Fréttir - Eyjafréttir - 09.11.2016, Blaðsíða 9
9Eyjafréttir / Miðvikudagur 9. nóvember 2016
kynntu og lásu úr nýjum bókum
sínum. Það var skemmtilega til
fundið hjá starfsmönnum Safnahúss
að opna þannig dyrnar fyrir eintök
útgáfufélög og eins og Kári sagði í
sinni kynningu ekki verra að
forstjórinn væri barnabarn sjálfs
Árna úr Eyjum. Bætti Kári því við
að Tómas hefði verið með í för er
afkomendur Árna úr Eyjum hefðu
afhent Safnahúsi handrit Árna og
væri þar í mikið af merkilegum
kveðskap, sögum og fleiru sem
e.t.v. væri ástæða til að gefa út í
samvinnu við útgáfuna.
Barnabarn Árna úr Eyjum
mætti með þrjá rithöfunda
Tómas Hermannsson Árnasonar
kynnti því næst útgáfustarfsemi sína
og tók vel í hugmynd Kára um
sýnisbók Árna úr Eyjum sem
vonandi verður að veruleika síðar.
Tómas fjallaði síðan um þremen-
ingana sem stigu stokk hver á fætur
öðrum: Stefán Máni, Orri Harðar-
son og Bjartmar Guðlaugsson sem
ekki þurfti nú langrar kynningar við
í Vestmannaeyjum. Rithöfundarnir
gerðu því næst grein fyrir bókum
sínum og lásu upp úr þeim. Bók
Stefáns Mána ber heitið Svarti
galdur og eins og í bók Árna
Þórarinssonar höfum við séð
aðalpersónunni bregða fyrir áður í
fyrri bókum. Hörður Grímsson frá
Súðavík er að feta sín fyrstu spor
sem lögreglumaður í Reykjavík og
eins og í fyrri bókum Stefáns Mána
er það enginn hversdagsheimur sem
bíður hans. Orri Harðarson er
tiltölulega nýr á rithöfundavellinum
og bók hans Endurfundir er hans
önnur bók.
Bókin fjallar um Ágúst Bergsson
sem heldur heim á Akranes þar sem
við fylgjum honum eftir í viðleitni
hans við að fóta sig í tilverunni. Sá
kafli bókarinnar sem Orri las bar
vott um næmi höfundar til að segja
frá á áreynslulausan hátt og með
skemmtilegri frásagnagleði og það
verður gaman að fylgjast með
frekari afrekum þessa höfundar.
Síðastur á sviðið í Safnahúsinu að
þessu sinni var Bjartmar Guðlaugs-
son en hann sagði frá nýútkominni
sjálfsævisögu sinni Þannig týnist
tíminn. Fyrir alla Eyjabúa er þessi
bók nauðsynjaeign. Þarna opnuðust
eins og fyrir töfra löngu gleymdir
tímar og horfnir einstaklingar
stukku alskapaður út úr sögunni
eins og þeir hefðu aldrei farið neitt.
Ógleymanleg stund og hápunktur
þessarar dagskrár að mati blaða-
manns. Um kvöldið kom Bjartmar
fram í Alþýðuhúsinu og þá var eins
og hann hefði sjálfur yngst um
mörg ár, stuðið á karlinum var
ótrúlegt og gaman að sjá ólíkar
kynslóðir syngja með honum sömu
textana af sömu innlifun. Bjartmar
er sannarlega brú milli kynslóða og
man tímanna tvenna hér í Eyjum.
Börnin fengu sinn skammt
Í Sæheimum var boðið upp á
bráðskemmtilega sýningu þar sem
börn sem hafa komið í pysjueftir-
litið voru sýnd á myndum. Afskap-
lega vel heppnuð sýning og gaman
að sjá hversu margir litu við um
helgina.
Lúðrasveitin hélt sína árlegu
styrktartónleika á Safnahelgi eins
og undanfarin ár en að ósekju hefðu
mátt vera fleiri á tónleikunum. Jarl
Sigurgeirsson sem sér um sveitina
að þessu sinni heldur vel utan um
sveitina og hún virðist bara batna
með hverju árinu.
Eini skýjabletturinn á þessari
sólríku Safnahelgi var að Illugi
Jökulsson tók sénsinn á flugi á
sunnudeginum og féll dagskrá hans
þar af leiðandi niður. Háski í hafi
heitir bókaflokkurinn sem Illugi
ætlaði að kynna og kann að vera að
hann hafi ekki treyst sér í hafið af
þeim sökum.
Blaðamaður getur ekki annað en
þakkað kærlega fyrir vel heppnaða
og fjölbreytta Safnahelgi og það er
ljóst að Kristín Jóhannsdóttir, Helga
Hallbergsdóttir, Kári Bjarnason og
Margrét Lilja Magnúsdóttir hafa
náð að setja saman enn eina
skemmtilega helgi þar sem söfnin
skörtuðu sínu fegursta.
Kærar þakkir.
Þeir sem mættu í Einarsstofu á skáldaþing nutu stundarinnar.
Þeir fluttu tónlist í Stafkirkjunni. Þórir, Kristinn og Birgir.
Þessir ungu menn kíktu á sýningu Hugleiks.
Duglega tekið á því á Eyjakvöldi.
Hugleikur hafði nóg að gera við að árita bækur.
Í góðu yfirlæti í Eldheimum. Egill, Erna, Gylfi og Magga Rósa.