Fréttir - Eyjafréttir - 21.12.2016, Blaðsíða 4
4 Eyjafréttir / Miðvikudagur 21. desember 2016
Matgæðingur vikunnar
Landakirkja
Fimmtudagur 22. desember
Kl. 20.00 Æfing Kórs Landakirkju
undir stjórn Kitty Kóvács.
Laugardagur 24. desember,
aðfangadagur jóla
Kl. 14.00 Helgistund í Kirkjugarði
Vestmannaeyja í aðdraganda jóla.
Kl. 18.00 Aftansöngur á jólum. Sr.
Viðar Stefánsson leiðir guðsþjón-
ustuna. Kór Landakirkju syngur
undir stjórn Kitty Kovács.
Kl. 23.30 Miðnæturmessa á jólum.
Sr. Guðmundur Örn Jónsson leiðir.
Kór Landakirkju syngur undir
stjórn Kitty Kovács.
Sunnudagur 25. desember,
jóladagur
Kl. 13.00 Lúðrasveit Vestmannaeyja
hefur forspil að messu á jóladag.
Flutt verða sígild jólalög.
Kl. 14.00 Hátíðarguðsþjónusta á
jóladag. Sr. Viðar leiðir stundina.
Kór Landakirkju leiðir sálmasöng
undir stjórn og við undirleik Kitty
Kovács og Lúðrasveitar Vestmanna-
eyja.
Mánudagur 26. desember,
annar í jólum
Kl. 14.00 Hátíðarguðsþjónusta á
Hraunbúðum. Sr. Guðmundur Örn
leiðir og Kór Landakirkju syngur
undir stjórn Kitty Kovács.
Hvítasunnu-
kirkjan
Fimmtudagur kl. 20:30.
JÓLAHVÍSL. Jenný, Elísabet og
Guðný Emiliana lofa kósý stemn-
ingu og ljúfum tónum með hjálp
vina. Ókeypis aðgangur.
Aðfangadagur kl. 18:00
Syngjum jólin inn. Ræðumaður
Anna Stefanía Erlendsdóttir.
Jóladagur kl. 14:00
Hátíðarsamkoma. Ræðumaður
Þóranna Sigurbergsdóttir, mikill
söngur og gleði.
Allir hjartanlega velkomnir.
Kirkjur bæjarins:
Eyjamaður vikunnar
Alltaf haft unun af því
að syngja
Vilmar Þór Bjarnason, starfsmaður
TM í Vestmannaeyjum er nýlega
fluttur til Eyja. Hann hefur verið
áberandi í tónlistarlífi Eyjanna
síðustu vikur. Hann er í Karlakór
Vestmannaeyja, kom fram á
tónleikum söngnema Tónlistar-
skólans fyrir skömmu og lét sig ekki
muna um að troða upp á Jólahlað-
borði Hallarinnar á laugardags-
kvöldið þar sem hann sló í gegn.
Vilmar er Eyjamaður vikunnar.
Nafn: Vilmar Þór Bjarnason.
Fæðingardagur: 14.október 1989.
Fæðingarstaður: Reykjavík.
Fjölskylda: Ég er giftur Eyjaskvís-
unni Þóru Sif Kristinsdóttur og
eigum við börnin Theresu Lilju og
Óliver Atlas.
Vinna: Vátryggingaráðgjafi hjá TM.
Aðaláhugamál: Ég er mikill
íþróttaáhugamaður og svo er það
auðvitað söngurinn.
Hvað finnst þér skemmtilegast að
gera: Fyrst og fremst að vera í
kringum skemmtilegt fólk. Að njóta
samveru með fjölskyldu og vinum.
Uppáhalds matur: Góð nautasteik
og humar klikka ekki.
Versti matur: Súrmatur.
Uppáhalds tónlist: Ég myndi segja
að ég væri alæta á tónlist en hlusta
töluvert mikið á íslenskt hiphop.
