Víkurfréttir - 09.05.2019, Blaðsíða 18

Nýtt bardagahús hefur opnað að Smiðjuvöllum 5 í Reykjanesbæ. Í húsinu
eru nú undir sama þaki starfsemi Júdódeildar Njarðvíkur, Taekwondo-
deildar Keflavíkur og Hnefaleikafélags Reykjaness. Aðstaðan var formlega
opnuð á föstudag að viðstöddu fjölmenni. Fyrr sama dag skoðaði forseti
Íslands aðstöðuna sem er öll til fyrirmyndar.
„Hugmyndin um sameiginlega bar-
dagahöll hefur verið í gerjun undan-
farin ár og mjög margir fundir hafa
verið haldnir um málið,“ segir
Hafþór Barði Birgisson, íþrótta- og
tómstundafulltrúi Reykjanesbæjar,
í samtali við Víkurfréttir. Hann segir
íþrótta- og tómstundaráð afar ánægt
að vera loksins búin að koma til móts
við óskir bardagadeildanna. Mikil
gróska er í starfinu hjá þeim deildum
og félögum sem nú hafa fengið inni í
bardagahöllinni. Þannig hefur t.a.m.
farið fram Íslandsmót í hnefaleikum
í húsnæðinu sem og önnur mót sem
deildirnar skipuleggja sjálfar.
Vígsla bardagahallarinnar fór fram í
þrennu lagi. Athöfnin hófst í aðstöðu
júdódeildarinnar þar sem iðkendur
sýndu brot af þeim íþróttum sem
æfðar eru hjá júdódeildinni. Þaðan
var farið í sal hnefaleikafélagsins þar
sem Guðjón Vilhelm Sigurðsson rakti
sögu Hnefaleikafélags Reykjanes-
bæjar. Það hefur verið með starfsemi á
nokkrum stöðum í bænum og fagnar
mjög nýrri æfinga- og keppnisaðstöðu
í bardagahöllinni. Þar hefur þegar
verið haldið Íslandsmót eins og segir
hér að framan. Hnefaleikafólk sýndi
viðstöddum eina lotu í Ólympískum
hnefaleikum. Vígsluhátíðinni lauk svo
í aðstöðu Taekwondo-deildar Kefla-
víkur þar sem Eva Stefánsdóttir, for-
maður íþrótta- og tómstundaráðs
Reykjanesbæjar, og Kjartan Már
Kjartansson, bæjarstjóri, afhentu
þeim Karen Rúnarsdóttur, formanni
júdódeildar Njarðvíkur, Helenu Rut
Borgarsdóttur, formanni Taekwondo-
deildar Keflavíkur, og Ingólfi Þór
Tómassyni, formanni Hnefaleika-
félags Reykjaness, blómvendi í tilefni
dagsins. Þá sýndu iðkendur listir sínar
en mikill áhugi er fyrir íþróttinni
í Reykjanesbæ. Þar eru nú um 150
manns sem stunda æfingar í Taek-
wondo en biðlistar hafa verið í að
komast á æfingar. Er vonast til þess
að með nýju æfingahúsnæði náist að
vinna á þeim listum.
Nýtt bardagahús
opnað í Reykjanesbæ
Eva Stefánsdóttir, formaður íþrótta- og tómstundaráðs Reykjanesbæjar, afhenti þeim Ingólfi
Þór Tómassyni, formanni Hnefaleikafélags Reykjaness, Helenu Rut Borgarsdóttur, formanni
Taekwondo-deildar Keflavíkur, og Karen Rúnarsdóttur, formanni júdódeildar Njarðvíkur,
blómvendi í tilefni dagsins. Hér eru þau ásamt Kjartani Má Kjartanssyni, bæjarstjóra í
Reykjanesbæ. VF-myndir: Hilmar Bragi
Íslensk glíma var sýnd við opnun á
aðstöðu júdódeildar Njarðvíkur.
Taekwondo-fólk sýndi
listir sínar og þar svifu
sumir mjög hátt. Það
kom fram við vígslu
aðstöðunnar að hjá
deildinni hafa 30
einstaklingar öðlast
svarta beltið í gegnum
tíðina.
Við vígslu á aðstöðu
Hnefaleikafélags Reykjaness
var boðið upp á sýningu á einni
lotu í Ólympískum hnefaleikum.
Guðjón Vilhelm Sigurðsson er
frumkvöðull í hnefaleikum í
Reykjanesbæ og á stóran þátt
í því að íþróttin skaut rótum í
bænum ári áður en Ólympískir
hnefaleikar voru löglegir á
Íslandi.
Fjölmennt var við opnun bardagahallarinnar. Hér má sjá gesti í aðstöðu
Taekwondo-deildarinnar þar sem iðkendur sitja fremst.
Úr nýrri aðstöðu Júdódeildar Njarðvíkur
í bardagahöllinni við Smiðjuvelli.
Störf í boði
hjá Reykjanesbæ
Stapaskóli – aðstoðarskólastjóri
Háaleitisskóli – íþróttakennari
Vinnuskólinn – sumarstörf fyrir 8., 9. og 10. bekk
Duus Safnahús – safnfulltrúi
Háaleitisskóli – starfsfólk skóla
Heiðarskóli – kennari
Akurskóli – starfsfólk skóla
Duus Safnahús – sumarafleysingar
Stapaskóli – starfsfólk skóla
Heiðarskóli – íþrótta- og sundkennari
Umsóknir í auglýst störf skulu berast rafrænt gegnum
vef Reykjanesbæjar, Stjórnsýsla: Laus störf. Þar eru
jafnframt nánari upplýsingar um auglýst störf.
Viðburðir
í Reykjanesbæ
„Út á leika“ - málþing um frjálsan leik og útiveru barna
Minnum á málþingið „Út að leika“, um frjálsan leik og útiveru
barna, í fyrirlestrarsal Keilis föstudaginn 10. maí kl. 13:00.
Ævintýraganga fjölskyldunnar - gengið á Þorbjörn
Ævintýraganga fjölskyldunnar verður farin upp á Þorbjörn
laugardaginn 11. maí kl. 10:30. Mæting við bílastæði.
Árleg vorhreinsun 13. - 20. maí
Bæjarbúar eru hvattir til að hreinsa garða sína og snyrta
tré og runna. Minnum sérstaklega á gróður sem snýr að
akandi- og gangandi vegfarendum. Þeir sem óska eftir
aðstoð við að fjarlægja garðaúrgang eftir hreinsun geta
haft samband í síma 420 3200 á opnunartíma.
SMÁAUGLÝSINGAR
Óskast
Óska eftir 2ja–3ja herbergja íbúð til
leigu í Keflavík.
Uppl. í símum 861-8311 og 421-5104.
18 ÍÞRÓTTIR Á SUÐURNESJUM f immtudagur 9. maí 2019 // 19. tbl. // 40. árg.