Fréttir - Eyjafréttir - 12.10.2016, Blaðsíða 15

15
Jóna Sólveig Elínardóttir,
aðjúnkt leiðir lista Viðreisnar í
Suðurkjördæmi í kosningum
þann 29. október næstkomandi.
Viðreins er nýtt stjórnmálaafl og
segir Jóna Sólveig að Viðreisn
standi með og muni berjast fyrir
nauðsynlegum kerfisbreytingum
í lykilmálaflokkum, sjávarútvegi,
landbúnaði og jafnréttismálum.
Við berjumst fyrir frjálsu,
réttláttu og opnu samfélagi þar
sem jafnrétti og stöðugleiki ríkir
og þar sem allir sem vilja og
geta fá tækifæri til að nýta
hæfileika sína til fulls.
Hvað var til þess að þú ákvaðst að
gefa kost á þér?
Ætli áhuginn komi ekki fyrst og
fremst til af því að ég er alin upp í
Sólheimahjáleigu í Mýrdal – þaðan
sem ég hef alltaf haft gott útsýni til
Eyja – og þar sem stjórnmál hafa
alltaf verið mikið í umræðunni. Þá
held ég að það spili líka inn í að
alast upp í samfélagi þar sem
einstaklingurinn og einstaklings-
framtakið skiptir gríðarlega miklu
máli. Það skiptir máli að allir leggi
sitt af mörkum og ég er í stjórn-
málum til að gera það, segir Jóna
Sólveig.
Hvaða málefni brenna helst á þér
og hvað er það sem þú mundir vilja
koma í gegn ef þú ferð inn á þing?
Framþróun verður ekki án breyt-
inga. Ég brenn mjög fyrir þeim
jákvæðu kerfisbreytingum sem
Viðreisn talar fyrir, m.a. í sjávarút-
vegsmálum en líka í jafnréttis- og
landbúnaðarmálum.
Varðandi sjávarútvegsmálin þá
tölum við fyrir markaðslausn í
sjávarútvegi. Sú leið felur í sér að
árlega fer ákveðið hlutfall veiði-
heimilda, t.d. 3% til 8%, á markað.
Tekjur ríkisins ráðast þannig ekki af
því hvaða flokkar eru í ríkisstjórn
heldur af markaðsaðstæðum á
hverjum tíma. Þannig er tryggt að
sanngjarnt afgjald fáist fyrir aðgang
að auðlindinni. Útgerðaraðilar fá þá
92% til 97% af því sem þeir höfðu
rétt á að veiða árið áður án
endurgjalds.
Ágóðinn af sölunni færi síðan í
sérstakan innviðauppbyggingarsjóð
á því landssvæði sem kvótinn
kemur af. Þannig gengur afgjaldið
til uppbyggingar vítt og breitt um
landið. Þannig getum við skapað
langþráða sátt um greinina, lausn
sem tryggir stöðugleika til fram-
búðar, um leið og þjóðin öll fær að
njóta góðs af þeim arði sem greinin
skilar.
Þá skiptir mig miklu máli að
Viðreisn er flokkur sem er tilbúinn
að berjast fyrir jafnrétti og sýna það
í verki. Við ætlum að uppræta
kynbundinn launamun og nota til
þess tæki á borð við jafnlaunastaðal
og jafnlaunavottun.
Þá ætlum við að ná fram minnst
40/60 kynjahlutfalli í stjórnunar-
stöðum hjá hinu opinbera á næstu
tveimur kjörtímabilum, með því
einfaldlega að nýta jafnréttislög
með jákvæðum hætti við nýráðn-
ingar og skipun í störf. Dómstólar
eiga líka að falla undir þessi
viðmið. Þá er mikilvægt að
endurreisa fæðingarorlofskerfið til
að tryggja að foreldrar verði fyrir
sem minnstu tekjutapi í fæðingaror-
lofi en þar er fyrsta skrefið að
hækka tekjuþakið. Við munum
einnig berjast gegn kynbundnu
ofbeldi, og viljum t.a.m. að
hrelliklám verði skilgreint í
hegningarlögum.
Samgöngumál eru mér líka mjög
hugleikin auk þess sem ég vil að
þjóðin fái að segja hug sinn um það
í kosningum hvort halda eigi áfram
með aðildarviðræður Íslands og
ESB.
Nú er enginn Vestmanneyingur á
lista hjá ykkur í Suðurkjördæmi,
hvernig ætli þið að ná til þeirra?
