Skessuhorn - 10.02.2000, Blaðsíða 5

SHSSUHÖBKI
FIMMTUDAGUR 10. FEBRUAR 2000
5
AF HRÖFNUM OG FLEIRI FUGLUM
Þegar ég réðist að steikinni í hádeg-
inu síðastliðinn sunnudag, dásamandi
það hversu kjötið sé nú miklu betra af
heimaslátruðu, en hinu sem út úr
Evrópusambandsvottuðum sláturhús-
um kemur, kveikti ég á útvarpinu til
þess að hlusta á fréttirnar.
Síðasta lag fyrir fréttir var óvenju
bærilegt þennan daginn, en íslensk
einsöngslög er sú tegund tónlistar sem
ég nota hvað síst til að rífa mig upp í
ærlegt stuð.
Fyrst var sagt frá síðustu stórsókn
Rússa í Tsétséníu og ég svona mitt á
milli sósu og sultu, fór að pæla í hvort
þetta stríð þætti ekki bæði göfugra og
geðslegra ef þarna væri á ferð her frá
Nato, því soldátar úr þeirri skúffu hafa
alltaf réttlætið sín megin.
Auk þess væru þetta þá „strákarnir
okkar" og við íslendingar gætum bætt
við þjóðarstoltið upp á hvern einasta
dag sem stríðið stendur, ekki veitir af
eftir hrakför handboltalandsliðsins til
Króatíu.
Síðan komu fréttir af hækkandi
gengi hlutabréfa í ýmsum fyrirtækjum,
og lækkandi gengi í öðrum, þeim frétt-
um var hleypt hindrunarlítið inn um
annað eyrað og út um hitt, enda á ég
ekki hlut í nokkru fyrirtæki, nema Af-
urðasölunni í Borgarnesi. Gengi þess
guðsvolaða fyrirtækis er orðið svo lágt
að hluthafar þurfa ekki að hafa
áhyggjur af frekari lækkun.
Þegar ég fór að syrgja þessa fortöp-
uðu fjármuni, datt ég ofaní svo ægi-
legt þunglyndi að ég þurfti að bæta á
mig tveimur skeiðum af Ora baunum
og fjórum skífum af Evrópusambands-
vottuðum rauðrófum til að rífa mig
upp úr depurðinni. En svona eins og til
að auka mér gleði fór fréttamaðurinn
að tala við Össur Skarphéðinsson. Mér
finnst alltaf svo gaman að Össuri, við
erum líka svolítið skyldir, en þessa
málsgrein ætla ég að strika út áður en
ég skila handritinu til blaðsins.
Ég gæti meira að segja hugsað mér
að styðja Össur til formennsku í Sam-
fylkingunni, ef ég væri þeirrar ógæfu
njótandi að vera krati, sem verður
vonandi aldrei og hefur mér þó aldrei
verið sérlega annt um mannorð mitt.
Og nú fór Össur alveg með sig út og
suður, hann vill láta friða hrafninn.
Össur álítur væntanlega að flest sé líkt
með Samfyikingunni og hrafninum,
hvortveggja sé í bullandi útrýmingar-
hættu.
Rétt er það, margt eiga þessi tvö
fyrirbrigði sameiginlegt. Fyrst er til að
taka sönginn, þ.e. krunkið, afskaplega
lítið ómfagurt og innihaldslítið. Síðan
afkomuatferlið, hrafninn leggst á
skepnur jafnt lifandi sem dauðar, krat-
arnir nærast á Alþýðubandalaginu og
leyfa því ekki einu sinni að deyja fyrst.
Og nú klikkar Össur, það er alveg
yfirdrifið af hröfnum í landinu, reyndar
krötum líka, hvorugur stofninn er í út-
rýmingarhættu 10.000 stykki er hæfi-
leg tala af hvorum. Það er giskað á að
stofnstærð hvors um sig sé um 13.000
fuglar núna.
Nei mér er nóg að horfa út um eld-
húsgluggann minn til að sjá að það er
nóg til af hröfnum. Þarna svífa þeir í
tugatali yfir næsta bæ hér við hliðina,
í þeim eina tilgangi að ergja og pirra
hundinn á bænum. Ágætis hundur
sem heitir eftir gengnum marskálki á
Balkanskaga, og sá var nú enginn
krati. Sjálfur hef ég þurft margan sum-
ardaginn langan, að hlaupa heyrúllu
frá heyrúllu sveittur og bölvandi til að
loka götum sem hrafninn hefur sett á
plastið. Þá finnast mér hrafnarnir al-
veg nógu margir. Og ef við nágrann-
arnir, hundurinn Tító og ég, fáum fyrir
hjartað í næstu framtíð , þá er það
hröfnunum að kenna, öðrum ekki,
Bjartmar Hannesson.
iðii
SKQGRÆKT
RKISINS
Skógarvörður
Skógrækt ríkisins óskar eftir að ráða
skógarvörð á Vesturlandi.
