Skessuhorn - 16.06.1999, Blaðsíða 7

oiktðsunu*..
MIÐVIKUDAGUR 16.JÚNÍ 1999
7
Samvirmuháskólinn feti framar
Með fartölvuvæðingu og þráðlausu neti
Samvinnuháskólinn á Bifröst
undirritaði á fimmtudaginn, 10.
júní, samstarfssamning við Opin
kerfi, Tal, Áxapta á Islandi, Icecom
og Búnaðarbankann um nýjung í
upplýsinga- og tölvumálum sem
ekki hefur þekkst áður í íslensku
skóla- og atvinnulífi. Með þessari
breytingu ætlar skólinn að auka
forskot sitt á meðal viðskiptahá-
skóla hérlendis á þessu sviði og
mæta nýrri öld með nýrri hugsun
og nýjum lausnum í skólastarfi.
Samningurinn byggir á efrirfar-
andi þáttum:
* Hver nemandi eignast öfluga
HP fartölvu.
* Samvinnuháskólinn leggi nem-
endum til í samstarfi við Opin kerfi,
Axapta og Tal allan nauðsynlegan
hugbúnað. I hverri vél verður eft-
irtalinn hugbúnaður sem verður í
eigu háskólans:
1. Microsoft Office
2. Axapta viðskiptaforrit
3. Samskiptaforrit við net og Tal
GSM síma
4. Heimabanki Búnaðarbankans
Sett verður upp í háskólaþorpinu
á Bifföst örbylgjukerfi sem tengir
netþjón skólans og internetið við
fartölvur nemenda. Þannig verði
tölvunet háskólans þráðlaust og
nýtist nemendum og starfsfólki
hvar sem er í byggingum háskólans,
heimilum þeirra í nemendagörðum
og kennarabústöðum á Bifföst eða
utanhúss á háskólasvæðinu. Til
þess þarf að setja upp senda víðs-
vegar urq, svæðið og sérstök netkort
búin móttöku- og sendibúnaði í
hverja tölvu. Þessi búnaður verður í
eigu háskólans.
Settur verði upp í háskólaþorp-
inu GSM sendir og nemendum
gert kleiff að eignast fullkominn
farsíma til gagnaflutninga á sér-
stökum kjörum ásamt nauðsynleg-
um hugbúnaði í tölvurnar.
Frjálsir og óháðir
Að sögn Runólfs Agústssonar
rektors samvinnuháskólans verður
ávinningur skólans og nemenda
hans einkum fólginn í því að nem-
endur verða ekki lengur háðir
tenglum og innstungum á ákveðn-
um stöðum í skólahúsunum til að
komast í sambandi við tölvukerfi
skólans og umheiminn. „Með þess-
um breytingum verða allar stofuur
og herbergi skólans að tölvustof-
um. Nemendur geta tekið niður
glósur á sínar tölvur undir fýrir-
lestrum og próf verða sömuleiðis
tekin á tölvur. Við komum til með
að nýta vinnurými í húsnæði skól-
ans mun betur efrir breytingamar
þar sem nemendur hafa ffjálsan og
óheftan aðgang að tölvukerfi skól-
ans og internetinu allan sólarhring-
inn, hvar sem þeir em staddir í
skólaþorpinu," sagði Runólfur.
I forystu
Runólfur sagði að með þessari
byltingu í fjarskiptamálum innan
skólans væri Samvinnuháskólinn að
taka forystu í tölvu - og upplýsinga-
tæknimálum hérlendis enda hefði
skólinn þá stefnu að vera framúr-
skarandi á því sviði. „Viðskiptahá-
skólar í dag em fyrst ffemst upplýs-
ingafyrirtæki. Þeir þurfa ávallt að
tryggja að nemendur sem útskrifast
flytji nýja þekkingu og nýja tækni út
í atvinnulífið. Samvinnuháskólinn
styrkir stöðu sína enn ffekar í þeir-
ri miklu samkeppni sem ríkir á
meðal viðskiptaháskóla hérlendis,"
sagði Runólfur að lokum.
G.E.
Ný sveit-hrein sveit
Umhverfisátak
I þessari viku hefst umhverfisá-
tak í Borgarfjarðarsveit undir yfir-
skriftinni ný sveit - hrein sveit.
Það er umhverfisnefnd sveitarfé-
lagsins sem stendur fyrir átakinu
sem beinist að söfnun brotajárns,
hreinsun á víðavangi, hreinsun
gamalla ónýtra girðinga og málun
íbúðar og útihúsa. I tengslum við
átakið verða veitt verðlaun og við-
urkenningar síðar í sumar fyrir
góða umgengni og framfarir. G.E.
Sláturfélag Vesturlands
Tap á fyrsta ári
Ársreikningur Sláturfélags Vest-
urlands hf var lagður ffam á stjórn-
arfundi í maí síðastliðnum. Þar
kom fram að tap á rekstri félagsins
á síðasta ári nam um 700 þúsund
krónum. I fféttabréfi Sláturfélags-
ins segir að tapið megi rekja til þess
mikla verðfalls sem varð á gærum
síðastliðið haust.
