Skessuhorn - 11.03.1999, Blaðsíða 5

^n£33Uflu»w
5
Co.) ' C3Í.I.1 rr >3| In.^i itA/n/jjq
FIMMTUDAGUR 11. MARS 1999
ónarmifr Flosa
Kynferðisleg áreitni
Það er mjög í tísku um þessar mundir að
reifa, rannsaka og gaumgæfa, með félagsvísinda-
legri aðferð, kynferðislegt atferli nútímamannsins í
blíðu og stríðu.
Sú var tíðin að fólki þóttu þessi fræði held-
ur einföld. Strákar og stelpur, kallar og kellingar
drógu sig saman og úr því varð svo getnaður og
krakkar sem fólki þótti óumdeilanlega meginfor-
senda gæfunnar og eilífs lífs á jörðinni.
Menn og konur voru í því dægrin löng að
„stíga í vænginn" eða „gefa undir fótinn“ og, ef ég
man rétt, allir í endalausu keleríi við alla þar til
stelpurnar fundu rétta strákinn og strákarnir réttu
stelpuna.
Þessi endanlegu málalok voru þó ekki í
sjónmáli, hvað þá að þau næðu fram að ganga,
fyrr en eftir umtalsverðar þreifingar um allar triss-
ur.
Nú er það svo að þegar menn eru að stíga
í vænginn við konur, eða öfugt, þá er það ekkert
sjálfgefið að báðir séu til í tuskið.
Þegar sú staða kemur upp að annar aðilinn
er haldinn girndarlosta, en hinn afhuga öllum
getnaðarpælingum, skapast stundum afar óþægi-
legt ástand, sérstaklega fyrir þann sem enga
löngun hefur til samneytis við þann sem lostanum
er haldinn.
Ætli maður kannist ekki við það.
Ég man ekki betur en það hafi verið eins
og innbyggt í atferlis og sálarprógrammið hjá okk-
ur sem vorum með kvenfólk á heilanum í dentíð,
að vera ekki að djöflast í stelpum sem „ekkert
vildu með okkur hafa að gera,“ einsog það var
orðað upp á dönsku.
Þær voru einfaldlega látnar í friði.
Þeir sem neyttu aflsmunar, tildæmis í skjóli
valds á vinnustað voru - og eru vonandi enn -
vægast sagt ekki hátt skrifaðir fremur en aðrir
valdníðingar og fæstir kærðu sig um að eiga sam-
neyti við þá „tegund".
Síst af öllu stelpurnar.
Fyrir skömmu efndu fjölmiðlar í samráði við
einhverjar Félagsmálastofnanir til umfangsmikillar
skoðanakönnunar um kynferðislega áreitni á
vinnustöðum og í kjölfarið voru svo niðurstöður
birtar í öllum fjölmiðlum.
Beitt hafði verið hinni hávísindalegu aðferð
sem í dag virðist vænlegri en aðrar til að komast
að kjarna málsins og leiða endanlegan sannleika
í Ijós.
Hringt var í fjölda manns og spurt sem svo:
-Hefur þú orðið fyrir kynferðislegri áreitni?
Og svörin láta ekki á sér standa.
Drjúgur hluti kvenna taldi sig hafa orðið fyrir
kynferðislegri áreitni á vinnustað.
Meginniðurstaðan var sú að því hærra sem
konur væru settar í starfsstéttapíramítanum, þeim
mun meiri kynferðislegri áreitni þyrftu þær að
sæta.
Ergo; þær sem eitthvað áttu undir sér
fengu bara engan frið.
Ég hef sagt það áður og segi það enn.
Af öllu því fánýti sem samtíðin hefur uppá
að bjóða er, held ég, ekkert marklausara en skoð-
anakannanir.
Auðvitað er það matsatriði hvers og eins
hvað hann eða hún telur kynferðislega áreitni.
Mergurinn málsins er einfaldlega sá að ef
kynferðisleg áreitni er ekki skilgreind í smáatrið-
um þá getur enginn svarað því hvort hann hefur
orðið fyrir henni.
Mér er nær að halda að allt eðlilegt fólk hafi
orðið fyrir kynferðislegri áreitni, en málið er bara
það að slík áreitni hættir að vera áreitni þegar
báðir aðilar eru hjartanlega sammála um að láta
til skarar skríða.
Auðvitað segir það sína sögu að hjá Lands-
síma íslands þekkist kynferðisleg áreitni ekki
samkvæmt könnuninni.
Svo mikið er víst að um fengitímann verður
engin sauðkind fyrir kynferðislegri áreitni, og guð
hjálpi þeim fola sem fer að gera sig líklegan við
meri sem ekki er í hestalátum.