Meginmálið er að fólk, og fram-
bjóðendur allir, skilji þær áskoranir
sem blasa við Eyjamönnum í ykkar
daglega lífi. Við sjáum öll að
samgöngumálin í Eyjum þarf að
laga strax. Það sama gildir um
aðgang að heilbrigðisþjónustu.
Þetta eru hrein og klár réttlætismál
sem snerta alla. Ég hlakka til að
koma til Vestmannaeyja núna í
aðdraganda kosninganna, hlusta á
það sem brennur á Vestmannaeying-
um, segja frá stefnumálum
Viðreisnar og taka samtalið.
Nú eru heilbrigðismál í Vestmanna-
eyjum ekki eins og best er á kosið?
Hvað mundir þú vilja sjá vera gert í
þeim málum? Fæðingarþjónustan,
sjúkraflug og það öryggi sem mundi
fylgja því að halda úti skurðstofu
eins og var alltaf.
Gott aðgengi að heilbrigðisþjónustu
er gríðarmikilvægt öryggismál.
Samgöngumál eru lykilatriði hér en
það verður að stytta þann tíma sem
tekur að koma bráðveikum með
hraði á spítala og við erum tilbúin
að skoða allar leiðir í því, t.d.
þyrluflug. Þá sjáum við fyrir okkur
aukna samvinnu milli sjúkrastofn-
ana.
Eitt af því sem vert væri að skoða
er hvort haga mætti því svo að hluti
af starfsskyldu sérfræðilækna á
Landspítalanum, s.s. hjá skurðlækn-
um, verði að sinna þjónustu á
landsbyggðinni. Mér finnst að það
eigi að auka frelsi sveitarfélaga til
að ráðstafa og forgangsraða
fjármagni á sviði heilbrigðismála
þannig að það þjóni fólki á þeirra
svæði sem best.
Langlundargeð Eyjamanna
rannsóknarefni
Samgöngumál í Vestmannaeyjum
eru ekki góð, hvorki á sjó né á lofti,
flugfargjöld alltof dýr og við þurfum
að sigla í Þorlákshöfn minnst hálft
árið, sem snertir Eyjamenn alla,
atvinnurekstur og þjónustu mikið.
Hvað viltu sjá gert í þessum
málum?
Ástandið er algerlega óásættanlegt
og langlundargeð Eyjamanna í raun
merkilegt og rannsóknarefni í sjálfu
sér. Það er algjörlega klárt mál að
það verður að tryggja góðar
samgöngur við Eyjar. Það er ekki
bara öryggisatriði fyrir Vestmanna-
eyinga og þá sem sækja þá heim
heldur snýst það um lífsviðurværi
fólks sem er að vinna gríðarlega
mikilvægt uppbyggingar- og
þróunarstarf í ferðaþjónustu og
treystir á að ferðamenn komist til
og frá Eyjum. Og svo má ekki
gleyma mikilvægi Herjólfs í
fiskflutningum. Ég tek þess vegna
undir með Elliða Vignissyni,
bæjarstjóra, að það sé eðlilegt að
Eyjamenn eigi aðkomu að við-
ræðum um rekstur nýrrar Vest-
mannaeyjaferju. Og almennt talað
finnst mér að það eigi að færa völd
eins mikið og hægt er til sveitar-
félaganna, nær fólkinu, þannig að
þau geti forgangsraðað eins og þeim
finnst best.
:: Jóna Sólveig leiðir lista Viðreisnar í Suðurkjördæmi ::
Sara SjöFn GrETTiSdÓTTir
sarasjofn@eyjafrettir.is
yfirgnæfandi hluti landsmanna
kristinnar trúar t.d. í Þjóðkirkjunni.
Þróunin er þannig, víða í Norður
Ameríku og Evrópu að fólk er orðið
meðvitaðra um sína trúarafstöðu og
mig minnir að ég hafi heyrt það
einhvers staðar að fólk sem skráir
sig úr Þjóðkirkjunni skráir sig oftast
í aðra kristna söfnuði, ekki endilega
utan trúfélaga.
Eiginlega má leiða að því lyktum
að þeir sem skrá sig utan trúfélaga
séu meðvitaðir um trúarafstöðu sína
því trúleysi er trúarafstaða líka. En
þessi trúarkraftur býr í öllum
mönnum sama hvort þeir halda
öðru fram. Sá sem er mjög
meðvitaður um trúleysi er með
mjög mótaða trúarafstöðu.
Trúarþörf mannsins sem slík er því
ekki á undanhaldi þó skráningar-
fjöldi í Þjóðkirkjuna fer minnkandi,
maður er alveg meðvitaður um
það.“ Er það fyllilega óverð-
skuldað? „Vissulega hefur ýmislegt
farið úrskeiðis í Þjóðkirkjunni alveg
eins og í öðrum söfnuðum,“ segir
Viðar.
