Fréttir - Eyjafréttir - 09.11.2016, Blaðsíða 8
8 Eyjafréttir / Miðvikudagur 9. nóvember 2016
Safnahelgin hefur verið árlegur
viðburður í Vestmannaeyjum svo
lengi sem elstu menn muna og voru
Kristín Jóhannsdóttir og Ásgeir
Sigurvinsson forkólfarnir að því að
koma henni á laggirnar. Fyrir
tæpum áratug tóku samtök safna,
setra og sýninga hugmyndina upp á
sína arma og fóru að bjóða upp á
Safnahelgi á Suðurlandi. Í ár var sú
Safnahelgi slegin af, samkvæmt
heimildum vegna óánægju með að
staða menningarfulltrúa Suðurlands
var lögð niður.
En Safnahelgin í Vestmannaeyjum
hélt hins vegar sínu striki eins og
áður og hefur sjaldan verið
fjölbreyttari. Dagskráin hófst
formlega í Stafkirkjunni eins og
hefur verið frá upphafi með
setningu Sigrúnar Ingu Sigurgeirs-
dóttur formanns sóknarnefndar
Landakirkju og ávarpi Kristínar
Jóhannsdóttur sem fór yfir helstu
liði dagskrárinnar framundan. Þá
tók tríóið Eldar, sem í sitja Birgir
Nielsen trommur, Kristinn Jónsson
bassa og Arnfinnur Friðriksson á
nikkuna. Þeir fluttu jazzútgáfur af
þekktum Eyjalögum og var hrein
unun að hlýða á túlkun þeirra. Það
hefðu sannarlega mátt fleiri vera á
þessari dagskrá.
Þjófstart
Fyrir setninguna í Stafkirkjunni
hafði verið þjófstartað í Safnahús-
inu en þar á bæ var á fimmtudeg-
inum boðið upp á frábæra mynda-
sýningu úr safni Gísla J. Johnsen
þar sem ljósmyndir frá bláupphafi
20. aldar voru sýndar. Fram kom í
ávarpi Kára Bjarnason forstöðu-
manns að safn Gísla hafi nýverið
verið afhent Safnahúsi og að
myndasýningin sé ein viðleitnin í
því að miðla þeirri dýrmætu gjöf til
bæjabúa. Það var vel mætt á þennan
dagskrárlið en þó voru margir sem
ekki áttu heimangengt og því hefur
verið ákveðið að endurtaka leikinn
á morgun, fimmtudag kl. 17:15 í
húsnæði Visku að Strandvegi 50.
Sannarlega gaman þegar svona
mikil eftirspurn er eftir einstökum
dagskrám.
Um kvöldið kom fyrsti rithöf-
undurinn í heimsókn, Ármann
Reynisson, með enn eina vinjettuna
sína, þá sextándu í röðinni. Orðið
vinjetta vísar til franska orðsins
vigne sem merkir lifandi eða litrík
lýsing og fangar það einkar vel
inntak vinjetta Ármanns þar sem
stuttar litríkar frásagnir hans fanga
andartakið eins og ljóð eða knappur
prósi. Þessi síðasta bók í flokk hans
inniheldur margar frásagnir tengdar
Vestmannaeyjum og voru þær
kynntar og lesnar upp af Ármanni
og nokkrum þátttakenda. Því miður
voru ekki margir sem mættu á þessa
notalegu kvöldskemmtun en þeir
sem komu skemmtu sér vel.
Unga fólkið vildi sjá Hugleik
Að lokinni formlegri setningu
opnaði Hugleikur Dagsson sýningu
sína WHERE´S GOD í Einarsstofu
í Safnahúsi og var fjölmenni við
opnunina. Sérstaklega tók blaða-
maður eftir því að yngra fólk var
áberandi í hópnum, ekki síst yngri
strákar. Um kvöldið var boðið til
veislu í Eldheimum þar sem Árni
Þórarinsson og Páll Kr. Pálsson
kynntu og lásu úr nýjum bókum
sínum og bandið Plan B með
Þórarinn Ólason í broddi fylkingar
kom inn fyrir Helgu og Arnór vegna
veikinda Helgu. Sem betur fer er
góðar fréttir af Helgu og stefna
hjónin að því að bjóða upp á
dagskrána fljótlega á nýju ári.
Páll reið á vaðið og kynnti nýju
bókina sína, Ósk, sem fjallar um
mann sem fæðist í röngum líkama.
Þegar hann veikist alvarlega þarf
hann að horfast í augu við þennan
nýja veruleika sinn og þá kviknar
hjá honum löngun til að börnin hans
viti hver hann er. En þau eru of ung
og hann skrifar sig því til þeirra
þannig að þau geti síðar kynnst
honum enda þótt hann væri ekki
lengur.
Bók Árna ber heitið 13 dagar og er
enn ein spennubókin með Einar
blaðamann. Það sem Árni las upp
úr bókinni vakti góð fyrirheit enda
Árni einn þekktasti spennusagna
höfundur landsins og gaman að
heyra af endurkomu Einars
blaðamanns, en Árni hafði eins og
hann orðaði það sjálfur haldið
framhjá honum með síðustu bókinni
sinni. Mætingin var góð og allir
virtust skemmta sér hið besta.
Á laugardeginum var aftur boðið
upp á frábæra dagskrá í Safnahús-
inu er bókaforlagið Sögur kynnti
útgáfustarfsemi sína og nokkrir af
helstu rithöfundum forlagsins
:: Fjölbreytt Safnahelgi 2016 :: Rithöfundar lásu upp :: Sýningar og tónlist ::
Náðu að setja saman enn eina
skemmtilega helgi þar sem
söfnin skörtuðu sínu fegursta
Ómar GarðarSSon
omar@eyjafrettir.is
Skáldmennin í Einarsstofu, Stefán Máni, Orri og Bjartmar ásamt Tómasi Hermannssyni útgefanda.
Sagnakvöld með Ármanni Reynissyni. Kári, Kristín, Helga og Ómar lásu öll upp úr nýju bókinni ásamt
höfundi.