þúsund krónur.
Björgunarsveitin Hjálpin fékk
GPS-staðsetningartæki að verð-
mæti 160 þúsund krónur og
sömu sögu er að segja um
Hjálparsveit skáta. Klúbburinn
færði Dvalarheimilinu Höfða
hljóðbylgjutæki að gjöf, en tæk-
ið kostaði 190 þúsund krónur.
Þá gáfu Kiwanismenn Þjóti,
íþróttafélagi fatlaðra, 120 þús-
und krónur til kaupa á búning-
um fyrir félagsmenn. Loks fékk
samstarfsnefnd Kiwanis og
Sinawik 100 þúsund krónur
vegna hönnunar á útivistar-
svæði klúbbsins við Miðvogs-
læk.
Afhendingin fór fram síðast
liðið föstudagskvöld og á laug-
ardagskvöldið héldu Þyrils-
menn veglega afmælishátíð.
Þann sama dag kom umdæmis-
stjórn Kiwanis á Islandi og í
Færeyjum saman til fundar á
Akranesi.
Kiwanismenn hafa megin-
tekjur sínar af sölu flugelda en
þeir hafa selt bæjarbúum flug-
elda í mörg undanfarin ár.
Gámaþjónustan:
Býðst til
að gera
gámaplan
Gámaþjónusta Akraness
hefur sent bæjaryfirvöldum
erindi þar sem fyrirtækið
býðst til þess að setja upp
gámaplan með flokkunar-
aðstöðu fyrir sorp. Gáma-
þjónustan býðst einnig til
þess að flytja sorpið til end-
urvinnslu eða eyðingar.
Bæjaryfirvöld vinna nú að
því að kanna þann mögu-
leika að flytja sorp til Sorpu
en leggja af sorpurðun í bæj-
arlandinu. Verði þessum
hugmyndum hrint í fram-
kvæmd er gert ráð fyrir að
komið verði upp flokkunar-
aðstöðu í líkingu við þá sem
komið hefur verið upp víða
um höfuðborgarsvæðið.
Valdimar Björnsson hjá
Gámaþjónustu Akranes telur
sig geta komið upp slfkri að-
stöðu fyrir um 15 milljónir
króna samkvæmt teikning-
um Magnúsar Ólafssonar
arkitekts. Hann gerir svo ráð
fyrir að bærinn greiði honum
leigu og rekstur. Hann hefur
augastað á lóð fyrir ofan
Smiðjuvelli fyrir starfsem-
ina.
Valdimar segir við Skaga-
blaðið að hann hafi ekki
fengið mikil viðbrögð yfir-
valda við þessum hugmynd-
um.
Gísli Gíslason bæjarstjóri
segir að ekki sé komið að
þvf að ákveða einstaka þætti
af þessu tagi.
- Við erum að vinna að því
að finna heildarlausn á sorp-
málunum og það er ótíma-
bært að taka hluti eins og
gámaþjónustu út úr. Við
þekkjum hins vegar vinnu
Valdimars og það er ekki
nema gott um hann að segja,
segir Gísli við Skagablaðið.
Málfríður Þorkelsdóttir tók við gjöfinni til sambýlisins. Armann Armannsson, forseti Þyrils, situr við
hlið hennar en í bakgrunni eru fulltrúar þeirra sem nutu styrkjanna.
Kiwanismenn fagna 25 ára afmælinu:
Höfðinglegar gjafir
Ú b
ÞYRILL