Fréttir - Eyjafréttir - 12.10.2016, Blaðsíða 9
Vinnslustöðin opnar almenningi dyr
sínar á laugardaginn kemur, 15.
október, og býður gestum að fagna
með sér í tilefni af því að ný og
glæsileg uppsjávarvinnsla félagsins
hefur verið tekin í notkun. Fyrir-
komulag í frystingunni er hið fyrsta
og eina sinnar tegundar á Íslandi.
Sjón er sögu ríkari. Verið velkomin
til okkar kl. 14-16 á laugardaginn!
Þennan áfanga ber upp á afmælisár
því 30. desember næstkomandi
verða rétt 70 ár liðin frá því 105
útvegsmenn komu saman í
Vestmannaeyjum og stofnuðu
Vinnslu- og sölumiðstöð fiskfram-
leiðenda, eins og félagið nefndist í
upphafi. Stofnendurnir kváðust gera
þetta til að „sameinast um fisk-
vinnslu til hagsbóta fyrir sig og
byggðarlagið“.
Mikið vatn hefur til sjávar runnið
og margt gengið á í íslensku
samfélagi, í Vestmannaeyjum og í
Vinnslustöðinni sjálfri á áratug-
unum sjö sem liðnir eru frá
stofnfundinum milli jóla og nýárs
árið 1946. Oft hafa stormar
gnauðað um Vinnslustöðina af
ýmsu tilefni og vindstigin jafnvel
mælst álíka því sem mest gerist á
Stórhöfða í verstu hviðum.
Þau augnablik eru til og þekkt í
sögu fyrirtækisins að samfélagið í
Vestmannaeyjum hélt niðri í sér
andanum og spurði sig í hljóði: Lifir
Vinnslustöðin af þrengingarnar?
Hún stóð tæpt þegar verst lét en
farsælum eigendum og stjórnendum
tókst að sigla félaginu upp úr
öldudölum en það kostaði vissulega
sitt. Slíkir tímar eru afar erfiðir og
reyna verulega á, eðli máls
samkvæmt.
Núna lifir Vinnslustöðin góðu lífi.
Hún er stórt, öflugt og traust
fyrirtæki. Enginn veltir því lengur
fyrir sér hvort hún hafi lífsanda til
að þrauka. Þvert á móti, Vinnslu-
stöðin er lífsreynd en ung í anda,
heilbrigð og spræk! Það vita
Eyjamenn og það vita reyndar
flestir landsmenn líka.
Ég fylgdist með Vinnslustöðinni
nokkuð vel í fjarlægð áður en ég
varð svo lánsamur að kynnast
starfseminni af eigin raun og
eigendum hennar og mörgum
starfsmönnum sömuleiðis. Það var í
framhaldi af aðalfundi í júní 2010
þegar ég var kjörinn í stjórn
félagsins og tók þar við for-
mennsku.
Ég er þakklátur fyrir að hafa fengið
tækifæri til að fylgjast með og hafa
áhrif á gang mála í Vinnslustöðinni.
Stofnendurnir færðu til bókar á
sínum tíma að þeir sameinuðust í
félaginu sér og byggðarlaginu til
hagsbóta. Við mér hefur hins vegar
blasað aftur og aftur að hagsmunir
byggðarlagsins, Eyjasamfélagsins
sjálfs, eru hiklaust fremst í forgangi
í orðum og gjörðum núverandi
eigenda Vinnslustöðvarinnar. Þeir
eru afar vel meðvitaðir um að
hagsmunir byggðarinnar í Vest-
mannaeyjum og félagsins fara
saman.
Stór og sterkbyggð Vinnslustöð eflir
og styrkir Vestmannaeyjar sem
samfélag og atvinnusvæði. Svo
einfalt er nú það. Við höfum á
vettvangi stjórnarinnar ákveðið að
taka þátt í að stofna þrjú félög hér í
Vestmannaeyjum sem hvert um sig
er sérhæfður vaxtarsproti í fjöl-
breyttri flóru sjávarútvegsins.
