Skessuhorn - 03.07.2002, Blaðsíða 2
2
MIÐVIKUDAGUR 3. JÚLÍ 2002
íbúðar- og skrifstofuhúsnæði á Garðabraut
Fyrsta skóflustungan tekin
Hafnar eru framkvœmdir við nýtt íbúðar- og skrifstofuhúsrueði á Garðabraut.
Á föstudag var tekin fyrsta
skóflustungan að nýju þriggja hæða
íbúðar- og skrifstofuhúsnæði á
Garðabraut á Akranesi. Ibúðarhús-
næði verður á tveimur efstu hæð-
unum en skrifstofuhúsnæði á þeirri
neðstu auk þess sem í kjallara húss-
ins verða geymslur. Sveinbjöm Sig-
urðsson ehf., elsti byggingaverktaki
á landinu, sér um framkvæmdirnar
en það var forstjóri fyrirtækisins,
Sveinbjöm Sveinbjörnsson sem tók
skóflustunguna á föstudag. Sam-
kvæmt upplýsingum frá Gylfa
Guðmundssyni, rekstrarstjóra
Sveinbjörns Sigurðssonar ehf., er
reiknað með að húsið verði fokhelt
um áramótin og von er til þess að
það verði tilbúið næsta vor. Þegar
hafa verið seldar 4-5 íbúðir af 12 en
tíu þeirra em tveggja herbergja og
tvær þriggja herbergja. Sjóvá-Al-
mennar ætlar að festa kaup á hluta
af skrifstofurýminu. SOK
Biskupsstofa kaupir
Alexander Eiríksson framkv<emdastjóri TÞA og Karl Sigurbjömsson biskup innsigla
samninginn.
Á dögunum skrifaði Biskupsstofa
undir samning við Tölvuþjónust-
una á Akranesi um kaup á skjala-
stjórnarkerfi. Skjalastjórnarkerfið
er samsett úr DME skjalavistunar-
kerfinu og mála- og samskiptakerfi.
Biskupsstofa valdi kerfið frá Tölvu-
þjónustunni á Akranesi að undan-
genginni ítarlegri skoðun á því.
Undanfarin ár hefur Tölvuþjónust-
an selt DME skjalavistunarkerfið
sem hlotið hefur góðar móttökur á
íslenska markaðnum. Biskupsstofa
bætist nú í góðan hóp fyrirtækja og
stofnana sem fest hafa kaup á DME
skjalavistunarkerfinu og mála- og
samskiptakerfinu.
Rækjuverksmiðjuhúsið selt
Loks hyllir undir að eitthvað líf
færist að nýju í gömlu rækjuverk-
smiðjuna í Olafsvík sem staðið
hefur ónotuð síðastliðin fjögur ár
en það hefur verið í eigu Samherja
á Akureyri. Nú hafa tveir Snæfell-
ingar, þeir Sveinn Ingi Ragnarsson
og Haraldur Ingvason fest kaup á
húsinu og hyggjast leigja og selja
einstaka hluta þess undir ýmiskon-
ar starfsemi. Sveinn segir að nú
þegar hafi margir sýnt því áhuga
að koma þarna inn og ýmsar hug-
myndir séu í skoðun. Sveinn segir
húsið hafa mikla möguleika og
kveðst bjartsýnn á að það geti orð-
ið vel nýtt í framtíðinni. Hann
segir það vera ætlun þeirra félaga
að flikka upp á útlit hússins f sum-
ar enda er viðhalds orðin þörf fyr-
ir margt löngu.
GE
Gámaþjónusta Vesturlands ehf. vill þakka íbúum
Borgarbyggðar ánœgjuleg viðskipti síðastliðinn
aldarfjórðung.
Við erum þó áfram til þjónustu reiðubúin Jyrir íbúa
Borgarbyggðar sem og aðra.
Erum með til leigu tunnur, ker, gáma,
salerni og vinnuskúra.
Erum með umhverfisvœna og hagkvœma lausn við
| hsun rotþróa og tökum einnig að okkurýmsafluttninga
og önnur verkefni.
Samið um endurbætur á Sjúkrahúsi Akraness
Jón Kristjánsson, heilbrigðis- og tryggingamálaráðherra og Geir H. Haarde, fjármála-
ráðherra skrifuðu undir samninginn f.h. ríkissjóðs en Guðni Tryggvason, stjómarfor-
maður SHA og Gísli Gíslason, bœjarstjóri f.h. heimamanna.
Síðastliðinn föstudag var undirrit-
aður samningur um endurbætur á
Sjúkrahúsi Akraness fyrir um 167
milljónir króna. Samningurinn, sem
er á milli heilbrigðisráðuneytis og
fjármálaráðuneytis annars vegar og
Akraneskaupstaðar hinsvegar, var
undirritaður af fulltrúum Akranes-
kaupstaðar og viðkomandi ráðherr-
um í listasetrinu Kirkjuhvoli að við-
stöddum bæjarfulltrúum Akranesbæj-
ar og stjómendum SHA.
