Fréttablaðið - 02.08.2019, Side 20

Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is eða
hringja í síma 550 5055.
Þótt liðin séu 55 ár frá því að Winston Churchill safnaðist til feðra sinna hefur hann sjaldan verið jafn fyrirferð-armikill í umræðunni og síðustu misserin. Nýverið
hafa sjónvarpsáhorfendur séð hann í
túlkun Johns Lithgow í þáttaröðinni
Crown á Netflix. Breski stórleikarinn
Gary Oldman hreppti Óskarinn fyrir
túlkun sína á honum á hvíta tjaldinu í
kvikmyndinni The Darkest Hour. Og nú
síðustu daga hefur Boris Johnson, for-
sætisráðherra Breta, verið líkt við hann
enda skrifaði Boris bók um hann fyrir
hálfum áratug þar sem hann fer ekkert
í launkofa með aðdáun sína á forvera
sínum.
Og aðdáun á Churchill er ekki bara
bundin við Bretland því víða um heim
hittast menn reglulega til að spjalla
og fræðast um ævi hans og arf leifð. Á
Íslandi er Churchill klúbbur sem hefur
verið starfræktur frá 2008. Að sögn Árna
Sigurðssonar, formanns klúbbsins, er
hann hugsaður sem fræðsluvettvangur
um ævi og störf sir Winstons Churchill
og þau gildi sem hann hafði í heiðri:
Hugrekki, staðfestu, stórlyndi, velvilja
og virðingu fyrir lýðræði og frelsi ein-
staklingsins.
Starfsævin spannaði 70 ár
„Þegar Churchill ber á góma hafa
f lestir ef laust í huga mynd af lág-
vöxnum þéttholda eldri manni með
feitan vindil á milli fingranna,“ segir
Árni en bætir svo við: „Hins
vegar vita færri um
langa sögu hans og
reynslu áður en
hann varð for-
sætisráðherra
Breta í seinni
h e i m s s t y r j -
öld. Hann hóf
ferilinn sem
r idd a r a l ið s-
foringi á hest-
baki í valda-
tíð Viktoríu
Bretadrottningar og endaði hann sem
forsætisráðherra kjarnorkuveldis þegar
hann varð svo forsætisráðherra í seinna
skiptið við upphaf valdatíðar Elísabetar
núverandi drottningar en hún er langa-
langömmubarn Viktoríu. Hann þjónaði
sex breskum þjóðhöfðingjum á starfs-
ævi sem spannaði rúm 70 ár.“
Árni segir að klúbbinn hluta af alþjóð-
lega Churchill félaginu en það heldur
árlega Churchill alþjóðaráðstefnu og
gefur út ársfjórðungsritið The Finest
Hour. Hlutverk klúbbsins sé að halda
fundi þegar tilefni gefst til eða þegar
áhugaverða fyrirlesara og erlenda
gesti ber að garði og hefur verið farið í
fræðsluferðir bæði hér innanlands og
erlendis. Nú stendur fyrir dyrum að
klúbburinn fari á slóðir Churchills í
Lundúnum og nágrenni í haust.
Skoðunarferð á slóðir Churchills
Ferðin stendur yfir frá föstudeginum
11. október og til mánudagskvöldsins
14. október. Þar er hugmyndin að kynn-
ast betur manninum Churchill og huga
að rótum hans, mótun og persónu.
Strax komudaginn verður farið í
skoðunarferð um breska þinghúsið.
Church ill náði fyrst kjöri sem
þingmaður árið 1900, þá
aðeins 25 ára að aldri, og
sat nær sleitulaust sem
þingmaður næstu 64 ár
eða lengur en nokkur
annar á 20. öld. Þar fetaði
hann í fótspor föður síns
sem setið hafði sem þing-
maður og ráð-
herra sem ein
helsta von-
a r s t j a r n a
breskra stjórnmála um skamma hríð
áður en hann svo lést langt fyrir aldur
fram aðeins 46 ára.
Næsta dag, laugardaginn 12. október,
verður svo haldið til Blenheim-hallar
þar sem Churchill fæddist. Höllin er
ættaróðal Marlborough-ættarinnar,
þjóðargjöf til fyrsta hertogans Johns
Churchill sem var einn fræknasti hers-
höfðingi Breta og sambærilegur við
þá Nelson og Wellington þótt hann sé
minna þekktur í dag. Í Blenheim verður
snæddur hádegisverður og farið í skoð-
unarferð um höllina áður en gengið
verður í gegnum hallargarðana og að
gröf Churchills í þorpinu Bladon, stein-
snar frá, þar sem lagður verður blóm-
sveigur.
Sigur var ekki alltaf í sjónmáli
Sunnudagurinn 13. október verður
svo helgaður aðgerðastöð Churchills í
Lundúnum. Hún er á sínum uppruna-
lega stað í niðurgröfnum kjallara undir
Whitehall-stjórnarbyggingunni sem er
eins konar Arnarhvoll þeirra Breta. Þar
er nú líka viðamikið safn um Churchill
og forystuhlutverk hans í seinni heims-
styrjöldinni. Aðgerðastöðin var tekin
í notkun viku fyrir stríðsyfirlýsingu
Breta gegn Þjóðverjum 1939 og allt fram
að uppgjöf Japana í ágúst 1945.