Vandinn er bara sá að fengitími mann-
skepnunnar er árið um kring, dægrin löng, og
þess vegna ef til vill skiljanlegt að framkvæmda-
stjórar, forstjórar, valdsmenn og verkstjórar skuli
stundum vera ruglaðri á vinnustað heldur en
hrútarnir í stíunum um jólaleytið.
Og vafalaust á það sér samfélags- og sið-
fræðilega skýringu að bæði á Akranesi, í Borgar-
nesi sem og í sveitum Borgarfjarðar og á Mýrum
er kynferðislegt áreiti óþekkt.
Ekki meira um það.
Flosi Ólafsson Bergi
Hraðamælingar Akraness og
Borgarnesslögreglu
Þungur
bensínfótur
Glannaakstur í göngunum
Nýsending al
sandölum
ÞESSIR SELJAST ALLTAF UPP!!
Það virðist vera þungur bensínfót-
urinn á mörgum sem leggja leið sína
um Vesturland um þessar mundir.
Lögreglan í Borgarnesi og Akra-
neslögreglan stunda reglulegar
hraðamælingar á þjóðvegi 1 og víðar
og það eru býsna margir sem aka á
ólöglegum hraða inn í radargeisla
löggæslumannanna.
í síðustu viku var unnið að hraða-
mælingum í Borgarfirði og í ná-
grenni Akraness í samvinnu við rík-
islögreglustjóra. Myndavélarbfllinn
alræmdi var á svæðinu og að sögn
lögreglunnar í Borgamesi voru 70
bflar mældir á of miklum hraða í ná-
grenni Borgarness. Enginn öku-
mannanna var þó sviptur ökuleyfi á
staðnum en því verður ekki á móti
mælt að þetta er mikill fjöldi á einni
viku.
Glannaakstur í
göngunum
Akraneslögreglan hefur séð um
hraðamælingar í Hvalfjarðargöngum
í samvinnu við lögregluna í Reykja-
vík. í samtali við Skessuhom sagði
Pétur Jóhannson lögregluþjónn á
Akranesi að umtalsverður fjöldi öku-
manna hafi verið tekinn fyrir of hrað-
ann akstur í göngunum og nágrenni.
„Hraðinn í göngunum er gegnum-
sneitt allt of mikill. Við höfum haft
afskipti af um þrjátíu bílum að und-
anförnu en mælingar okkar eru ekki
bara bundnar við þessa einu viku.
Við erum með stöðugt eftirlit í göng-
unum enda sýnist okkur að ekki veiti
af.
Við höfum verið að taka bíla á 90
-117 kflómetra hraða þama niðri en
leyfilegur hámarkshraði er 70 km á
klukkustund. Menn gera sér ekki
grein fyrir hættunni sem stafar af
glannaakstri á þessum stað. Ef eitt-
hvað gerist í göngunum þá eiga
menn enga undankomuleið og það er
mikil hætta á að slys í göngunum
verði stórslys," sagði Pétur.
Á mánudagsmorgun var ökumaður
stöðvaður skammt austan ganga-
munnans að norðanverðu á 141 kfló-
metra hraða. „Þetta er svívirðilegur
akstur við aðstæður eins og nú eru,
það er ísing víðast hvar og þótt
skyggnið sé gott þá afsakar það ekki
svona glæpi,“ sagði Pétur.
-G.E.
Skohornið
Stillholti 18. s. 431 2026
Póstsendi samdægurs, 5% staðgreiðsluafsláttur
Snæfeiisbær Tillaga að breytingu á
aðalskipulagi Snæfellsbæjar
Snæfellsbær auglýsir hér með tillögu að breytingu á aðalskipulagi
Snæfellsbæjar 1995-2015 samkvæmt 2. mgr. 21. Skipulags og
byggingarlaga nr. 73/1997. Breytingin felst í stækkun svæðis til
tómstundabúskapar í Hraunskarði ofan Hellissands.
Breytingartillagan verður til sýnis á bæjarskrifstofunum að
Snæfellsási 2, Hellissandi, frá og með þriðjudeginum 9. mars til
þriðjudagsins 30. mars 1999. Þeim sem telja sig eiga hagsmuna að
gæta er hér með gefinn kostur á að gera athugasemdir við breytingar- g
tillöguna, eigi síðar en 30. mars 1999. Skila skal athugasemdum |
skriflega á bæjarskrifstofur Snæfellsbæjar, Snæfellsási 2. |
Hver sá sem ekki gerir athugasemdir við breytingartillöguna fyrir |
tilskilinn frest telst samþykkur henni. s
Bæjarverkfræðingur Snæfellsbæjar.