Eins og fram hefur komið í Skessu-
horni stóð til að samningurinn yrði
undirritaður í maí en því var skyndi-
lega ffestað vegna ágreinings innan
ríkisstjómarinnar um hvort ráðherrar
væm að nota tilkynningar um opin-
berar ffamkvæmdir sínum flokkum til
ffamdráttar í kosningabaráttunni. Nú
er allur taugatitringur vegna kosninga
hinsvegar að baki og því var hægt að
ganga frá umræddum samningum í
mesta bróðemi.
Samningurinn um endurbætur
sjúkrahússins tekur til viðgerða og
málunar á n-austurálmu sjúkrahúss-
ins, innréttinga á fæðinga- og kven-
sjúkdómadeild á 2. hæð, innréttinga á
sótthreinsun í kjallara og endurbóta í
eldhúsi og aðliggjandi rýmum á 1.
hæð.
Áætlaður heildarkosmaður sem
samningur þessi tekur til er um 167
milljónir króna en þá er ótalinn
kostnaður við endumýjun búnaðar.
Ríkissjóður ber 85% kostnaðar við
ffamkvæmdina en sveitarfélagið 15%.
Framkvæmdir við innréttingu
nýrrar fæðinga- og kvensjúkdóma-
deildar hefjast í haust en á árinu 2004
verður eldhús stofimnarinnar endur-
nýjað og verður því verki lokið þá eða
snemma á árinu 2005. Verkið er unn-
ið samkvæmt teikningum Helga
Hjálmarssonar, arkitekts hjá Teikni-
stofunni Oðinstorgi hf. í Reykjavík.
VLFA áfrýjar dómi til Hæstaréttar Islands
Formaður fer ekki efrir settum leikreglum
segir Vilhjálmur Birgisson
Á fundi stjórnar Verkalýðsfélags
Akraness í síðustu viku var ákveðið
að áffýja til Hæstaréttar Islands
dómi Héraðsdóms Vesturlands í
máli Vilhjálms Birgissonar gegn fé-
laginu. Samkvæmt dómnum er
stjórn VLFA skylt að veita Vilhjálmi
fullan aðgang að bókhaldsgögnum
félagsins fyrir síðustu ár. I beinu
ffamhaldi af stjórnarfundinum var
haldinn fundur með stjórn og trún-
aðarráði VLFA þar sem 16 meðlim-
ir greiddu atkvæði gegn því að
dómnum yrði áfrýjað en 13 voru
hlynntir því.
Vilhjálmur segir það undarlegt
hversu hatrammri baráttu menn
berjist gegn því að hann fái að skoða
bókhaldsgögnin. „Með atkvæða-
greiðslu stjórnar og trúnaðarráðs
var atkvæðagreiðsla stjórnar í raun
gerð ómerk. Lögð var ffam tillaga á
fundi stjórnar og trúnaðarráðs um
að þessu máli yrði ekki áffýjað þar
sem þetta kostaði félagið mikla fjár-
muni og þar sem dómurinn væri
skýr. Nú liggur fyrir aðalfundar-
samþykkt þar sem lýst var vantrausti
á stjórnina og samþykkt stjórnar og
trúnaðarráðs sem hvort tveggja er
hunsað. Það virðist alveg sama hvað
gerist og hversu oft við vinnum, við
töpum alltaf á endanum einfaldlega
vegna þess að formaðurinn fer ekki
eftir settum leikreglum."
Kostnaður á aðra milljón
Vilhjálmur segir kostnað VLFA
við málið nú þegar orðinn á aðra
milljón króna. „Starfsgreinasam-
bandinu barst svo erindi frá for-
manni á mánudag um fjárstuðning
til að geta áfiýjað málinu. Það verð-
ur að teljast með ólíkindum ein-
vörðungu vegna þess að það var
aldrei borið undir stjórn. Mér finnst
undarlegt að hann geti farið í eigin
persónu og beðið um fjárstuðning
til handa félaginu en það lýsir
kannski fyrst og fremst kostnaðin-
um við þetta mál. Framkvæmda-
stjórn starfsgreinasambandsins
greiddi svo atkvæði gegn því að
stuðningurinn yrði veittur.“ Að
sögn Vilhjálms hafa tugir félags-
manna haft samband við hann og
lýst yfir stuðningi sínum. „Við erum
að skoða það núna að boða til fé-
lagsfundar. Þá kemur hinn almenni
félagsmaður til með að geta komið
og látið þessa óánægju í ljós enda er
þetta félag fólksins en ekki ein-
hverra örfárra einstaklinga." I dómi
Héraðsdóms Vesturlands kom fram
að VLFA þyrfti að greiða Vilhjálmi
10 þúsund krónur í dagsektir þar tii
hann fengi að sjá bókhaldsgögn fé-
lagsins. Hann segist aðspurður ekki
ætla sér að notfæra sér það. „Eg ætla
ekki að hirða þessa peninga til eigin
nota. Þeir fara beint aftur í félagið
því þetta mál hefur kostað nógu
mikið nú þegar.“
Mál stjómar
Hervar Gunnarsson segir ástæð-
una fyrir áffýjuninni fyrst og fremst
vera þá að stjórnin telji að í niður-
stöðu dómsins sé ekki að vinna
veigamikil atriði sem ffam hafi kom-
ið í vitnaleiðslum. Hann segir það
ekki hlutverk trúnaðarráðs að taka
ákvörðun um málið. „Trúnaðarráð
greiddi atkvæði án þess að málið
væri af hálfu stjómar lagt fyrir það.