Sveitasetrið sælureitur Churchills
Síðasti dagur ferðarinnar verður svo
helgaður sælureit Churchills í sveit-
inni, Chartwell, sveitasetri hans í Kent
rétt suðaustan við Lundúnir. Þar þótti
honum best að vera enda umkringdur
fjölskyldu, náttúru og dýralífi. Þar gat
hann slakað á og skrifað til að hafa í sig
og á enda hæstlaunaði penni Bretlands
á fjórða áratugnum. Hann átti engan
ættarauð en bar sig ætíð ríkmannlega
og þurfti að fjármagna lífsstíl sinn með
linnulausum bóka- og greinaskrifum.
Síðan verður haldið heimleiðis til
Íslands með kvöldf lugi. Allar frekari
upplýsingar um ferðina er að finna á
Facebook-síðu Churchill klúbbsins.
david@frettbladid.is
Winston Churchill
sjaldan fyrirferðarmeiri
Churchill klúbburinn á Íslandi, sem er fræðsluvettvangur um ævi og störf Winstons
Churchill, skipuleggur haustferð á slóðir Churchills í Lundúnum og nágrenni.
Árni Sigurðsson, formaður Churchill klúbbsins, er að skipuleggja haustferð á slóðir Churchills í Lundúnum. FRÉTTABLAÐIÐ/VALLI
Winston Churchill.
Ástkær eiginmaður minn, faðir,
tengdafaðir og afi,
Valgarð Briem
hæstaréttarlögmaður,
lést miðvikudaginn 31. júlí.
Útför fer fram frá Dómkirkjunni
miðvikudaginn 21. ágúst kl. 13.00.
Benta Briem
Ólafur Jón Briem Sóley Jóhannsdóttir
Garðar Briem Elín Magnúsdóttir
Gunnlaugur Briem Hanna Björg Marteinsdóttir
barnabörn og barnabarnabörn.
Okkar ástkæri
Baldvin Tryggvason
fyrrverandi sparisjóðsstjóri,
lést að kvöldi 29. júlí.
Halldóra J. Rafnar
Sveinbjörn I. Baldvinsson Jóna Finnsdóttir
Tryggvi M. Baldvinsson Vilborg R. Einarsdóttir
Jónas Fr. Jónsson Lilja Dóra Halldórsdóttir
Magnús Jónsson
barnabörn og barnabarnabörn.
Ástkær faðir okkar,
tengdafaðir, afi og langafi,
Guðni Gústafsson,
Víkurbraut 10 (Vorhús), Grindavík,
lést á líknardeild Landspítalans í
Kópavogi 27. júlí.
Útförin fer fram frá Grindavíkurkirkju
föstudaginn 9. ágúst klukkan 14.
Ingi Torfi Sigurðsson Helga Eysteinsdóttir
Brynjólfur V. Sigurðsson Loida Lapuz Sigurdsson
Guðbjörg Ólína Guðnadóttir
Anna Lára Guðnadóttir Baldvin Orri Þorkelsson
barnabörn og langafabörn.
Okkar yndislegi sonur, bróðir, mágur,
frændi, barnabarn og barnabarnabarn,
Steinar Páll Ingólfsson
Lóuhrauni 1,
Hafnarfirði,
verður jarðsunginn frá Víðistaðakirkju
þriðjudaginn 6. ágúst kl. 13.00.
Sif Jóhannesdóttir Ingólfur Arnarson
Þorbjörg Hekla Ingólfsdóttir Sigurður G. Sigurðsson
Jón Örn Ingólfsson
Helgi Valur Ingólfsson
Birkir Sigurðsson
Margrét Helga Eiríksdóttir
Örn Isebarn
Guðrún Ósk Sigurjónsdóttir
Elskuleg eiginkona, móðir,
tengdamóðir, amma og langamma,
Guðrún Guðmundsdóttir
Hæðargarði 35,
Reykjavík,
lést á Landspítalanum í Fossvogi
sunnudaginn 28. júlí.
Útförin verður auglýst síðar.
Jónas Bjarnason
Lilja Jónasdóttir Stefán Atli Halldórsson
Gunnar Örn Jónasson
Sigrún Jónasdóttir
Óskar Jónasson
barnabörn og barnabarnabörn.
2 . Á G Ú S T 2 0 1 9 F Ö S T U D A G U R16 T Í M A M Ó T ∙ F R É T T A B L A Ð I Ð
TÍMAMÓT
0
2
-0
8
-2
0
1
9
0
5
:3
5
F
B
0
3
2
s
_
P
0
2
1
K
.p
1
.p
d
f
F
B
0
3
2
s
_
P
0
2
0
K
.p
1
.p
d
f
F
B
0
3
2
s
_
P
0
1
2
K
.p
1
.p
d
f
F
B
0
3
2
s
_
P
0
1
3
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
3
8
7
-7
B
8
8
2
3
8
7
-7
A
4
C
2
3
8
7
-7
9
1
0
2
3
8
7
-7
7
D
4
2
7
5
X
4
0
0
.0
0
1
4
B

F
B
0
3
2
s
_
1
_
8
_
2
0
1
9
C
M
Y
K