Kristin trú ákaflega mikilvæg
Davíð Þór Jónsson, kollegi þinn,
hefur talað fyrir aðskilnaði ríkis og
kirkju í mörg ár, hvaða skoðun
hefur þú á málinu? „Ég hef ekki
mótað mér almennilega skoðun á
því en það er búið að vera lands-
lagið síðustu ár,“ svarar Viðar.
Hversu mikilvæg er kristin trú
fyrir samfélagið? „Ákaflega
mikilvæg. Ef trúin hefur ekki efa þá
er hún eiginlega ekki trú. Það er í
eðli trúarbragða að maður efist
stundum og velti vöngum yfir
henni, það er einmitt mikilvægt
fyrir þroska manneskunnar, þ.e. að
efast um guðdóminn. Ég held t.d.
að trú sé mikilvæg fyrir þroska
barna og það hefur sýnt sig í
rannsóknum að þeir sem hafa trú að
einhverju leyti þeir glíma betur við
áföll heldur en aðrir, t.d. ástvina-
missir.
Kristinn boðskapur hefur verið
eins í 2000 ár sem er eiginlega hægt
að súmmera upp í orðunum „vertu
óhræddur, Guð er með þér“ og það
er þetta óttaleysi sem mér finnst svo
heillandi við boðun kristinnar trúar
af því við höfum ekkert að óttast.
Að sjálfsögðu óttumst við hitt og
þetta í lífinu en Guð er alltaf með
okkur og fært ótta okkar á Guð, þ.e.
ekki tengja Guð við ótta heldur
biðja hann um að hjálpa okkur að
óttast ekki,“ segir Viðar.
Eigum sem samfélag að taka
öllum opnum örmum
En nú óttast fólk samt töluvert í dag
og er ég þá að tala um háværan
hóp, hvort sem hann er fjölmennur
eða fámennur. Svokölluð Íslamó-
fóbía hefur skotið rótum víða og er
Ísland engin undantekning. Hver er
þín tilfinning gagnvart þessu
fyrirbæri? Er þetta ekki áhyggju-
efni? „Auðvitað er það áhyggjuefni.
Kristur tekur öllum opnum örmum
og þess vegna eigum við sem
samfélag að taka öllum opnum
örmum. Ég hef t.d. reynslu af því úr
sveitinni að við fengum útlendinga í
vinnu hjá okkur og þetta er bara
besta fólk, bara eins og ég og þú.
Eini munurinn er að það kemur úr
öðru landi, svo eru náttúrulega siðir
og hefðir sem eru eitthvað öðruvísi
en okkar.
Að sjálfsögðu hefur maður
áhyggjur af því að svona ótti sé að
færast í aukana. Kirkjan hefur verið
mjög ötul við það síðasta árið að
reyna sporna gegn þessu, t.d. í
predikun og þá gjarnan fyrir
málefnum hælisleitenda.“
Mættu prestar vera sýnilegri í
þessari baráttu? „Án þess að ég tali
fyrir hönd kirkjunnar allrar þá held
ég að við megum alveg vera það og
halda áfram að tala fyrir málefnum
hælisleitenda. Kirkjan á að láta sig
samfélagsleg mál varða og mér
finnst hún hafa verið sýnileg
varðandi þessi tilteknu mál og það
er gott. Sumt fólk er með fastmót-
aðar skoðanir og það er erfitt að
breyta því hvort sem að maður er
prestur eða eitthvað annað, eina
sem við getum gert er að boða það
sem við teljum satt og rétt,“ segir
Viðar.
Brenn fyrir jákvæðum kerfisbreytingum í sjávar-
útvegs, jafnréttis- og landbúnaðarmálum
:: Samgöngumál eru mér hugleikin :: Þjóðin fái að segja hug sinn um
hvort halda eigi áfram með aðildarviðræður Íslands og ESB ::
Jóna Sólveig Elínardóttir.
Boðaslóð 12 | 481-3939
Breyttur opnunartími
Vikuna 17. - 21. októBer
mánudaginn 17. okt 14:00 - 22:00
Þriðjudaginn 18. okt 16:00 - 22:00
miðVikudaginn 19.okt 16:00 - 22:00
fimmtudaginn 20.okt 10:00 - 22:00
föstudaginn 21.okt 10:00 - 22:00
nÝ sen
ding
af
rafret
tum
og Vök
Vum!
Eyjafréttir / Miðvikudagur 12. október 2016