Fallegasti staður sem þú hefur
komið á: Það eru Vestmannaeyjar,
þvílík náttúruperla.
Uppáhalds íþróttamaður og
félag: Margt sem kemur til greina,
en við segjum Steven Gerrard og
Liverpool FC.
Uppáhalds sjónvarpsefni: Ég horfi
mest á íþróttir í sjónvarpi. Criminal
Minds og Hawaii Five-O eru líklega
uppáhalds þættirnir.
Hvað finnst þér skemmtilegast að
lesa: Þegar ég les verða glæpasögur
oftast fyrir valinu.
Helstu vefsíður sem þú skoðar:
fotbolti.net, fimmeinn.is og svo
fréttasíður.
Hvenær byrjaðir þú að syngja:
Ég byrjaði snemma að syngja og
hef alltaf haft unun af því. Söng í
tveimur skólakeppnum sem
unglingur en svo gerðist lítið þar til
ég flutti til Eyja. Byrjaði strax í
kórnum, fór að syngja vikulega og
svo hafa hjólin snúist.
Stefnirðu hærra í sönglistinni?:
Ég mun halda áfram að syngja á
meðan ég hef gaman af. Maður veit
svo aldrei hvað framtíðin býður upp
á, ef fólk vill heyra mig syngja er
ég alltaf klár.
Pavarotti eða Presley: Ég verð að
segja Presley.
Stones eða Bítlarnir: Ég er mikill
Bítlaunnandi og hef hlustað mikið á
þá í gegnum tíðina.
Hvernig líst þér á Vestmanna-
eyjar hingað til?: Ég er alveg
hæstánægður með lífið í Eyjum.
Eyjarnar og fólkið hérna heillaði
mig strax þegar ég kom hingað fyrst
með Þóru Sif fyrir að verða átta
árum síðan. Á þessu rúma ári sem
við höfum verið búsett hér hef ég
gert margt skemmtilegt og kynnst
fullt af góðu og skemmtilegu fólki.
Hér vil ég vera!
Vilmar Þór Bjarnason
er Eyjamaður vikunnar
Við feðgar þökkum Herði Sævalds
fyrir að rúlla boltanum yfir ganginn
hérna í Borgum við Háskólann á
Akureyri. Við teflum
fram gómsætum rétti sem Gumma
(og reyndar Svavari bróður hans líka)
finnst mjög gott að borða þegar
skroppið er norður.
Ritzkex kjúklingur (fyrir 4)
4 kjúklingabringur
2 dósir sýrður rjómi
1 ½ pakki af kjúklingasúpu (duftið)
½ rauðlaukur (hér notum við
gjarnan Mozzarellaost í staðinn)
1 tsk sítrónusafi
salt og pipar
¾ pakki af Ritzkexi
70 gr. smjör.
Aðferð:
Hitið ofninn í 180 gráður.
Steikið bringurnar á pönnu.
Hrærið saman sýrða rjómanum,
ostinum/lauknum, salti, pipar og
sítrónusafanum.
Blandan er svo sett yfir kjúklinginn
þegar hann er eldaður.
Smjörið er brætt í potti og Ritz-
kexið mulið útí.
Ritzkexið í smjörinu er svo sett yfir
bringurnar.
Þetta er sett í ofninn í 15-20
mínútur – þar til kexið byrjar að
verða aðeins brúnleitt.
Við höldum boltanum áfram fyrir
norðan og Gummi handboltastjarna
neglir honum austur á Mývatn,
þar sem hann er gripinn örugglega
af Þorsteini Gunnarssyni sveitar-
stjóra í Skútustaðahreppi.
Ritzkex kjúlli
Feðgarnir Grétar Þór
Eyþórsson og Guðmund-
ur Ásgeir Grétarsson
eru matgæðingur vikunnar
Eyjafréttir vilja eindregið hvetja
brúðhjón til að senda inn mynd
til birtingar sem og foreldra
nýrra Eyjamanna.
