Skessuhorn - 29.11.2001, Blaðsíða 14
14
FIMMTUDAGUR 29. NOVEMBER 2001
ÍPRÓTTIR - ÍPRÓTTIR - ÍPRÓTTIR - ÍPRÓTTIR - ÍPRÓTTIR - ÍPRÓTTIR - ÍPRÓTTIR -
Haustmót HSH í frjálsum íþróttum
Mikil fjöldi ungmenna tók þátt í frjáisíþróttamóti HSH á dögunum. Skipulag mótsins var á léttu nótunum.
Góöur árangur hjá SA
Sundfólkiö frá Akranesi stóð sig mjög
vel í Bikarkeþþni SSÍ sem fram fór
um síöustu helgi. Sundfélag Akra-
ness endaöi í 4. sæti og bætti árang-
ur sinn um 823 stig á milli ára og
fengu alls 22.883 stig. Fimm Akra-
nesmót voru sett á mótinu. Ágúst
Júlíusson setti tvö þeirra; í 100 m
baksundi sveina og í200 m baksundi
sveina. Kolbrún Ýr Kristjánsdóttir
stóö sig vel aö vanda og setti tvö
Akranesmet í 100 m flugsundi
kvenna og 100 m skriösundi kvenna.
Að auki var hún í A-kvennasveit ÍA
sem setti Akranesmet í 4x100 m
skriðsundi kvenna. Árangur IA þykir
hafa farið fram úr björtustu vonum en
fyrirfram var SA spáð fimmta sætinu.
Bættur stigalegur árangur frá árinu á
undan er einnig athyglisveröur í Ijósi
þess aö notast var viö nýja stigatöflu
en hún er uþpfærö á fjögurra ára
fresti eöa í kjölfar hverra Ólympíu-
leika. Næstkomandi sunnudag fer
síðan fram Akranesmeistaramótið í
Jaðarsbakkalaug og þar gefst
Skagamönnum tækifæri til að berja
augum þá hæfileikaríku sundmenn
sem Sundfélag Akraness hefur á að
skipa. HJH
ÚRVALSDEILDIN
í KÖRFUBOLTA
Skallagrímur
vs.
Stjarnan
Fimmtudagskvöldið
29.nóvember kl. 20
í íþróttamiðstöðinni Borgarnesi
Afffr ó' vöftfnn'
Haustmót HSH í frjálsum íþrótt-
um var haldið í íþróttahúsinu í
Ólafsvík þann 18. nóvember sl.
Um 120 keppendur á aldrinum 7-
16 ára mættu til leiks, en töluverð
aukning hefur orðið á iðkendafjölda
í frjálsum íþróttum á Snæfellsnesi
undanfarin misseri. Var lagt upp
úr því að hafa skipulag mótsins á
léttu nótunum og nýbreytni var
höfð á með veitingu viðurkenninga.
Ekki var um stigamót að ræða og
fengu allir keppendur endurskins-
merki frá VÍS og penna merktan
fimmta Unglingalandsmóti UMFÍ
sem verður haldið í Stykkishólmi í
ágústmánuði á næsta ári.
smh
Huggulegheit í
Stykkishólmslaug
Nú hefur skemmtilegri nýjung
verið komið á í sundlaug Stykkis-
hólms. í nokkur skipti, þegar svo
hefur viðrað, hefur laugin verið
opin lengur en vanalega eða til
klukkan 22:30 og er þá aldurs-
takmark 18 ár eftir kl. 20:00. Eru
þá engin venjuleg útiljós logandi
nema í lauginni sjálfri en friðar-
kertum er dreift um sundlaugar-
svæðið og skapar það notalega
stemningu. Þá hafa stundum ver-
ið óvæntar uppákomur á sund-
laugarbakkanum. Á dögunum
mætti t.a.m. kirkjukórinn á svæð-
ið og hóf upp raust sína við mik-
inn fögnuð laugargesta. Eins
hefur verið boðið upp á kaffiveit-
ingar og konfekt. Að sögn Vignis
Sveinssonar, forstöðumanns í-
þróttamiðstöðvar Stykkishólms, er
ætlunin að bjóða reglulega upp á
huggulegheitin þegar aðstæður
skapast en vegna óvissu í ís-
lensku vetrarveðri er ekki hægt að
skipuleggja þessi kvöld með
löngum fyrirvara.
Hefur þessi nýjung mælst vel
fyrir meðal bæjarbúa enda sjálf-
sagt að breyta drunga skamm-
degisins í huggulegheit þegar
þess gefst kostur.
smh
Snæfell á toppinn
Snæfell virðist til alls líklegt í 1.
deildinni í körfuknattleik. Drengirnir
sitja nú í efsta sæti með 10 stig en
næstu lið eru KFÍ, Þór Þorlákshöfn
og Valur, öll með 8 stig. I síðustu
tveimur leikjum Snæfells hafa þeir
einmitt lagt bæði KFÍ og Þór, hið fyrr-
nefnda í umtöluðum frestuðum leik
á ísafirði þann 9. nóvember sl. en
Þórsaramir voru lagðir í íþróttahús-
inu í Stykkishólmi sl. sunnudag.
Leikurinn gegn KFÍ var besti leik-
ur Snæfells á leiktíðinni og unnu
þeir sannfærandi 84-93. Stiga-
hæstu menn liðsins voru Ólafur
Guðmundsson með 21 stig, Helgi
Guðmundsson með 18 stig og Or-
lando Donaldson einnig með 18
stig. Leikurinn gegn Þór var því úr-
slitaleikur liðanna um það hvort
þeirra settist á topp 1. deildarinnar.