Sláturfélag Vesturlands var
stofnað í ágúst á síðasta ári en fé-
lagið rekur sláturhúsið í Borgarnesi
í húsnæði Afurðasölunnar í Borgar-
nesi. Sláturfélag Vesturlands er í
eigu Kaupfélags Borgfirðinga,
Kaupfélags Eyfirðinga og Norð-
vesturbandalagsins.
G.E.
Sérstök viðurkenning veitt skipverja
Við hátíðardagskrá í Sjómanna-
garðinum á Hellissandi var skip-
verja á Þorsteini SH veitt sérstök
viðurkenning fyrir snarræði við að-
stoð veitta skipverja í neyð.
Sæþór Gunnarsson sjómaður ffá
Olafsvík bjargaði skipsfélaga sínum
úr bráðum háska nánar tiltekið
þann 1. september á liðnu ári.
Tildrög óhappsins voru með
þeim hættri að Þorsteinn SH var á
dragnótaveiðum þegar skipverji
lendir í því að lykkja kemur um fót
hans. Verið var að kasta nótinni og
mátti litlu muna að skipverjinn færi
í sjóinn. Aðspurður kvaðst Sæþór
hafa náð taki á félaga sínum og á
óskriljanlegan hátt náð að halda
honum föstum um borð. Mildi
þykir að ekki fór verr en gott veður
var þegar óhappið átti sér stað.
HHsHH

BÆNDUR VESTURLA
Eigum á lager
1 Heyrúlluplast
TRIOWRAP 50 cm.
TRIOWRAP 75 cm.
NORVICE 50 cm.
NORVICE 75 cm.
C' ^ Útsv. án vsk. Útsv. m/vsk?|
3.750,- 4.680,- 3.738,- 4.715,- 4.669,- 5.827,- 4.653,- 5,870,- J
z
| Verð gilda á meðan birgðir endast.
j Veittur er 2% afsláttur séu teknar 10 rúllur eða meira.
Kaupfélag Borgfirðinga.
Tillaga að breytingu á
Svæðisskipulagi sveitarfélaganna
sunnan Skarðsheiðar 1992-2012.
Tunga í Hvalfjarðarstrandarhreppi.
Hreppsnefnd Hvalijarðarstrandarhrepps
auglýsir skv. 14. gr. skipulags- og
byggingalaga nr. 73/1997 tillögu að
breytingu á svæðisskipulagi sveitar-
félaganna sunnan Skarðsheiðar 1992-2012.
Gerð er tillaga um stækkun á sumar-
bústaðasvæði í Tungu. Það svæði sem
nú er skilgreint sem sumarbústaðasvæði
verður fyrir sumarbústaðalóðir, svæði
fyrir smáhýsi, tjaldsvæði, þjónustu fyrir
ferðamenn og leiksvæði. Hvalfjarðar-
strandarhreppur bætir það tjón sem
einstakir aðilar kunna að verða fyrir við
breytinguna.
Tillagan hefur verið send aðildarsveita-
félögum svæðisskipulagsins til kynningar
og umsagnar. Tillagan verður send
Skipulagsstofnun sem gerir tillögu til |
umhverfisráðherra um lokaafgreiðslu.
Þeir sem óska nánari upplýsinga um
tillöguna geta snúið sér til undirritaðs á
Eystra-Miðfelli eða í síma 433 8952.
Oddviti Hvalfjarðarstrandarhrepps.
BORGARFJARÐARSVEIT
LEIKSKÓLASTJÓRA
LEIKSKÓLAKENNARA
- VANTAR TIL STARFA.
í Borgarfjarðarsveit eru starfandi tveir leikskólar,
ANDABÆR á Hvanneyri og HNOÐRABÓL í
Reykholtsdal.
Til starfa í Andabæ vantar leikskólakennara í 75% starf
frá og með 1. september nk.
/ leikskólanum verða 22 börn frá 1-5 ára.
Til starfa að Hnoðrabóli vantar leikskólastjóra
og tvo leikskólakennara frá og með 10. ágúst nk.
í leikskólanum verða um 15 börn frá 1-5 ára.
Við erum að leita að fólki með leikskólakennaramenntun
eða aðra uppeldisfræðimenntun/reynslu.
Umsóknarfrestur er til 5. júlí nk.
Umsóknum ber að skila á skrifstofu
Borgarfjarðarsveitar, Pósthólf 60, 320 Reykholt. ;
Upplýsingar veita: l
Þórunn Gestsdóttir sveitarstjóri. S. 435 1140
Valdís Magnúsdóttir leikskólastjóri Andabæjar.
S. 437 0120 1
Steinunn Garðarsdóttir forstöðumaður Hnoðrabóls
S. 435 1191
Ingibjörg Konráðsdóttir formaður skóla- og fræðslunefndar.
S. 435 1221.
Sveitarstjóri