Við endurnýjum skipakost Vinnslu-
stöðvarinnar, fjölgum hráefnis-
geymum og ætlum að stækka
frystigeymsluna á Eiði margfalt. Og
nú tökum við í gagnið nýju
uppsjávarvinnsluna.
Allt ber að sama brunni: Vinnslu-
stöðin styrkir stöðu sína og skýtur
um leið enn fleiri styrkum stoðum
undir samfélag sitt.
Að framkvæma það sem ég hef hér
nefnt er ekki sjálfsagður hlutur,
hreint ekki! Mörgum þótti biðin
löng eftir fjárfestingum til lands og
sjávar. Fyrir kom á aðalfundum að
spurt væri: Á ekki að kaupa skip
eða smíða skip? Á ekki að reisa ný
hús og láta þau gömlu víkja?
Út af fyrir sig skildi ég fyrirspyrj-
endur vel og gat verið þeim
sammála að einhverju leyti en við í
stjórninni og stjórnendur félagsins
höfðum sett sem forgangsverkefni
að styrkja það og efla með því að
sameinast öðrum félögum til að
stækka, kaupa aflaheimildir og
síðast en ekki síst að greiða niður
skuldir áður en horft yrði til
verulegra fjárfestinga.
Þannig gekk þetta fyrir sig og eftir á
að hyggja: Það sýndi sig og sýnir
sig enn hverju það skilar til lengdar
að vera varkár, staðfastur og
fyrirhyggjusamur í rekstri fyrir-
tækis, lesa rétt í stöðuna og
umhverfið og vanda undirbúning
afdrifaríkra ákvarðana. Þannig
stjórnunarstíll ríkir í brú Vinnslu-
stöðvarnnar.
Ágreiningur í hluthafahópi
Vinnslustöðvarinnar hefur verið
nokkuð fyrirferðarmikill í fréttum
af fyrirtækinu hin síðari ár,
óþægilega fyrirferðarmikill reyndar
á köflum. Ég hef á aðalfundum
hvatt fylkingar hluthafa til að tala
saman á lægri nótum og stuðla að
friðsamlegri sambúð innan
félagsins. Ánægjuleg er því sú
staðreynd að samstaða var í
eigendahópnum um helstu fjár-
festingar sem efst eru á baugi nú.
Endurnýjun framleiðslutækja og
skipa er mikilvægt skref í sjálfu sér
en við höfum jafnframt styrkt
undirstöðu starfseminnar með því
að efla sölustarfsemina. Söluskrif-
stofum í Evrópu fjölgar og við
höfum sérstaklega lagt okkur eftir
því að styrkja tengslin við markaði í
Asíu, með góðum árangri. Í Asíu
tókst einmitt að finna kaupendur að
afurðum sem áður voru seldar til
Rússlands, áður en sá markaður
lokaðist af alþjóðapólitískum
ástæðum.
Bjart er yfir Vinnslustöðinni og
Vestmannaeyjum á þessum
merkilegu tímamótum. Í mann-
heimum jafngildir sjötugsaldur því
að viðkomandi nálgist sólsetur og
ævikvöld. Sjötugsafmæli Vinnslu-
stöðvarinnar táknar hins vegar
upphaf nýs æviskeiðs fyrirtækis
sem gengur nú í endurnýjun lífdaga
í flestum skilningi og það með
umtalsverðum stæl.
Ég óska eigendum, stjórnendum,
núverandi og fyrrverandi starfs-
mönnum og Vestmannaeyingum
öllum til hamingju með nýja
uppsjávarhúsið og annað það sem
drífur nú á daga Vinnslustöðvar-
innar á afmælisárinu og eftirleiðis.
Hagsmunir Vinnslustöðvarinnar
og byggðarlagsins fara saman
70 ÁRA
guðmundur gunnarsson
Stjórnarformaður VSV
VINNSLUSTÖÐ
VESTMANNAEYJA