Skessuhorn - 04.03.1998, Side 4

4
Miðvikudagur 4. mars 1998

Mikill heibur ab menn
skuli hafa trú á mér
Einkavibtal vib Birgi Leif Hafþórsson
atvinnumann í golfi
íslandsmeistari í golfi og íþróttama&ur Akraness 1996. -mynd: Heigi Daníeisson.
AKURNESINGAR hafa áratug-
um saman verið þekktir fyrir stóra
sigra á íþróttasviðinu. Það eru
knattsspyrnumennirnir sem hafa í
gegnum tíðina verið stolt Akurnes-
inga enda er nafn Iþróttabandalags
Akraness skráð með gullnu letri í
knattspyrnusöguna.
Á síðari árum hafa vaskir íþrótta-
menn af Skaganum verið að ná góð-
um árangri í öðrum greinum. Þar
má nefna körfuknattleikslið IA,
sundfólk sem hefur náð glæsilegum
árangri, hestamenn og síðast en ekki
síst golfara. í golfinu hefur verið unn-
ið mikið uppbyggingarstarf sem hef-
ur skilað sér í því að íslandsmeistar-
ar síðustu tveggja ára eru Akurnes-
ingar.
Golfstjaman Birgir Leifur Hafþórs-
son varð íslandsmeistari 1996 og síð-
asta sumar gerðist hann síðan fyrsti ís-
lenski atvinnumaðurinn í golfi. Blaða-
maður Skessuhoms náði tali af Birgi
Leifi daginn áður en hann flaug til
Spánar. Þar dvelur hann nú við æfing-
ar og undirbýr sig fyrir fyrsta mótið í
áskorendamótaröðinni sem mætti hugs-
anlega kalla 2. deild í Evrópu. S.l. sum-
ar keppti Birgir hinsvegar í sænsku
mótaröðinni og var nálægt því að vinna
sér rétt til þátttöku á móti þeirra bestu,
þ.e. í evrópsku mótaröðinni.
„SU keppni var mjög góð fyrir mig
sem byijanda í bransanum. Þama fékk
maður smjörþefinn af því sem koma
skal“, sagði Birgir Leifur. „Mér gekk
ágætlega í mótinu og náði inn úr flest-
um niðurskurðum og var yfirleitt með-
al 20 efstu“.
Það er ekki orðum aukið að Birgir
hafi staðið sig með prýði í sinni fyrstu
keppni sem atvinnumaður og hann var
ekki langt frá því að vinna sér rétt til
þátttöku í sjálfri Evrópumótaröðinni.
Það var kaldhæðni örlaganna að veðr-
ið setti strik í reikninginn hjá þessum
unga golfara sem alist hefur upp við
lakari veðurskilyrði til golfiðkunar en
flestir þeir sem hann er að etja kappi
við. „Mér gekk mjög vel í síðasta mót-
inu og náði í gegnum niðurskurðinn,
en þá var komið btjálað veður og mót-
ið var blásið af. Þetta mót var því ekki
tekið með í heildarárangri sumarsins.
Mig vantaði ekki nema 3 högg eftir
sumarið til að ná takmarkinu og ég átti
góða möguleika enda hafði ég engu að
tapa. Eg kemst hinsvegar aldrei að því
hvort það hefði tekist“, sagði Birgir.
Ekki bara fyrir feita karla
Eftir að keppnistímabilinu lauk í
haust kom Birgir heim á Skagann til
fjölskyldu sinnar og félaga. Hann hef-
ur notað tímann til að byggja sig upp
fyrir átök sumarsins. „Ég hef aðallega
verið í innanhússæftngum og lagt áher-
slu á að bæta púttið. Ég hef líka fengið
að æfa með landsliðinu í Reiðhöllinni
og síðan hef ég verið að byggja upp
þrek og þol“. Þama verður blaðamanni
á að hvá enda sér hann í fákunnáttu
sinni ekki hvað þrekæfmgar koma golf-
íþróttinni við. ,Já maður hefur nú oft
fengið að heyra það að golfið sé ekki
nema fyrir gamla og feita karla“, segir
Birgir hlæjandi. „Staðreyndin er aftur á
móti sú að menn þurfa að vera í sæmi-
legu formi til að halda fullkominni ein-
beitingu í fimm til sex tíma samfleytt
þótt þeir séu ekki á sífelldum hlaup-
um“.
Harbur heimur
Fyrsta mótið í áskorendamótaröð-
inni er í Afríku á næstu dögum. Síðan
verður spilað á 25 mótum í átján lönd-
um víðsvegar um Evrópu í allt sumar.
Birgir kemur því til með að verða á
ferð og flugi með golfpokann næstu
mánuðina. Hann neitar því ekki að það
getur verið þreytandi að búa í ferða-
tösku. „Þetta er allt annað en að leika
sér á vellinum með félögunum héma
heima“, segir hann. „Þetta er býsna
harður heimur og ekkert gefið eftir enda
eru miklir peningar í húfi fyrir þá sem
ná lengst. Ég skil nú reyndar ekki þessa
kalla sem eiga orðið peninga í stómm
haugum en halda áfram að djöflast án
þess að gefa sér tíma til að anda á milli.
