Fréttir - Eyjafréttir - 09.11.2016, Blaðsíða 12
12 Eyjafréttir / Miðvikudagur 9. nóvember 2016
Hárakademían býður uppá nám
í hársnyrtiiðn til undirbúnings
fyrir sveinspróf. Námið er
lotunám og tekur 12 mánuði.
Hárakademían hóf kennslu 2014
og voru þær Dóra Kristín
Guðjónsdóttir, Henný Dröfn
Davíðsdóttir og Sandra Dís
Pálsdóttir þrjár af þeim 14
nemendum sem voru teknir
inn.
Dóra Kristín Guðjónsdóttir:
Námið er mjög krefjandi og
þú lærir svo mikið á stuttum
tíma
Hvað ertu að gera þessa dagana?
Ég er að vinna í Reykjavík á
hárgreiðslustofu sem heitir Skuggi
og er á Ingólfsstræti 8 sem er
yndisleg stofa.
Var háriðnaðurinn alltaf drauma-
starfið?
Já, mig hefur alltaf langað til þess
að fara í þetta nám og þá sérstak-
lega eftir að Hárakademían kom til
þá heillaði þetta mig enn meira.
Nú varst þú í fyrsta útskriftar-
hópnum í hárakademíunni,
hvernig fannst þér námið og
skipulagið í heildina?
Námið er mjög krefjandi og þú
lærir svo mikið á stuttum tíma,
vegna þess að það er búið að
skipuleggja þetta svo mikið fyrir
hverja og eina önn af meisturum úr
hòpi færasta hárgreiðslufólki
landsins.
Getur þú nefnt einhverja kosti og
svo ókosti við námið?
Mesti kosturinn við þennan skóla er
sá að við erum svo lítill hópur sem
erum saman allan daginn í heilt ár,
og fáum að læra þetta á heilu ári og
síðan á samning í staðinn fyrir að
dreifa náminu á 4 ár eins og í hinum
skólunum.
Hver eru hausttrendin í hárinu í ár
að þínu mati?
Það sem mér finnst vera að koma
inn núna í haust eru toppar, það er
rosalega mikið um toppa, bæði
stutta og síða. Kaldir tónar eru alltaf
inn en hlýir tónar eru að koma mjög
sterkt inn núna.
Henný Dröfn Davíðsdóttir:
Maður var alltaf að læra
eitthvað nýtt og spennandi
Hvað ertu að gera þessa dagana?
Vinna í Hárhúsinu, þar sem ég er
meðeigandi og á fullu að taka í
gegn húsið okkar Bjögga.
Var háriðnaðurinn alltaf drauma-
starfið?
Ekki beint alltaf draumurinn, en var
þó alltaf að pæla í því ásamt fleiru,
þekkti starfið auðvitað í gegnum
mömmu og það hafði heillað mig,
þegar ég sá svo hárakademíuna
auglýsta ákvað ég að skella mér &
sé sko alls ekki eftir því, enda líkar
mér mjög vel & fann mig algjörlega
í hárgreiðslunni.
Nú varst þú í fyrsta útskriftahópn-
um í hárakademíunni, hvernig
fannt þér námið og skipulagið í
heildina?
Námið var mjög skemmtilegt &
krefjandi.
Getur þú nefnt einhverja kosti og
svo ókosti við námið?
Kosturinn við námið er að þetta er
tekið mjög hratt, nánast allt var
verklegt þannig að maður var alltaf
að læra eitthvað nýtt og spennandi.
Við vorum í skólanum í eitt ár sem
voru þó 3 annir, sem sagt haustönn,
vorönn og sumarönn, það var mikil
keyrsla og skólinn var nánast allur
verklegur, þar sem við vorum búnar
með allt bóklegt nema iðnfræði
áður en við byrjuðum þar. Mikið af
módelum og spennandi verkefnum
sem við tókum þátt í.
Hver eru hausttrendin í hárinu í ár
að þínu mati?
Hlýir litir eru að koma inn með
haustinu, ekki jafn mikið um þessa
mikið köldu liti, þó þeir séu
auðvitað líka inn. Dekkri rót kemur
meira inn og hreyfing í hárinu, t.d.
dökkar strípur með, og eins tóner
yfir endana til þess að fá hlýrri tón.
Klippingarnar eru áfram í allskyns
útfærslum, bæði axlarstuttar beinar
og eins meiri styttur og mýkt, til
þess að fá fallega liði og hreyfingu.
Auðvitað er svo misjafnt hvað fer
hverjum og það þurfa alls ekki allir
að vera eins, en það er um að gera
að prófa eitthvað nýtt og spennandi
og fá faglega ráðgjöf um hvað
hentar sér og sínu útliti.
Sandra Dís Pálsdóttir:
Við fórum ítarlega í hvern
einasta hluta sem við kemur
hárgreiðslu
Hvað ertu að gera þessa dagana?