Snæfellingar héldu sínu striki frá
leiknum gegn KFÍ og sigruðu einnig
með níu stiga mun 77-68. Þjálfari
Snæfellinga, Bárður Eyþórsson, fór
fyrir sínum mönnum í þessum leik
og gerði 27 stig. Ólafur Guðmunds-
son gerði 18 stig og Orlando 12.
Næsti leikur Snæfellinga verður í
kvöld (fimmtudag) gegn ÍS í Kenn-
araháskólanum.
smh
Helgi verður
framkvæmda-
stjóri HSH
Helgi Guðmundsson er nýr fram-
kvæmdastjóri Héraðssambands
Snæfellsness og Hnappadalssýslu,
HSH, og leysir Valgerði Laufeyju
Guðmundsdóttur af hólmi. Helgi tók
við stjórnartaumunum þann 20.
nóvember sl. og mun sitja fram í
september á næsta ári eða fram
yfir Landsmót Ungmennafélags ís-
lands 2002, sem haldið verður í
Stykkishólmi í byrjun ágúst.
Helgi, sem er 21 árs stúdent frá
Fjölbrautaskóla Vesturlands, hefur
getið sér gott orð sem knatt-
spyrnumaður með HSH og
körfuknattleiksmaður með Snæ-
felli. Segist hann hlakka til að
starfa sem framkvæmdastjóri
HSH, en fyrsta mál á dagskrá hjá
honum sé að útvega embættinu
húsnæði því sem stendur sé það
innan veggja heimilis hans. „Sum-
arið verður annasamt enda Lands-
mót UMFÍ í vændum í Stykkis-
hólmi og ég kem eflaust til með að
vinna náið með framkvæmda-
stjóra mótsins sem er það
langstærsta sem HSH hefurstaðið
fyrir, “ segir Helgi.
Molar
Eins og Skessuhorn greindi frá á
sínum tíma var íslandsmeisturum
ÍA boðið til Bandaríkjanna af þar-
lendu atvinnumannaliði í haust.
Hryðjuverkin 11. september komu
hinsvegar í veg fyrir að af ferðinni
gætiorðið. Nú hefur aftur komið fyr-
irspurn frá Bandaríkjunum um hvort
Skagaliðið vilji þekkjast boð um að
koma og spiia við atvinnumannalið,
nú í Flórída. Málið er enn á frum-
stigi en ferðin ku vera fyrirhuguð í
febrúar.
Keilulið ÍA er sem stendur í 10.-11.
sæti, af 12 liðum, í l.deild íslands-
mótsins með 20 stig eftir átta um-
ferðir, líkt og Stormsveitin. Skaga-
menn mættu Lærlingum í síðustu
viku og máttu þola stórtaþ, 0-8.
Næsti leikur ÍA er á laugardaginn í
sal Keilufélagsins við Vesturgötu
en þá taka þeir á móti Keiluvinum.
Meistaraflokkur ÍA tekur þátt í inn-
anhússmóti sem fram fer í Þorláks-
höfn nk. sunnudag. Mótið er haldið
til minningar um fyrrum leikmann
Ægis en hann lést af slysförum sl.
sumar. Auk ÍA og Ægis taka KR og
Fram þátt í mótinu.
Eftir tvo tapleiki í röð situr
Körfuknattleiksfélag ÍA í þriðja
neðsta sæti Ldeildar karla. Skaga-
menn heimsóttu lið ÍG í Grindavík í
síðustu viku og töpuðu naumlega
með þriggja stiga mun 91-88.
Brynjar Karl Sigurðsson var, eins
og oftast áður í vetur, stigahæstur
Skagamanna, en hann gerði hvorki
fleiri né færri en 45 stig. Sl. föstu-
dag máttu Skagamenn síðan þola
rassskellingu á heimavelli gegn Val,
52-86. Næsti leikur Skagamanna
er föstudaginn 7.desember á Akra-
nesi en þá taka heimamenn á móti
Þór frá Þorlákshöfn.
Islandsmeistararnir byrja gegn
nýliðunum. Dregið hefur verið í
töfluröð fyrir íslandsmótið í knatt-
spyrnu næsta sumar. íslandsmeist-
arar munu hefja titilvörn sína á
heimavelli gegn nýliðum Þórs frá
Akureyri. Líkt og á síðasta tímabili
eru erkifjendurnir úr Vesturbænum,
K.R., mótherjarnir íannarri umferð-
inni. Síðasti leikur ÍA í íslandsmót-
inu verður síðan á heimavelli gegn
Fylki.
íslandsmótið innanhúss í l.deild
hjá meistaraflokki karla fer fram
dagana 12.-13. janúar. Dregið varí
riðla nýverið og lentu Skagamenn i
riðli með Breiðablik, ÍBV og Völs-
ungi. Víkingur Ólafsvík spilar í 2.-
deild og eru þeir í riðli með Hvöt,
Víði og Létti. Bruni og Skallagrímur
leika í 3. deildinni og verður mótið
hjá þeim sunnudaginn 13. janúar.
Bruni er í riðli meö Leikni R., Fram-
herjar og Grótta. Mótherjar Skalla-
gríms verða hinsvegar Fjöinir, Úlf-
arnir og Árborg. HJH