Skessuhorn - 21.09.2000, Blaðsíða 5

FIMMTUDAGUR 21. SEPTEMBER 2000
5
Það kom fram í fréttum um daginn að íbú-
ar húss eins við Laufásveg í Reykjavík hafa
engan stað til að geyma öskutunnur sínar á,
þeir búa nefnilega við hliðina á bandaríska
sendiráðinu, og þegar íbúar hússins við hliðina
á sendiráðinu stíga fæti útíyrir vaskahúsdyr
sínar eru þeir í vondum málum. Þeir eru
staddir á amerískri grund. Eða svo fullyrti ís-
lenskur öryggisvörður sendiráðsins í sjónvarpi
um daginn þegar hann sveiaði fréttamanni
sjónvarpsstöðvar af amerísku grundinni, aftur
yfir á þá íslensku. Þetta var svona dæmigerður
öryggisvörður, greinilega upp með sér af því að
vera í júníformi, íyllti ágætlega út í búninginn,
sennilega týpan sem klárar alltaf matinn sinn,
þiggur ábót endalaust og afétur ömmu sína,
þó kannski meira óvart en af ásetningi. Það
litla sem téður varðmaður gat tjáð sig á málinu
ástkæra og ylhýra, benti til að hann hefði á
sínum tíma ekki náð að hífa skóla þann sem
hann gekk í uppfyrir landsmeðaltalið á sam-
ræmdu prófunum. En hvað sem öðru líður virt-
ist maðurinn hollur sínum amerísku húsbænd-
um, geltir þegar hann á að gelta og bítur þeg-
ar hann á að bíta, orðinn einhverskonar líf-
rænn róbót eins og flestir eða allir verða sem
ganga erinda Ameríkana hér og þar um heim-
inn. Þá vitum við það, hvorki fólk eða
öskutunnur mega vera í námunda við banda-
ríska sendiráðið. Fólk getur nefnilega sett
sprengjur í öskutunnurnar og bombað sendi-
ráðið í loft upp. Kanar eru nefnilega búnir að
sprengja títt og ótt víða um heim lengi, og því
skíthræddir um að einhveijir taki upp á því að
borga í sama. Það er kannski skiljanlegt meðan
Sjálfstæðismenn réðu höfuðborginni að þeir
létu útlenskt herveldi teyma sig að endamörk-
um aumingjaskapar með skipunum um hvar
öskutunnur eigi að vera og hvar ekki. En ekki
hefur núverandi meirihluta í borgarstjórn tek-
ist að finna lausn á öskutunnuvanda íbúanna
við Laufásveg, sem verða enn um sinn að gera
moltu úr sorpinu heima í stofu, sitja fyrir
ruslabílnum þegar hann á leið hjá, eða laumast
með ruslið að næturþeli í tunnur sem eru langt
í burtu. Talandi um meirihlutann í borgar-
stjórn Reykjavíkur. Það var haldinn dansleikur
hér í sveit fyrir skemmstu. Þegar skrallið var
rétt að byrja gekk hópur fólks í salinn, andlitin
flest kunn af sjónvarpsskjá og ljósmyndum
dagblaða, þarna var kominn meirihluti borg-
arstjórnar ásamt sekriterum og ráðgjöfum.