Umdæmið tekur til Gullbringu- og Kjósarsýslu, Reykjavík,
Vesturland og Vestfirði að Hrútafjarðarbotni.
Starfið felst í að hafa umsjón með og bera fjárhagslega og
framkvæmdalega ábyrgð á starfsemi og eignum
Skógræktarinnar í umdæminu. Veita upplýsingarog ráðgjöf.
Óskað er eftir einstaklingi með skógfræðimenntun.
Umsóknum með upplýsingum um nám og fyrri störf skal
I skila til aðalskrifstofu Skógræktar ríkisins, Miðvangi 2-
4, 700 Egilsstaðir, fyrir 18. febrúar 2000.
Nánari upplýsingar veitir Jón Loftsson
skógræktarstjóri, Egilsstöðum sími 471-2100
orrafolót t prautartungu 2000
Dann 19. febpúar œtla menn aé klófa f) opra \ félagsfieimilinu Brautarfungu í
Lundarreylgadal. KoU<ur verður Kristján Fredriksen. Hljómsveitin Bingó sór
um trumbusláttinn og skemmtiatriði verða fieimatrugguð samkvœmt áralangri
Lfó. Mið averö er kr. 3000,-. h úsið opnar kl. .21 og kefst korðkald kl.
21.30. Panta f, arf miða \ síma 435 1391 fg rir 14. fekrúar. Miðarnir verða
seldir fimmtudaginn 17'. febrúar frá kl. 30-21.30
HngmtnnafÉtagíS Bagrennmg
Fjarkönnurt
Borgarbraut 61
310 Borgarnes
Sími: 437-1700
/ASON hdl. Fax: 437-1017
Togg. fasteigna- og skipasali
Nýtt á söluskrá
Hrafnaklettur 9, Borgarnesi.
Raðhús ásamt bílgeymslu (samtals 159 ferm). Stofa,
borðstofa og hol parketlagt. 4 herb., 3 parketlögð
og eitt dúklagt, skápar í tveimur herb. Eldhús með
ljósri viðarinnréttingu, korkur á gólfí, flísar á
veggjum. Baðherbergi flísalagt, bæði sturta og
kerlaug, ljós innrétting. Forstofa flísalögð, geymsla
dúklögð en þvottahús með máluðu gólfí og skápum.
Lóð ffágengin með steyptum sökklum undir
garðskála.
Verð: kr. 10,9 millj.
Laus er til umsóknar hjá Landmælingum íslands staða sérfræðings í fjarkönnun.
Starfð mun fyrst um sinn heyra beint undir forstjóra. Um er að ræða nýtt
verkefni sem ráðist er í samkvæmt tillögum nefndar umhverfisráðherra um
stefnumótun í fjarkönnun. Með fjarkönnun er átt við mælingu á rafsegulgeislun
frá lofthjúpi jarðar og yfirborði jarðar, úr flugvél eða gervitungli,
úrvinnslu mælinganna og myndræna framsetningu þeirra. Með þessu verkefni er
markmiði að stuðla að samvinnu stofnana og aukinni notkun f jarkönnunargagna
til umhverfisvöktunar sem er liður í framkvæmd umhverfisstefnu.
Ábyrg ar- og starfssvið:
- Vinna að undirbúningi stofnunar fjarkönnunar-
stofu sem ætla er að vera sameiginlegur vett-
vangur ríkisstofnana og sveitarfélaga sem nota
eða hyggjast nota fjarkönnunargögn.
- Öflun og grunnúrvinnsla gervitunglamynda.
- Samskipti við erlendar stofnanir og fyrirtæki sem
vinna við miðlun upplýsinga og gagna á sviði
fjarkönnunar.
Hæfniskröfur:
- Háskólamenntun á sviði raunvísinda.
- Eiga auðvelt með samskipti við anna fólk.
- Reynsla af fjarkönnun og úrvinnslu fjarkönnunar-
gagna.
- Góð almenn tölvuþekking og tungumálakunnátta.
Leita er eftir duglegum og samviskusömum ein-
staklingi sem er tilbúninn að takast á við að byggja
upp málaflokkinn fjarkönnun hér á landi. Æskilegt er
að umsækjendur séu búsettir á Akranesi eða í nágrenni.
Umsóknir merktar starfi er greini frá menntun og
reynslu skulu berast til Landmælinga íslands fyrir
1. mars 2000. Öllum umsóknum verður svarað þegar
ákvör un hefur verið tekin.
Ráðið verður í starfið frá og með 1. apríl 2000 eða
síðar eftir samkomulagi og eru laun samkvæmt
launakerfi opinberra starfsmanna. ^
§
Nánari uppl ýsingar gefur Magnús Guðmundsson g
forstjóri.
Hs
LANDMÆLINGAR
ÍSLANDS
Stillholti 16-18 • 300 Akranes
Sími: 430 9000 • Fax 430 9090 • Netfang: lmi@lmi.is • Veffang: www.lmi.is