Eins og er þá starfa ég á Hársögu í
Reykjavík.
Var háriðnaðurinn alltaf drauma-
starfið?
Já, alveg frá því að ég var ung hefur
mig dreymt um að vera hárgreiðslu-
kona. Það hefur einhvern veginn
alltaf heillað mig.
Nú varst þú í fyrsta útskriftahópn-
um í hárakademíunni, hvernig
fannt þér námið og skipulagið í
heildina?
Mér fannst námið virkilega
skemmtilegt. Uppsetningin á
náminu í Hárakademíunni er
virkilega góð. Við fórum ítarlega í
hvern einasta hluta sem við kemur
hárgreiðslu og einnig fannst mér
mjög skemmtilegt hvernig nýjustu
tísku var vel fylgt eftir og gamlir
staðlar í hárgreiðslu ekki í hávegum
hafðir.
Getur þú nefnt einhverja kosti og
svo ókosti við námið?
Einu ókostirnir við námið er eflaust
þeir að stundum gat þetta verið
svolítið strembið vegna þess að hér
er um að ræða hálfgert hraðnám en
það getur þó einnig verið stór
kostur.
Hver eru hausttrendin í hárinu í ár
að þínu mati?
Mér sýnist að hausttrendið sé það
að stelpur vilji dekkja á sér hárið.
Það er búið að vera mikið um þessa
ljósu/aflituðu tísku en nú er hún að
minnka og fólk vill fá meiri dýpt í
rótina en þó halda aðeins í ljósa
litinn. Það er hins vegar ekkert sem
kemur á óvart þar sem fólk vill oft
dekkja sig þegar byrjar að hausta.
Þær sem eru dökkhærðar vilja oft fá
hreyfingu í hárið en það er kallað
Balayage sem er ótrúlega vinsælt í
dag.
Það er mjög mismunandi þegar
kemur að klippingum hvort stelpur
vilji halda í síddina eða stytta það.
Mér finnst það hins vegar hafa
aukist mjög að stelpur vilji taka
mikið af hárinu og láta klippa það
við axlir og það finnst mér mjög
skemmtileg tíska. ,,Skin fade”
klippingin er orðin mjög vinsæl hjá
strákum í dag.
:: Þrjár Eyjadömur í fyrsta útskriftarhópi Hárakademíunnar ::
Dóra Kristín, Henný Dröfn og
Sandra Dís komnar í draumastarfið
Sara SjöFn GrETTiSdÓTTir
sarasjofn@eyjafrettir.is
Í samstarfi Safnahúss og Tónlistar-
skóla Vestmannaeyja verður
miðvikudaginn 16. nóvember kl.
17:15, á Degi íslenskrar tungu,
haldin kynning í Einarsstofu í
Safnahúsi á tímariti sem ber heitið
Stuðlaberg og er helgað hefðbund-
inni ljóðlist. Ritstjóri, útgefandi og
ábyrgðarmaður er Ragnar Ingi
Aðalsteinsson.
Stuðlaberg kom fyrst út árið 2012
og hefur eftir það komið út tvisvar á
ári, haust og vor. Í ritinu er fjallað
um allt sem lýtur að bragfræði. Þar
birtist jafnan mikið af vel gerðum
og skemmtilegum vísum auk þess
sem fjallað er um höfunda og oft er
rakin sagan sem liggur að baki
vísunni. Birtar eru greinar um
bragfræðileg efni. Þær eru stuttar og
reynt að gera efnið ekki flókið enda
kemur fram í ritinu að ritstjóri telur
bragfræði minna á sterkt kaffi; það
er gott í smáum skömmtum en ekki
æskilegt að drekka mikið af því í
einu.
Ragnar Ingi mun kynna ritið og lesa
valda kafla af efni þess undanfarin
ár. Kynningin verður á léttu
nótunum. Lesið verður upp úr ritinu
og auk þess mun Ragnar Ingi, sem
er vel heima í vísnagerð og hefur
kynnt sér þann geira menningar-
innar nokkuð vel, flytja ýmislegt
skemmtiefni tengt vísnagerð og
kveðskap almennt.
Dagur íslenskrar tungu skipar auk
þess sérstakan sess í hugum
Vestmannaeyinga þar sem hann er
fæðingardagur Oddgeirs Kristjáns-
sonar. Af þeim sökum mun Jarl
Sigurgeirsson mæta á dagskrána og
flytja og kynna nokkur valin
Eyjalög Oddgeirs.
Að lokum gefst öllum skúffu-
skáldum í Vestmannaeyjum
tækifæri til að kynna efni sitt með
stuttri en snarpri innkomu.
Allir hjartanlega velkomnir.
Dagur íslenskrar tungu í Safnahúsinu