Myndir og upplýsingar sendist á
frettir@eyjafrettir.is
Börn og brúðhjón
Ættingjar og vinir.
Bestu jóla- og nýársóskir.
Þökkum liðnu árin.
Guðný og Leifur Ársælsson
Kæru ættingjar og vinir, heimilisfólk
og starfsfólk á Hraunbúðum sendi
ykkur mínar bestu óskir um
gleðilega jólahátíð og gæfuríkt nýtt ár.
Þakka liðnar stundir.
Jólakveðja
Sveinn Valdimarsson
Hraunbúðum.
Það verða miklar breytingar á
líkama kvenna og starfsemi líffæra
á meðgöngu og eftir fæðingu,
þ.á.m. þvagkerfinu. Eru þær
breytingar taldar lífeðlisfræðilega
eðlilegar og ganga til baka hjá
flestum. Einnig geta þær aukið
líkur á þvagfærasýkingum. Tíðari
þvaglát eru algengari að deginum til
og hjá meira en helming kvenna að
næturlagi. Hjá flestum ganga
breytingarnar til baka eftir fæðingu.
Ástæða tíðari þvagláta er líklega
samspil ýmissa þátta sem stýrast
mest af áhrifum þungunarhormóna
t.d. aukið vökvamagn í líkama,
stækkandi leg o.f.l.
Þvagleka er skipt í 3 gerðir:
1. Áreynsluleki er langalgengastur á
meðgöngu og eftir fæðingu.
Einkenni koma fram við hósta,
hnerra, lyfta þungum hlutum, ganga
upp stiga, við líkamsrækt, kynlíf og
aðra líkamlega áreynslu. Við þannig
aðstæður veita grindarbotnsvöðv-
arnir ekki nægjanlegan stuðning við
blöðru og blöðruháls og hring-
vöðvar í þvagrásinni eru ekki færir
um að veita nógu mikið viðnám til
þess að halda þvaginu í blöðrunni.
2. Bráðaleki einkennist af knýjandi
þvagþörf og þvagleka, sem kemur
fyrir þegar viðkomandi kemst ekki
nógu fljótt á salerni. Bráðaleki
verður oft vegna ofvirkrar blöðru
eða truflaðra taugaboða til þvag-
blöðru og ósjálfráðra samdrátta í
blöðru.
3.Blandaður leki er sambland af
bæði áreynslu- og bráðaleka.
Nákvæmar þvagfærarannsóknir er
hægt að gera til að greina á milli
tegunda þvagleka, til af fá við-
eigandi meðferð.
Meðferð og fyrirbygging. Hægt er
að ná árangri í 60 % tilfella
þvagleka með einfaldri meðferð
eins og grindarbotnsæfingum,
blöðruþjálfun, lyfjum og lífsstíls-
breytingum. Lífsstílsbreyting og
heilsuhvatning er hluti af einfaldri
meðferð. Hæfileg þyngdaraukning á
meðgöngu, sem stjórnað er með
réttu mararæði og skynsamlegri
hreyfingu minnkar líkur á þvagleka.
Þvagleki hefur mismikil áhrif á
daglegt líf og getur valdið
skerðingu á lífsgæðum og félags-
legri einangrun. Ráðgjöf og nánari
upplýsingar er hægt að fá hjá
ljósmæðrum / hjúkrunarfræðingum/
læknum á næstu heilsugæslustöð.
f.h. HSU
Sigurlinn Sváfnisdóttir,
hjúkrunarfræðingur og ljósmóðir
Heimild: Samantekt af vef ljós-
móðir.is
Hjálpleg vefsíða- sprengur.is
Þvagleki á meðgöngu og eftir fæðingu
sigurlinn sváfnisdóttir
hjúkrunarfræðingur
og ljósmóðir
GLEÐiLEG jóL