Einhver við borðið hafði frétt i að borgarstjórn-
armeirihlutinn væri á svokölluðum vinnufundi
í Reykholti þessa helgi, sjálfsagt að reyna að
finna lausn á öskutunnumálinu. Eins og vera
ber gekk borgarstjóri fyrstur í salinn, svo for-
seti borgarstjórnar, síðan Helgi Pé og á hæla
hans herskari af krötum, alltof margir á einum
stað fyrir minn smekk. Þegar Helgi Pé gekk í
salinn gripu konur þær sem litu Ríómanninn
augum andann á lofti og sögðu bæði vá og
jesús minn, enda var Helgi kosinn kynþokka-
fyllsti maður landsins fyrir að vísu fjöldamörg-
um árum síðan. Þetta misskildi nafni hans
Hjörvar hrapalega, hélt að kvenfólkið væri að
að dást að sér, þandi kassa og sperti stél, þreif
borgarstjórann og þaut með hana út á dans-
gólfið og söng hástöfum “við drekkum
Jameson, við drekkum Jameson” þó svo að
hljómsveitin væri að spila Rock around the
clock. Nú settist kratastóðið við næsta borð, og
ég sem hef heiftarlegt ofnæmi fyrir krötum. Þá
fékk ég snilldarlega hugmynd. Gunnar í Kross-
inum og Snorri í Betel eru að dunda sér við að
afhomma menn á samkomum hjá sér. Skyldi
ekki vera hægt að afkrata þó ekki væri nema
einn Samfylkingarmann? Síðan skellti ég í mig
slatta af ofnæmismeðali frá Smirnoff, rölti svo
yfir að krataborðinu og gaf mig á tal við Hrann-
ar B Arnarson, taldi mestan ávinning af því að
snúa honum frá villu síns vegar, enda er þetta
gáfulegur piltur, og var auk þess í sveit hér yfir
í Hvítársíðu á árum áður. Ekki tókst mér að af-
krata manninn enda skortir mig andríki og
bænhita fyrrnefndra prédikara. Þegar ég var
að snúa frá borðinu kom Hjörvar af dansgólf-
inu með útkeyrðan borgarstjórann. Ingibjörg
Sólrún sat það sem eftir var kvöldsins og hefur
eftir því sem ég best veit lítið komið fram opin-
berlega síðan. Þegar ég settist aftur við mitt
borð var þar sestur maður sem ekki var þar
þegar ég lagði upp í fyrrgreindan afkrötunar-
leiðangur. Þetta var Alfreð Þorsteinsson. Hann
var að spyija fólkið við borðið hvort ekki væru
margir Framsóknarmenn í þessari sveit. Ekki
veit ég hvort hrekkir voru í gangi eða bara leið-
inlegur misskilningur, að Alfreð var sagt að það
væri bara einn Framsóknarmaður í þessari
sveit og það væri ég. Fyrst datt mér í hug að
flýja út á dansgólfið, en sá að ég væri þar í
stórri hættu meðan þessi Hjörvar gengi laus.
Ákvað ég því að vera Framsóknarmaður næsta
korterið, enda varð Alfreð ólýsanlega glaður að
finna þó ekki væri nema einn Framsóknar-
mann og jábróður á svæðinu. Sagði hann mér
margt um áform sín innan Framsóknarflokks-
ins á næstunni. Gaman þætti mörgum Fram-
sóknarmanninum að vita hvað hann sagði mér,
en ég var beðinn um að þegja, sorrí.
Bjartmar Hannesson
SIMENNTUNAR
MIÐSTÖÐIN
NAMSKEIÐ A NÆSTUNNI
Grunnnámskeið í tölvuleikni (16 kest)
hefjast í næstu viku. Fyrstu tveir hlutar
tölvuökuskírteinisins.
Varmalandsskóla mánudaginn 25. sept.
Grunnskólanum í Búðardal 27. sept.
Skráning og uppl. í síma 437 2390
SKÁTAR!
Sýning í anddyri
Bæjar- og héraðsbókasafnsins
21. september tii 31. október 2000
Héraðsskjalasafnið
á Akranesi sýnir skjöl,
Ijósmyndir og ýmsa muni
úr skátastarfi á Akranesi
Hérðsskjalasafnið er opið á
mánudögum kl. 16-19 og
fimmtudögum 13-16
VERI0 VIÐRÚNIR
/ /
Húsafriðunarnefnd ríkisins auglýsir eftir
umsóknum til Húsafriðunarsióðs, sbr. ókvæöi
í 47. gr. þjóÖminjalacja fDar sem segir:
"Hlutverk Húsafriöunarsjoös er aÖ veita styrki
til viÓhalds og endurbóta ó friðuðum húsum
oa mannvirkum. Heimilt er aÓ veita styrki til
vlohalds annarra húsa en friðaÖra, sem að
dómi Húsafriðunarnefndar hafa
menningarsögulegt eða listrænt gildi".
Veittir eru styrkir til að greiða hluta
kostnaðar vegna:
1. Undirbúnings framkvæmda,
óætlanaqeroar oq tæknileqrar róðqjafar
2. Framkvæmda til viðhalds og endurbóta
3. Byggingarsögulegra rannsókna og útgófu
Deirra
4. Húsakannana
Að gefnu tilefni er hlutaðeigendum bent ó að
leita eftir óliti Húsafriðunarnefndar ríkisins og
sækja um styrk óður en framkvæmdir hefjast.
Umsóknir skulu berast eigi síðar en
i 1. desember 2000 til
o
i Húsafriðunarnefndar ríkisins,
Lyngósi 7, 210 Garðabæ,
ó umsóknareyðublöðum sem bar fóst.
s Eyðublöðin verða póstlögð til þeirra sem þess
óska.
Frekari upplýsingar eru veittar í síma
530 22ÓÖ milli kl. 10:30 og 12:00
virka daga.
:: •; - '£í: . : T ■ i ■ •
.
Húsafriðunarnefnd ríkisins