Þetta er í fínu lagi ef maður getur gef-
ið sér tíma til að koma heim og fá sér
frískt loft á milli tama. Þess á milli er
um að gera að njóta þess sem maður er
að gera. Ég væri ekki þar sem ég er ef
ég hefði ekki gaman af þessu“.
John Garner
Fyrst talið berst að peningum er
Birgir spurður hvort það sé vel launað
starf að beija í kúlur með priki. „Laun-
in fara eftir árangri. Verðlaunafénu er
skipt á milli þeirra sem lenda í efstu
sætunum og heildarupphæðin er mis-
jöfn milli móta. Á stærsta mótinu í
áskorendamótaröðinni sem haldið er í
Moskvu er potturinn um 10 milljónir ís-
lenskra króna. Þar af fær efsti maður um
1, 8 milljón. I Evrópumótaröðinni em
miklu meiri peningar í boði. Þar er efsti
maður að fá um tíu milljónir í sinn hlut
á stærstu mótunum“.
Birgir segist reyndar ekki þurfa að
hafa áhyggjur að fjármálunum í augna-
blikinu.
Á síðasta ári var stofnað hér á landi
fyrirtækið ÍSL ehf.; íslandssport og list-
ir. Markmið þess félags er að styrkja ís-
lenska afreksmenn í íþróttum og efni-
lega hstamenn og gera þeim kleift að ná
hámarksárangri. Birgir Leifur er fyrsti
einstaklingurinn sem ÍSL styrkir, nokk-
urskonar tilraunadýr eins og hann kall-
arþað.
En hvemig tilfinning er það að vera
í raun rekinn eins og fyrirtæki? „Það
skiptir öllu fyrir mig að geta helgað
mig golfinu án þess að þurfa að hafa
áhyggjur af peningamálunum. Ég hefði
ekki getað farið út í þetta öðruvísi. Ég
get nefnt sem dæmi að á síðasta ári var
kostnaðurinn við þátttöku mína á mót-
um atvinnumanna um fjórar og hálf
milljón og í ár er reiknað með að hann
verði um sjö milljónir.
Auðvitað setur það meiri pressu á
mann að aðrir hafa lagt mikið undir.
Það er hinsvegar gaman að fá að takast
á við þetta. Það er mikill heiður fyrir
mig að fá þetta tækifæri og það eflir
sjálfstraustið að vita að menn hafa trú
á mér“, segir Birgir. Hann bætir því við
að eitt af því sem ÍSL hefur lagt að
mörkum til að bæta hans aðstöðu er að
ráða John Gamer fyrrum landshðsþjálf-
ara sem persónulegan þjálfara hans.
„John er ótrúlega góður í sínu fagi og
mjög virtur þjálfari í Bretlandi", segir
Birgir.
Fjölskyldan og félagarnir
Birgir þakkar árangur sinn til þessa
því að hann hefur fengið tækifæri til
að fást við það sem hann hefur mest
gaman af. „Félagamir hafa stutt mann
í þessu og þá hefur fjölskyldan fómað
miklu til að styðja við bakið á mér. Það
er alveg ljóst að ég stend ekki einn“.
Hann kveðst ánægður ef árangur
hans hafi orðið til að ýta undir áhuga á
golfíþróttinni. „Það er engin spuming
að golfið er í ömm vexti, bæði hér á
Skaganum og annars staðar. Það er mik-
ill munur frá því ég var að byrja, bæði
á aðstöðu og iðkun. Mér skilst að nú sé
golfið orðið næst fjölmennasta íþrótta-
greinin hér á landi“.
Birgir á möguleika á að spila á mót-
um í Evróputúrnum í sumar, ef vel
gengur í einstökum áskorendamótum.
„Ef maður stendur sig getur maður
komist í eitt og eitt mót. Núna er t.d.
verið að athuga hvort ég geti komist
inn á mótið í Marokkó“.
Skýr markmiö
Markmiðin fyrir sumarið em skýr:
„Takmarkið er að ná inn á Evrópumeist-
aramótið fyrir næsta sumar. Það þýðir
að maður verður að vera á meðal 15
efstu í áskorendamótaröðinni til að slep-
pa við úrtökumót. Draumurinn er nátt-
úralega að spila meðal þeirra bestu, svo
sem Colin Montgommery" segir Birg-
ir Leifur.
Hinn ungi og efnilegi golfari af
Skaganum hefur vissulega tímann fyr-
ir sér, aðeins tuttugu og eins árs að aldri.
Flestar af skærustu stjömunum í golf-
heiminum hafa verið að blómstra milli
þrítugs og fertugs.
Skessuhom mun að sjálfsögðu fylgj-
ast grannt með Birgi Leifi á komandi
keppnistímabili og óskar honum vel-
gengni í sumar.
Féiagarnir Birgir Leifur Hafþórsson og Helgi Dan Steinsson á sínu fyrsta íslandsmóti í golfi árib 1994.
-Mynd: Helgi Daníelsson