Við verðum að taka mið af stjórn-
skipulagi félagsins og af því er alveg
ljóst að það er stjórn félagsins sem
fer með þetta mál.“ Hervar segir
málið aldrei hafa snúist um það að
eitthvað sé að finna í bókhaldsgögn-
um sem Vilhjálmur megi ekki sjá.
„Stjórnin er kjörin til þess að stýra
félaginu milli félagsfunda. Hún telur
sig hafa sjálfstætt umboð til að taka
eigin ákvarðanir og að þær ákvarð-
anir séu endanlegar. Þetta mál snýst
í dag miklu ffekar um „prinsipp“ en
nokkuð annað. Stjórn taldi Vilhjálm
ekki eiga neina kröfu á því að fá af-
hent bókhald fyrri ára nema því að-
eins að það sem hann vildi fá að
skoða tengdist stjórnartímabili hans.
Hann hefur farið allt aftur til ársins
'91 að skoða svoleiðis mál. Ég full-
yrði það að hann hefur ekki fundið
neitt sem á sér ekki eðlilegar skýr-
ingar en hins vegar er það þannig að
ef menn kjósa að gera hluti tor-
tryggilega gera þeir það.“
Engin styrkumsókn
Hervar segir það ekki rétt að hann
hafi sótt um styrk frá starfsgreina-
sambandinu. „Ef Vilhjálmur vill
halda svoleiðis á því þá leitaði ég í
fyrsta lagi ekki effir styrk. Ég fór yfir
málið með formanni og varafor-
manni og bað um álit þeirra á því
hvort þeir teldu að sambandið
myndi vilja koma að rekstri málsins
fyrir hæstarétti. Fyrir einhverjar ó-
skiljanlegar sakir fór málið fyrir
fund framkvæmdastjórnar sam-
bandsins þar sem því var hafnað. Eg
sótti ekki formlega um styrk. Ef ég
hefði ætlað að gera það hefði ég
þurft að bera málið undir stjórn, það
er rétt hjá Vilhjálmi."
Dómurinn
fordæmisgefandi
Aðspurður um þá athugasemd
Vilhjálms um að styrkbeiðnin lýsi
fyrst og ffemst kostnaðinum við
málið segir Hervar það alrangt.
„Það segir ekkert um það. Þegar fé-
lög eins og VLFA lenda í því að
höfða mál fyrir dómi er það bara al-
gild vinnuregla að kanna hvort sam-
tök félaganna eru tilbúin til að koma
að rekstri málsins. Stundum gera
þau það og stundum ekki. Fjallað
hefur verið um kostnaðinn við mál-
ið víða og ég get alveg sagt það að
okkar málskostnaður er 300 þúsund
auk málskosmaðar Vílhjálms sem er
550 þúsund.“ Hervar segir dóm
hæstaréttar koma til með að vera
fordæmisgefandi. „Standi dómur
héraðsdóms verður hann fordæmis-
gefandi um margt og hlýtur að
koma til með að snerta allt íslenskt
viðskiptalíf. Nú er ég ekki að tjá mig
mn hvort það er rétt eða rangt en
vinnureglan hefur verið sú að þeir
sem til þess hafa réttindi hafa haft
aðgang að gögnum félaga og fyrir-
tækja. Síðan höfum við litið svo á að
þegar ársreikningar hefðu verið
samþykktir þyrftu menn að geta
bent á það með rökstuðningi að eitt-
hvað væri glæpsamlegt við þá til að
fá að skoða gögn nánar.“ SÓK
Kvennaveldi
í Dölum
Það er óhætt að segja að orðið
hafi kvennabylting í Dalabyggð
en á fyrsta fundi nýrrar hrepps-
nefndar var Guðrún Jóna Gunn-
arsdóttir kjörin oddviti eins og
við var búist en hún var oddvita-
efni L - lista Samstöðu sem hlaut
hreinan meirihluta í nýafstöðn-
um sveitarstjórnarkosningum.
Þá var Bryndís Karlsdóttir af
sama lista kjörin varaoddviti.
Það á síðan eftir að koma í ljós
hvort kona verður ráðin í emb-
ætti sveitarstjóra þegar þar að
kemur. Haraldur Líndal mun
hinsvegar gegna starfinu til ára-
móta en hann gaf ekki kost á
lengri samningi. Q£